- تىزىملاتقان
- 2012-9-9
- ئاخىرقى قېتىم
- 2014-3-4
- ھوقۇقى
- 1
- جۇغلانما
- 673
- نادىر
- 0
- يازما
- 16
ئۆسۈش
34.6%
|
1. ئۇلۇغ ئەللاھ شۇنداق دېگەن: شائىرلارغا گۇمراھلار ئەگىشىدۇ.ئۇلارنىڭ (سۆز) ۋادىلىرىدا تېڭىرقاپ يۈرگەنلىكىنى كۆرمەمسەن؟ئۇلار قىلمايدىغان نەرسىلىرىنى قىلدۇق دەپ سۆزلەيدۇ.پەقەت ئىمان ئېيتقان ۋە ياخشى ئەمەللەرنى قىلغان، ئەللاھ نى كۆپ زىكرى قىلغان، زۇلۇمغا ئۇچرىغاندىن كېيىن ئۆزىنى قوغدىغان شائىرلار بۇنىڭدىن مۇستەسنا، زۇلۇم قىلغۇچىلار ئۇزاققا قالماي قايسى جايغا قايتىدىغانلىقىنى بىلىدۇ(شائىرلار سۈرىسىدىن)
2. كەئب رەزىيەللاھۇ ئەنھۇ شۇنداق دەيدۇ: مەن رەسۇلۇللاھتىن: ئى ئەللاھنىڭ ئەلچىسى! ئەللاھ شېئىر(ۋە شائىر) توغرۇلۇق ئايەت نازىل قىلدى ھە؟ دەپ سورىسام، رەسۇلۇللاھ: مۆئمىن قىلىچى، تىلى بىلەن كۈرەش قىلىدۇ. ئەللاھ نامى بىلەن قەسەمكى، سىلەر(شېئىر ئارقىلىق دۈشمەننى) ئوق ئاتقاندەك ئاتىسىلەر، دېگەن(ئىبنى ھىببان، ئەھمەدلەر توپلىغان سەھىھ ھەدىس)
3 . رەسۇلۇللاھ شائىر ھەسسانغا:ئەللاھ ۋە رەسۇلۇللاھ تەرەپتە تۇرۇپ دۈشمەننى سۆكۈپلا تۇرساڭ، جىبرىئىل ساڭا ياردەم قىلىدۇ، دېگەن. ۋەيەنە رەسۇلۇللاھ: ھەسساننىڭ دۈشمەننى ھەجۋى قىلىپ سۆكۈشى مۇسۇلمانلارغا شىپالىق بېغىشلىدى، ئۆزىنىڭ قەلبىمۇ شىپا تاپتى، دېگەن(مۇسلىم توپلىغان سەھىھ ھەدىس)
4 . رەسۇلۇللاھ يېنىدا شېئىر توغرىلىق گەپ بولغاندا، رەسۇلۇللاھ: ئۇ مۇ بىر خىل سۆز بولۇپ، ياخشىسى - يامىنى بار، دېگەن(دارىقۇتنى توپلىغان ھەسەن سەھىھ ھەدىس)
5 . ئەبۇ سەئىد رەزىيەللاھۇ ئەنھۇ شۇنداق دەيدۇ: بىز رەسۇلۇللاھ بىلەن ئەرج دېگەن يۇرتتا سەپەر قىلىپ كېتىپ باراتتۇق. تۇيۇقسىز بىر شائىر كېلىپ(رەسۇلۇللاھنى مەسخىرە قىلىپ) شېئىر ئوقۇدى. رەسۇلۇللاھ: ئاۋۇ شەيتاننى تۇتۇڭلار، دەپ بولۇپ: بىرىڭلارنىڭ قورسىقى شېئىرغا تولغىنىدىن، يىرىڭ زەرداپقا تولغىنى ياخشى، دېگەن(مۇسلىم توپلىغان سەھىھ ھەدىس)
6 . رەسۇلۇللاھ: باياندىن سېھرىي كۈچ، شېئىردىن ھېكمەت چىقىدۇ، دېگەن(ئەبۇ داۋۇد، بۇخارى توپلىغان سەھىھ ھەدىس)
7 . رەسۇلۇللاھ شۇنداق دېگەن: كالا تىلىنى چاينىغاندەك، بىر تۈركۈم كىشىلەر(شائىرلار) تىلىنى دەسمايە قىلىپ نان تېپىپ يېمەي تۇرۇپ قىيامەت بولمايدۇ(ئەھمەد توپلىغان ھەسەن سەھىھ ھەدىس)
(ئەسكەرتىش: بۇ، دىنى مەزمۇنلار بولغاچقا، پايدىلانغۇچى قېرىنداشلارنىڭ مەنبەسى بىلەن تولۇق پايدىلىنىشىنى ئۈمىد قىلىمەن. ھۆرمەت بىلەن: ئابدۇلئەھەد ئەمىر قۇتلۇق) |
|