نەۋرۇز كەلدى،گۈل كەلدى

jannatgvl

نەۋرۇز كەلدى،گۈل كەلدى،
باغلار تولدى چېچەككە.
بىخ چىقىرىپ تېرەكلەر،
باھار ئاتلىق قىز كەلدى.

نەۋرۇز كەلدى، گۈل كەلدى،
ئاقتى ئېرىقتا ئەگىز سۇ.
دىھقان ئاكام ئىزىدىن ،
خۇش پۇراقلىق ھىد كەلدى.

نەۋرۇز كەلدى،گۈل كەلدى،
ئۈنۇپ يەردىن تۆت قۇلاق .
يەر-جاھاننى ئىللىتىپ،
خاسىيەتلىك نۇر كەلدى.

مەنبە:ئۆزەم

ahgul914

ئاپتورى سىزمۇ؟
مەنبەسىنى ئېنىق يوللاڭ.

everoll

نەۋرۇز كەلدى ،گۈل كەلدى ،
جانغا ئىللىق زوق كەلدى.
قۇياش  ئاچتى  قوينىنى،
يەر -زېمىنغا ھېيت كەلدى.

نەۋرۇز كەلدى ،گۈل كەلدى ،
قارلىغاچلار  شوخ  كۈلدى.
پورەك ئاچتى غۇنچىلار،
كەڭ جاھانغا جان كەلدى.

نەۋرۇز كەلدى ،گۈل كەلدى،
ئېرىق بويلاپ سۇ كەلدى.
كەتمەن  ئالدى  دېھقانلار،
مۇز يۈرەككە ئوت كەلدى.

ilim

ئاپتورى مۇشۇ جەننەت گۈلى شۇ ...مەن تونۇيمەن ..

arzuyum

نورۇز كەلدى گۈل كەلدى،
ئىللىق باھار ياز كەلدى.
كۆڭۈللەرنى شاد ئەيلەپ،
ساما ئۇسول ساز كەلدى.

نورۇز كەلدى گۈل كەلدى،
نورۇز ئېشى تەڭ كەلدى.
دىھقانلارمۇ ئالدىراش،
ئېتىزلىققا يول ئالدى.

نورۇز كەلدى گۈل كەلدى،
ئەتراپ يېشىل تون كەيدى.
ئەتلەس كىيىپ قىزچاقلار،
رەڭدار گۈلگە پۈركەندى.

yaxlik

بۇيەردە گۈل ئەمەس، قار،شىۋىرغان كەلدى!!

jannatgvl

مەن  باغداشقا يېڭى كىرگەشكە  ئاددى بولسىمۇ ئازراق كوڭۇل سوغامنى ئەۋەتىپ قويدۇم تورداشلىرىمنىڭ تەنقىدى پىكىر بىرىشىنى ئۆمۈت قىلىمەن