سەۋەبى زادى نەدە ؟؟؟

alsar

تونۇگۇن ئۆيگە ئاچام تولۇقسىز 2-يىللىقتا ئوقۇۋاتقان ئوغلى بىلەن بىللە كەلدى.ئۇكام ئىشىكتىن كىرە -كىرمەيلا ماڭا-
- ئاكا مېنى مېھمان قىلىڭ ،مەن سىنىپ بويىچەئالدىنقى ئوننىڭ ئىچىگە كىرىپتىمەن.دىدى.
-ۋوي ياخشىغۇ ئۇكام سىزدە ئىلگىرلەش زورغۇ ؟ مىھمان قىلسام قىلاي ..دىگەندىن كىيىن.ئۇنىڭدىن چاخچاق قىلىپ سورىدىم،
-سىنىپتا ئونلا بالا يوقتۇ ؟
-ئون دەيسىزغۇ ئاكا، ئاتمىش بالا بار
-چاخچاق قىلماڭ ھە،نەدىمۇ ھازىر بىر سىنىپتا ئەللىك-ئاتمىش بالا ئوقۇيدىغان ئىشلار بولسۇن، ھازىر دىگەن قايسى زامان، مانا بىز ئوقۇغان چاغلاردا ئاشۇنداق بىر سىنىپتا  ئەللىك-ئاتمىش بالا ئوقۇيدىغان ..
-راست دەيمەن ئاكا ،ئىشەنمىسىڭىز ئاپامدىن سوراڭ،ئاچامغا قارىسام ئۇ بېشىنى لىڭشىتتى.
-نەچچە پەندىن ئۆتۇپ ،نەچچە پەندىن ئۆتەلمىدىڭىز ؟
-بەش پەندىن ئۆتەلمىدىم ..ھېھې ھېھې..、、ئۇچ پەندىن ئوتۇپتىمەن.
-نىمە ؟ ئاران ئۇچ پەندىن ئۆتۇپ تۇرۇپمۇ ئالدىنقى ئوننىڭ ئىچىگە كىرەلىدىڭىزما؟ ئاتمىشىنجى بولغان بالىچۇ ؟ئۇ نەچچە پەندىن ئۆتۇپتۇ ؟
-ۋاي تاڭەي كىم بىلىپتۇ..ئىش قىلىپ ھەممە پەندىن ئوتەلمىگەنلەر جىققۇ...
ئاچام ماڭا تونۇگۇن مەكتەپتە ئاتا-ئانىلار يىغىنى ئېچىلغانلىقىنى، مۇئەللىمنىڭ بالىلارنىڭ كەپسىزلىكى،دەرسنى ئەستايىدىل ئاڭلىمايدىغانلىقى،گاھىلىرى ئۇخلىسا،گاھىلىرى تېلفۇن ئويناپ ئولتۇردىغانلىقى،بالىلارغا گەپ ئاڭلىتالمايۋاتقانلىقىنى....سوزلەپ بىرىپتۇ. ئاتا -ئانىلاردىن بىرەيلەن سىنىپتىكى بالىلار سانىنىڭ كۆپلىكى،بولسا ئىككى سىنىپقا بۆلۇپ ئوقۇتۇش توغۇرسىدا پىكىر بايان قىلغانلىقى،مۇئەللىمنىڭ بۇ ئىش توغۇرلۇق مەكتەپ رەھبەرلىكىگە ئىنكاس قىلغانلىقىنى،لېكىن ھەل بولمىغانلىقىنى دەپ بېرىپتۇ. ئاشۇ ئاتىدىن باشقا  پىكىر بىردىغان ئادەم چىقماپتۇ.
ئاچچىقىمدا ئاچامغا قايناپلا كەتتىم،نىمىشقا  ئوقۇ-ئوقۇتۇش توغۇرسىدا،بالىلارنىڭ نەتىجىسىنىڭ بۇنچە توۋەن بولىشىدىكى ئاساسلىق سەۋەپ توغۇرسىدا،قانداق قىلغاندا بالىلارنىڭ ئوگۇنۇشىنى ياخشىلاش توغۇرسىدا...پىكىر بايان قىلمايسىلەر؟نىمىشقا مەكتەپ رەھبىرىنى ئىزدىمەيسىلەر؟ بالاڭلارنىڭ كەلگۇسىدىن غەم يىمەمسىلەر؟ سىلەر باللىرىڭلارنىڭ شۇ نەتىجىلىرىگە رازىما؟
باللىرىڭلارنى مەكتەپتە ئوقۇتىۋاتامدۇ يا قوي باققۇزۋاتامدۇ ؟ ئاتمىش بالىنى قوي ،كالىنى قوتانغا سولغاندەك سولۋېلىپ قانداق دەرس ئۆتىۋاتىدۇ ؟ ھېلىمۇ بىر مۇئەللىم ئاتمىش بالىغا دەرس بەرمەك ئاسان ئەمەس،ئۆيدە بىر-ئىككى بالىنى باشقۇرالماي نىملەر قىلمايۋاتىمىز؟ ئەڭ ئاددىيسى بىچارە سىنىپ مەسئۇلى ئاتمىش بالىنىڭ ئىسمىنى قاچانمۇ تۇتۇپ بولغاندۇ؟بۇرۇن بىز ئوقۇغان چاغلاردا سىنىپتا ئىمتىھاندىن ئۆتەلمىگەن بالا يوق دىيەرلىك ئىدى،بار بولسىمۇ بىر-ئىككى بالا چىقاتتى.ھازىر شارائىت شۇنداق ياخشى تۇرۇپمۇ  بۇ قانداق بولغىنى ؟سەۋەپ زادى نەدە؟؟؟
ئويلاپ قالدىم ،ھازىرقى مۇئەللىملەرنىڭ مەسئۇلىيەت ئېڭى توۋەنمۇ ياكى مەكتەپنىڭ قائىدە-تۇزۇملىرىدە چاتاق بارمۇ؟ ياكى ھازىرقى زامان باللىرى شۇنداق دۆت،ئويۇن قېپىمۇ ؟ياكى چاتاق ئاتا-ئانىلاردىمۇ ؟؟؟



