قولاي تىزىملىك
ئىگىسى: semenyoli

ئادولف ھىتلېر سەرگۈزەشتىلىرى

[ئۇلانما كۆچۈرۈش]

2

تېما

8

دوست

4371

جۇغلانما

ئاكتىپ ئەزا

ئۆسۈش   79.03%

ئەزا ئۇچۇرى
تىزىم نۇمۇرى:  8381
يازما سانى: 264
نادىر تېمىسى: 0
مۇنبەر پۇلى: 131
تۆھپە : 1268
توردىكى ۋاقتى: 375
سائەت
ئاخىرقى: 2015-4-20
يوللىغان ۋاقتى 2013-1-2 22:00:52 |ھەممە قەۋەتنى كۆرۈش
چىڭگىزخاننىڭ «جاھاننىڭ ئەركىسى» دەپ ماختىلىپ ، ھېتلىرنىڭ ھاقارەتلەنگىنىنىڭ ئۆزى بىر تېتىقسىزلىق.
ھارمىغايسىز قېرىندىشىم.

2

تېما

0

دوست

1682

جۇغلانما

تىرىشچان ئەزا

ئۆسۈش   68.2%

ئەزا ئۇچۇرى
تىزىم نۇمۇرى:  11700
يازما سانى: 68
نادىر تېمىسى: 1
مۇنبەر پۇلى: 395
تۆھپە : 242
توردىكى ۋاقتى: 75
سائەت
ئاخىرقى: 2013-4-18
يوللىغان ۋاقتى 2013-1-3 18:34:55 |ھەممە قەۋەتنى كۆرۈش
بەشىنچى باب


ھەم ئەسەبى ھەم مىھرىبان ئادەم


1922~1923

(1)



1922-يىلى كىرىشى بىلەن، ھىتلېر ئۆز ئەتىراپىغا ھەر قايسى سىنىپلارغا مەنسۈپ كىشىلەرنى توپلايدۇ. بۇ كىشىلەرنىڭ مەدەنىيەت سەۋىيىسى ئاساسەن تەڭ دېگىدەك كىشىلەر ئىدى. گەرچە ھەر قايسىسىدا بەلگىلىك پەرقلەر باردەك قىلسىمۇ ئۇلارنىڭ ھەممىسىلا ئاساسەن ھىتلېرغا ئوخشاش مىللەتچىلىكنى ھىمايە قىلىدىغان، ماركسىزمغا ئۆچ كىشىلەر ئىدى. ئۇلارنىڭ ئىچىدە ئىككى نەپەر ليوتچىكمۇ بار بولۇپ، ئۇلارنىڭ بىرسى ھېرمان گيۇرىڭ (赫尔曼•戈林)، بۇ كىشى بۇرۇن بىرىنچى دەرىجىلىك كۈرەش ئايروپلان ليوتچىكى، داڭلىق “رىئېيچخوفىن (里希特霍芬) ئۇچقۇچىلار پولكى” نىڭ ئەڭ ئاخىرقى كوماندىرلىرىدىن بىرى ئىدى. يەنە بىرسى رۇدولف ھېس بولۇپ، بۇ كىشى ئۇرۇشنىڭ باشلىرىدا ھىتلېر تۇرغان پولكنىڭ بىر ئوفىسسېرى ئىدى. ئۇرۇش ئاخىرلاشقاندا ليوتچىك بولغان. گەرچە بۇ ئىككى كىشى ھاللىق ئا’ئىلىنىڭ پەرزەنتلىرى بولسىمۇ، ھەر ئىككىسىلا ھىتلېرنى گېرمانىيىنىڭ تەغدىرىنى ئۆزگەرتەلەيدىغان بىردىن-بىر ئامىل دەپ قارايتتى. ئەمما بۇ ئىككىسىنىڭ تاشقى كۆرۈنۈشلىرى، مىجەز-خاراكتېرلىرى بىر-بىرسىگە پەقەتلا ئوخشىمايتتى.

گيۇرىڭ خوش پېيىل، ياسالمىلىق قىلىشقا ئامىراق، تاش مىجەزلىك، كىشىلەر بىلەن ئاسان چىقىشىدىغان، ھەمدە ھەر دا’ئىم دوستلىرى بىلەن بىرگە بولۇشنى خالايدىغان خاراكتېرلارغا ئىگە ئىدى. ئۇنىڭ ئاتىسى رايونلۇق سوتچى بولغان، كېيىن بىسمارك تەرىپىدىن ئىمپىرىيىنىڭ غەربى جەنوبى ئافرىقا ھەيئەت ئەزالىقىغا تەيىنلەنگەن ئىدى. ئىككى قېتىم توي قىلغان بولۇپ، 8 بالىلىق بولغان.

گيۇرىڭ ئۇنىڭ كەينىدىن سانىغاندا ئىككىنچى ئوغلى بولۇپ، ئەسلى بىر ئىلمى خادىم بولىشىغا قارىماي بۇ ئىشىغا بەك قىزىقمىغان، پۈتۈن قەلبى بىلەن ۋەتىنى ئۈچۈن خىزمەت قىلىشتىن باشقىنى ئويلىمايدىغان بىرسى ئىدى. ئۇ پوپىنىڭ ياردىمى بىلەن “پرۇسىيە خانلىق ياشلار قوشۇنى” غا قېتىلىپ، جەڭلەردە نام چىقارغان، 27 قېتىم ھاۋا ئۇرۇشىغا قاتناشقاندىن كېيىن، ئەڭ يوقۇرى ھەربى مېدال “مىللى باھادىرلىق  مېدالى” غا ئېرىشكەن ئىدى. ئۇرۇش ئاخىرلاشقاندىن كېيىن، شىۋىتسىيە ئاۋاتسىيە شىركىتىنىڭ ئۇچقۇچىسى بولىدۇ. گيۇرىڭ نىكالىق كالىن فون كىنز (卡琳•冯•坎佐) بىلەن توي قىلىشقا كېلىشىدۇ. كالىننىڭ ئاتىسى شىۋىتسىيە ئاقسۈڭەكلەر ئا’ئىلىسىدە دۇنياغا كەلگەن بولۇپ، ئاپىسى ئېرلاندىيىلىك بىر ھاراق زاۋۇتى كاپىتالىستى ئىدى. كالىن ئاجرىشىش رەسمىيەتلىرىنى پۈتتۈرىشى ھامان گيۇرىڭ بىلەن توي قىلىدۇ.

گيۇرىڭ، ئەسلىدە شىۋىتسىيىدە ماكانلىشىپ خاتىرجەم ياشىشى مۇمكىن ئىدى. ئەمما ئۇ گېرمانىيىگە قايتىپ كېتىش ئارزۇسى بىلەنلا يۈرىدۇ. ئۇ، “ۋېرسال نۇمۇسىنى تازىلاش، مەغلوبىيەت نۇمۇسىنى تازىلاش، پرۇسىيە قەلبىنى بۆسۈپ ئۆتكەن دانزىك كورىدورىنى قايتۇرىۋېلىش” نىلا ئويلايتتى. ئۇ، مىيونخېن ئۇنىۋېرسىتىغا ئوقۇشقا كىرىپ، تارىخ پەنلىرى بىلەن سىياسەتشۇناسلىقنى ئۆگىنىدۇ. ئەمما ئۇ ئەمىلى سىياسەتكە بەكىرەك قىزىقاتتى. شۇڭا ئۇ، جەڭ مەيدانلىرىدا چېنىقىپ چىققان ئوفىسسېرلار ئىچىدىن ئۆز ئىنقىلابى پارتىيىسىنى قۇرۇپ چىقماقچى بولۇپ يىغىلىش قىلىدۇ. “ھەرگىز ئېسىمدىن چىقمايدىغىنى، ئۇلار بۇ ئوفىسسېرلار ئۈچۈن ياتقىدەك بىرەر جاي تېپىش مەسىلىسىنى مۇزاكىرە قىلماقچى بولۇپ يىغىن ئاچتى. ‘ھۇ دۆت كالىۋالار! – دېدىم مەن يىغىندىكىلەرگە، − سىلەرچە، شۇنچە چېنىققان بىر ئوفىسسېر ياتقىدەك بىرەر كارىۋات تاپالماسمۇ؟ خاتىرجەم بولۇڭلاركى، بۇ ئوفىسسېرلار چىرايلىق بىرەر قىزنىڭ ياتىقىنى بولسىمۇ قولغا كىرگۈزەلەيدۇ! ھۇ …، ئالدىمىزدا  قىلىدىغانغا شۇنچە كۆپ ئىش تۇرۇغلۇق يىغىنغا قويغان نەرسەڭلار شۇمىدى سىلەرنىڭ؟’ − قايسى بىرسى ئىزا تارتماي بىر نېمە دېۋىدى ئۇنىڭ بېشىغا بىرنى قويدۇم. كۆپچىلىك بۇنىڭدىن قاتتىق بىر كۈلىۋېلىشتى. يىغىنمۇ شۇنىڭ بىلەن ئاخىرلاشقان بولدى.” شۇنداق قىلىپ، ئۇ ئىنقىلاۋى پارتىيە قۇرۇپ رەھبەرلىك قىلىش ئارزۇسىغىمۇ خاتىمە بەرگەن ئىدى. 1922-يىلى كۈزدىكى بىر قېتىملىق مىتىنگتە، گيۇرىڭ ئەگەشكىدەك ھەقىقى رەھبەردىن بىرنى تېپىۋالىدۇ. بۇ مىتىنگ ئىتتىپاقداش دۆلەتلەرنىڭ گېرمانىيىدىن ئۇرۇش جىنايەتچىلىرىنى تاپشۇرۇشقا مەجبۇرلىشىغا نارازىلىق كۆرسىتىش مەقسىتىدە كنىش (科尼希) مەيدانىدا تەشكىللەنگەن بولۇپ، مىتىنگتە ھەر قايسى پارتىيە گۇروھ ۋەكىللىرى كەينى-كەينىدىن سەھنىگە چىقىپ نۇتۇق سۆزلەيدۇ.

ئارقىدىن، خەلق ئاممىسى “ھىتلېر، ھىتلېر!” دېيىشىپ قاتتىق ۋارقىراشقا باشلايدۇ. قىزىق، ئەسلىدە ھىتلېرمۇ دەل گيۇرىڭ بىلەن كالىن ئىككىسىنىڭ يېنىدىلا بېر يەردە تۇرغان ئىكەن (ئۇ ئىككىسى يىل بېشىدا توي قىلغان ئىدى). دەل شۇ پەيتتە، گيۇرىڭ، ھىتلېرنىڭ “مەن بۇ قولغا كۆندۈرۈلگەن بۇرجۇ’ئازىيە كۈچۈكلىرىگە نۇتۇق سۆزلەشنى ھەرگىز خالىمايمەن” دېگىنىنى ئاڭلاپ قالىدۇ. شۇ چاغدا، ھىتلېرنىڭ ئۇچىسىدا ھەربى پەلتو، بېلىدە كەمەر بار ئىدى. ئۇنىڭ تۇرقىدىكى نېمىدۇ-بىر نەرسە گيۇرىڭنى ئۆزىگە تارتقاندەك قىلاتتى. شۇڭا، گيۇرىڭ بېرىپ نيۇمان ئۆز كۈچىگە تايىنىش رېستۇرانتتا ئۇلارنىڭ بىر قېتىملىق پارتىيە يىغىنىغا قاتنىشىدۇ.

“مەنمۇ ئۆزەمنى بىلىپ زالنىڭ كەينى بىر يەردە ئولتاردىم. ئىسىمدە قېلىشىچە، شۇ چاغدا يىغىندا روسېنبۇرگ (罗森堡) بار ئىدى. ھىتلېر نېمە ئۈچۈن مىتىنگدە سۆزگە چىقمىغانلىقىنى چۈشەندۈرمەكتە ئىدى: ئۇلاردەك ئۇنداق سىلىق-سىپايە سۆزلىسەڭ، فرانسۇزلارنىڭ خاتىرجەم ئۇخلىشىغىمۇ دەخلى قىلالمايسەن. شۇڭا سەن تەھدىت سېلىۋاتقان كۈچكە نەيزە سانچالىغىدەك كۈچلۈك سۆز قىلالىشىڭ كېرەك، دەپ چۈشەندۈردى.  مانا بۇ گەپلەر مېنىڭ ئارزۇيىمدىكى گەپلەر ئىدى. ھىتلېر قۇرغان پارتىيە، گېرمانىيىنى روناق تاپتۇرالايدىغان، ئۇنى كۈچەيتەلەيدىغان، ۋېرسال (凡尔赛) كىلىشىمىنى پاچاقلاپ تاشلىيالايدىغان بىر پارتىيە ئىدى. توغرا، − دېدىم ئىچىمدە، − مانا مۇشۇنداق بىر پارتىيىلا ماڭا مۇۋاپىق كېلىدىغان بىر پارتىيە بولالايدۇ! يوقالسۇن ۋېرسال (凡尔赛) كىلىشىمى! ئاناڭنى، مانا بۇ مېنىڭ كۆڭلۈمدىكى پارتىيە!”

شۇنداق قىلىپ، گيۇرىڭ پارتىيە مەركىزىگە كىرىپ پارىتىيىگە كىرىش ئىلتىماس جەدۋىلىنى توشقۇزىدۇ. بۇنداق بىر ئۇرۇش قەھرىمانىنىڭ بۇنداق ۋەيرانە بىر ئىشخانىدا پەيدا بولىشى، ھەقىقەتەنمۇ داغ-دۇغا پەيدا قىلىۋەتكىدەك بىر ۋەقە ئىدى. گيۇرىڭ شۇ كۈنلەرنى ئەسلەپ كېلىپ، “دېمىسىمۇ، بىرسى ماڭا، ھىتلېر سېنىڭ بىلەن دەرھال كۆرۈشمەكچى بولدى دەپ خەۋەر يەتكۈزدى.” سالاپەتلىك كۆرۈنۈشلۈك گيۇرىڭنى ھىتلېر بىرلا كۆرۈپ قايىل بولىشى ئېنىق ئىدى. ئۇنىڭ ئالدىدا تۇرغان بۇ ئادەم، چاقناپ تۇرغان سۈزۈك كۆزلۈك، ئىگىز بويلۇق، ئاق قىزىل تېرىلىك بىر ياۋروپالىق ئىدى. “ھىتلېر ماڭا، مەن ئېس-ئاچىلار ئەترىتىگە مەسئۇل بولىدىغان ئادەم تاپالماي يۈرگىنىمنىڭ ئۈستىگە سەن كىرىپ كەلدىڭ، بۇ ھەقىقەتەنمۇ تەلەي ئىشى، دېگەن ئىدى” دەيدۇ گيۇرىڭ. ئۇلار گيۇرىڭنى بىرەر ئايدىن كېيىن بۇ ئىشقا مەسئۇل قىلىپ بېكىتىش ئىشىنى ئېلان قىلماقچى بولغىنىدا، گيۇرىڭ ئالدىرىغىنىچە دەرھال ئىشقا كىرىشىدىغانلىقىنى ئېيتىپ، ھۇجۇمچىلار ئەترىتىنى مەشىق قىلدۇرۇش ئىشىغا كىرىشىپ كېتىدۇ. شۇنىڭدەك ئۇ، بۇ ئەترەتنى رەسمى بىر ھەربى قوشۇن شەكلىدە تەربىيىلەشكە كىرىشىدۇ. “سىلەر بىر ئارمىيە! – دېدىم مەن ئۇلارغا، − سىلەر ئۆزەڭلارنى رەسمى بىر ئارمىيە دەپ تونۇڭلار!”
بىر قاراشتا گيۇرىڭ ھەقىقەتەنمۇ كەم-كۈستىسىز نېمىس ئىدى. ئەمما ھىتلېرنىڭ ئۆلچىمى بويىچە ئالغاندا ئۇ تېخى بىر ئىرقچى ھېسابلانمايتتى. ئەسلىدە ئۇنىڭ دوستلىرىنىڭ بىر مۇنچىسى يەھۇدىي ئىدى.

گيۇرىڭنىڭ نېمىس مىللەتچى سوتسىيالىزم ئىشچىلار پارتىيىسىگە كىرگەنلىكى بۇ پارتىيىنىڭ ئىدىيىسىگە ئەمەس بەلكى ئىنقىلاۋى ھەرىكەت قىلىدىغانلىقىغا قىزىقىپ قاتناشقان. باشقا پارتىيىلەرمۇ ئىنقىلاپ قىلىۋاتقاچقا، ئۇ خالىغان بىر پارتىيىگە كىرىشى مۇمكىن ئىدى. چۇنكى ئۇ بىر ھەرىكەت بولىشىغا قىزىقىدىغان بىرسى بولغاچقا، ھەرىكەت قىلىشقا قىزىقىدىغان بىرەر تەشكىلات بولسىلا ئۇنى جەلىپ قىلالايتتى. ئۇنىڭ بۇ خىل ئالاھىدىلىكى ھىتلېرغا بەكلا لازىم ئىدى. گيۇرىڭ، ئوفىسسېر رۇڭ (容克) ۋە باشقا جەمىيەتتىكى ھەر ساھە كىشىلىرى بىلەن ئىنتايىن  قۇيۇق مۇناسىۋىتى بار بىرسى بولۇپلا قالماي، يەنە نامايىش ۋاقىتلىرىدا، يىغىنلاردا مۇھىم جەمىيەت ئادەملىرىنى سەپكە قوشىۋالالىشى مۇمكىن ئىدى. زۆرۈر تېپىلغاندا بەزى رەھبەرلەرنى ئۇدۇللا تەنقىتلەپ كەتكىدەك قىلسىمۇ ئۇنىڭ كارى بولمايتتى.

رۇدولف ھېسنى گيۇرىڭغا پەقەتلا سېلىشتۇرغىلى بولمايتتى. ھېس مىسىرنىڭ ئىسكەندىرىيە پورتىدا تۇغۇلغان بولۇپ، ئاتىسى توپ مال ساتقۇچى ۋە ئېكىسپورت قىلغۇچى چوڭ بايلاردىن ئىدى. دادىسى ئۇنىڭ تىجارەت ئىشلىرى بىلەن شوغۇللىنىشىنى ئارزۇ قىلغان بولسىمۇ، ئوغلى بولغان ھېس ئىلمى خادىم بولۇشنى خالايتتى. ئۇ دەسلىۋىدە بادگېتسبۇرگ (巴德戈德斯伯格) ياتاقلىق مەكتىۋىدە ئوقۇيدۇ.

كېيىن شىۋىتسىيىدە سودا سانا’ئەت ئالى مەكتىۋىگە ئىمتىھان بېرىپ قوبۇل قىلىنىدۇ. ئەمما ئۇرۇش ئۇنى ئوقۇشىنى يېرىم يولدا توختىتىپ قويۇشقا مەجبۇر قىلىدۇ. ئۇرۇشتىن كېيىن سودا ئىشلىرى بىلەن شوغۇللىنىشنى پەقەتلا خالىمايدۇ. شۇڭا ئۇمۇ خۇددى گيۇرىڭغا ئوخشاش مىيونخېن ئۇنىۋېرسىتىتىگە كىرىپ تارىخ، ئىقتىسات ۋە سىياسى جوغراپىيە بىلىملىرىنى ئوقۇيدۇ. ئۇمۇ “نويابىر جىنايەتچىلىرى” تەرىپىدىن سېتىۋېتىلدۇق دەپ قارايدىغانلاردىن بىرى بولسىمۇ، بۇ جەھەتتە ئۆز ئەقىدىسىدىكى ئىنقىلاۋى ھەرىكەتلەرگە قاتناشماي، تورى جەمىيىتى (图里会) گە قاتنىشىدۇ. ئۇ نامايىشلارغا قاتنىشاتتى، كوچىلاردا مىتىنگلەردە نۇتۇق سۆزلەيتتى (بەكلا تارتىنچاق بولىشىغا قارىماي يەنىلا نۇتۇق سۆزلەپ قوياتتى). “ئەركىن پولك” نىڭ بىر ئەزاسى بولۇش سۈپىتى بىلەن، باۋارىيە سوۋېت ھۆكۈمىتىنى ئاغدۇرۇپ تاشلاش كۈرىشىگە قاتناشقان ئىدى.

رۇدولفمۇ گيۇرىڭغا ئوخشاش داھى بىرسىنى ئاختۇرۇپ يۈرگەن ئىدى. ئۇنىۋېرسىتېتتىكى ۋاقتىدا ئۇنىڭ يازغان «قانداق بىر داھى گېرمانىيىنى بۇرۇنقى پارلاق كۈنلىرىگە يىتەكلىيەلەيدۇ؟» تېمىلىق دېسسىرتاتسىيىسى مۇكاپاتقا ئېرىشكەن ئىدى. ھېس ئۇ ماقالىسىدا، بۇنداق بىرسى چوقۇم كۈچلۈك مۇستەبىت بىرسى بولىشى، شۇ’ئاردىن پايدىلىنىشقا ماھىر بولىشى، كوچىلاردا نامايىش تەشكىللىيەلەيدىغان، خەلق ئاممىسىنى كۈشكۈرتەلەيدىغان بولىشى كېرەك؛ بۇنداق بىرسى چوقۇم خەلق ئارىسىدىن كەلگەن بىرسى بولىشى، ئەمما خەلق ئاممىسى بىلەن قىلچىمۇ ئورتاق نوقتىسى بولماسلىقى كېرەك؛ بۇنداق بىرسى خۇددى باشقا ئۇلۇغ كىشىلەرگە ئوخشاش “ساغلام خاراكتېرلىك” بىرسى بولىشى، “قان تۆكۈلۈشتىن قورقۇپ تۈگۈلىۋالىدىغان بىرسى بولماسلىقى؛ بارلىق ھەق-ناھەق ئىشلارنى تۆمۈر مۇشتۇمغا تايىنىپ قانلىق ھەل قىلالايدىغان بىرسى بولىشى كېرەك”؛ بۇنداق مەقسەتتىكى بىرسى، “ئۆزىنىڭ دوستلىرىنىمۇ دەسسەپ ئۆتۈپ كېتەلەيدىغان” بىرسى بولىشى، قىلچە يۈز قارىماستىن قانۇن ئىجرا قىلالايدىغان، “ئېھتىياتچان بولۇش بىلەن بىرگە يەنە سەزگۈرلۈك بىلەن” خەلق ۋە دۆلەتكە چاققان مۇ’ئامىلە قىلالايدىغان، زۆرۈر تېپىلغاندا “ئاتلىق ئەسكەرلەرنىڭ ئۆتۈكى بىلەن ئۇلارنى چەيلەپ ئۆتۈپ كېتەلەيدىغان” بولىشى كېرەك، دەپ تەسۋىرلەپ بەرگەن ئىدى.

