[ئاتتىلا] «باي ناھىيىسىدە مەجبۇرىي مائارىپ قانداق يۈرگۈزىلىۋاتىدۇ» غا رەددىيە

abduxkur

سۆز قابىلىيتىڭىزگە قايىل بولدۇم ، مەنمۇ شۇنداق دىمەكچى ئىدىم لىكىن تازا ئىنىق چۈشەندۈرەلمىگەن ،
كىممۇ ئوقۇشنى قوللىمايدۇ ، قاراڭلار ئاۋۇ تۇڭگانلارنىڭ ئەركىن ئوقۇش  شارائىتىغا ،
بىزنىڭ مائارىپقا راستىنلا  كۆڭەل بىلىدىغان  پارتىيە بولسا ئاۋال ئانا تىل رەسلىسى قۇرۇش ئىشىمىزغا كۆڭەل بىلسۈن

dinar

بۇ مەزمۇن 1قەۋەتتىكى marjanyaxدە2012-11-15 14:09يوللىغان يازمىسىغا نەقىل :
كۆڭلۈمدىكى گەپلەرنى قىپسىز،ئاشۇ يازمىنى ئوقۇپ كۆڭلۈم بىر قىسما بولۇپ قالغان ئىدى.مېنىڭچە بولسا بىزنىڭ مىللىتىمىزگە ئالى مائارىپنى مەجبۇرى يولغا قويۇپ بەرگەن بولسا تېخىمۇ ياخشى بولغان بولاتتى.شۇندىلا نادانلىق ،بىلىمسىزلىك مىللىتىمىزگە ئېلىپ كېلىۋاتقان ئاپەتلەردىن قۇتۇلاتتۇق.  

دېگەنلىرىڭىز دەل تۇغرا مەنمۇ قولايمەن سۇزلىرىڭىزنى ،مەنچە بولغاندا  مەجبۇرى مارىپنى  تېخىمۇ  كۇچەيتسە   باللىرىمىز  كىچىكىدىن باشلاپلا  مەكتەپكە  كىرىپلا  ئۇيغۇر ئۇرپى ئادەتلىرىنى ئۇگەنسە ، ئۇيغۇر كېيىم كېچەكلىرىنى  كېيىپ  ئۇيغۇردەك  يۇرسە  بىزلەرمۇ يىراقتىن كۇرۇپلا  بالىرىمىزنى باشقا مىللەتلەردىن  پەرىقلەندۇرەلىسەك ،  ئالى مۇارىپنىمۇ ئەنە شۇنداق مەجبۇرى يۇلغا قويغان بولسا نىمدېگەن ياخشى بولاتى ھە سىڭلىم ،   مانا ھازىر يىراقتىن قارايدىغان بولساق بالىرىمىزنىڭ  كېيىمىگە قاراپقۇ  بالىرىمىزنى پەرق ئېتەلمەيمىز ، ھەم قىسمەن  بالىرىمىز بىزنىڭ تىلىمىزنى يېزىقىمىزنى ئۇقماي بىز بالىرىمىزنىڭ تىلىنى،ئۇگەنگەن يېزىقىنى ئوقماي  قىينىلىپ كېتىپ بارىمىز   ، بۇ ئىشلار  تىزدىن ياخشىلانسا بولاتى  ھە سىڭلىم  مىللەتنىڭ ساپاسىنى يوقۇرى كۇتۇرۇشنىڭ ئاساسى  مارىپتا  ، مارىپقا يۇزلەنمىگەن مىللەت  ھامىنى خار  زارلىقتا ئۇتىدۇ ، مارىپقا  ئېتىبار بەرمىگەن مىللەت  مارىپقا ئېتىبار بەرگەن مىللەتلەرنىڭ ئالدىدا خارچىلىقتا  ياشايدۇ  شۇنۇڭ ئۇچۇن  بىز تىرشىپ ئويغۇر مارىپىنى يۇقۇرى كۇتۇرىشىمىز كېرەك

bozqir

مەن كۆكسۆينىڭ پىكرىنى قوللايمەن.
ھازىرقى سىتاتىكا مەنبەلىرى مەسىلىنى يېتەرلىك چۈشەندۈرۈپ بېرەلمەسلىكى مۇمكىن. ئالايلۇق ئۇيغۇر ئاپتونوم رايونىمىزنىڭ ھازىرقى ئورمان بىلەن قاپلىنىش نىسبىتى  ئاران %4.02. ئەمما، ئازاتلىقتىن بۇيانقى  سىتاتىكا مەلۇماتلىرى بويىچە ھېساپلىسا پۈتۈن ئۇيغۇر ئاپتونوم رايونىمىزنىڭ ھەممە يېرى ئۈچ قەۋەت ئورمان بىلەن قاپلىنىپ ، پۇت قويغۇدەكمۇ بوش يەر چىقمايدىكەن.