-مەنبەسى؛ ئوزۇم

-شەھرى قۇمۇل

albax

بۇنداق 50-60 ئوقۇغۇچىنى بىر سىنىپتا ئۇقۇتۇش مائارىپنىڭ بەلگىلىمىلىرىگە خىلاپ بۇلۇشى مۇمكىن ، لېكىن ئەمەلىيەت بىلەن ھىساپلاشماي قارغۇلارچە كىچىك مەكتەپلەرنى چوڭ مەكتەپلەرگە قۇشۇۋەتكەندىن كىيىن سىنىپ يىتىشمەي مۇشۇنداق بۇلىدۇ دە .............

ساراڭ

قۇمۇل دىيارىدا پارتىيە-ھۆكىمەت ئۇرۇنلىرىدىكى يولداشلارنىڭ مەسئۇلىيەتچانلىقى خېلى كۈچلۈكتىغۇ؟! يۇقىرى دەرىجىلىك ئۇرۇنلارغا ئنكاس قىلىپ باقساڭلار چۇقۇم ئۈنىمى بۇلىدۇ دەپ قارايمەن.

tulpar81

مۇئەللىم ئوقۇغۇچىسىدىن سوراپتۇ،ياقۇپ تۇرە ئورۇنىڭدىن،30 غا 30نى قوسساق قانچە بولىدۇ،ئوقۇغۇچى تىمىقىنى تاتلاپ تۇرۇپتۇ،غەزەپلەنگەن ئوقۇتقۇچى،ھەي دۆت،ئاۋۇ سىنىپنىڭ 30 ئوقۇغۇچىسىنى بىزنىڭ سىنىپتىكى 30 ئوقۇغۇچىغا قوشىۋەتسە،قانچە بولىدۇ،بالا دەرھال ئۇنداق بولسا ،پارتا يىتىشمەي قىستا-قىستاڭ بولىدۇ دەپ جاۋاپ بېرىپتۇ ئوقۇغىچى.               كەچۈرۈڭلار تېمىدىن چەتنەپ كىتىپ قالدىم.

dowajin

قايسى مەكتەپ ئۇ ؟؟؟؟؟؟؟؟؟ مەن تېخى قومۇل پۈتۈنلەي ئازات بولدى دەپتىمەن ..موشۇنداق مەكتەپ ھازىرغىچە باما  ، قومۇلدا   ؟؟؟؟

parangqi

بۇ، قۇمۇلدىكى ئوقۇغۇچىلارنىڭ ئەھۋالى بولمىسا كېرەك، شۇنداقمۇ ئاپتور ئەپەندى؟

           4 كۈن بۇرۇن مەنمۇ ئاتا-ئانىلار يىغىنىغا قاتناشتىم. يۇقۇرىدىكى يازمىنى ئوقۇپ، بىرسى مېنىڭ ھېس قىلغانلىرىمنى يېزىپتۇ، يازغۇچى چوقۇم مەن بىلەن بىر يۇرتلۇق دەپ ئويلاپ قالدىم. 
          ئەسلىدە مەن شۇ كۈنى كۆرگەن، ئاڭلىغانلىرىمنى يېزىپ تور دۇنياسىدىكى كۆرەرمەنلەر بىلەن ئاساسى مائارىپ توغرىسىدا پىكىر ئالماشتۇرۇپ باقايمۇ قانداق، دەپ ئويلىغان ئىدىم. تورداش قېرىندىشىم بۇ ھەقتە كۆڭلۈمدىكىنىى دەپتۇ، مەن كۆرگەننى يېزىپتۇ، بولدى قىلاي. (يۇقۇرىدىكى يازما مەن كۆرگەن، بىلگەن ئەھۋاللار بىلەن شۇنداق ئوخشىشىدىكەن، بەلكىم، سىياسەت، تەقدىر ئوخشاشلىقىنىڭ ئىپادىلىرى ھەر يەردە باردۇ)

adiba66

مىنىڭ قىزىممۇ شۇنداق تۈۋەن نەتىجە بىلەن 1-بولۇپ ئوقۇيدۇ،قارىغدندا ھەممە يەردە قازاننىڭ قۇلۇقى تۆتكەندە....

alsar

قايسى مەكتەپ ئۇ ؟؟؟؟؟؟؟؟؟ مەن تېخى قومۇل پۈتۈنلەي ئازات بولدى دەپتىمەن ..موشۇنداق مەكتەپ ھازىرغىچە باما  ، قومۇلدا   ؟؟؟؟


قۇمۇلدا ئىككى ئۇيغۇر  ئوتتۇرا مەكتەپ بار. بىرى قومۇل ۋېلايەتلىك 1-ئوتتۇرا مەكتەپ،يەنە بىرى شەھەرلىك 1-ئوتتۇرا مەكتەپ. ۋىلايەتلىكتە تولۇق ئوتتۇراسىنىپلار ئوقۇيدۇ. شەھەرلىكتە تولۇقسىز سىنىپلار ئوقۇيدۇ .ئۇكام تولۇقسىز 2-يىلللىقتا ئوقۇيدۇ .....ئەمدى بىلگەنسىلەر قايسى مەكتەپلىكىنى..