ھېس، ھىتلېردا بۇ غايىۋى داھىلىق ئالامەتلەرنى كۆرگەن ئىدى. شۇنداق قىلىپ، ھىتلېرنىڭ ئىشەنچىلىك ئادىمى، يېقىن دوستى سۈپىتىدە ئۇنىڭ يېنىدا بىر يىل تۇرىدۇ. شۇنىڭ بىلەن بىرگە، ھېس يەنە بىر ئادەمگىمۇ شۇنداق ساداقەتمەنلىك كۆرسەتكەن ئىدى. بۇ كىشى گېنېرال كارل خاۋسخوپ (卡尔•豪斯霍弗) (بۇ گېنېرالنىڭ ئايالى يەھۇدىي ئىدى) ئىدى. بۇ گېنېرال ھەربى مەسلىھەتچىلىك ۋەزىپىسى بىلەن توكيو ئەلچىخانىسىدا 3 يىلدەك تۇرغان بولۇپ، ياپونچىنى سۇدەك بىلەتتى. 1911-يىلى ياپونىيىدىن گېرمانىيىگە قايتىپ كەلگەن. بۇ گېنېرال ۋەتەنگە قايتىپ كەلگەندىن كېيىن ئاسىيا ئىشلىرىغا ئۆزىنى بېغىشلاپ كەلگەن؛ ئۇ، بىر دۆلەتنىڭ مەۋجۇت بولۇش ياكى يىمىرىلىشى ئۇ دۆلەت تېزگىنلەپ تۇرغان زېمىنىنىڭ چوڭ-كىچىكلىكىگە باغلىق دەپ قارايدىغان بىرسى ئىدى. دۇنيا ئۇرۇشى ئۇنىڭ بۇ قارىشىنىڭ بىر ئىسپاتى ھېسابلىناتتى. گېرمانىيىنىڭ قورشاۋغا چۈشۈپ قالغانلىقى، تىنىق تارتالماس ھالغا چۈشۈپ قېلىشى، ئاخىرى بېرىپ ئۇرۇش مەغلوبىيىتىدىن ئىبارەت نۇمۇسقا مەھكۈم بولىشىنىڭ تۈپكى سەۋەبى، دەل بۇ دۆلەتنىڭ ھاياتلىق ماكانىنىڭ تارلىقىدىن بولغان دەپ قارايتتى. ئۇرۇش توختىغاندىن كېيىن، بۇ گېنېرال مىيونخېن ئۇنىۋېرسىتېتىنىڭ سىياسى جوغراپىيە پروفىسسورى بولۇپ دەرس بېرىدۇ. ئۇ، ئوقۇغۇچىلىرىغا، ۋەتەننى قۇتقۇزۇشنىڭ بىردىن-بىر ئامىلى ئۆزىنى ئۆزى قامداش بولىشى كېرەك، بۇنىڭ ئۈچۈن گېرمانىيە ئۆزىنى ئۆزى قامدىيالايدىغانلا بولۇپ قالماي (خەلق ئىگىلىكى مۇستەقىل بولۇش بىلەنلا قالماي)، يەنە يېتەرلىك ھاياتلىق ماكانىغىمۇ ئىگە بولىشى كېرەك دەپ تەكىتلەپ كۆرسىتەتتى. ھېس، پروفىسسور خاۋسخوف بىلەن ھىتلېر ئىككىسىگە تولۇق قايىل بولاتتى.

شۇڭا بۇ ئىككىسىنىڭ بىر-بىرسىگە چىڭ يۇغۇرىلىپ كېتىشىنى بەكلا ئارزۇ قىلاتتى. ئەمما ئۇلار ئىككىسىنىڭ زىچ ھەمكارلىشالىشى ئۈچۈن بىر توسالغۇ بار ئىدى: پروفىسسورنىڭ ئايالى بىر يەھۇدىي سودىگىرىنىڭ قىزى ئىدى. ھېس گەرچە ئىرقچىلىق نەزەرىيىسىگە بوي سۇنىدىغان بىرسى بولسىمۇ، قەلبىدە ئادىمىلىك گەۋدىلىنىپ تۇرىدىغان ھېسسىياتچان بىرسى بولغانلىقى ئۈچۈن، بىر تەرەپتىن پروفىسسورغا چىن قەلبىدىن ئەقىدە قىلىش بىلەن بىرگە يەنە بىر تەرەپتىن ئۇنىڭ ئايالىغىمۇ باشقىچە قاراشتا بولۇشنى خالىمايتتى.

ئۇ كۈنلەردە ھېس تازا روناق تېپىۋاتقان، ئالاھىدە مەغرۇر بولۇش بىلەن بىرگە يەنە ئۇنداق باش-باشتاق رەھىمسىزلەردىنمۇ ئەمەس ئىدى. گەرچە ئۇ جەڭ مەيدانلىرىدا ۋە كوچىلاردا قەھرىمانلارچە كۈرەش قىلغان بىرسى، ھەمدە مۇكاپاتلانغان ئىلمىي ماقالىسىنىمۇ قان پۇراپ تۇرىدىغان مەزمۇنلار بىلەن يېزىپ چىققان بىرسى بولسىمۇ، ئۇ بەرىبىر ئۇنداق رەھىمسىز جاللات مىجەز بىرسى ئەمەس ئىدى. ھېس كىتاب بىلەن مۇزىكىنى بەكلا ياخشى كۆرىدىغان، بۇ جەھەتتە قاتتىق مۇنازىرىلىشىپمۇ كېتىدىغان بىرسى بولغىنى بىلەن، قەھۋىخانا مۇنازىرىلىرىدىمۇ ئۇنى ئۇچىرىتىشقا بولاتتى. ھەتتا ئۇمۇ ئەنە شۇنداق پىۋىخانا ئۇرۇش جىدەللىرى ئارىسىدا ھىتلېر ھەققىدە مەلۇماتقا ئېرىشكەنلەردىن بىرى ئىدى. ئۇ ئات يۈزلۈك، قۇيۇق قارا قاشلىق، كۆزلىرى چاقناپ تۇرغان، ئىنچىكە لېۋىنى ھەر دا’ئىم چىڭ يۇمۇپ يۈرىدىغان، “يېقىن دوستلىرىنىڭمۇ ئۈستىدىن دەسسەپ ئۆتۈپ كېتىشكە تەييار” جىددى تۈستە بىرسى ئىدى. ھېس، مىيىقىدا كۈلگەن ۋاقتىدىلا ئۆزىنىڭ ھەقىقى چىرايىنى كۆرسىتەتتى – شۇنداق چاغلاردىلا ئىنتايىن ئەقىللىق ۋە سەزگۈر، رەسمى غايىلىك ياش بىرسى بولۇپ كۆرۈنەتتى. ئىرس ھېس () (شۇ ۋاقىتلاردا ئۇنىڭ ئىسمى ئىرىس پۇلور () ئىدى) شۇ ۋاقىتلارنى ئەسلەپ كېلىپ، “بەكلا ئاز كۈلىدىغان، تاماكا چەكمەيدىغان، ھاراق ئىچمەيدىغان بىرسى ئىدىم. ئۇرۇش مەغلوب بولۇپ تۇرۇغلۇقمۇ يەنىلا نومۇس قىلماي ئۇسۇل ئويناپ كۆڭۈل ئېچىپ يۈرىدىغانلارنى كۆرسەم پەقەتلا چىدىمايتتىم.” ئۇنى پىششىق تونۇيدىغان كىشىلەردىن باشقا، ھەر قانداق بىرسى ئۈچۈن ھېس ھەقىقەتەنمۇ سىرلىق بىرسى ھېسابلىناتتى. ئۇ، غايە ئۈچۈن ئۆزىنى ئاتىۋەتكەن بىرسى ئىدى. پايدا مەنپەت قوغلىشىش دېگەننى پەقەتلا بىلمەيتتى. ئۇ ئۆزىنى ھىتلېرغا پۈتۈنلەي ئاتىۋەتكەن بولۇپ، ئۇنىڭ بىلەن بىرگە جەھەننەمگە كىرىشكىمۇ تەييار ئىدى.

ھىتلېرنىڭ يەنە بىر قاراملارچە ئەگەشكۈچىسى يورى’ئوس ستراچ (尤利乌斯•施特莱彻) دېگەن بىرسى ئىدى. يەھۇدىيلارغا قارشى تۇرۇش جەھەتتە ھېس بىلەن گيۇرىڭ ئىككىسى فيۇرېرىگە قارىغاندا بەكلا ئاجىز ئىدى. ئەمما ستراچ (施特莱彻) زەھەرلىك تىل جەھەتتە ھىتلېردىن بەكلا ئېشىپ كېتەتتى. بۇ كىشى بەكلا جىدەلخور (事故)، تاقىرباش، قاپان باش، سالپاڭ قۇلاق بىرسى بولۇپ، كىشىگە بەكلا قوپال بىرسى بولۇپ كۆرۈنەتتى. ئۇ، مەيلى دەستۇرخان ئۈستىدە بولسۇن ياكى ياتىقىدا بولسۇن، بەكلا ئىشتەيلىك، قارنىغا ئامىراق بىرسى ئىدى. ئۇ بەزىدە بەكلا تۈز كۆڭۈل، يېقىملىق بولۇپ كۆرۈنسە، يەنە بەزىدە بەكلا ۋەھشى، بەكلا تەرسا بىرسىگە ئايلىنىپ قالاتتى. بۇ ئادەم قىلچە قىينالمايلا كۆڭلى يېرىملىقتىن بىراقلا رەھىمسىز بىر مەخلۇققا ئايلىنالايتتى. ئۇمۇ خۇددى ھىتلېرغا ئوخشاش جاما’ئەت ئارىسىدا كۆرۈلىش ۋاقىتلىرىدا قولىدا قامچىلىق ئوتتۇرغا چىقمايدىغان ۋاقىتلىرى بەكلا كام كۆرۈلەتتى. ئەمما بۇ ئىككىسىنىڭ قامچىلىق يۈرۈشى بىر-بىرسىدىن تۈپتىن پەرق قىلاتتى. ھىتلېر قامچىسىنى خۇددى يىتىلەپ يۈرگەن ئىتىنىڭ تاسمىسىنى بىلىكىگە ئۆتكۈزۈپ يۈرگەندەك قامچا سېپىنى بىلىكىگە ئۆتكۈزىۋېلىپ يۈرەتتى. ئەمما ستراچ قامچىسىنى ئۇياق-بۇياققا شىلتىپ ھەيۋە قىلىشنى ياخشى كۆرەتتى. ستراچ ياش ۋاقىتلىرىدا “يەھۇدىيلارغا قارشى لىق كىتاب ۋە بروشۇرلار قاچىلانغان سومكىسىنى مۆرىسىگە ئېسىۋېلىپ تەرەپمۇ-تەرەپ چېپىپ يۈرەتتى.” ئۇنىڭ پۈتۈن نۇتۇقلىرى ھەسەتخورلۇق پۇرىقىغا تولغان بولاتتى. ئۇ ئۆزىنىڭ سىياسى دۈشمەنلىرىگە قارىتا ئەڭ پاسكىنا تىللار بىلەن ھۇجۇم قىلاتتى. بۇ ئادەم يەھۇدىيلارنىڭ ئارىيانلارغا قارشى سۈيىقەست پىلانلاپ يۈرىدۇ دەيدىغان گەپلەرگە قەتئى ئىشىنىدىغان بىرسى بولغاچقا، ئۇنىڭ ھاقارەت تىلى چەكسىز تىل-ئاھانەتلىك سۆزلەر بىلەن تولغان بولاتتى.

ئۇ ئاخىرى نېمىس مىللەتچى سوتسىيالىزم ئىشچىلار پارتىيىسىگە ئەزا بولىدۇ. 1922-يىلى، بۇ پارتىيىنىڭ نيۇرېنبېرگ ياچىكىسى قۇرۇلىشى بىلەن تەڭ، ستراچ، مەخسۇس يەھۇدىيلارغا قارشى «ئېس-ئاچىلار» دېگەن بىر گېزىت چىقىرىشقا كىرىشىدۇ. بۇ گېزىت ۋيېنادا نەشىرى قىلىنغان، ئۆز ۋاقتىدا ياش ھىتلېرغا قاتتىق تەسىرىنى يۇقتۇرغان «شەرق يۇلتۇزى» دېگەن زھۇرنالغا قارىغاندا ھاقارەت قىلىش بىلەن زەھەرخەندىلىك جەھەتلەردە كۆرىنەرلىك ئالغا كەتكەن ئىدى. شۇنىڭدەك بۇ گېزىت ھىتلېرنىڭ نۇرغۇنلىغان مورتلىرىنىڭ تىللاپ  ئاچچىغىنى چىقىرىۋالىدىغان بىر مەنبەگە ئايلىنىدۇ. گەرچە ھىتلېر سېرىق ئەدەبىياتلارغا شىددەت بىلەن قارشى تۇرىدىغان بىرسى بولغانلىقى ئۈچۈن ستراچنىڭ بەكلا يالىڭاچ ئوتتۇرغا چىقىشىنى توغرا تاپمىغاندەك قىلسىمۇ، بۇ غەلىتى مورتىنىڭ پارتىيىلەر ئوتتۇرسىدىكى جىدەللەرگە قارشى ئەشەددىلىك بىلەن ھۇجۇمغا ئۆتكەنلىكىگە يەنىلا قىزىقاتتى. شۇنىڭدەك، ھىتلېر يەنە ستراچنىڭ تولۇپ تاشقان زىھنى كۈچى بىلەن ئۇنىڭ ئەسەبىلەرچە ساداقىتىگە قاراپ ئۇنىڭدىن رازى ئىدى.

ھىتلېر بۇ ئادەم ھەققىدە توختىلىپ كېلىپ مۇنداق دەيدۇ: “دىترىخ ئېيتكار ماڭا نۇرغۇن قېتىم ستراچنىڭ ئوتتۇرا مەكتەپ ئوقۇتقۇچىسى بولغان بىرسى ئىكەنلىكىنى، ئەمما نۇرغۇن تەرەپلەردىن ئۇنىڭ بەكلا غەلىتە بىرسى ئىكەنلىكىنىمۇ ئېيتقان ئىدى. ئۇ يەنە ماڭا، ئەگەر بىز ستراچتەك بۇنداق كىشىلەرنى قوللاپ بەرمىگىنىمىزدە، نېمىس مىللەتچى سوتسىيالىزم  ھەرىكىتىنى غەلىبىگە ئېرىشتۈرەلىشىمىز مۇمكىن ئەمەس دەيتتى.” ھەقىقەتەنمۇ ستراچ «ئېس-ئاچىلار» گېزىتىدە بەكلا ھەددىدىن ئېشىپ كېتىپ نۇرغۇن ئادەملەرنىڭ نارازىلىقىنى كەلتۈرۈپمۇ چىقىراتتى. بۇنداق ۋاقىتلاردا ھىتلېر، كۈتۈلمىگەن جاۋاپلارنى بېرەتتى: “بەزىلەر، ستراچ يەھۇدىيلارنى بەكلا غايىۋىلەشتۈرىۋەتتى دېيىشىدىكەن. ئەسلىدە ئۇ دەل بۇنىڭ ئەكسىچە يەھۇدىيلار تېخىمۇ نۇمۇسسىز، تېخىمۇ ۋەھشى نەرسىلەر بولۇپ، ستراچنىڭ بەرگەن باھالىرىدىن مىڭ ھەسسە رەھىمسىز.”

ھىتلېرنىڭ مورتلىرى ساپلا شۇنداق ئادەملەردىن تەشكىل تاپاتتى. ئۇنىڭ قوزغىغان ھەرىكىتى جەمىيەتنىڭ بارلىق تەبىقىلىرىگە زىچ باغلىق بولغاچقا، ھەر تۈرلۈك كىشىلەرنى ئۆز ئەتراپىغا توپلىغان ئىدى. يەنى ئۇنىڭ ئەتراپىدىكى كىشىلەر ئارىسىدا زىيالىيلار، كوچا نوچىلىرى، ھەر تۈرلۈك غەلىتى كىشىلەر، غايىلىق ئادەملەر، سەرگەندارلار، ياللانما ئەسكەر كوماندىرلىرى، ئىنتىزامغا رى’ئايە قىلىدىغان ۋە ئىنتىزامغا بوي سۇنمايدىغانلار، ئەمگەكچىلەر ۋە ئاق سۈڭەكلەرنىڭ ھەممىسىلا تېپىلاتتى. بۇ تۈردىكى كىشىلەرنىڭ بەزىلىرى ئەدەپ-قا’ئىدىلىك بولسا، يەنە بەزىلىرى رەھىمسىز زوراۋان كىشىلەر ئىدى؛ بەزىلىرى مۇقىم ئورنى يوق سەرگەندار، قۇۋلۇق-شۇملۇقنى كەسىپ قىلىشقان كىشىلەر بولسا، يەنە بەزىلىرى ئاق كۆڭۈل كىشىلەردىن تەشكىل تاپاتتى. بۇ ئادەملەرنىڭ بەزىسى يازغۇچى، رەسسام، مەدىكار، دۇكاندار، چىش دوختۇرى، ستۇدېنت، ئەسكەر ياكى پوپ ئىدى. شۇڭا ئۇنىڭ كۈچى ھەممە يەرگە تارقالغان بولۇپ، ھەممە ساھەدىكى كىشىلەرنى سىغدۇرالايتتى. يەنى خۇددى ئېيتكارغا ئوخشاش زەھەرلىك چىكىملىك خۇمارلىرىنى سىغدۇرالىسا، يەنە رومغا ئوخشاش بەچچىغەرلەرنىمۇ سىغدۇرالايتتى. كۆپلىگەن كىشىلەر ئۈچۈن ھىتلېر دېمەك، ھەممە دېمەك بولاتتى. شۇنىڭدەك يەنە يەھۇدىيلارغا، ماركسىزمغا قارشى كىشىلەر بىلەن گېرمانىيىنى گۈللەندۈرۈش ئۈچۈن كۈرەش قىلالايدىغان بارلىق كىشىلەرنى پارتىيىسى ئەتىراپىغا توپلاشقا ھەر دا’ئىم تەييار تۇراتتى.

“مېنىڭ ئەڭ خوشال كۈنلىرىم دەل شۇ كۈنلەر ئىدى. – دەيدۇ ھىتلېر ئارىدىن 19 يىل ئۆتكەن بىر قىش كېچىسى، ئۇ ھاياجان ئىچىدە شۇ كۈنلەرنى ئېسىگە كەلتۈرۈپ ئىنتايىن خوشال بولغان ھالدا شۇ ۋاقىتلاردا ئۇنى ھىمايە قىلغان كىشىلەر ھەققىدە سۆزلەپ كېتىدۇ، − مەن بۈگۈن، شۇ ۋاقىتلاردىكى بەزى كىشىلەرنى تۇيۇقسىز ئۇچرىتىپ قالسام، بەكلا ھاياجانلىنىپ كېتىمەن. ئۇلار مېنى ھەقىقەتەنمۇ چىن قەلبىدىن ھىمايە قىلغان ئىدى. ئۇ كۈنلەر ھەقىقەتەنمۇ ھاياجانلىق كۈنلەر ئىدى. كىچىك بىر يايمىچىمۇ كېلىپ مېنىڭ بىلەن كۆرۈشۈشكە ئالدىرايتتى: ‘مەن ھىتلېر ئەپەندىگە بىر قانچە تال تۇخۇم بولسىمۇ سوغات قىلىۋالاي’ دېيىشىپ كېتەتتى. … مەن بۇ تۈردىكى سەمىمى سادىق كىشىلەرنى بەكلا ياخشى كۆرەتتىم.”