ilim

بەك ئۇددۇل دەپ قويدۇمما بەزى گەپلەرنى ئاتىللانىڭ ئاچچىغى كېلىپ قالماس ھە ..ئاتىلا ئۆزىڭىزگە بەك ئېلىپ كەتمەڭ ھە .سىزمۇ شۇ بىزنى ياخشى بولسۇن دەيسىز .لېكىن جېكسوننىڭ بىتەرەپلىمە يازمىسى ئىچىدە بىز تېرىپ يىگۈدەك مېغىزمۇ بار ئىكەن .سىز بەك كۈچۈپ كېتىپسىز رەددىيە بىرىمەن دەپ .سىز مەسىلىنى قانداق ھەل قىلىمىز نۇقتىسىدا تۇرۇپ پىكىر بايان قىلسىڭىز بوپتىكەن .بولمىسا ماقالىڭىزنى خاتا ئىستىمال قىلىۋېلىپ ۋەزىپە ئۈچۈن تۆۋەنگە چۈشۈپتۇ دەپ بىلىۋالىدىكەنمىز .

attila

مۇنبەردىكى بۇرادەرلەرگە:
مەن ماختىسا ئۇچۇپ، تەنقىدلىسە چۆكۈپ كەتمەيمەن. بېشىمدىن بىرقاتار قىسمەتلەر ئۆتكەندىمۇ چۆكۈپ كەتمىگەن ئادەممەن. بۇ يەردە ماڭا رەددىيە بەرگەنلەرنىڭ ئىچىدە يېقىن ئۆتكەن مەسلەكداش-ئاكا يوللۇقلارمۇ باركەن. بۇنىڭلىق بىلەن بىزنىڭ مۇناسىۋىتىمىز ھەرگىز سۇسلۇشۇپ قالمايدۇ.
مەن بۇ يەردە قانداقتۇر مەلۇم بىر تەرەپنى پەردازلاش ئۈچۈن ئوتتۇرغا چىقمىدىم. مېنىڭ مۇددىئا-مەقسىدىم، ھازىرقى ئۆزىمىزگە تەئەلۇق دەپ قارالغان نۇرغۇنلىغان ئىشلىرىمىز ئۆزىمىزنىڭ رايىدا بولمىغان شارائىتتا بىز زادى تولوق ئوتتۇرا مائارىپىنى قوللايمىزمۇ ياكى قارىشى چىقىمىزمۇ؟ باللىرىمىزنى تولوق ئوتتۇرىدا ئوقۇتىمىزمۇ ياكى ئوقۇتمايمىزمۇ؟  تولوق ئوتتۇرىدا ئوقۇشنىڭ، مۇشۇ شارائىتقا يۈزلۈنۈپ تۇرۇپ ئېيتقاندا، پايدىسى بارمۇ-يوق دېگەن مەقسەدتە، توردىكى تولوق ئوتتۇرىدا ئوقۇشقا قارىشى تۇرۇش سادالىرىنىڭ تەسىرىنى ئازايتىپ، كىشىلەرنى باللىرىنى تولوق ئوتتۇرىدا ئوقۇتماسلىق ئارىسالدىلىقىدىن تولوق ئوتتۇرىدا ئوقۇتۇش تەرەپكە يۈزلەندۈرۈشتىن ئىبارەت.
تولوق ئوتتۇرا مائارىپىنىڭ ھەممىنى ھەل قىلالمايدىغانلىقى، ئۇنىڭدا نۇرغۇنلىغان ئىللەتلەرنىڭ ساقلانغانلىقى، غەيرى مۇددىئا-مەقسەدلەرنىڭ ئارلاشقانلىقى، مىللىي مائارىپ ئەندىزىسىدىن ھەم مىللىي كىملىكنى يارىتىش يولىدىن كۆپ يىراقلاپ، باشقا بىر مەقسەد ۋە نىشاننىڭ تۈرتكىسىدە باشقا بىر يول بىلەن باشقا بىر مەنزىل تامان كېتىۋاتقانلىقى راست. مەن بۇنى بىلمەيدىغان، ھېس قىلمايدىغان يەردە ئەمەس. بىراق ھازىرقى شارائىتتا تولوق ئوتتۇرىدا ئوقۇش مېنىڭچە بىزگە زىيانىق ئەمەس. ھېچ بولمىسا ئۇ بىزنىڭ ئالىي مەكتەپكە چىقىپ تەربىيلىنىش پۇرسىتىگە، شۇ ئارقىلىق تېخىمۇ كۆپ نەرسىلەر بىلەن ئۇچۇرۇشۇپ، ئاق-قارىنى پەرق ئېتىش تۇيغۇمىزنى ئاشۇرۇشنىڭ پەلەمپىيى.
ئەمدى يەنە بۇنىڭغىمۇ ياق، تولوق ئوتتۇرىدا ئوقۇشقا زادى بولمايدۇ، مىللىتىمىز ئەزالىرى تولوقسىز سەۋىيەدىن يۇقىرى سەۋىيەگە ئۆتسە بولمايدۇ دەيدىغانلار بولسا يول ئوچۇق. باشقىچە تەربىيلەش مۇھىتى ئارقىلىقمۇ ئالىي مەلۇماتلىق قىلغىلى بولىدۇ دېگۈچىلەر قولۇڭلاردىن كەلسە ئاۋال شۇنداق مۇھىتنى ھازىرلاڭلار. مەنمۇ ھازىرقى مائارىپ مۇھىتىدىن بەك بىزار. شۇنداق قىلالىساڭلار سىلەرگە رەخمەت ئيتىمەن.