ئۇنىڭ مورتلىرى ئارىسىدىكىلەر ھەرقانچە قۇۋلۇق-شۇملۇق قىلىدىغان كىشىلەر بولسىمۇ، ھىتلېر ئۇنداقلاردىن ھەرگىزمۇ زىرىكمەيتتى. بەلكىم ۋيېنادىكى بېشىدىن ئۆتكەن شۇ پاجى’ئەلىك كۈنلەرنىڭ خاتىرىسى ئۈچۈنلا پارتىيە مەركىزىنى كارنىريۇس (卡尔尼留斯) كوچىسىغا ئورۇنلاشتۇرغان دېيىش مۇمكىن. پارتىيە مەركىزى قىلىپ تاللىۋالغان بۇ يەر خېلىلا كەڭتاشا بىر يەر بولۇپ، ئۇ يەردە نامىراتلىق دەردىدە ياتقىدەك بىرەر يەرنىڭ غىمىدا قالغان كىشىلەرگە زىمىستان سوغۇق قىشنى چىقىرىۋېلىشقا قولايلىق يارىتىپ بېرىشنى مەقسەت قىلغان ئىدى. “قىش كېلىشى بىلەن تەڭ، − دەيدۇ فلىش پور (菲力气•波勒) ئەسلەپ كېلىپ، − كۈتىۋېلىش زالى ئىشسىز پارتىيە ئەزالىرى بىلەن پارتىيىنى ھىمايە قىلغۇچى كىشىلەرنىڭ ئىسىنىش ماكانىغا ئايلىنىپ قالاتتى. بۇ كىشىلەر ئۇ يەردە ۋارقىراپ-جارقىرىشىپ قەرت ئويناپ، ۋاقتىنى بەكلا كۆڭۈللۈك ئۆتكۈزەتتى. بۇ ۋاراڭچۇرۇڭلۇق ئىچىدە ئۆزەڭنىڭ ئاۋازىنىمۇ ئاڭلىيالماي قالىسەن. بەك ھەددىدىن ئېشىپ كەتكىنىدە بۇ يەرگە مەسئۇل قىلىنغان كرىستىيىن ۋېبىر (克里斯汀•韦伯) ئۇلارنى قامچىلاپ قوغلاشقىمۇ مەجبۇر بولۇپ قالاتتى.”
يۇنىل ئوپال سىلىقلاش مېيى

2

تېما

0

دوست

1682

جۇغلانما

تىرىشچان ئەزا

ئۆسۈش   68.2%

ئەزا ئۇچۇرى
تىزىم نۇمۇرى:  11700
يازما سانى: 68
نادىر تېمىسى: 1
مۇنبەر پۇلى: 395
تۆھپە : 242
توردىكى ۋاقتى: 75
سائەت
ئاخىرقى: 2013-4-18
يوللىغان ۋاقتى 2013-1-3 18:36:10 |ھەممە قەۋەتنى كۆرۈش
(2)


1922-يىلى كۈز ئايلىرىدا، ئادولف ھىتلېرنىڭ پا’ئالىيەتلىرى ئىتتىپاقداش دۆلەتلەرنىڭمۇ قىزىقىشىنى قوزغايدۇ. ئامېرىكىنىڭ گېرمانىيىدە تۇرۇشلۇق باش ئەلچىسىنىڭ مەسلىھەتىگە ئاساسەن، ئامېرىكا ھۆكۈمىتى “توختىماي كۈچلىنىپ بېرىۋاتقان، ئۆزلىرىنى مىللەتچى سوتسىيالىزمچىلار ھەرىكىتى دەپ ئاتىۋالغان كۈچلەرنىڭ قانچىلىك تەسىر كۈچى بارلىقىنى مۆلچەرلەپ كېلىش” ۋەزىپىسى بىلەن بېرلىندا تۇرۇشلۇق مۇ’ئاۋىن ھەربى ئەمەلدار ترومىن سىمىتنى (杜鲁门•史密斯) مىيونخېنغا ئىۋەرتىدۇ. بۇ كىشى يالى ئۇنىۋېرسىتېتى بىلەن ۋېستپويىت ھەربى مەكتىۋى (ئامېرىكا غەربىي ھەربى ئۇنىۋېرسىتېتى) نى پۈتتۈرگەن ئالاھىدە مەلۇماتلىق بىرسى ئىدى. شۇنىڭدەك، ئۇنى بېرىپ ھىتلېر بىلەن بىۋاستە ئۇچرىشىپ، “ئۇنىڭ مىجەز-خاراكتېرى، ئالاھىدىلىكى، قابىلىيىتى ۋە ئاجىزلىق تەرەپلىرى ھەققىدە مەلۇماتقا ئېرىشىش” نى ۋەزىپە قىلىپ تاپشۇرىدۇ. شۇنىڭدەك سىمىت يەنە نېمىس مىللەتچى سوتسىيالىزم ئىشچىلار پارتىيىسىنىڭ كۈچ-قۇدرىتىنى، ئىستىقبالىنى تەكشۈرۈپ كېلىش ۋەزىپىسىنىمۇ ھۆددىگە ئالغان ئىدى. تېخىمۇ ئېنىقىراق ئېيتقاندا، سىمىت، بىرەر ئامالىنى قىلىپ تۆۋەندىكى سۇ’ئاللارغا جاۋاپ تېپىپ كېلىشى لازىم ئىدى: “باۋارىيە تەۋەسىنىڭ گېرمانىيىدىن ئايرىلىپ مۇستەقىل دۆلەت بولۇش ئېھتىمالى بارمۇ؟ مىيونخېندا يەنە بىر قېتىملىق كومپارتىيە قوزغىلىڭى پارتىلاش خەۋىپى بارمۇ-يوق؟ ھىتلېرنىڭ سوتسىيالىزمچى ئىشچىلار پارتىيىسى باۋارىيە ھاكىمىيىتىنى تارتىپ ئېلىش ئىمكانى بارمۇ-يوق؟
باۋارىيىدە تۇرۇشلۇق دۆلەت مۇداپىيە ئارمىيىسى 7-دىۋىزىيىسى گېرمانىيە ئىمپىرىيىسىگە سادىق بىر ئارمىيىمۇ ياكى بېرلىن بىلەن باۋارىيىگە ئايرىم-ئايرىم ساداقەت كۆرسىتىش ئېھتىمالى بارمۇ؟ ئەگەر  ئوڭچىلار ياكى سولچىلار توپىلاڭ چىقارسا ياكى قوزغىلاڭ كۆتەرسە بۇ دىۋىزىيە كۈچىگە تايىنىپ بېسىقتۇرۇش ئېھتىمالى بارمۇ-يوق؟”

سىمىت، 15-نويابىر چۈشتىن بۇرۇن مىيونخېنغا يېتىپ كېلىدۇ. ئۇ مارىياناباد (玛利安巴德) مىھمانخانىسىغا جايلاشقاندىن كېيىن، دەرھال لىدېر (雷德勒) كوچىسىغا جايلاشقان ئا ق ش كونسۇلخانىسىغا بېرىپ باش كونسۇل روبېرت مورفى (罗伯特•墨菲) بىلەن كۆرۈشىدۇ. 28 ياشلىق مورفى (墨菲) (بۇ كىشى كېيىن بىلىگىيە باش ئەلچىلىكىگە تەيىنلىنىدۇ) سىمىت (史密斯) قا باۋارىيىنىڭ يېڭى باش مىنىستىرى “ئۇنچە بەك كۈچلۈك بىرسى ئەمەس، … ئۇ پەقەتلا سابىق باش مىنىستىر كارل (卡尔) نىڭ “قولىدىكى بىر ئويۇنچۇقتىن باشقا نەرسە ئەمەس” دەيدۇ. بۇ كونسۇل يەنە مۇنداق دەيدۇ: سوتسىيالىزمچى ئىشچى پارتىيىسى تېزلىكتە كۈچىيىپ بارماقتا، بۇ پارتىيىنىڭ داھىسى بولغان كىشى گەرچە “قارام تەۋەككۈلچى بىرسى” بولغاندەك قىلسىمۇ، ئۇ كىشى بەرىبىر “ۋەزىيەتنى چوڭقۇرلاپ تەتقىق قىلىپ چىققان نارازى بولغۇچىلاردىن بىرسى دېيىشكە بولىدىغان” بىرسى. ھىتلېر دېگەن بۇ ئادەم باۋارىيەلىكلەرنىڭ كۆڭلىنى ياخشى بىلىدىغان بىرسى ھېساپلانسىمۇ، “گېرمانىيە مىللى ھەرىكىتىگە رەھبەرلىك قىلالىغىدەك قابىلىيىتىنىڭ بار-يوقلىقىغا بىر نېمە دېمەك ھازىرچە بەكلا ئەتىگەن.”

شۇنىڭدىن كېيىنكى بىر قانچە كۈن ئىچىدە، سىمىت يەنە قۇرۇغلۇق ئارمىيە قۇماندانلىرى بىلەن، ھۆكۈمەت مەسئۇللىرى بىلەن، شاھزادە لوپكېشىت (卢普科希特) (بۇ ئادەم راستىنلا قابىلىيىتى يوق بىرسى. ئەمما ئۇنىڭ بەزى سىياسى كۈچى بولىشى ئېھتىمال) بىلەن، يەنە بىر لىبىرالىس گېزىت تەھرىرى بىلەن، شۇنىڭدەك يەنە مېكس ئېلۋىن (梅克斯•埃文)، فون شۇبىنا رېشت (冯•舒本纳•里希特) (بۇ ئادەم نېمىس ئىرقىدىن بولۇپ، بالتىق دۆلەتلىرىدىن قېچىپ كەلگەن بىر مۇساپىر ئىدى. ئۇ ئايالىنىڭ كىنەزلىك سالاھىتىدىن پايدىلىنىپ يۈرگەن بىرسى ئىكەن) قاتارلىقلار بىلەن سۆھبەتلىشىپ چىقىدۇ. شۇبىنا رېشت (舒本纳•里希特) دېگەن بۇ ئادەم روسېنبېرگ (罗森堡) نىڭ يېقىن دوستلىرىدىن بىرسى بولۇپ، ھىتلېرغا ئالاھىدە تەسىر كۆرسىتىشكە باشلىغان ئىدى. بۇ كىشى سىمىت (史密斯) قا مۇنداق دەپ كاپالەت بېرىدۇ: پارتىيىنىڭ يەھۇدىيلارغا قارشى مەيدانى “پۈتۈنلەي تەشۋىقات مەقسىتىدە ئوتتۇرغا قويۇلغان بىر ئىش دەپ بىلسىڭىز بولىدۇ.” شۇنىڭدىن كېيىن بۇ ئادەم سىمىت (史密斯) نى پارتىيىسىنىڭ يېڭى مەركىزىدە ئۆتكۈزۈلىدىغان ئېس-ئاچىلار ئەترىتىنىڭ پارات مۇراسىمىغا تەكلىپ قىلىدۇ.

شۇ كۈنى ئاخشىمى مىھمانخانىدىكى ياتىقىدا ئولتۇرۇپ “ھەقىقەتەنمۇ ھەشەمەتلىك ئىدى. − دەپ يازىدۇ سىمىت (史密斯) كۈندىلىك خاتىرىسىگە، − مەن ئەزەلدىن كۆرۈپ باقمىغان 1200 نەپەر قاۋۇل يىگىت كونا ئىمپىرىيە بايرىقىنى كۆتۈرۈپ، بىلەكلىرىگە كرىست بەلگىلىك يەڭلىكلەرنى تاقاپ، پارات قەدەملىرى بىلەن پاراتنى قوبۇل قىلىشى ئۈچۈن ھىتلېرنىڭ ئالدىدىن ئۆتىدۇ. پارات قوبۇل قىلىش تاماملانغاندىن كېيىن، ھىتلېر بىر نۇتۇق سۆزلەيدۇ. … ئاندىن ‘يەھۇدىيلارغا ئۆلۈم!’ دەپ شۇ’ئار توۋلايدۇ. كىشىلەر توپى پۈتۈنلەي ئۆزىنى يوقاتقىنىچە تەنتەنە قىلىشتى. مەن ئۆمۈرۈمدە بۇنداق بىر مەنزىرىنى كۆرۈپ باقمىغان ئىكەنمەن.”

ئەتىسى شەنبە كۈنى، سىمىت (史密斯) لۇدېندورفنىڭ ئۆيىدە ئۇنىڭ بىلەن سۆھبەت ئۆتكۈزىدۇ. بۇ گېنېرال، بۇرۇن ئۇنىڭ “ئاۋال رۇسىيىدە بولشېۋىكچىلىكنى تارمار كەلتۈرەلىگىنىمىزدىلا ئاندىن گېرمانىيىدىكىلەرنى يوقۇتۇشقا بولىدۇ” دەپ ئويلىغانلىقىنى ئېتراپ قىلىدۇ. ئۇ مۇنداق دەيدۇ: ئىتتىپاقداش دۆلەتلەر “چوقۇم ماركسىزم بىلەن تاقابىل تۇرالايدىغان كۈچلۈك ھۆكۈمەتنى قوللىشى شەرت، … بۇنداق بىر ھۆكۈمەت مەڭگۈ “ھازىر مەۋجۇت بولىۋاتقان قالايماقان يىغىنلار شارا’ئىتى ئاستىدا پەيدا بولالمايدۇ. … بۇنداق ھۆكۈمەت پەقەت ۋەتەنپەرۋەر كىشىلەر تەرىپىدىنلا تەشكىللىنىدىغان بولىشى كېرەك. … فاشىزم ھەرىكىتى ياۋروپادىكى ئەكسىيەتچىل كۈچلەرنىڭ ئۇيغۇنۇشقا باشلىغانلىقىنى ئىپادىلىمەكتە. … مۇسسولىن گېرمانىيىنىڭ مىللى ئىشلىرىغا ھەقىقەتەنمۇ ھېسسىداشلىق قىلىپ كەلمەكتە” دەپ قەتئى ئىشىنىدىغانلىقىنى بىلدۈرگەن.

دۈشەنبە كۈنى چۈشتىن كېيىن سا’ئەت 4 تە، سىمىت (史密斯)، شۇبىنا رېشت (舒本纳•里希特) نىڭ يېرىدە ھىتلېر بىلەن كۆرۈشىدۇ. سۆھبەت زالى “شۇنچىلىك ئاددى ئىدىكى، بۇنچە قۇرۇق بىر يەرنىڭ يىغىن زالى بولىشىغا ئادەمنىڭ ئىشەنگىسى كەلمەيتتى؛ بۇ يەر خۇددى نيۇيوركتىكى ئەبجىغى چىقىپ كەتكەن ئىجارە ئۆيلىرىنىڭ ئارقا مېھمانخانا ئۆيلىرىدىن قىلچە پەرقى يوق ئىدى.” بۇ كۆرۈشۈشتىن كېيىن، سىمىت (史密斯) كۈندىلىك خاتىرىسىگە مۇنداق دەپ يازىدۇ: “ھاكىمىيەت سىرتىدا قالغان مەشھۇر پارتىيە داھىسى. مەن بۇنداق غالجىرانە، شۇنىڭدەك يەنە بۇنچە رەھىمدىل بىرسىنىڭ نۇتقىنى زادىلا ئاڭلاپ باقمىغان ئىكەنمەن. بۇنداق بىر ئادەمنىڭ خەلق ئاممىسى ئارىسىدىكى كۈچى چوقۇم تەڭداشسىز بولىشى كېرەك. … ھىتلېر ئۆزىنىڭ بۇ ھەرىكىتىنى ‘جىسمانى ۋە ئەقلى ئەمگەكچىلىرى ئىتتىپاقلىشىپ ماركسىزمغا بىرلىكتە قارشى تۇرۇش ھەرىكىتى’ دەپ تەرىپلىمەكتە. ئۇ يەنە ‘ئەگەر بولشىۋېكچىلارنى باستۇرۇش شەرت بولىدىكەن، نۆۋەتتە كاپىتال ھەققىدىكى قارىلاشلارنى قەتئى توختۇتۇشقا توغرا كېلىدۇ. بۇ جەھەتتە يىغىننىڭ چەكلەش كۈچى چوقۇم رول ئوينىيالىشى لازىم. بۇ جەھەتتە پەقەتلا كۈچلۈك مۇستەبىتچىلىكلا گېرمانىيىدە پۇت تىرەپ تۇرالايدۇ.’ دەيدۇ. سىمىت خاتىرىسىگە يەنە “بىزنىڭ مەدەنىيىتىمىز ماركسىزم بىلەن ھەل قىلغۇچ جەڭ قىلىشى لازىم. بۇنداق بىر جەڭنى ئا ق ش ياكى ئەنگىلىيە تۇپراقلىرىدا قانات يايدۇرغانغا قارىغاندا گېرمانىيە تۇپراقلىرىدا قانات يايدۇرۇش تېخىمۇ پايدىلىق بولىدۇ. بۇنداق بولغىنىدا، ئامېرىكا بىلەن ئەنگىلىيىگىمۇ پايدىلىق بولىدۇ. ئەگەر بىز (ئامېرىكا) گېرمانىيىنىڭ مىللەتچىلىرىنى قوللىمايدىكەنمىز، بولشېۋىكچىلار چوقۇم گېرمانىيىنى بوي سۇندۇرىۋېلىشى مۇقەررەر. ئۇ چاغدا، ئۇرۇش چىقىمىنى تۆلەش دەيدىغان مەسىلە مەۋجۇت بولمايدۇ. بۇ چاغدا رۇسىيە بىلەن گېرمانىيە بولشېۋىكلىرى ئۆزگە خاس ئارزۇلىرىغا ئاساسەن چوقۇم غەرب ئەللىرىگە ھۇجۇم قىلىشى مۇمكىن.”

ھىتلېر يەنە باشقا مەسىلىلەر ئۈستىدىمۇ توختىلىپ ئۆتكەن بولسىمۇ، يەھۇدىيلار مەسىلىسىنى ئېغىزغىمۇ ئېلىپ قويمايدۇ. كېيىن، بۇ مەسىلىنى سىمىتنىڭ ئۆزى كەسكىن بىر شەكىلدە ئوتتۇرغا قويۇپ سۇ’ئال قويىدۇ. ھىتلېر بۇ مەسىلە ھەققىدە بەرگەن جاۋابىدا “ئۇلارنىڭ گرازھدانلىق ھوقۇقىنى ئېلىپ تاشلاپ، يەھۇدىيلارنىڭ جاما’ئەت ئىشلىرى بىلەن شوغۇللىنىشىنى ئەمەلدىن قالدۇرىدىغانلىقى” نىلا تىلغا ئېلىش ئارقىلىق سىمىتنىڭ سو’ئالىغا جاۋاب بەرگەن بولىدۇ. سىمىت بۇ قاراڭغۇ ئۆيدىن ئايرىلغان ۋاقتىدا، گېرمانىيە سىياسى سەھنىسىدە ھىتلېر ئىنتايىن مۇھىم بىر ئامىل بولىدىغانلىقىغا ئىشەنگەن ئىدى. ھىتلېر 22-نويابىر كۈنى نۇتۇق سۆزلەيدىغان بولىدۇ. بۇ يىغىن ئۈچۈن سىمىت بىر پارچە يىغىنغا كىرىش بېلىتى تاپشۇرۇپ ئالغان بولسىمۇ، كۈتۈلمىگەندە بېرلىنغا چاقىرتىلغانلىقى سەۋەبىدىن، بۇ يىغىنغا قاتنىشىش بېلىتىنى ئېرنست خانفشتانگېر (恩斯特•汉夫施坦格尔) غا قايتۇرۇپ بېرىدۇ.
بۇ ئادەم ئىگىز بويلۇق، ئۇرۇق ئىنچىكە ئىڭەكلىك، غەلىتە مىجەزلىك بىرسى بولۇپ، خارۋارد ئۇنىۋېرسىتېتىنى پۈتتۈرگەن بىرسى ئىدى. خانفشتانگېر (汉夫施坦格尔) ھىتلېر دېگەن بۇ مەخلۇققا بەكلا سىرلىك قارايتتى. ئەجىبا ئۇ بۇ نەتىجىنى ئۇنىڭغا يەتكۈزەرمۇ؟ “مېنىڭ پەرەز قىلىشىمچە، ئۇنىڭ رولى بەكلا چوڭ. – دەيدۇ سىمىت، − سەن ئۇنى مەيلى ياخشى كۆر ياكى كۆرمە، ئۇ ئۆزىنىڭ نېمىنى خالاپ، نېمىنى خالىمايدىغانلىقىنى ياخشى بىلىدىغان بىرسى ئىدى” دەيدۇ سىمىت.