attila

مېنىڭ جەمىئىيەت تەكشۈرۈشۈمنى ھېچقاچان ھۆكۈمەت تەشكىللىمىگەن، ئۆزەم قىلغان. شۇڭا ۋەزىپە مەۋجۇت ئەمەس.
بىز رېئاللىقنى چىقىش قىلىپ، شۇنىڭ بىزگە پايدىلىق يوچۇقلىرىدىن پايدىلانماي، ھازىرقى شارائىتتا مۈمكىن بولمايدىغان نۇقتىنى تەكىتلەپ، ئۇنىڭدىن باشقىلارنىڭ ھەممىسىگە قارىشى چىقساق، ئاخىرىدا شارائىتنىڭ پايدىلىق يوچۇقلىرىدىنمۇ قۇرۇق قالىمىز. مەن ئوقۇغاندىمۇ، سىز ئوقۇغاندىمۇ مەكتەپلەر دىننى قوللاپ ئەمەس، قارىشى تۇرۇپ تەشۋىق قىلاتتى. شۇ مۇھىتتىن سىز ۋە مەن يېتىشىپ چىققان. بىراق سىز ۋە مەن ھازىر قانداق؟ ئەستايىدىل ئويلۇنۇپ باققايسىز!

aptapliq

تولۇق ئوتتۇرانىڭ ھەممىنى ھەل قىلىپ كېتىشى ناتايىن. يەنە كىلىپ، ئۇيغۇر مائارىپىنىڭ ھازىرقى ھالىتىنى ھېچكىم ھېچقانداق نوقسانسىز دېگىنى يوق.
بىراق مائارىپنى، تولۇق ئوتتۇردا ئوقۇشنى بىراقلا يوققا چىقىرىۋىتىش ئاقىلانىلىق ئەمەس. تولۇق ئوتتۇرا مائارىپىنى، بالىلارنىڭ تولۇق ئوتتۇردا ئوقۇشىنى ئەلۋەتتە قوللاش كېرەك. يامان بولسا مەكتەپتىن، ئوقۇتقۇچىدىن كۆرۈش، ياخشى بولسا ئۆزىدىن كۆرۈش يارىماسلىق.
پايدىلىق ئىمكانىيەتلەردىن پايدىلانساق بولىدۇ، قېيىداش ھاجەتسىز. تولۇق ئوتتۇردا قەتئىي ئوقۇش كېرەك. مەجبۇرىي ئوقۇش كېرەك.
دوختۇرخانىدا  داۋالاش ھادىسىسى سەۋەبىدىن ئادەم ئۆلگەنلىكىنى كۆرۈپ، دوخىتۇرخانىلارنىڭ ھەممىسىنى تاقىۋىتەمدۇق؟دوختۇرخانىدا ئادەم ئۆلگەنلىكى ئۈچۈن دوختۇرخانا ئادەم ئۆلتۈرىدىغان جاي دېسەك بولامدۇ؟ دوختۇرخانىلارغا كېسەل كۆرسەتكىلى كەلمەسلىك كېرەكمۇ؟