سىمىتنىڭ خانفشتانگېر (汉夫施坦格尔) نىڭ ھۆكۈم قىلىش قابىلىيىتىگە ئىشىنىشىنىڭ بىر سەۋەبى، بۇ ئادەمنىڭ ئارقا كۆرۈنىشىنىڭ ھەقىقەتەنمۇ ئالاھىدە ئىكەنلىكىگە ئاساسلىناتتى. خانفشتانگېر (汉夫施坦格尔) نىڭ ئاپىسى يېڭى ئەنگىلىيىلىكلەرنىڭ داڭلىق ئا’ئىلىلىرىدىن كېلىپ چىققان، يەنى لودىۋىكس (虐德维克斯) لار جەمەتىنىڭ بىر ئەزاسى ئىدى؛ خانفشتانگېرنىڭ بوۋىلىرىدىن ئىككىسى جەنۇب-شىمال ئۇرۇشى مەزگىلىنىڭ گېنېراللىرىدىن بولۇپ، ئۇلاردىن بىرسى يەنە كېلىپ لىنكىننىڭ مۇھاپىزەتچىلىرىدىن بىرسى ئىدى.
خانفشتانگېرلار جەمەتىدە ئىككى نەپەر كىشى ساكسون (萨克塞) دا، يەنى كوباۋ (科堡) دا گودې (哥达) كىنەزلىكىدە مەخپى مەسلىھەتچىلىك ۋەزىپىسىدە بولغان بولۇپ، ئۇ يەنە كېلىپ گۈزەل سەنئەت ئەسەرلىرى مەھلىياسى ۋە بۇ جەھەتتىكى مۇھىم خېرىدارلاردىن بىرسى ئىدى. بۇ جەمەتتىكىلەر مىيونخېندا ئۆزلىرىنىڭ گۈزەل سەنئەت نەشرىياتىنى ئاچقان، شۇنىڭدەك نەپىس گۈزەل سەنئەت ئەسەرلىرى بىلەن داڭق چىقارغان كىشىلەر ئىدى. خانفشتانگېر (汉夫施坦格尔) مۇ گۈزەل سەنئەت ۋە مۇزىكا مۇھىتى ئىچىدە ئۆسۈپ يېتىلگەن بىرسى بولۇپ، ئۇنىڭ ئا’ئىلىسى ھېر رىخمان (黑利•雷赫曼)، ۋېلھىلم بۇش (威廉•布希)، رىچارد ستراۋۇس (理查•施特劳斯)، فىلىكس ئېۋنگىنا (菲力克斯•文加纳)، ۋېلھىلم باكخاۋس (威廉•巴克豪斯)، فلىتزوف نانسى (弗里特佐夫•南森) ۋە مارك تۇۋىن (马克•吐温) قاتارلىق كىشىلەرنىڭ ئۇچرىشىش سورۇنى ھېسابلىناتتى. ئۇمۇ ھەقىقەتەنمۇ ئۇستا پىيانىست ھېسابلىناتتى. باۋارىيىدىكى داڭلىق سالونلاردا كىشىلەر ئۇنىڭ پىيانو پەدىلىرى ئالدىدا كۆتۈرۈلۈپ تۇرغان 6.4 غېرىچ گەۋدىسىنى پات-پاتلا كۆرۈپ قالاتتى. شۇڭا ئۇنىڭغا “ۋىجىك بالا” دەپ لەقەم قويۇلغان ئىدى.

يەنە شۇ 22-نويابىر كۈنىسى، خانفشتانگېر (汉夫施坦格尔) ترامۋايغا ئولتۇرۇپ كىندى (金德) رېستۇرانتىغا كېلىدۇ. بۇ رېستۇرانت ل ھەرىپى شەكلىدىكى چوڭ بىر رېستۇرانت بولۇپ، رېستۇرانت ئىچى ئادەملەر بىلەن مىغىلداپ تۇراتتى. يىغىن قاتناشقۇچىلىرى ئارىسىدا ئاز ساندا پىنسىيىگە چىققان ئوفىسسېر ۋە ئۇششاق ئەمەلدارلار، ئۇششاق تىجارەتچىلەر بار بولۇپ، مۇتلەق كۆپ قىسمى ياشلار بىلەن ئىشچىلار ئىدى. نۇرغۇنلىغان كىشىلەر باۋارىيىنىڭ مىللىي كىيىملىرىنى كىيىپ كەلگەن ئىدى.

خانفشتانگېر (汉夫施坦格尔)) مۇخپېرلار  تەۋەسىدىن بىرەر تونۇشۇم بارمىدۇ دەپ شۇنچە ئاختۇرۇپمۇ بىرەر تونۇش تاپالمايدۇ. ئاندىن ئۇ ھىتلېرنىڭ نەدە ئولتۇرغانلىقىنى تاپالمايدۇ. بۇ چاغدا مۇخبېرلاردىن بىرسى ئۇنىڭغا ئۈچ كىشىنى كۆرسىتىدۇ. ئۇ ئۈچەيلەننىڭ پاكار بويلۇقى مېكس ئامن (梅克斯•阿曼)؛ كۆزئەينەك تاقىغىنى ئانتون درېكسل (安东•德莱克斯勒) بولۇپ، ئۈچىنچىسى ھىتلېر ئىدى. ھىتلېر تۈز تاپانلىق بەكلا قوپال ھەم ئېغىر ئاياق كىيىۋالغان بولۇپ، ئۇچىسىغا كراخماللانغان ئاق ياقىلىق قارا كۆڭلەك كەيگەن ئىدى. خانفستانگېر (汉夫施坦格尔)) ئىختىيارسىزلا ئۇنىڭ خىيالىغا بۇ قىياپەت قايسى بىر پويىز ئىستانسىسىنىڭ ئاشخانىسىدا ئىشلەيدىغان يۈگۈر-يىتىمچىنىڭ قىياپىتىگە ئوخشايدىغانلىقى كېلىدۇ. ئەمما درىكسل ھىتلېرنى كۆپچىلىككە تۇنۇشتۇرۇپ بولۇپ مۇخپىرلارنىڭ يېنىغا ماڭغىنىدا “شۆبىھسىزكى، ئۇ بىر پۇخراچە كېيىنگەن ئەسكەر” دېگەنلەرنى خىيالىدىن ئۆتكۈزىدۇ.

بۇ چاغدا قۇلاقنى يارغىدەك ئالقىش كۆتۈرىلىدۇ. ھىتلېر سەھنىگە چىقىپ ئىككى پۇتىنى كېرىپ، قولىنى كەينىچە قوشتۇرۇپ، خۇددى بىر پوستا تۇرىۋاتقان ئەسكەردەك تىك تۇرىدۇ. ئۇ، خاتىرجەملىك بىلەن ئاۋازىنى تەڭشەپ سۆزگە كىرىشىدۇ. ئۇ ئۆتكەن بىر قانچە يىلدا يۈز بەرگەن ۋەقەلەرنى بىر قۇر ئەسلىتىپ ئۆتىدۇ. ئاندىن گېپىنى ئۇستىلىق بىلەن ھۆكۈمەتكە قارىتىدۇ. ئەمما ئۇ مازاق قىلىدىغان ياكى تەنقىتلەيدىغان سۆزلەرنى ئىشلەتمەيدۇ. ئۇ ۋەقەلىكلەرنى ئەدەپ-قا’ئىدىلىك يوقۇرى سەۋىيىلىك نېمىسچە بىلەن ئىنتايىن تەپسىلى تونۇشتۇرۇپ ئۆتىدۇ. ئۇنىڭ تىلى ئارىلاپ ۋيېنا شىۋىسىگىمۇ ئېغىپ كېتەتتى. ئۇنىڭدىن نەچچە قەدەم نېرىسىدا ئولتۇرغان خانفشتانگېر (汉夫施坦格尔) ھىتلېرنىڭ سەمىمىلىك چاقناپ تۇرغان كۆزلىرىدىن بەكلا قاتتىق تەسىرلىنىپ كېتىدۇ. “ئۇنىڭ كۆزلىرىدىن راستچىللىق روھى چاقناپ تۇراتتى. شۇنىڭدەك ئۇنىڭ كۆزلىرىدىن چارىسىزلىقى بىلەن سۆزسىز يالۋۇرۇشىنىمۇ كۆرىۋېلىشقا بولاتتى.” ئۇ نۇتقىنى سۆزلەپ ئون مىنوت بولغىنىدا، خەلق ئاممىسىنىڭ قەلبىنى پۈتۈنلەي ئۆزىگە قارىتىۋالغان ئىدى. بۇ چاغدا، ئۇ ئۆزىنىڭ تۇرۇشىنى ئەركىن قويىۋېتىپ، خۇددى تولۇق چېنىققان بىر ئارتىسقا ئوخشاش قوللىرىنى ئويناتقىنىچە ۋيېنا قەھۋىخانىلىرىدىكىدەك قىلىقلارنى چىقىرىپ كۈچلۈك ھۇجۇمغا ئۆتۈشكە باشلايدۇ. خانفستانگېر (汉夫施坦格尔) يېنىدىكى بىر ئايالنىڭ ھىتلېرغا تىكىلگىنىچە ئاغزى ئېچىلىپلا قالغانلىقىنى كۆرىدۇ. كېيىن ئارىدىن بىر ئايال: “پۈتۈنلەي توغرا، بەك ياخشى سۆزلىدى!” دەپ ۋارقىرىۋېتىدۇ. دەل شۇ پەيتتە خۇددى بۇ ئاياللارغا رەخمەت ئېيتىۋاتقاندەك ھىتلېرنىڭ ئاۋازى تۇيۇقسىزلا كۈچىيىپ جاراڭلاشقا باشلايدۇ. ئۇ يەنە قولىنى رەسمى ئويناتقىنىچە دۆلەتنىڭ قىيىن كۈنلەردە قالغان پۇرسىتىدىن پايدىلىنىپ بېيىش يولىنى تۇتقان كىشىلەرنى قاتتىق تەنقىتلەشكە باشلايدۇ.

ھىتلېر پىشانىسىغا ئېقىپ چۈشكەن تەرلىرىنى سۈرتىۋېتىپ، ساقاللىق بىرسى سۇنغان پىۋىنى ئالىدۇ. مىيونخېندا پىۋىخۇمارلارنىڭ قارىشىدا بۇ ئىش ھەقىقەتەنمۇ قىزىقارلىق بىر ئەھۋال ھېسابلىناتتى. ئۇ نۇتقىغا قايتقاندىن كېيىن، قوللىرى تېخىمۇ كۈچلۈك ھەرىكەت قىلىشقا باشلايدۇ. ھەر دا’ئىم تۆۋەندىكى ئامما ئارىسىدىن بىرسى چىقىپ ئۇنى تىللاپ ۋارقىراپ كېتەتتى. بۇنداق ۋاقىتلاردا ئۇ بىردەم جىم تۇرۇپ خۇددى توپ تۇتىدىغاندەك ئوڭ قولىنى سەل-پەل كۆتۈرۈپ قوياتتى ياكى ئىككى قولىنى مەيدىسىگە قويۇپ ئۇنىڭغا قاراپ ۋارقىرىغانغا زەربە بەرگەندەك قىياپەتنى كۆرسىتەتتى. “ئۇنىڭ ھەرىكەتلىرى خۇددى قېلىچۋازلارنىڭ ھەرىكىتىگە ئوخشاش بولۇپ، قارشى تەرەپكە قېلىچ ئۇرغاندەك ياكى ئۇرغان قېلىچىنى قايتۇرغاندەك ھەرىكەتلەرنى قىلاتتى. يەنە بەزىدە پولات سىمدا ماڭىدىغان سىرىكچىدەك ئۆزىنى تەڭپوڭلۇقتا تۇتۇشقا تىرىشاتتى. يەنە بەزىدە ئۇنى ئۇستا بىر ئىسكىروپكىچىغىمۇ ئوخشاتقىم كېلىدۇ. ئۇنىڭ ئىسكىروپكا ئۈستىگە قويغان كامالچىسى مەڭگۈ تارتىپ تۈگۈتكىلى بولمايدىغاندەك نازۇك ئاۋاز چىقىرىپ، تىل بىلەن ئىپادىلەش مۇمكىن بولمايدىغان ماھارەت بىلەن ئاجايىپ مۇڭلۇق ئاۋاز چىقىرىۋاتقان مۇزىكا نوتىلىرىدەك پىكىرلىرىنى ئىپادىلەشكە تىرىشاتتى. … ئەمما دۈشمىنىگە قارشى شىددەت بىلەن ھۇجۇمغا ئۆتكەن ۋاقتىدا، يەنى يەھۇدىيلار بىلەن قىزىللارغا قارشى ھۇجۇمغا ئۆتكىنىدە ئۇنىڭدىكى بۇ خىل نازۇك ھەرىكەتلەر پۈتۈنلەي غايىپ بولاتتى. … بىزنىڭ پىرىنسىپىمىز، ئەگەر سەن نېمىس بولۇشنى خالىمايدىكەنسەن، سېنىڭ كاللاڭنى مىجىپ تاشلايمىز. چۇنكى بۇ بىر كۈرەش. كۈرەش قىلماي ھېچقانداق بىر غەلىبىنى قولغا كەلتۈرەلمەيمىز. بۇنداق بىر كۈرەشتە بىز ئىدىيىۋى كۈرەشنى ئاساس قىلىپ ھەرىكەت قىلىمىز. شۇنداقتىمۇ، ئەگەر زۆرۈر بولغىنىدا مۇشتۇمدىن پايدىلىنىشتىنمۇ چېكىنمەيمىز”.

خانفشتانگېر (汉夫施坦格尔) ھىتلېرنىڭ نۇتقىنىڭ ئىچىگە كىرىپلا كېتەتتى. ئۆزىگە كەلگىنىدىن كېيىن، ئەتىراپقا قاراشقا باشلايتتى. ئۇنىڭغا ئەتراپتىكىلەرنىڭ قاراشلىرى پۈتۈنلەي ئۆزگىرىپ كەتكەندەك ھېس قىلاتتى. بۇنداق ئۆزگىرىشكە قاراپ بەكلا ھەيران قالاتتى: “تېخى بىر سا’ئەت ئاۋاللا ۋارقىراپ-جارقىرىشىپ بىر-بىرسىنى ئىتتىرىشىپ يۈرگەن بۇ كىشىلەر، بايىقى ۋارقىراپ تىللاپ يۈرگەنلەر بىردەمدىلا ئۈن-تۈنسىز ھاياجان ئىچىدە ھىتلېرنىڭ نۇتقىنى ئاڭلاپ ئولتۇرغانلىقىنى كۆرەتتىم. ھەتتا ئالدىدىكى پىۋا ئىستاكانىغا قول ئۇزارتىشنىمۇ ئۇنۇتقان ھالدا بىرىلىپ ئاڭلاپ ئولتۇراتتى. خۇددى ئۇلار ھىتلېرنىڭ نۇتقىنىڭ ھەر بىر سۆزىنى پىۋا بىلەن قوشۇپ ئىچىۋالغاندەكلا كۆرۈنەتتى.” “يېنىمدا ئولتۇرغان ياش بىر قىزمۇ ھىتلېردىن كۆزىنى ئۈزمەي تىكىلىپ ئولتۇراتتى. بۇ قىز خۇددى بىر سۆيگۈنىنىڭ مۇھەببەتلىك گەپلىرىنى ئاڭلاۋاتقاندەكلا قىلاتتى. ئۇ پۈتۈنلەي ئۆزىنى ئۇنۇتقان ئىدى. ھىتلېرنىڭ تەسۋىرلەپ بېرىۋاتقان كەلگۈسىدىكى ئۇلۇغ گېرمانىيە تەسۋىرى ئىچىدە غايىپ بولغاندەكلا قىلاتتى.” نۇتۇق يوقۇرى پەللىگە كۆتۈرۈلگەن ۋاقتتا ئۇ نۇتقى بىلەن پۈتۈنلىشىپ كەتكەن بىر سىماغا ئايلانغان ئىدى. كۈتۈلمىگەندە نۇتقىنى تۈگىتىدۇ. خەلق ئاممىسى ئورۇندۇق ئۈستەللەرنى مۇشلىشىپ ئەسەبىلەرچە ۋارقىرىشىپ تەنتەنە قىلىشاتتى. ھىتلېرمۇ چارچاپ ھالىدىن كېتىپلا قالغان ئىدى.

خانفشتانگېر (汉夫施坦格尔) نىڭ كۆزىدە “ئۇلۇغ بىر سەنئەتچى پۈتۈن كۈچىنى سەرىپ قىلىپ ئورۇندىغان ئوركىستىردىن كېيىن ھالىدىن كېتىپ ئولتۇرۇپ قالغىنىدەك” بىر مەنزىرىنى ئەسلىتەتتى. ئۇنىڭ چاچلىرى، باش كۆزى چىلىق-چىلىق تەر ئىچىدە قالغان ئىدى. ھەتتا ئۇنىڭ كراخماللاپ قاتۇرىۋالغان ئاق ياقىلىرىمۇ ھۆل بولۇپ يۇمشاپ كەتكەن ئىدى (“بىر قېتىملىق مۇھىم نۇتقىمنى تۈگەتكىنىمدىن كېيىن پۈتۈن بەدىنىم تەر ئىچىدە قېلىپ، ئېغىرلىقىممۇ 3-5 پاۋىن ئازىيىپ كېتەتتى.” دەيدۇ ھىتلېر ئۆزىمۇ).
خانفشتانگېر (汉夫施坦格尔) ھاياجان ئىچىدە سەھنە ئالدىغا كېلىدۇ. ھىتلېر ئۇ يەردە كۈلۈمسىرىگىنىچە قىلچە مەغرۇرلانماستىن كىشىلەرنىڭ تەبىرىكلىرىنى قوبۇل قىلىدۇ. “كاپىتان ترومىن سىمىت (杜鲁门•史密斯) سىزگە چىن قەلبىدىن تەبىرىكلىرىنى بىلدۈرۈشۈمنى ئېيتتى” دەيدۇ خانفشتانگېر (汉夫施坦格尔). سىمىت (史密斯) دېگەن بۇ ئىسىم ھىتلېرنى قىزىقتۇرغان ئىدى. ھىتلېر دەرھال ئۇنىڭدىن نۇتقى ھەققىدە پىكىرىنى سورايدۇ. “شۇنداق، مەن سىزنىڭ دېگەنلىرىڭىزگە پۈتۈنلەي قوشۇلىمەن. – دېدى خانفشتانگېر (汉夫施坦格尔) ھىتلېرنىڭ كۆڭلىگە تېگىدىغان بىرەر سۆز قىلىپ سالماسلىققا ئالاھىدە دىققەت قىلغان ھالدا، − سىزنىڭ دېگەنلىرىڭىزگە مەن شەخسەن يۈزدە توقسەن بەش قوشۇلىمەن. ھە، قالغان بەش پىرسىنى، ئۇ توغرىلىق بىز كېيىن يەنە سۆزلىشەرمىز.” ئۇنىڭ قوشۇلمايدىغىنى، ھىتلېرنىڭ يەھۇدىيلارغا قارشى مەيدانى ئىدى.

“شۇنداق، قالغان ئۇ ئەرزىمەس بەش پىرسەنت ئۈچۈن ئىككىمىز جىدەللىشىپ يۈرمىسەك كېرەك؟” − دېدى ھىتلېر مۇلايىملىق بىلەن. ئۇ بىر تەرەپتىن سۆزلىگەچ يەنە بىر تەرەپتىن كىرلىشىپ پۇرلىشىپ كەتكەن بىر قول ياغلىق بىلەن يۈزىدىكى تەرلىرىنى ئېرتاتتى. ئۇ كىچىك پېيىل ۋە دوستانە كۆرۈنەتتى. ئۇ گېلىنى قىرىپ بىر نەچچە قېتىم يۈتىلىۋالغاندىن كېيىن قولىنى ئۇزاتتى. ئۇنىڭ قولى ھەم قاتتىق ھەم قوپال ئىدى. قول سىققاندا خۇددى ئالدىنقى سەپتىكى ئەسكەرلەرگە ئوخشاش قولنى چىڭ سىقىپ كۆرۈشەتتى.

شۇ ئاخشىمى، خانفستانگېر (汉夫施坦格尔) پەقەتلا ئۇخلىيالمايدۇ. “شۇ كۈن ئاخشىمىقى ئۇنىڭ ماڭا قالدۇرغان تەسىراتى پەقەتلا كۆڭلۈمدىن چىقمايتتى. بارلىق مۇتە’ئەسسىپ سىياسىيونلار بىلەن ناتىقلار ئادەتتىكى ئاممىنىڭ قەلبىنى قولغا ئالالمايتتى. مانا بۇ ئۇلارنىڭ مەغلوبىيىتىنىڭ تۈپكى سەۋەبى ئىدى. ئەمما ئۆزلىگىدىن يېتىشىپ چىققان ھىتلېر كومۇنىزمدىن باشقا مۇھىم نوقتىلارنى مۇۋەپپەقىيەتلىك بىلەن خەلققە تاپشۇرالايتتى. بۇ كىشىلەرنىڭ قوللاپ قۇۋەتلىشى دەل بىزنىڭ ئېھتىياجلىق بولىۋاتقان نەرسىمىز ئىدى.” خانفستائۈگېر (汉夫施坦格尔) ھىتلېرغا ياردەمچى بولۇش ئىرادىسىغا كېلىدۇ.

بېرلىندا كاپىتان سىمىت (史密斯) باشلىقىغا مىيونخېن سەپىرى توغرىسىدىكى بىر پارچە دوكلاد تاپشۇرىدۇ. 5-دېكابىر كۈنىسى، ئەلچىخانا كونسۇلى روبنس (罗宾斯) مۇ’ئاۋىن تاشقى ئىشلار مىنىستىرىغا بىر پارچە شەخسى دوكلاتىنى سۇنىدۇ. بۇ دوكلادتا، “باۋارىيە تەشكىلاتىنىڭ ئاساسلىق ئىپادىسى ھەققىدە مېنىڭ چىقارغان خۇلاسەم مۇنۇلاردىن ئىبارەت: قاچانلا بولمىسۇن بىر كۈنى چوقۇم ئېغىر پارچىلىنىش يۈز بېرىشى مۇمكىن. ئۇرۇش يىللىرى گېرمانىيە سېپىدا جەڭگە قاتناشقان ئاۋىسترىيىلىك ياش ئون بېشى، بۈگۈنكى كۈندە بىر مەيدان فاشىزىم ھەرىكىتىگە، يەنى ‘كارىشناۋاي كۆڭلەكلىكلەر پارتىيىسى’ گە رەھبەرلىك قىلىۋاتقان ھىتلېر، بۈگۈن مۇسسولىن ماڭغان يولدا ئېغىر قەدەملەر بىلەن، ئالاھىدە ئوڭۇشلۇق ھالدا ئالغا ئىلگىرلىمەكتە. بۇ يەرگە ئىۋەرتىلگەن خىزمەتچىلىرىمىزدىن بىرسىنىڭ بەرگەن دوكلاتىدىن قارىغاندا، ئادولف ھىتلېر ئالاھىدە قابىلىيەتلىك بىر ناتىق بولۇپ، ئۇنىڭ ئەخلاقى سەۋىيىسى ئۇنچە بەك يوقۇرى بولمىغاندەك قىلغىنى بىلەن، ھەقىقەتەنمۇ ئۇلۇغ بىر داھىلىققا لايىق بىر ئادەم ئىكەن. خۇددى مۇسسولىننىڭ بۇرۇن قىلغىنىدەك، بۇ ئادەممۇ سانا’ئەتچىلەرنىڭ زور دەرىجىدە ماددى ياردىمىگە ئېرىشىپ كەلمەكتە بولسىمۇ، ئۇنىڭ ھەرىكىتى بەكلا ئېغىر قەدەملەر بىلەن ئىلگىرلىمەكتە ئىكەن. بۇ ئادەم ئۇ يەرگە بارغان بىزنىڭ بىر ھەربى مەسلىھەتچى ياردەمچىسى بولغان ترومىن سىمىتقا ‘بىز كىلەر ئايدىن باشلاپ، بەلكىم بۇ ئىككى ئاي ئىچىدە كەڭ كۆلەملىك بىر ھەرىكەت قوزغايمىز’ دەپ ئېيتقان. شۇڭا ھىتلېر بۇ ئىش ئۈچۈن پۇل ۋە قۇرال يىغىش ئىشىغا كىرىشكەن، ئۇنىڭ ئىشلىرى بەكلا ئوڭۇشلۇق كېتىۋاتماقتا ئىكەن.”