ilim

ئەمىسە مەقسەت مۇددىئا ئاددىي ئاتىللا ئۆزىڭىز مەسىلىنى مۇرەككەپلەشتۇرۋېېتىپسىز .جېكسوننىڭ ماقالىسىدىمۇ تولۇق ئوتتۇردا ئوقۇتماڭلار دىمەپتۇ .ئوتتۇرا مەكتەپتىن تولۇقسىز ياخشى دىگەن گەپنىمۇ دىمەپتىغۇ؟شۇنداق ئىدىيە ئالغا سۇرۈلدىمۇ ؟جېكسوننىڭ بەلكىم ئەدەبىي ئىپادىلەش كۈچى تۆۋەن ‹شوركا› قىزىققان يازارمەن بولىشى مۇمكىن .بايدىكى تولۇق ئوتتۇرا مەكتەپ بالىلىرىنىڭ مەكتەپ ۋە مەكتەپتىن سىرتقى تۇرمۇشىغا ئارلىشىپ باققاندەك قىلىدۇ .يىرگىنىشلىك ھادىسىلەرگە بىۋاستە ئۇچۇرشۇپ باققان ئادەم بىلەن ئۇچىراشمىغان ئادەمنىڭ پىكىر ئۇسسولى ئوخشىمايدۇ .جېكسون گەرچە بىتەرەپلىمرەك سۆز قىلىپ قويغاندەك قىلىدۇ .لېكىن ئۇنىڭ دەۋاتقىنى باي تولۇق ئوتتۇرا ياشلىرى ئارسىدىكى ئەخلاقى بۇزۇلۇش مەسىلىسى .
شەخسى مېنىڭ قارىشىم بايدا ھەقىقەتەن مەجبورى تولۇق ئوتتۇردا ئوقۇتۇش ھادىسىسى بولسا مەن قەتئىي قارشى .خەقنىڭ قانداق ئادەم بولۇش ئەركىنلىكى ئۆزىدە بولىشى كىرەك .بۇنڭغا سىياسەت ئارلىشىۋېلىشى بولۇپمۇ سىياسەت مائارىپقا ئارلىشىۋالىدىغان بۇنداق بۇزۇق مائارىپ مۇھىتىدا بۇ ئىشقا ئارلىشىۋېلىشى ئادەمنى توخو ئەت قىلىپ قويىدۇ .ئەگەر ھەقىقى ساپا مائارىپى تەكىتلىنىدىغان سىنگاپوردەك ،كانادادەك مائارىپ تۇزۈلمىسە بولسا ئىدى مەجبورى 13يىللىق مائارىپ قوللانسا قوش قاللاپ قوللىساق بولاتتى .مەن بالىلىرىمىزنىڭ ئاتا ئانىلارنىڭ يىتەكلىشى ئاستىدا تولۇقسىزغىچە ئوقۇشنى تاللىشىنىمۇ ۋە ياكى تولۇق ئوتتۇرنى پۈتتۈرۈرۈپ ئۆرلەپ ئوقۇشىنى تاللىشىنىمۇ قوللايمەن .ھەممىسىنىڭ ئۆزىگە خاس ئەۋزەللىكى ۋە يىتەرسىزلىكى بار .
ئاتىللا سىزدەك مائارىپچىلارنىڭ خۇپىيانە بولسىمۇ ھەل قىلىدىغىنى قانداق قىلىپ باللارغا ئىسلامى ئەخلاق يولىنى كۆرسىتىپ بىرىش باشقىچە دەپ باقسام قانداق قىلىپ ئۇيغۇر ئەخلاقى رامكىسى ئىچىدە ياشالايدىغاننى كۆرسىتىپ بىرىش .ھەممىمىزنىڭ دەۋاتقىنى ئەخلاق مەسىلىسى .مانا بۇ ئەڭ موھىم .