ئەينى ۋاقتىدا باشقا مۇھىم ئىشلار بىلەن ئالدىراش بولۇپ كەتكەن ئا ق ش ھۆكۈمەت كابىنتىدا، بۇ دوكلات بىرەر تەسىر پەيدا قىلالمىغان بولۇپ، بىر چەتكە تاشلاپ قويۇلىدۇ. ئەمما، گېرمانىيىدىكى نېمىس مىللەتچى سوتسىيالىزم ئىشچىلار پارتىيىسى ئەزالىرى بىلەن ئېس-ئاچىلارنىڭ كۆپىيىپ بېرىشى بەكلا كۈچلۈك دىققەتنى قوزغايدۇ. دېكابىر ئوتتۇرلىرىدا، باۋارىيە شىتاتى ئىچكى ئىشلار مىنىستىرلىكى كىشىنى ئەنسىرەتكىدەك بىر دوكلاد سۇنىدۇ. بۇ دوكلاتتا، ھىتلېر يىتەكچىلىك قىلىپ كېلىۋاتقان بۇ ھەرىكەت، “شۆبىھسىزكى، ھۆكۈمەتكە تەھدىت بولۇپ كەلمەكتە. ھەتتا بۈگۈنكى ھۆكۈمەت شەكلىگىلا تەھدىت بولۇپ قالماستىن بەلكى بارلىق ھۆكۈمەت تۈزۈملىرىگىمۇ تەھدىت بولۇپ قالماقتا. چۇنكى ئۇلار يەھۇدىيلارنىڭ، سوتسىيال دېموكراتچىلارنىڭ ۋە شۇنىڭدەك بانكىرلارنىڭ جىنايىتى ھەققىدىكى قاراشلىرى ئاساسىدىكى ھەرىكەتلىرى ئەمەلگە ئاشقىدەك بولىدىكەن، كەڭ كۆلەملىك قان تۆكۈلۈش ۋە قالايماقانچىلىق يۈز بېرىشى مۇقەررەر” دەپ كۆرسەتمەكتە ئىدى.

يەنە شۇ ۋاقىتلاردا، ئىمپىرىيىنىڭ يېڭى باش مىنىستىر ۋەزىرى ۋېلھىلم گۇنو (威廉•古诺) مۇ شۇنىڭغا ئوخشاش جىددى دوكلادتىن بىرنى تاپشۇرۇپ ئالىدۇ. ئەڭ ھەيران قالارلىق يېرى، بۇ دوكلاد بولغارىيىنىڭ مىيونخېندا تۇرۇشلۇق كونسۇلىنىڭ قولىدىن چىققانلىقى بولۇپ، بۇ دوكلاد بولغارىيە كونسۇلى بىلەن ھىتلېر ئوتتۇرسىدا ئۆتكۈزۈلگەن ئاشكارە سۆھبەتنى ئاساس قىلىپ يېزىلغان ئىدى. بۇ سۆھبەت جەريانىدا ھىتلېر، گېرمانىيە پارلامېنت ھۆكۈمىتى ئۇزۇنغا قالماي گۇمران بولىدۇ.

چۇنكى، پارلامېت يېتەكچىلىكى خەلق ئاممىسىنىڭ ھىمايىسىگە ئېرىشەلمىدى. ئوڭچى ياكى سولچىلارنىڭ دېكتاتورلىقىدىن ساقلىنىش مۇمكىن ئەمەس. گەرچە شىمالى گېرمانىيە چوڭ شەھەرلىرى ئاساسەن ئالغاندا سولچىلارنىڭ تېزگىنى ئاستىدا تۇرغاندەك قىلسىمۇ، نېمىس مىللەتچى سوتسىيالىزم ئىشچىلار پارتىيىسىگە ھەپتىسىگە مىڭلارچە كىشى ئەزا بولۇپ تىزىملاتماقتا بولۇپ، پارتىيىمىز باۋارىيىدە چوقۇم غەلىبە قىلىدۇ. ئۇنىڭدىن باشقا، مىيونخېندىكى مەخپى ساقچىلار ئارىسىدا يۈزدە يەتمىش بەش پىرسەنت ئادەم ئىشچىلار پارتىيىسىگە ئەزا بولغان بولۇپ، بۇ شەھەردىكى ئادەتتىكى ساقچىلار ئىچىدە تۇتىدىغان نىسبىتى بەكلا يوقۇرى ھېسابلىنىدىكەن. ھىتلېرنىڭ پەرىزىچە، بولشېۋىكلار شىمالى گېرمانىيىدە تېزگىننى قولىغا ئېلىۋېلىشى مۇمكىن. بۇ مىللەتنى قۇتۇلدۇرۇپ قېلىش ئۈچۈن باۋارىيىدە چوقۇم بىر ئەكسىل ئىنقىلاۋى ھەرىكەت تەشكىل قىلىنىشى زۆرۈر بولۇپ تۇرماقتا. شۇڭا، ئۇلار پولاتتەك ئىرادىگە ئىگە بىر مۇستەبىتكە، يەنى “زۆرۈر تېپىلغىنىدا قان ۋە جەسەتلەر قاپلاپ كەتكەن دالادا ئالغا ئىلگىرلەشكە ھەر دا’ئىم تەييار تۇرىدىغان” بىر ئادەمگە مۇھتاج بولۇپ تۇرماقتا ئىكەن.

كەلگۈسى ۋەزىيەت ھەققىدە ئوتتۇرغا قويۇلغان بۇ پەرەز، ھەقىقەتەنمۇ كىشىنى ئۈركىتىدىغان بىر پەرەز ئىدى. بولۇپمۇ ھىتلېرنىڭ بۇ پەرىزى بويىچە قارىغىنىمىزدا، ھىتلېر بولشېۋىكچىلىكنى تارمار كەلتۈرۈپ، فرانسىيىنىڭ لور رايونىنى ئىشغال قىلىش پىلانىغا قارشى تۇرۇشى، باۋارىيىلىك مۇتلەق كۆپ قىسىم ۋەتەنپەرۋەر مىللەتچىلەرنىڭ قىزغىن ئالقىشلىشىغا ئېرىشىدىغانلىقى ئېنىق. چۇنكى ئۇلار “قىزىللار ھۈكمىرانلىقى” دەۋرىدىكى قورقۇنۇچلۇق كۈنلەرنىڭ تەمىنى تېتىپ باققان كىشىلەر بولغاچقا، رەھىمسىزلەرچە ھەرىكەت قىلىشقا ھەر دا’ئىم تەييار تۇرىدىغان، “سولچىل دوگماتىزىم” نى تەرغىپ قىلىدىغان ھەرقانداق قاراشلارغا قارشى تۇرىدىغان كىشىلەر ھېسابلىناتتى.

2

تېما

0

دوست

1682

جۇغلانما

تىرىشچان ئەزا

ئۆسۈش   68.2%

ئەزا ئۇچۇرى
تىزىم نۇمۇرى:  11700
يازما سانى: 68
نادىر تېمىسى: 1
مۇنبەر پۇلى: 395
تۆھپە : 242
توردىكى ۋاقتى: 75
سائەت
ئاخىرقى: 2013-4-18
يوللىغان ۋاقتى 2013-1-3 18:37:19 |ھەممە قەۋەتنى كۆرۈش
(3)


1923-يىلىنىڭ باشلىرىدا، ئەنگىلىيە بىلەن فرانسىيە ئىككىسى “ئۇرۇش چىقىمىنى تۆلىتىش كومىتىتى” دىكى تالاش-تارتىش نەتىجىسىدە ئەنگىلىيە ۋەكىللىرى بۇ كومىتىتتىن چېكىنىپ چىقىدۇ. بۇ ھادىسە، فرانسىيىگە ئۇرۇش چىقىمىنى تۆلىتىش مەسىلىسىنى قۇراللىق كۈچكە تايىنىپ ھەل قىلىش پۇرسىتىنى يارىتىپ بېرىدۇ. 11-يانىۋاردا، فرانسىيە قوشۇنلىرى بىلەن بىلىگىيە قوشۇنلىرى گېرمانىيە مەجبۇرىيىتىنى ئادا قىلمىدى دېگەننى باھانە قىلىپ لور رايونىغا باستۇرۇپ كىرىدۇ. بۇ ھەرىكەت پۈتكۈل گېرمانىيە مىللەتچىلىرىنىڭ روھىنى ئۇيغۇتۇپلا قالماي، ماركنىڭ پاخاللىشىشىنىمۇ تېزلىتىۋېتىدۇ. ئىككى ھەپتىگە قالماي ماركنىڭ ئامېرىكا دوللىرىغا نىسبىتى 6750:1 دىن 50000:1 گە چۈشۈپ قالىدۇ (1918-يىلى “ئۇرۇش توختۇتۇش كىلىشىمى ئىمزالانغان كۈنى” دىكى نىسبىتى 7.45:1 ئىدى). ۋىمار (魏玛) ھۆكۈمىتى بىر قېتىملىق بېرلىن سەپىرى ئۈچۈن “كاپالەت كومۇتىتى” نىڭ پويىز بىلىتى ئۈچۈنلا “بىر مۇنچە يەشىككە 20 ماركلىق پۇلدىن قاچىلاپ 7 نەپەر ئىشخانا خادىمىغا كۆتەرتىپ پويىز ئىستانسىسىغا ئاپارغان.” ئەندىچۇ؟ بۇ بىلەت پۇلىنى كۆتەرگۈزۈش ئۈچۈن 49 كىشىلىك ھاممال لازىم.

لور رايونى ئىشغال قىلىنىشى بىلەن، مال باھاسى ئارتىپ، ئىشسىزلىق كۆپىيىپ، مىللەتچىلەرنىڭ ئىجتىما’ئى ئاساسىنى كۈچەيتىپ بېرىش بىلەنلا قالماستىن، ھىتلېر ئۈچۈنمۇ نۇرغۇنلىغان ئەگەشكۈچى توپلاپ بېرىدۇ. ھىتلېر “سوتسىيالىزمچىلار كۆپ سانلىقى” دېگەندەك باشقا پارتىيە-گۇروھلار بىلەن ھەمكارلىق ئورنىتىشنى خىيالىغىمۇ كەلتۈرۈپ قويماي، ئۆز ئالدىغا نارازىلىق مىتىنگى تەشكىللەشكە كىرىشىپ، 27-يانىۋار كۈنى، يەنى نېمىس مىللەتچى سوتسىيالىزم ئىشچىلار پارتىيىسىنىڭ تۇنجى قېتىملىق قۇرۇلۇش كۈنى خاتىرلىنىشى ئۈچۈنلا 7 ئورۇندا ئاممىۋى مىتىنگ ئۇيۇشتۇرىدۇ.

گەرچە باۋارىيە ساقچى باشلىقى ئالدىن-ئالا ئۇقتۇرۇش قىلىپ، بۇ تۈردىكى مىتىنگلەرگە قەتئى رۇخسەت قىلىنمايدىغانلىقىنى ئۇقتۇرغان بولسىمۇ، ھىتلېرنىڭ پەرۋايى پەلەك ئىدى. بۇ خەۋەرنى ئاڭلىغان ھىتلېر “ئەگەر ساقچى دا’ئىرىلىرى ئوق چىقارماقچى بولسا، مەرھەمەت، ئوق چىقارسۇن!” دەپ ۋارقىراپ كېتىدۇ. ئۇ بەرىبىر مىتىنگنىڭ ئەڭ ئالدىنقى قاتارىدىن ئورۇن ئالىدىغانلىقى ئېنىق ئىدى. ھىتلېر بۇنداق تەھدىتلەردىن قورقۇپ قالمايتتى. مىتىنگ كۈنى كەلگىنىدە، ھىتلېر ماشىنىسىغا ئولتۇرۇپ بۇ مىتىنگ مەيدانىدىن يەنە بىر مىتىنگ مەيدانىغا چېپىپلا يۈردى. “مەيلى ئۇرۇش مەزگىللىرىدە بولسۇن ياكى ئىنقىلاپ مەزگىللىرىدە بولسۇن، مەن ھېچ قاچان ھۆكۈمەتكە بۇنچە غەزەپلەنگەن خەلق ئاممىسىغا دۈچ كېلىپ باقمىغان ئىدىم” دەيدۇ ھىتلېر. ئىلگىرى، لوۋېنبراخاۋس (卡尔•亚历山大•冯,米勒) پىۋىخانىسىدا مىتىنگكە قاتنىشىپ باققان تارىخشۇناس كارل ئالكساندېر فون مىل شۇ كۈنلەرنى ئەسلەپ مۇنداق دەيدۇ: ھىتلېر چوڭ قەدەملەر بىلەن مېڭىپ كورىدورغا كىرىپ كەلگىنىدە پۈتكۈل يىغىن مەيدانىدىكىلەر ئورۇنلىرىدىن تۇرۇشۇپ “خايل، ياشىسۇن!” دەپ توۋلىشىپ كەتتى. ئۇ يېنىمىزدىن ئۆتكىنىدە، مەن ئۇنىڭغا بەكلا يېقىن بىر يەردە تۇراتتىم. ئۇنىڭ كۆرۈنىشى مەن بۇرۇن ئۇنىڭ بىلەن ياتىقىدا كۆرۈشكىنىمدىكى ھالىتىدىن تۈپتىن پەرق قىلاتتى. ئۇنىڭ ساغرىپ كەتكەن چىرايىدا قەلبىنىڭ ئۆركەشلەپ تۇرغانلىقى بىلىنىپ تۇراتتى. ئۇ كېتىۋېتىپ خۇددى يوقۇتۇشقا تېگىشلىك بىرەر دۈشمەن ئاختۇرىۋاتقاندەك كۆزى بىلەن ئەتىراپنى كۈزىتەتتى. ئەجىبا، ئۇنىڭدىكى بۇ پەۋقۇلئاددە كۈچنى مۇشۇ خەلق بەرگەنمىدۇ؟ مەن دەرھال ‘سۇنغان غۇرۇرى بىلەن ھەددىدىن ئاشقان، ھېستىرىيىلەرچە رومانتىكلىك ئىچىگە پېتىپ قالغان ئادەم’ دەپ خاتىرەمگە يېزىپ قويدۇم.”

ئەتىسى، ئۇلار يەنە بىر قېتىم ساقچىلارنىڭ چەكلەش بويرىقىنى بىر چەتكە قايرىپ قويۇپ، 6 مىڭ كىشىلىك ئېس-ئاچىلار قوشۇنى بىلەن بايراق كۆتۈرۈشكىنىچە ماسفېرد (马斯弗尔德) قا يېتىپ كېلىدۇ. ئېس-ئاچىلار قارلىق مەيداندا غالىلداپ تىتىرىشەتتى. بەزىلىرى بېشىغا كۆك رەڭلىك چاڭقى تېيىلىش شەپكىسىنى كېيىۋالغان، ئۇچىسىغا قوڭۇر رەڭلىك كازھانكا كېيىشكەن، پۇتىغا كۆجەي باغلىغان بولۇپ، قالغانلار كاستيۇملۇق ئىدى. ئۇلار كۆتۈرىۋالغان بايراقلارمۇ رەڭگارەڭ بولۇپ، كىرىست بەلگىلىرىنىڭ چوڭ-كىچىكلىكىمۇ بىر-بىرسىگە ئوخشىمايتتى. بۇ كىشىلەرنىڭ كېيىم-كىچەكلىرى ھەر تۈرلۈك بولسىمۇ، “دىققەت!” دەپ كوماندا بېرىلىشى بىلەن تەڭ، ئۇلارنىڭ ھەممىسى ياغاچتەك تىك تۇرۇشتى. ئۇلارنىڭ بۇ دىققەتتە تۇرۇش قىياپىتىنى گېرمانىيە پادىشاسىنىڭ پارات قوشۇنلىرىغىلا ئوخشىتىشقا بولاتتى. گەرچە ساقچىلار قالايماقانلىق تېرىش تەييارلىقىنى كۆرۈپ قويغان بولسىمۇ، مەيداندا ھېچ قانداق تەرتىپسىزلىك ئەھۋالى كۆرۈلمەيدۇ. ئەسلىدە بۇ ئىككى كۈن جەريانىدا مىتىنگ مەيدانلىرى كىشىنى بەك جەلىپ قىلغىدەك كۆرۈنمىسىمۇ، يەنى ھېچقانداق بىر ئۇرۇش-جىدەل چىقمىغان، ئاشكارە توپىلاڭمۇ كۆتۈرۈلمىگەن ئىدى. شۇنىڭغا قارىماي بۇ نارازىلىق مىتىنگلىرىنىڭ كۆرسەتكەن تەسىرى ھەقىقەتەنمۇ چوڭ ئىدى. ھىتلېرنىڭ ساقچى دا’ئىرىلىرىنى كۆزگە ئىلماي تۇرىۋالغانلىقى، نۇرغۇنلىغان بىتەرەپ مەيداندا تۇرىۋاتقان پارتىيە-تەشكىلات يىتەكچىلەرنىمۇ ئۇنىڭغا مايىللاشتۇرىۋەتكەن ئىدى. شۇنىڭدەك مىيونخېن ئۇنىۋېرسىتېتىنىڭ ستۇدېنتلىرى تېخىمۇ ھاياجانلىق يولغا قاراپ يىتەكلەنمەكتە ئىدى. ئەڭ مۇھىمى، باۋارىيە ھۆكۈمىتىنىڭ ئىناۋىتى يەر بىلەن يەكسان قىلىۋېتىلگەن ئىدى. ھۈكۈمەت دا’ئىرىلىرى بىلەن قاتتىق تىركىشىش جەريانىدا ئاخىرى غالىپ كەلگەن تەرەپ يەنىلا ھىتلېر بولغان ئىدى.

“ئۇ ھەقىقەتەنمۇ تەڭداشسىز بىرسى ئىدى. – دەيدۇ بىر قانچە كۈن ئۆتكەندە ھىتلېرنىڭ مىتىنگىگە قاتناشقان ئامېرىكىلىق مۇخبىر لۇدىۋېيېر دانىي (卢德威尔•丹尼) بەرگەن بىر خەۋىرىدە، − ئۇنىڭ نۇتقى ئاددى ئەمما كۈچلۈئۈك ئىدى. ئۇ مۇشتۇمىنى ھېلى تۈگۈپ ھېلى ئېچىپ تىنماي قول شىلتىيتتى. ئۇ مېنىڭ بىلەن سۆھبەتلەشكەن قىسقىغىنە ۋاقىت ئىچىدە ئۆزىنىڭ بەكلا نورىمالسىز بىرسى ئىكەنلىكىنى كۆرسەتكەن ئىدى؛ ئۇنىڭ غەلىتە بىر جۈپ كۆزى، بىنورىمال شىلتىپ تۇرىدىغان ئىككى قولى، غەلىتى بىر شەكىلدە باش چايقاشلىرى ھەقىقەتەنمۇ غەلىتە ئىدى.” ئۇنىڭ شەخسى تۇرمۇشى ھەقىقەتەنمۇ نورىمال ئەمەس ئىدى. ئۇ يەنىلا شۇ دېر () كوچىسىدىكى قاراڭغۇ بىنادا تۇراتتى. ئۇنىڭ تۇرغان ئۆيى سەل چوڭ كېلىپ قالغاندەك قىلسىمۇ، بۇرۇنقىدەك ئۇنداق سوغۇق ئەمەس، ئەمما ئۆي سايمانلىرى يەنە شۇ بۇرۇنقى ئۆيىدىكىدەك بەكلا ئاز ئىدى. بۇ ئۆيىنىڭ كەڭلىكى 10 غېرىچتەكلا بولۇپ، كارىۋات بېشىدا بۇ ئۆينىڭ كىچىك بىر دېرىزىسىمۇ بار ئىدى. يەردە ئەرزان باھالىق كونا كىلىيونكا سېلىنغان؛ كارىۋىتىنىڭ ئۇدۇلىدا ئاددى بىر كىتاپ ئىشكاۋى بار ئىدى. تاملار ھەر تۈرلۈك رەسىملەر، گېزىت رەسىملىرى بىلەن قاپلانغان كىتاب ئىشكاۋىنىڭ ئۈستى قەۋەتلىرىدە ھەر تۈرلۈك كىتاپلار دۆۋىلەنگەن بولۇپ، دۇنيا ئۇرۇشىنى تەسۋىرلىگەن كىتابلار، گېرمانىيە تارىخى توغرىلىق كىتابلار، شۇنىڭدەك يەنە رەسىملىك ئانسىكلوپىيىدىن بىرىمۇ كۆزگە چېلىقاتتى. ئۇندىن باشقا يەنە بىر پارچە كراۋىشيۇس (克劳塞维茨) نىڭ يازغان كىتاۋى، ئىمپراتور فرىدېرىخ تەرجىمىھالى، بىر پارچە خوستون ستېۋن جامبولۇن (本豪斯顿•司徒•张伯伦) يازغان «ۋاگنېر تەرجىمىھالى»، بىر پارچە سۋېن خېدن (斯文•赫丁) نىڭ «ئەسلىمىلەر» كىتابى، بىر قانچە پارچە قەھرىمانلار رىۋايىتى، بىر پارچە جوك فون خاردىنبىرگ (约克•冯•华尔登堡) نىڭ «دۇنيا تارىخى»، بىر پارچە «يەر شەكلى خەرىتىسى» دېگەندەكلەر بار ئىدى.

خانفشتانگېر (汉夫施坦格尔) نىڭ دېيىشىچە ئىشكاپنىڭ ئاستىنقى قەۋەتلىرى رومان بىلەن تولغان بولۇپ، رومانلار ئىچىدە ئېدۋارد يوشىس (埃杜阿德•伏希斯) (ئۇ بىر يەھۇدىي) يازغان يېرىم سېرىق ھىكايىلار كىتابىمۇ بار ئىدى. يەنە بىر پارچە «شەھۋانە سەنئەت تارىخى» دېگەن كىتابمۇ بار ئىدى.

ھىتلېر ئولتۇرغان ئۆينىڭ غوجايىنى رېچىت (赖彻特) خانىمنىڭ دېيىشىچە، ھىتلېرنىڭ ئۆيى ھەددىدىن ئارتۇق جىمجىت ئىكەنمىش. “بەزى ۋاقىتلاردا، نەچچە ھەپتىلەپ قاپىقىنى تۈرۈپ ماڭا گەپمۇ قىلماي ئۆتۈپ كېتەتتى. ھەتتا بەزىدە مەن بۇ دۇنيادا يوقتەك چىرايىما قاراپمۇ قويماي ئۆتۈپ كېتەتتى.

… گەرچە ئۇ ئۆي ئىجارىسىنى ئۆز ۋاقتىدا ياكى ئالدىن تۆلەپ تۇرغاندەك قىلسىمۇ، ئۇ بەرىبىر كەمكۈستىسىز بىر پوسىمىيىلىك ئىدى.” شۇنداق بولىشىغا قارىماي ئۇ بەرىبىر ياخشى بىرسى بولغاچقا، ئۆي غوجايىنى ئۇنىڭ بۇنچىلىك ئەيىپلىرىنى توغرا چۈشىنىپ كەچۈرىۋېتىش بىلەن بىرگە، ئۇنىڭ رويالدىن بىرسى قويۇلغان كورىدوردىن پايدىلىنىشقىمۇ يول قويغان. ھىتلېرنىڭ تۇرمۇشى بەكلا ئاددى بولۇپ، ئادەتتە “ئورف” (乌尔夫) (بۆرى) ئىسىملىك يۇغان بىر بۆرى ئىتى ئۇنىڭ كەينىدە ئەگىشىپلا يۈرەتتى. ئۇ، ئۇرۇش مەزگىلىدە “كىچىك تۈلكەم” بىلەن يېقىن مۇناسىۋەتتە بولغىنىدىن بۇيان، ئىتنىڭ سادىقلىقىغا ئامىراق بولۇپ قالغان ئىدى. ھىتلېرنىڭ ئىتلارنى بۇنچە ياخشى كۆرىشى ھەقىقەتەنمۇ پەۋقۇلئاددە بىر ئەھۋال ئىدى. “بەزى ئىتلار بەكلا دۆت كېلىدۇ. ئەمما ئەقىللىقلىرىمۇ كىشىنى قىزغاندۇرىدۇ” دەيدۇ. بۇنداق قاراڭغۇلۇق بىر ئۆيدە تۇرىۋاتقان ئادولف، ئاپىسىنىڭ تارتقان ئازاپلىرىنى كۆز ئالدىغا كەلتۈرىشى مۇمكىن. ئەنە شۇ ۋاقىتلاردا ئادولف «ئويلان!» دېگەن بىر شى’ئېر يېزىپ چىققان ئىدى. بۇ شى’ئېر ئىشتىن سىرتقى قىزىققۇچىغا خاس پۇراقلار كېلىپ تۇرغان بىر شى’ئېر بولغاندەك قىلغىنى بىلەن، يەنىلا مەنىلىك بىر شى’ئېر ھېساپلىناتتى:

ئاپا ياشىنىپ قالدى، دېمەك،
مەنمۇ كىچىك ئەمەسمەن دېگەن گەپ.
كىچىگىڭدە ئويناپ-ئەكىلەپ يۈردۇڭ،
ئەندى ئېغىر مەسئولىيەت ئاستىداسەن.
ئاپاڭنىڭ سەمىمى سادىق كۆزلىرى،
كۈنسايىن خۇنۇكلىشىپ بارىدۇ.
پۇت-قوللىرى تېلىپ،
ئۆزىنى ئارانلا كۆتۈرمەكتە −
قوللىرىڭنى ئۇزات ئاپاڭغا، باشلىرىنى سىلاپ قوي،
كۆڭلىنى خوش قىل.
قايغۇلۇق كۈنلىرىڭ يېقىنلاشتى،
ئاخىرقى قەدەملىرىگە ھەمرا بول.
سورىغىنىغا جاۋاب بەر،
يەنە سورىسا يەنە جاۋاب بەر!
يەنە جاۋاب بەر
ھەرگىز جاۋابسىز قويما.
ھەرگىز تىرىكمە،
مۇلايىم بول، سىلىق بول!
ئاڭلىيالمىسا، ئۇقالمىسا،
قايتىلاپ چۈشەندۈر، زىرىكمە.
يامان كۈنلەر بوسوغۇڭدا،
ئۇنىڭ يوقىدا، ئاۋازىغىمۇ زار بولىسەن!

(ئانا ياد ئېتىلگەن بۇ تەسىرلىك شى’ئېرنى قانداق تەرجىمە قىلسا بولار؟ − ئۇ.ت)

ھىتلېر، ياش ۋاقىتلىرىدا كىشىلەرگە ئارىلاشماي يالغۇزلۇقنى خالايدىغان بىرسى ئىكەنلىكىنى، ئەمما ئۇرۇشتىن كېيىن بۇنداق يالغۇزلۇققا ھەرگىزمۇ بەرداشلىق بېرەلمەيدىغان بولۇپ ئۆزگەرگەنلىكىنى ئېيتىدۇ. گەرچە ئۇنىڭ بۇ قاراڭغۇ ئۆيى ئۇنىڭ يالغۇز قالىدىغان تۈرمىدەك بىر يەر بولسىمۇ، مىيونخېندىكى ئەرزان ئاشخانىلاردا، سالونلاردا، قەھۋىخانىلاردا ۋە قاۋاقلاردا پۈتۈنلەي باشقىچە ياشايتتى. ئادولف، ۋىساد رېستۇرانتى (威查德 خەلق تىياتىرخانىسىنىڭ يېنىدىكى ئاشخانا)، كالدۇن چايخانىسى (卡尔顿 بۇلىيانا كوچىسىدىكى يوقۇرى تەبىقە كىشىلىرىنىڭ يىغىلىدىغان بىر جاي) ۋە خوك رېستۇرانتى (赫克گالىلى كوچىسىدا) قاتارلىق جايلارنىڭ دا’ئىملىق خېرىدارلىرىدىن بىرسى ئىدى. ئۇ پات-پات دېگىدەك خوك (赫克) رېستۇرانتىغا كىرىۋېلىپ تېنىچ بىر بۇلۇڭنى تېپىپ سا’ئەتلەرچە ئولتۇرۇپ كېتەتتى. ھىتلېر ئەتراپتىكى مۇھىتنى ئەنە شۇنداق يەرلەردە كۈزىتىپ يۈرەتتى.

ئۇ، ھەر دۈشەنبە كۈنى نيۇۋانېر (纽迈埃尔) رېستۇرانتىدا يېقىن كىشىلىرى بىلەن ئۇچرىشىپ تۇراتتى. بۇ رېستۇرانت كونا پاسوندىكى بىر قەھۋىخانا بولۇپ، پورد (彼得) مەيدانىدىكى بىر كوچا دوخمۇشىغا جايلاشقان، ۋېكتۇرالىيان (维克图阿利安) بازىرىنىڭ يېنىدا بىر يەر ئىدى. بۇ رېستۇرانت ئۇزۇن بىر كارىدور شەكلىدىكى ئاشخانا بولۇپ، تاملىرى تاختايلىق، ئورۇندۇقلىرى پولغا مىخلىۋېتىلگەن ئىدى. بۇ يەردە دا’ئىملىق خېرىدارلار ئۈچۈن ساقلاپ قويۇلىدىغان ئورۇندا ئادولف ھىتلېر ئۆزىنىڭ ئەڭ يېڭى ئويلىرىنى مورتلىرىغا سۆزلەپ بېرەتتى (ئاڭلىغۇچىلىرىنىڭ كۆپۈنچىسى ئوتتۇرا ياشلىق ئاياللاردىن تەشكىل تاپاتتى)، ئۇلارنىڭ پىكىرىنى ئالاتتى. يەنە شۇ يەردە ئۇلار بىر تەرەپتىن ئەرزان پۇللۇق كەچلىك تاماقلارنى بويرۇتقاچ (بەزىلىرىنى ئۇلار يېنىدا بىرگە ئالغاچ كەلگەن بولاتتى)، سۆزلىشىپ، چاخچاقلاشقاچ ئولتۇرۇپ غىزالىناتتى.

قالغان ئاخشاملىرى، ئادولف، فرانسىز يوسىف (弗朗兹•约瑟夫) كوچىسىدا تۇرىدىغان دىترىخ ئەيكارت (底特里希•埃卡特) نىڭ ئۆيىدە ۋاقتىنى ئۆتكۈزەتتى. “ئۇنىڭ ئا’ئىلىسىدىكىلەر ھەقىقەتەنمۇ مېھرىبان كىشىلەر ئىدى. قاراڭلار، ئۇ كىچىك قىزى ئاننا (安娜) نى ئەكىلىتىشلىرىگە!” بۇ قىزىنىڭ ئەسلى ئىسمى ئانار (安纳尔) بولۇپ، ئۇنىڭ ئۆي غوجايىنى ئىدى.
ئېيكارت ئايالى بىلەن ئايرىم ئۆيدە تۇرىدىغان بولغىنىدىن كېيىن، ئانار (安纳尔) بىلەن بىرگە ياشىماقتا ئىدى. ياردەمچىسى بولغان خانفشتانگېر (汉夫施坦格尔) بەلكىم بۇ كۈنلەردە ھىتلېر بىلەن ئەڭ كۆپ بىرگە ئۆتىدىغان ئادەم ھېسابلانسا كېرەك. ئۇمۇ پات-پاتلا ھىتلېرنى ۋېلخىلم باۋرد خال (威廉•巴雅德•哈勒، پرىزدېنت ۋېلسوننىڭ پرىستون ئۇنىۋېرسىتېتىدا بىر سىنىپتا ئوقىغان ساۋاغدىشى بولۇپ، ھېست (赫斯特) گېزىتخانىسىنىڭ ياۋروپادا تۇرۇشلۇق ئەڭ مۇھىم مۇخبېرى) ۋە ۋېلخىلم ۋونك (威廉•冯克 ئۇنىڭ سالونى نۇرغۇنلىغان مىللەتچى باي سودىگەرلەرنى ئۆزىگە جەلىپ قىلىپ تۇراتتى) دېگەندەك مۇھىم كىشىلەر بىلەن تونۇشتۇرۇپ قوياتتى. ئادولف، دا’ئىم دېگىدەك خانفشتانگېر (汉夫施坦格尔) بىلەن بىرگە ئېرسا برۇكمان (埃尔莎•布鲁克曼) خانىمىنىڭ كەچلىك زىياپەتلىرىگە قاتنىشىپ تۇراتتى.

بۇ ئايال ۋېنگىرىيىدىكى ئاق سۈڭەك بىر ئا’ئىلىنىڭ قىزى بولۇپ، بىر نەشرىياتچى بىلەن توي قىلغان ئىدى. بۇ ئايال ھىتلېر دېگەن بۇ ئادەمنىڭ سىياسى ساھەلەردىكى جەلىپ قىلىش كۈچىدىن بەكلا تەسىرلىنەتتى. ئۇنىڭ تۇرمۇش سەۋىيىسى ھىتلېرنى ھەيرانۇ-ھەس قالدۇرىۋىتەتتى.

خانفشتانگېر (汉夫施坦格尔) ئۇنى بېيشتېيىن (贝希斯坦) نىڭ تۇرىۋاتقان يېرىگە باشلاپ بارغىنىدا (مىيونخېندىكى بىر مېھمانخانىدا تۇراتتى) ھىتلېر ياردەمچىسىگە: كىيىۋالغان شۇ كۆك چاپىنىمغا قاراپ بەكلا نومۇس قىلىپ كەتتىم، بېيىشتېيىن (贝希斯坦) ئەپەندى كەچلىك كىيىم كىيىۋالغان بولۇپ، ئۇنىڭ خىزمەتچىلىرىنىڭ ھەممىسىلا كاستوم-بۇرۇلكا كىيىپ يۈرىشىدىكەن، كەچلىك زىياپەتكىچە بولغان ئارىلىقتا ساپلا شامپان ئىچىشىدىكەن. “سەن تېخى ئۇنىڭ مونچىسىنى كۆرمىدىڭ، مونچا سۇيىنىڭ ئىسسىقلىقىمۇ ئاپتوماتتىك تەڭشىلىدۇ.”

خانفشتانگېر، (汉夫施坦格尔) دى’ئېر (荻埃尔) كوچىسىدىكى ھىتلېرنىڭ كىچىك ھۇجرىسىنىڭ دا’ئىملىق مىھمانلىرىدىن بىرى بولۇپ قالغان ئىدى. بىر كۈنى، ھىتلېر ئۇنى كارىدورغا چىقىپ (ئۇ يەردە بىر رويال قويۇلغان ئىدى) بىرەر نەرسە چېلىپ راھەتلىتىپ بېرىشىنى تەلەپ قىلىدۇ. خانفشتانگېر (汉夫施坦格尔) بۇ كونىراپ تۆكۈلۈپ تۇرىدىغان رويال شۇنچە كۆپ پەدە قاچۇرۇپ تۇرغىنىغا قارىماي، يەنىلا بىر ئاماللارنى قىلىپ باخنىڭ پارچىلىرىدىن بىرنى ئورۇنداپ بېرىدۇ. ھىتلېر مۇزىكا ئاڭلىغاچ تىنماي باش لىڭشىتىپ تۇراتتى. ئەمما ئۇنىڭ كۆڭلى باشقا يەردە ئىكەنلىكى بىلىنىپلا تۇراتتى. خانفشتانگېر (汉夫施坦格尔) پەدە يۆتكەپ «شا’ئىرلار كېچىلىكى» نىڭ باش مۇزىكىنى چېلىشقا كىرىشىدۇ. ئۇ بىر تەرەپتىن چالغاچ، يەنە بىر تەرەپتىن بۇ كونىراپ  ئەبجىغى چىقىپ كەتكەن رويالنىڭ پەدىلىرى تۆكۈلۈپ يۈرمىسۇن دەپ ئېھتىيات قىلىپ تۇراتتى. ئۇ پەدىلەرنى باسقاچ “خۇددى لىست (李斯特) كە ئوخشاش كۆرۈنۈشكە تىرىشىپ ئالاھىدە رومانتىك قىياپەتتە” چېلىشقا كىرىشىدۇ. ھىتلېر مۇزىكىدىن رەسمى ھاياجانلىنىشقا باشلاپ، تار كارىدوردا ئالدى-كەينىگە مېڭىشقا باشلايدۇ. ھەتتا قوللىرىنى ھەرىكەتكە كەلتۈرۈپ خۇددى بىر ئوركىستېر ئۆمۈكىگە رىزھىسسورلۇق قىلىۋاتقاندەك ھەرىكەتلەرنى قىلىشقا باشلايدۇ. “بۇ مۇزىكا ئۇنىڭ روھىنى ئۇيغۇتىۋەتكەن بولۇپ، مەن چېلىپ پۈتتۈرگىنىمدە ئۇ رەسمى ھاياجان ئىچىدە قالغان بولۇپ، بايىتىنقى غەم-ئەندىشىلىرىدىن ئەسەرمۇ قالمىغان ئىدى.”

خانفشتانگېر (汉夫施坦格尔)، ھىتلېرنىڭ «شا’ئىرلار كېچىلىكى» نى سۇدەك يادقا بىلىدىغانلىقىنى، “غەلىتە بىر ئىسقىرىق ئاۋازى بىلەن مۇزىكىنىڭ ھەربىر پەدىسىنى تولۇق ئىپادىلەپ بېرەلەيدىغانلىقى” دىن بەكلا ھەيران قالىدۇ. ھىتلېر يەنە شيۇمان (舒曼)، شوپېن (肖邦) ۋە رىچارد ستراۋس (有理查•施特劳斯) نىڭ بەزى ئەسەرلىرىنى بەكلا ياخشى كۆرىدىغانلىقىنى، بولۇپمۇ بېتوۋىن بىلەن ۋاگنېرنىڭ ئەسەرلىرىنى ئالاھىدە ياخشى كۆرىدىغانلىقىنى ئۇقۇپ قالىدۇ. شۇڭا، ئادولف، ئۇنىڭ ئورۇندىغان بىر مۇنچە داڭلىق سىمپونىيە پارچىلىرىنى ئاڭلاپ پەقەتلا زىرىكمەيتتى.

خانفشتانگېر (汉夫施坦格尔) نىڭ پەزىلىتى ھىتلېرنى قىزىقتۇرغاچقا ئەتىراپىدىكى باشقا يېقىنلىرىغا ئۇنى ماختاپ تونۇشتۇرۇپ چىقىدۇ. “ئۇ، يېنىدىكى كىشىلەرنى ھىم ئىتىگلىك ئۆيىگە قاماپ قويۇپ، ئۆزىنىڭ نەگە بارىدىغانلىقىنى ياكى كىملەر بىلەن كۆرۈشكەنلىكى ھەققىدە بىر ئېغىزمۇ گەپ قىلمايتتى. – دەپ يازىدۇ خانفشتانگېر (汉夫施坦格尔) ئەسلىمىسىدە، − ئەمما ئۇ يالغۇز مېنى يېنىغا ئېلىپ ئۆيمۇ-ئۆي ئايلىنىپ يۈرۈپ مېنى مۇزىكا ئوقۇتقۇچۇم، ماڭا رويال چېلىشنى ئۆگۈتىۋارىدۇ دەيتتى.” بىر قېتىم، فوتوگرافچى ھېنرىچ خوپمان (汉利希•霍夫曼) نىڭ ئۆيىدە خارۋارد ئۇنىۋېرسىتېتى پۇتپولچىلار مارشىنى چېلىپ بېرىدۇ. ئۇ چۈشەندۈرۈپ كېلىپ، رىغبەتلەندۈرگۈچىلەر ئەترەتلىرىنىڭ باشلىقلىرى بىلەن مۇزىكانتلار ئەترىتى ئاممىنى ھاياجانلاندۇرالايدىكەن. ھەتتا تاماشىبىنلارنى نېرۋىسى ئاجىزلاشقان كېسەل كىشىلەردەك ۋارقىرتىپ جارقىرايدىغان ھالغا كەلتۈرىۋېتىشىدىكەن. شۇنداق دەپ كېلىپ ھىتلېرمۇ دەرھال ھاياجان ئىچىدە قالىدۇ. شۇڭا ئۇ خانفشتانگېر (汉夫施坦格尔) نى رويال بىلەن قايتا ئورۇنداپ بېرىشنى تەلەپ قىلىپ، گېرمانىيە مارشىنى ئامېرىكا مۇزىكىلىرىغا ئوخشاش ھاياجانلىق پەدىلىلەر بويىچە قايتا ئۆزگەرتىپ چىقىش لازىملىقىنى ئېيتىدۇ. “شۇنداق. – دەيدۇ ھىتلېر بىر تەرەپتىن ۋارقىراپ يەنە بىر تەرەپتىن خۇددى دۇمباقچىلار ئەترىتىنىڭ رېزھىسسورلىرىدەك قوللىرىنى ئويناتقىنىچە، − بىزمۇ شۇنداق قىلىشىمىز كېرەك. بىزمۇ مۇزىكا ئارقىلىق خەلقنى ھاياجانلاندۇرۇشنى ئۆگۈنىۋېلىشىمىز كېرەك!”

شۇنداق قىلىپ، خانفشتانگېر (汉夫施坦格尔) بۇ خىل ئاھاڭلارغا ئاساسەن ھۇجۇمچىلار ئەترىتى ئۈچۈن بىر قانچە خىل مارش نوتىسى ئىشلەپ چىقىدۇ. ئەمما ئۇنىڭ ئەڭ چوڭ ئۆزگەرتىش قىلغىنى خارۋارد مارشىدىكى “ئۇر، ئۇر، ئۇر” دېگەن سۆزلىرىنى “خايىل، خايىل!” دېگەنگە ئۆزگەرتكەنلىكى ئىدى.

خانفشتانگېر (汉夫施坦格尔) شوۋبىن (施霍宾) دا تۇراتتى. يەنى 1914-يىلى ھىتلېر ئوقۇماقچى بولغان شۇ چوڭ تىپتىكى مەكتەپ بىناسىنىڭ ئۇدۇلىدا بىر بىنادا تۇراتتى. ھىتلېر ئۇنىڭ دا’ئىملىق مېھمىنى ئىدى. بەلكىم ھىتلېرنى بەكىرەك قىزىقتۇرىدىغىنى ئۇنىڭ ئايالى ھېلېنا (赫仑纳) بولىشىمۇ مۇمكىن. بۇ ئايال ئامېرىكىلىق نېمىسلاردىن بولۇپ، ئىگىز بويلۇق، چاچ، كۆز ۋە تەنلىرىنىڭ رەڭگى جىگەر رەڭدە كىشىنى ئۆزىگە ئالاھىدە جەلىپ قىلالايدىغان بىر ئايال ئىدى. ھىتلېر ئۆيگە كېلىشىدە ئۇچىسىدا ئۆزىگە ئىنتايىن ياراشقان كۆك سارجا كاستوم-بۇرۇلكىسى بار ئىدى. “ئۇ ھەقىقەتەنمۇ قاملاشقان سالاپەتلىك، ھەتتا سەل-پەل ياسالما كۆرۈنۈشىمۇ يوق ئەمەس ئىدى. – دەپ يازىدۇ خانفشتانگېر (汉夫施坦格尔) ئەسلىمىسىدە، − گەپ قىلغىنىدا خۇددى تۆۋەن تەبىقىدىكىلەردەك بەكلا تارتىنچاق قىياپەتتە ئىدى. ئەسلىدە گېرمانىيىدە ئۇ دەۋرلەردە يوقۇرى بىلىملىك، ئاقسۈڭەكلىك ئۈنۋانى نىسبەتەن يوقۇرى بولغان ئەربابلار ياكى ئىلمى جەھەتتە ئۇتۇق قازانغان كىشىلەرنىڭ گەپ قىلىش شەكلى ئومۇملاشقان بىر دەۋرلەر ئىدى.” روشەنكى، ھېلېنا (赫仑纳) نىڭ قىزغىن مۇ’ئامىلىسى، سالاپەتلىك كۆرۈنىشى بىلەن ئۇنىڭ گۈزەللىكى باشتىن تارتىپلا ھىتلېرنى ئۆزىگە جەلىپ قىلىۋالغان ئىدى. ھىتلېر بۇ ئايالنى بەكلا ھۆرمەت قىلاتتى. ھەتتا ئۇنىڭغا چوقۇناتتى دېسىمۇ ئارتۇق كەتمەيتتى. شۇنىڭدىن 10 يىل ۋاقىت كېيىن ھېلېنا (赫仑纳) ئېلان قىلىنمىغان ئەسلىمىسىدە 1923-يىلى باھاردا مىيونخېن كوچىلىرىدا ھىتلېر بىلەن دوقۇرۇشۇپ قالغان ۋاقتىنى تەسۋىرلەپ كېلىپ: “ئۇ چاغدا ھىتلېر بەكلا ئۇرۇق، تارتىنچاق بىر يىگىت ئىدى. ئۇنىڭ ھەقىق كۆزلىرىدىن كۆڭلى بىر يەردە ئەمەسلىكى چىقىپلا تۇراتتى. ئۇچىسىدىكى كىيىملىرىمۇ بەكلا ۋەيرانە بولۇپ، ئەرزان باھالىق ئاق كۆڭلەك كىيىپ بوينىغا قارا رەڭلىك گالۇستۇك تاقىغان، ئۇچىسىدىكى پەلتوسىمۇ بەكلا ياراشمىغان قېنىق كۆك رەڭلىك خۇرۇم پالشوپكىسى ئۈستىگە كىيگىچىلىكى قالمىغان كونا كۈلرەڭ قوڭۇر ھەربى پەلتو بار ئىدى. پۇتىغا ئەرزان باھالىق قارا ئاياق كىيىۋالغان، بېشىدىمۇ سۇس كۈلرەڭ كونا شەپكە بار ئىدى. ئۇنىڭ كۆرۈنىشى ھەقىقەتەنمۇ كىشىنىڭ ئىچىنى ئاغرىتاتتى” دەپ يازىدۇ.

ھېلېنا شۇ كۈنى رەتسىز كىيىملىك بۇ ھىتلېر دېگەن كىشىنى ئۆيىگە تاماققا تەكلىپ قىلىدۇ. “شۇ كۈندىن باشلاپ، ھىتلېر ئا’ئىلىمىزنىڭ دا’ئىملىق مېھمىنىغا ئايلىنىپ ئا’ئىلىمىزنىڭ راھەت مۇھىتىدىن تەڭ ھۇزۇرلىنىشقا باشلايدۇ. ئۆيدە بالىلىرىم بىلەن ئوينايتتى، گېرمانىيە ئىپىرىيىسىنىڭ قايتا تىرىلىشى ھەققىدىكى پىلانلىرى، ئۈمىدلىرى ئۈستىدە سۆزلەپ كېتەتتى. باشقا كىشىلەرمۇ ئۇنى ئۆيىگە تەكلىپ قىلىپ تۇرغاندەك قىلسىمۇ، ئۇ يەنىلا بىزنىڭ ئۆيدە بولۇشنى خالايتتى. چۇنكى بىز ئۇنىڭ بىلەن بىرگە بولغان ۋاقىتلىرىمىزدا باشقىلاردەك ئۇنداق ئاجايىپ-غارايىپ سۇ’ئاللار بىلەن ئۇنىڭ بېشىنى قايدۇرۇپ يۈرمەيتتۇق. شۇنىڭدەك بىرەرسىگە ئۇنى كەلگۈسىدىكى قۇتقازغۇچىمىز دەپ تونۇشتۇرۇپ قۇرۇق ماختاپمۇ يۈرمەيتتۇق. ئۇ ئۆيىمىزدە كۆڭلى نېمىنى خالىسا شۇنى قىلالايتتى. مەسىلەن بىر چەتتە ئولتۇرۇپ كىتاپ ئوقۇش ياكى خاتىرە قالدۇرۇش بىلەن خاتىرجەم شوغۇللىنالايتتى. بىز ئۇنى ئۆز بىلىپ، ھەرگىزمۇ ئۇنىڭغا ۋاقىتلىق مېھمان مۇ’ئامىلىسى قىلمايتتۇق.”

ھېلېنا، ھىتلېرنى يۇمشاق كۆڭۈللۈك بىر ئادەم دەپلا قارايتتى. بۇنىڭ بىر سەۋەبى، ھىتلېر ئۇنىڭ ئىككى ياشلىق ئوغلى ئېيگىن (埃贡) گە بولغان ئامراقلىقى ئۇنى قاتتىق تەسىرلەندۈرگەن ئىدى. “ئېنىقكى، بۇ ئادەم بالىلارنى بەكلا ياخشى كۆرەتتى. ئۇنداق بولمىغاندا، بۇ ئادەمنى ئىنتايىن ئۇستا بىر ئەرتىس دېيىشلا مۇمكىن.” بىر كۈنىسى، ئوغلى ئىشىككىچە يۈگىرىپ بېرىپ ھىتلېرنى قارشى ئالماقچى بولغىنىدا بىر ئورۇندۇققا ئۈسىۋېلىپ يىغلاپ كېتىدۇ. “بۇ چاغدا ھىتلېر بالىغا كۆرسىتىپ تۇرۇپ ‘سەن مېنىڭ ئاپپاق ئوغلۇم ئېيگىن (埃贡) نى نېمىشكە يارىلايسەن’ دېگىنىچە ئورۇندۇقنى تۇتىۋېلىپ ۋارقىراپ ئۇرۇپ كېتىدۇ. بۇنى كۆرگەن بالا خوشال بولۇپ يىغىدىن توختاپ بۇ ئويۇننى تاماشا قىلىشقا باشلايدۇ. شۇ كۈندىن باشلاپ ھىتلېر ئۆيگە كېلىشى بىلەن، چوقۇم بۇ ئويۇننى بىر قېتىم تەكرارلىماي قويمايتتى. ئەيگىن (埃贡) مۇ بولۇشۇپ ‘ئادولف تاغا، بۇ ئورۇندۇقنىڭ سۆڭگۈچىگە ئۇرۇپ بەرسىڭىز’ دەپ يالۋۇرىدىغان بولىدۇ.”

كۈز كەلگەندە، ھىتلېر بىلەن خانفشتانگېر (汉夫施坦格尔) ئا’ئىلىسىدىكىلەر پۈتۈنلەي ئۆزلىشىپ تېخىمۇ قىزغىن مۇ’ئامىلە قىلىشىدىغان بولىدۇ. ھىتلېرمۇ بۇ ئا’ئىلىدىكىلەرنىڭ كۆڭلىنى خوش قىلىش ئۈچۈن ئۆزىنىڭ باشقا مورتلىرىنىڭ قىلىقلىرىنى دوراپ (مەسىلەن ئۇنى بەكلا ئەتىۋارلىشىدىغان گيورىڭلار ئا’ئىلىسىدىكىلەرنى) بېرەتتى ياكى بولمىسا يەردە ئۆمىلەپ ئېيگىن (埃贡) بىلەن بىرگە ئويناپ كېتەتتى. ھىتلېر ئادەتتە بىر تەرەپتىن شاكىلات ئارىلاشتۇرۇلغان قەھۋە ئىچكەچ پاراڭغا چۈشسە سا’ئەتلەپ گېپى تۈگىمەيتتى. بەزىدە ئۇ “جونىسبۇرگ ھارىقى” نىمۇ ئىچىپ قوياتتى. ئەمما ئۇنىڭغا لىق بىر قوشۇق قۇم شېكەر ئارىلاشتۇرۇپ ئىچەتتى. ئۇلار ئادەتتە بىرلىكتە سىرتلارغا چىقىپ ئايلىنىپمۇ كېلەتتى. بىر كۈنى ئاخشىمى بىرگە كىنوغا بېرىپ «فرىدېرىخكاس لېكس» (弗里德里卡斯•烈克斯) دېگەن كىنونىڭ بىرىنچى قىسمىنى كۆرۈپ كېلىشكەن ئىدى. ھىتلېرنىڭ بۇ كىنو فىلىمدىكى ئەڭ ياخشى كۆرىدىغان سەھنىسى ياشانغان كىنەزنىڭ تەھدىت قىلىپ تۇرۇپ شاھزادىنى كاللاڭنى ئالىمەن دەيدىغان يېرى ئىدى.

كىنودىن چىقىپ قايتىش يولىدا: “بۇ نېمە دېگەن مەرتلىك، ئىنتىزامنى كۈچەيتىش ئۈچۈن بۇ ياشانغان پادىشا ئۆز ئوغلىنىڭ كاللىسىنى ئېلىشتىنمۇ يانمىغىنىنى قاراڭ!” دەپ كىنونى باھالاپ كېتەتتى.

“گېرمانىيىنىڭ قانۇنىنىمۇ ئەنە شۇنداق تۈزۈپ يولغا قويۇش كېرەك. يەنى يا ئۆز ئىختىيارىغا قويىۋەت، يا كاللىسىنى ئال!”

خانفشتانگېر (汉夫施坦格尔) ئەر-خوتۇن، ھىتلېرنىڭ بۇ تۈردىكى ئىنتايىن رەھىمدىل بىرسىدىن بىراقلا ئىنتايىن ۋەھشى بىرسىگە ئايلىنىپ قېلىشىغا قاراپ ئۇنىڭدىن قورقۇپمۇ قالاتتى. شۇڭا ئۇنىڭ شەخسى تۇرمۇشى ھەققىدىكى سۆز-چۆچەكلەرمۇ بەكلا كۆپ ئىدى. مەسىلەن ئالايلى، ھىتلېر ئاياللار بىلەن زادى قانداق مۇناسىۋەتتە بولۇشنى خالايدۇ؟ دەيدىغان سۇ’ئاللار بەكلا كۆپ ئوتتۇرغا چىقىپ تۇراتتى. بىر كۈنى ھىتلېر ئۇلارغا “مېنىڭ ئۈچۈن ئېيتقاندا، خەلق ئاممىسى، پۈتكۈل خەلق، نەق بىر ئايال كىشىگىلا ئوخشايدۇ” دېگەن ئىدى. ھىتلېر ھەقىقەتەنمۇ ئۆزىنىڭ نۇتقىنى ئاڭلىغۇچىلارنى ئايال كىشىگىلا ئوخشىتاتتى. “ئەگەر كىمدە-كىم ئاممىنىڭ ئايال مىجەزلىك بولىدىغانلىقىنى چۈشىنەلمەيدىكەن، ئۇنداق بىرسى ھەرگىزمۇ مۇۋەپپەقىيەتلىك ناتىق بولالمايدۇ. سەن ئۆزەڭدىن سوراپ باق، ئاياللار ئەرلەردىن زادى نېمە تەلەپ قىلىدۇ؟ ئاياللارنىڭ ئەرلەردىن تەلەپ قىلىدىغىنى كەسكىنلىك، ئىرادىلىك، كۈچ-ھوقۇق، ھەركەت قىلىش … ئەگەر سەن ئۇلار بىلەن مۇۋاپىق تۈردە سۆزلىشەلەيدىغانلا بولىدىكەنسەن، ئايال خەق مەغرۇر ھالدا ئۆزىنى ساڭا قۇربان قىلالايدۇ، چۇنكى، ھەر قانداق بىر ئايال خەق ھېچقاچان مېنىڭ بەرگەن پىداكارلىقىم چېكىگە يەتتى دەپ قارىمايدۇ” دەيتتى. يەنە بىر قېتىمدا ئۇ، مەن ئۆمۈر بويى توي قىلمايمەن دەپ ئوچۇق ئېيتىدۇ. “ۋەتەن مېنىڭ بىردىن-بىر سۆيگۈنۈم، بىردىن بىر ئوبىكتىۋىم” دەيتتى. ئۇنىڭ بۇ يەردە دېمەكچى بولغىنى ھەممە ئاغزىدىن چۈشەرمەيدىغان “دۆلەت ئاتا” (گېرمانىيىنى كۆزدە تۇتماقتا) ئىدى. خانفشتانگېر (汉夫施坦格尔) ئۇنىڭدىن چاخچاق قىلىپ “سەن نېمىشكە بىرەر ئاشنا تېپىۋالمايسەن؟” دەپ سورىۋىدى، “سىياسەتنىڭ ئۆزى بىر ئايال دېمەكتۇر. – دەيدۇ ھىتلېر جاۋابەن، − ئەگەرسەن ئۇنى خوشاللىق بىلەن ياخشى كۆرمەيدىكەنسەن، ئۇ سېنىڭ بېشىڭنى غاجىلاپ تۈگەشتۈرىۋېتىدۇ” دەيدۇ.

ھىتلېرنىڭ بەزى يېقىنلىرى ئۇ شوپۇرىنىڭ قىزى ئوۋن خوك (詹妮•霍希) نى ئاشنا قىلىپ يۈرىدۇ دەپ گۇمانلىناتتى. ئۇ قىز ھىتلېرغا بەكلا سادىقمىش؛ ھەتتا ئۇ قىز ھىتلېرنى ئۆز ئىختىيارى بىلەن قوغدىغۇچىسى بولۇپ قوغداش ئۈچۈن قولتۇقىغا بىر تاپانچا يوشۇرۇپ يۈرگىدەكمىش. ھېلېنا خانفشتانگېر (赫仑纳•汉夫施坦格尔) خانىم بۇنداق گەپلەرگە ئىشەنمەيتتى. “ماڭغىنە، ئادولف بۇ جەھەتتە ئۇنچە بەك ھەددىدىن ئاشىدىغان شاللاق بىرسى ئەمەس!” دەيتتى.

ھىتلېرنىڭ يېقىنلىرىدىن بىرسى بۇنداق قاراشقا قوشۇلمايتتى. ھىتلېرنىڭ يەنە بىر شوپۇرى، ئېيمىل مورىس (埃米尔•莫里斯) مۇ “بىز بىرلىكتە قىز قوغلاپ يۈرگەن ئىدۇق” دەيدۇ كېيىن ئەسلەپ كېلىپ. ئۇلار ئىككىسى پات-پاتلا بىرلىكتە سەنئەت ئىنىستىتۇتىغا ياكى رەسىم كۆرگەزمىخانىلىرىغا بېرىپ يالىڭاچ مودېللەرنى كۆرگىلى بارىدىغانلىقىنى ئېيتىدۇ. بەزىدە ھىتلېر ئىسمىنى “ئورف (乌尔夫) ئەپەندى” دەپ ئاتاپ مورىس (莫里斯) بىلەن بىرگە ئاخشاملىرى كوچا-كويلاردا ئايلىنىپ قىز ئاختۇرۇپ يۈرەتتىكەن. شۇنىڭدەك مورىس (莫里斯)  قىزلارنى ئۆزىگە قارىتىشقا ئۇستا بىرسى بولۇپ، ھىتلېرگە قىز تونۇشتۇرپ يۈرەتتىكەن. مورىس (莫里斯) نىڭ ئېيتىشىدىن قارىغاندا، قولغا چۈشىرەلىگەنلىرىنى ئۆز ئۆيىگە ئاپىرىپ كۈتىۋالاتتىكەن. ھەتتا يېنىدا بىر تىيىنمۇ پۇلى قالمىغان ۋاقىتلىرىدىمۇ پات-پاتلا گۈل سوۋغا قىلىپ تۇراتتىكەن. ئۇ يەنە “بىز پات-پات بالېت تىياتىرىدىكى قىزلارنى زىيارەت قىلىپ تۇراتتۇق” دەيدۇ.

بۇ كۈنلەردە خانفشتانگېر (汉夫施坦格尔) ناتسىتلار پارتىيىسىگە خىزمەت قىلىشىنى پۈتۈن كۈنلۈك ئىشى ھالىتىگە ئايلاندۇرغان ئىدى.

ھىتلېر مەسلىھەتچى بولغان روسىنبېرگ (罗森堡) نىڭ بۇرۇتۇڭنى سەل چوڭايتىۋالساڭ بوپتىكەن، ھازى بۇنداق كىچىك بۇرۇتلار بەك مودا ئەمەس دەپ ئېيتقان مەسلىھەتىگە قارىتا ئۇنى مەڭسىتمىگەن ھالدا (ئۇنىڭ يالغانچىلىق پەلسەپەسى سەۋەبىدىن ئۇنى كۆزگە ئىلىپ كەتمەيتتى): بۇنداق بۇرۇت ھازىر مودا بولمىغاندەك قىلغىنى بىلەن، بۇنداق بۇرۇت قويغىنىم سەۋەپلىك كەلگۈسىدە چوقۇم مودا بولۇپ كېتىدۇ. دەپ جاۋاپ بېرىدۇ. ھىتلېرنىڭ بۇ تۈردىكى ئاسانلىقچە مەسلىھەتكە قۇلاق سالماسلىقىنى بىلىپ تۇرسىمۇ خانفشتانگېر (汉夫施坦格尔) يەنىلا ئۇنىڭغا قورقماي مەسلىھەت بېرىپ يۈرەتتى. ھىتلېرمۇ ئۇنىڭ مەسلىھەتىگە قۇلاق سالمىسىمۇ ئەمما يەنىلا ئۇنىڭدىن قەرزگە پۇل ئېلىپ تۇراتتى. بىر قېتىم ھىتلېر ئۇنىڭدىن ئۆسۈمىمۇ يوق مىڭ دوللار قەرز ئالىدۇ. شۇ كۈنلەردە خانفشتانگېر (汉夫施坦格尔) ئاتا-ئانىسىنىڭ نيۇيوركتا ئاچقان سەنئەت رەسىملەر دۇكىنىدىن ئۆزىگە تەۋە پايدا ئۆلىشىنى تاپشۇرۇپ ئالغان ئىدى. بۇ پۇلنى پاخاللاشقان ماركقا ئالماشتۇرغىنىدا ئۇنىڭ بەكلا كۆپ پۇلى بار بولغان ھېسابلىناتتى. ھىتلېر ئۇنىڭدىن ئالغان بۇ قەرز پۇلغا ئىككى يۈرۈش ئامېرىكىدا ياسالغان شىپىگىراف ماشىنىسى سېتىۋېلىپ، «خەلق كۈزەتكۈچىلىرى» گېزىتىنى ھەپتىلىكتىن كۈنلۈك گېزىتقا ئۆزگەرتىدۇ.

خانفشىتانگېر (汉夫施坦格尔) ھەقىقەتەنمۇ ھىتلېرغا مەرتلىك قىلىپ ياردەمدە بولۇپ يۈرگەن ئىدى. ئەمما ھىتلېر ئۇنىڭ ئويلىمىغان يېرىدىن چىقىپ ئۇ بەكلا يامان كۆرىدىغان دۈشمىنىنى داڭلىق بىرسىگە ئايلىنىدىغان ئورۇنغا تەيىنلەيدۇ. يەنى ھىتلېر، ھەپتىلەپ ئىشقا كەلمىدى دېگەننى باھانە قىلىپ «كۈزەتكۈچىلەر» گېزىتىنىڭ تەھرىرلىكىنى ئەيكارت (埃卡特) نىڭ قولىدىن ئېلىپ روسىنبېرگ (罗森堡) كە تاپشۇرىدۇ. بۇ ۋەزىپە، روسىنبېرگ (罗森堡) نى شەرق مەسىلىلىرى بويىچە پارتىيىنىڭ مۇتەخەسسىسى ھالىغا كەلتۈرۈش بىلەنلا قالماي، ئۇنى شرىنا رېشىد (施勃纳•里希特) قا ئوخشاش روسىيىدىن قېچىپ چىققانلار ئارىسىدىكى تەسىرىنىمۇ كۈچەيتىپ بېرىدۇ. رېشىد (里希特) دېگەن بۇ كىشى بەكلا سىرلىق بىرسى بولۇپ، گېرمانىيىدىكى كاپىتالىستلار بىلەن يوقۇرى تەبىقە جەمىيىتى بىلەن يېقىن مۇناسىۋىتى بار بىرسى بولۇش بىلەن بىرگە، لۇدېندورف ئارىسىدىكى مۇناسىۋەت باغلىغۇچىلىق رولىنى ئويناشتىن باشقا ھىتلېرنىڭ بارغانسىرى ئەتىۋارلىق مەسلىھەتچىلىرىدىن بىرسىگە ئايلانماقتا ئىدى.

بارلىق روسىيە مۇساپىرلىرى بولشېۋىكلارنى ئاغدۇرۇپ تاشلاشقا پۈتۈن كۈچى بىلەن تىرىشماقتا بولۇپ، ئۇلارنىڭ ھەممىسىنىڭلا كاللىسى چار پادىشانىڭ يەھۇدىيلارنىڭ يوقۇتۇش ھىلىمىكىرلىرى بىلەن تولغان ئىدى. يەنى يەھۇدىيلارنى يوقۇتۇشنىڭ بىردىن-بىر چارىسى تېررورلۇق ۋە زورلۇق كۈچىدىن پايدىلىنىش دەپ قارايتتى. بۇ تۈردىكى تەۋەككۈلچىلەرنىڭ قارىشىدا يەھۇدىيلارغا قارشى ئىجتىما’ئىي ياكى ئىقتىسادى تەدبىرلەرنىڭ ھېچقايسى كارغا كەلمەيدىغان چارىلار ھېسابلىناتتى. يەھۇدىلارنى كەڭ كۆلەمدە قىرىپ تاشلاش ئارقىلىقلا ئۇلاردىن قۇتۇلۇش مۇمكىن دېيىشەتتى.

2

تېما

0

دوست

1682

جۇغلانما

تىرىشچان ئەزا

ئۆسۈش   68.2%

ئەزا ئۇچۇرى
تىزىم نۇمۇرى:  11700
يازما سانى: 68
نادىر تېمىسى: 1
مۇنبەر پۇلى: 395
تۆھپە : 242
توردىكى ۋاقتى: 75
سائەت
ئاخىرقى: 2013-4-18
يوللىغان ۋاقتى 2013-1-3 18:38:25 |ھەممە قەۋەتنى كۆرۈش
(4)


1923-يىلى ئەتىيازدا، ھىتلېرنىڭ ئىشلىرى بەكلا ئالدىراش بولۇپ كېتىدۇ. ئۇنىڭغا ئەڭ ئېھتىياجلىق بولىۋاتقىنى پۇل ئىدى. شۇڭا ئۇ، ھەر تەرەپكە قاتىراپ يۈرۈپ پارتىيىسى ئۈچۈن پۇل يىغىشقا كىرىشىدۇ. ئافرېلنىڭ باشلىرىدا، ھىتلېر بىلەن خانفشتانگېر (汉夫施坦格尔) ئىككىسى ھىتلېرنىڭ مەرسەدەس ماركىلىق بايىۋەتچىلەر پىكاۋىغا ئولتۇرۇپ، مورىس (莫里斯) تىن بېرلىنغا قاراپ يولغا چىقىدۇ. ئۇلار يولدا كومۇنىستلارنىڭ تېزگىنلىشىدە تۇرىۋاتقان ساكسون (萨克森) دىن ئايلىنىپ ئۆتۈپ كېتىدۇ. ئۇلار لىبخكېنت (莱比锡) نىڭ شىمالىغا كەلگەندە قىزىل قوغدىغۇچىلار تەرىپىدىن توسىۋېلىدۇ. سۈرلۈك قىياپەتتىكى خانفشتانگېر (汉夫施坦格尔) شىۋىتسارىيە پاسپورتىنى چىقىرىپ كۆرسىتىپ، ئامېرىكا شىۋىسىدىكى نېمىسچىسى بىلەن ئۆزىنىڭ چەتئەللىك قەغەزچىلىك سودىگىرى ئىكەنلىكىنى، گېرمانىيىگە كېلىشتىكى مەقسىدىنىڭ لىبخكېنت (莱比锡) يارمەنكىسىگە قاتنىشىدىغانلىقىنى، ماشىنىدىكىلەرنىڭ بىرسى ئۇنىڭ شوپۇرى، يەنە بىرسى بولسا ئۇنىڭ خىزمەتچىسى ئىكەنلىكىنى ئېيتىدۇ. ئۇنىڭ بۇ ھىلىسى ئىشقا يارايدۇ. ئۇلار قىزىل مۇھاپىزەتچىلەردىن قۇتۇلۇپ يولغا چۈشكىنىدە ھىتلېر “ئۇلار مېنى بىلىپ قالسا كاللامنى ئېلىشتىن يانمايتتى” دېگەندەك قىلسىمۇ، ئۆزىنى خىزمەتچى دەپ تونۇشتۇرغىنىدىن ئۇزۇنغىچە كۆڭۈلسىز بولۇپ ئولتۇرىدۇ.

بېرلىندا ئۇلار قاتىراپ يۈرۈپ پۇل يىغىش بىلەنلا قالماي، يەنە يەكشەنبە كۈنىسى ھەربى مۇزىي بىلەن دۆلەتلىك سەنئەت كۆرگەزمىخانىسىنى زىيارەت قىلىپ چىقىدۇ. ئۇلار سەنئەت كۆرگەزمىخانىسىنى زىيارەت قىلغاندا، ھىتلېر لىمتولاند (雷姆卜兰特) نىڭ «ئالتۇن دۇبۇلغىلىق ئادەم» دېگەن رەسىمى ئالدىدا تۇرۇپ كېتىدۇ. ئۇ، رەسىمدىكى ھەربىلەردەك كۆرۈنۈشتىكى قەھرىماننىڭ كۆرۈنىشىگە بەكلا دىققەت قىلىدۇ. ئۇ ھەمرايىغا قاراپ، بۇ رەسىمدىكى قەھرىمان تەسۋىرىنى كۆرسىتىپ بۇ ئۇلۇغ رەسسام “گەرچە ئامىستىردامنىڭ يەھۇدىيلار رايونىدا نۇرغۇنلىغان رەسىملەرنى سىزغان بىرسى بولسىمۇ، ئۇنىڭ قەلبى يەنىلا ئارىيان ئىرقى بىلەن نېمىس مىللىتىدىن كەلگەنلىكىنى نامايەن قىلغان!” دەيدۇ. ئاندىن ئۇلار لۇنا پاركىدا ئاياللار بوكسۇر مۇسابىقىسىنى كۆرىدۇ. مۇسابىقە جەريانىدا ھىتلېر بەكلا سوغۇق قاراپ تۇرىدۇ. شۇنىڭغا قارىماي يەنە بىر قانچە مەيدان كۆرەيلى دەپ چىڭ تۇرىۋالىدۇ. مۇسابىقىنى كۆرۈپ بولۇپ، ھىتلېر يېنىدىكىلەرگە “بوكسۇرچىلىقنى ھەر قانچە دېسىمۇ گېرمانىيىدە ئۆتكۈزۈلىدىغان قېلىچۋازلىق مۇسابىقىسىدىن مىڭ ياخشى ئويۇن” دەيدۇ.

ئەتىسى ئۇلار بېرلىندىن ئايرىلىدۇ. يولدا ساكسونىيە (萨克森) دىن ئايلىنىپ ئۆتۈپ يۇرتىغا قايتىپ كېلىدۇ. ھىتلېر يول زىرىكىشلىكىنى چىقىرىش ئۈچۈن پۈتۈن يول بويىچە ۋاگنېر ئوپرالىرىدىن پارچىلارغا ئىسقىرتىپ ماڭىدۇ. ھەتتا قوللىرىنى ئوينىتىپ ئۇسۇللىرىنىمۇ كۆرسىتىپ ھەمرالىرىنىمۇ زېرىكتۈرمەيدۇ. ھەتتا ئۇ بىيىت (依特勒) بىلەن ئاخىرلاشقان بەكلا ئۇزۇن بىر ئېيتىشىشنىمۇ يادقا دېكلىماتسىيە قىلىپ بېرىپ ئۆزىنى ئۆزى شاڭخو قىلىپ كۈلۈپ كېتىدۇ. خانفشتانگېر (汉夫施坦格尔) كېيىن ئەسلەپ كېلىپ مۇنداق دەيدۇ: “ھىتلېر خوشال ۋاقىتلىرىدا ئۆزى قايتا ئۆزگەرتىپ چىققان شى’ئېرلارنى دېكلىماتسىيە قىلىپ بېرىپ ھەممىمىزنى كۈلدۈرۈپ تېلىقتۇرىۋىتەتتى.”
ئۇلار رىچارد ۋاگنېر (在理查•瓦格纳) نىڭ يۇرتى بولغان لىيىت (莱特) تا ئازىراق تۇرۇپ ئۆتىدۇ. بۇ يەردە ئۇلار بايرام تىياتىرخانىسىغا كىرىپ ئىچىنى كۆرۈپ چىقىدۇ. دەرۋازىۋەن ماقۇل بولۇپ ئۇلارنى كىرگۈزگەن ئىدى. سەھنە مەنزىرىسى «ئۇچار گوللاندىيىلىك» ئۈچۈن لايىھىلەنگەن پىتى تۇراتتى. 1914-يىلى ئۇرۇش ئېلان قىلىنغاندىن كېيىن، بۇ تىياتىر ئىزچىل تۈردە بۇ تىياتىرخانىدا ئوينالغان ئىدى. بۇ سەھنە كۆرۈنۈشىنى كۆرگەندىن كېيىن، خانفشتانگېر (汉夫施坦格尔) پۇرسىتىنى تېپىپ “بۇ ئويۇننىڭ ئەڭ دەسلەپكى سەھنە كۆرۈنىشىنى ئۇنىڭ چوڭ بوۋىسى فېردىنان خېينۇر (费尔迪南•海涅) لايىلەپتىكەن” دەيدۇ. بۇ كۆرۈنۈشلەر ھىتلېرنى پۈتۈنلەي ئۆزىگە جەلىپ قىلىۋالغان ئىدى. بولۇپمۇ ۋاگنېرنىڭ كۈتۈپخانىسى ئۇنى بەكلا ھاياجانلاندۇرىۋېتىدۇ. كۈتۈپخانىنىڭ تېمىدا ۋاگنېرنىڭ سەنئەتچىلەر بىلەن خىزمەتچىلەر دىققىتى ئۈچۈن يازغان بېغىشلىمىسىمۇ ئېسىقلىق تۇراتتى.

شۇ قېتىملىق سەپەرنىڭ ئەڭ ئاخىرقى كۈنىسى، چۈشلۈك تاماققا توختىغان ۋاقتىدا ھىتلېر، ئۇلار لىبخكېنت شەھەر سىرتىدا كۆرگەن “ھەر قايسى ئەللەرنىڭ ناپالىيونغا قارشى كۈرىشى” نى خاتىرىلەش ئۈچۈن تىكلەنگەن مۇنارە ھەققىدە گەپ قوزغايدۇ. ھىتلېر، بۇ ھەقتە توختىلىپ دېگەن مۇلاھىزىلىرى خانفشتانگېر (汉夫施坦格尔) نى غەمگە پاتۇرۇپ قويىدۇ. شۇ چاغدا ھىتلېر “كېيىنكى قېتىملىق ئۇرۇشتىكى ئەڭ مۇھىم بىر ئىش، بىز چوقۇم رۇسىيىنىڭ غەربىدىكى ئاشلىق مەنبەسى بىلەن تەمىنلەش يوللىرىنى چوقۇم قولىمىزغا ئېلىشىمىز شەرت” دەيدۇ. بۇ گەپلەر، روسىنبېرگ (罗森堡) بىلەن قالغان روسسىيىلىك دوستلارنىڭ ھىتلېرغا يەنە ئۆز گېپىنى سىڭدۇرۇشقانلىقىنى كۆرسەتمەكتە ئىدى. خانفشتانگېر (汉夫施坦格尔) بۇنىڭغا قارشى چىقىپ، روسسىيىگە قارشى ئۇرۇش قىلغاننىڭ قىلچە پايدىسى يوق. ئەسلى بىزنىڭ دىققەت نەزىرىمىز زور كۆلەملىك سانا’ئەت ئاساسىغا ئېرىشىۋالغان ئامېرىكىغا قارىتىلىشى كېرەك. “ئەگەر سەن ئۇلارنى بىر چەتكە قايرىپ قويساڭ، ئۇ چاغدا كەلگۈسىنىڭ ئۇرۇشىنى قوزغاتماي تۇرۇپلا ئۇتتۇرۇپ قويغان بولىسەن” دەيدۇ. ھىتلېر بۇ گەپلەرگە بىر نېمە دېمەي ئۆتكىزىۋېتىدۇ. روشەنكى، ئادولف بۇنداق قاراشنى تېخى قوبۇل قىلىپ كېتەلىگەن ئەمەس ئىدى.

ھىتلېر مىيونخېنغا يېتىپ كىلىشى ھامانلا فرانسۇزلارنىڭ رۇر رايونىغا ھۇجۇم قىلغانلىقىغا قارشى تۇرۇش نارازىلىق ھەرىكىتىنى قوزغىۋېتىدۇ. ئەمما ئۇ يەنىلا ئايلاندۇرۇپ كېلىپ بەكىرەك قىزىقىدىغان خەلقىنى قوزغىلىپ يەھۇدىيلارغا قارشى ھەرىكەتكە ئاتلىنىشىنى كۈشكۈرتىشكە قارىتىدۇ.

مەسىلەن ئالايلۇق، 13-ئافرېل كۈنى، ھىتلېر ئۇلارنى بىۋاستە تەنقىتلەپ، رۇرنىڭ ئىشغال قىلىنىۋېلىشىغا، ئۇرۇشتا مەغلوب قىلىنىشقا ھەمدە مال باھالىرىنىڭ ئۆرلەپ كېتىشىگە بىۋاستە سەۋەپچى بولغانلىقىنى كۆرسىتىدۇ. ئۇ ھۇجۇمغا ئۆتۈپ يەنە مۇنداق دەيدۇ: “ئاتالمىش دۇنيا تېنچلىقپەرۋەرلىكى” دېگىنى ئەسلىدە يەھۇدىيلار كەشىپ قىلغان نەرسە؛ پرولېتارىيات داھىلىرى يەھۇدىي (“مانا بۇ يەردىنمۇ يەھۇدىي چىقىپ كەلدى!”)؛ ئورتاق ئىقتىسادى يىغىن دېگىنى يەھۇدىيلارنىڭ بىر قورالى (“مانا يەنە يەنە بىر يەھۇدىي!”)؛ ئەسلىدە يەھۇدىيلار ھىلىمىكىرگە تايىنىپ دۇنيانى قولغا كىرگۈزمەكچى! شۇڭا ئۇلار، “قېدىمقى ۋەدىلەرنى ئىسپاتلاش ئۈچۈن رۇسىيە بىلەن گېرمانىيە چوقۇم ئاغدۇرۇپ تاشلىنىشى كېرەك! بۇنىڭ ئۈچۈن پۈتۈن دۇنيانى باش ئەگدۈرۈش لازىم! بۇنىڭ ئۈچۈن ھەر قانداق بىر يالغانچى تەشۋىقات ئورگىنىنى خالىغانچە ھەرىكەت قىلالايدىغان ھالغا كەلتۈرۈپ ئەڭ ئاخىرقى غايىلىك بىر دۆلەتكە، يەنى گېرمانىيىگە قارشى ئاتلىنالايدىغان قىلغىلى بولىدۇ، دەپ جار سېلىشماقتا! ياكى سىلەر فرانسىيىنىڭ، ئەنگىلىيىنىڭ ۋە ئامېرىكىنىڭ ئۇرۇشتا غالىپ كېلىشىنى خالايتتىڭلارمۇ؟” ھىتلېر نۇتقىنى تۈگەتكىنىدە ھاياجان ئىچىدە دۇنيا ئۇرۇشىدا ئۆلگەن ئىككى مىليون نېمىسلار ئۈچۈن، شۇنىڭدەك مىليونلارچە يىتىم-تۇللار، مېيىپ قالغانلار ئۈچۈن ھەققانىيەت كەلتۈرەيلى، بۇ مىليونلىغان خەلق ئۈچۈن چوقۇم يېڭى گېرمانىيە قۇرۇپ چىقايلى! دەپ شۇ’ئار توۋلايدۇ.

ھىتلېر يەھۇدىيلاردىن نەپرەتلىنىدىغانلىقى، ئۇلاردىن قورقىدىغانلىقى ئۈچۈن رىياللىقتىن ھالقىپ سۆزلەشكە باشلىغان ئىدى. ئۇلار يەھۇدىيلارغا قارشى تۇرۇشتا گەرچە مەنتىقىلىق سۆزلەردىن پايدىلىنىپ مەقسەتلىرىنى ئىپادىلىگەندەك قىلسىمۇ، ئەمەلىيەتتە مەنتىقىنىڭ بارلىق چەكلىرىدىن ئاللىمۇقاچان ئاشۇرىۋەتكەن ئىدى. ئۇ دۇنيانى ئاستىن-ئۈستۈن قىلىپ تەسۋىرلىمەكتە ئىدى: ئەسلىدە فرانسىيە، ئەنگىلىيە ۋە ئامېرىكا ئۇرۇشتا ھەقىقى مەغلۇپ بولغانلار، گېرمانىيە يەھۇدىيلار تېزگىنىدىن قۇتۇلۇش ئۈچۈن ھەرىكەتكە ئاتلانغانلىقى سەۋەبىدىن ئەڭ ئاخىرىدا غەلىبە قىلىدىغىنى چوقۇم گېرمانىيە بولىدۇ، دەپ قارىماقتا ئىدى. بۇ جەرياندا ھىتلېر بۇ دېيىشلىرى بىلەن ئۆزىنى ئالدىماقچى بولغان ئىدى، ئەمما شۇ قاتاردا تەرەپتارلىرىنىمۇ مۇۋەپپەقىيەتلىك بىلەن ئالدىيالىغان ئىدى. ھىتلېر ئۇستىلىق بىلەن ئىپتىدا’ئى ھېسسىياتقا قارىتىپ چاقىرىق قىلغان بولسا، خەلق ئاممىسى مىتىنگدىن ئايرىلغىنىدا ئۇلارنىڭ ئەقلىدە قالغىنى بىرەر ئاقار يۇلتۇزدەك بەكلا ئاز نەرسىلەر ئىدى. خەلق ئاممىسىنىڭ ئەقلىدە قالغىنى پەقەتلا ھىتلېرنىڭ كىرىست ئارمىيىسى سېپىگە قاتنىشىش ئارقىلىق گېرمانىيىنى قۇتقۇزۇش؛ فرانسىيە چوقۇم رۇرنى بوشىتىپ چىقىپ كېتىشى كېرەكلىكى، ئەڭ مۇھىمى يەھۇدىيلار چوقۇم تىگىشلىك يېرىگە قايتۇرۇلۇشى كېرەكلىكىنىلا ئېسىدە قالدۇرالىغان ئىدى.

ئۆتكەن بىر يىل مابەينىدە ھىتلېرنىڭ نۇتۇق سۆزلەش ئۇسلۇبى زور دەرىجىدە ئۆزگەرگەن ئىدى. ئۇنىڭ قول ھەرىكەتلىرىمۇ نۇتقىغا ئوخشاش كۈرمىڭ خىل ئۆزگىرىپ تۇرىدىغان بولغان ئىدى. بولۇپمۇ خانفشتانگېرنىڭ دىققىتىنى ئالاھىدە تارتقىنى، ھىتلېر بۇ يېقىنلاردا بىلىكىنى ئۇشتۇمتۇت يوقۇرى كۆتۈرىدىغان ئىشنى چىقىرىۋېلىشى ئىدى. “ئۇنىڭدا ھەقىقەتەنمۇ ئۇلۇغ ئوركىستېر رېزھىسورىدا بولۇشقا تېگىشلىك خاراكتېر بار ئىدى. ئادەتتە ئۇلۇغ بىر رېزھىسور قولىنى تۆۋەنگە سىلكىپ ھەرىكەتلەندۈرۈپ ئاڭاڭ تەڭكەش قىلىپلا قالماي، قولىنى يوقۇرىغا كۆتۈرۈپ چوكىسىنى سىلكىش ئارقىلىقمۇ مۇزىكىنىڭ ئىچكى دولقۇنلىرىنى، ھېسسىياتلىرىنى ئوتتۇرغا چىقىرالىشى مۇمكىن.” ھىتلېر نۇتق سۆزلىگەندە ئەنە شۇنداق مۇزىكا بىلىملىرى ئاساسىدىكى ھېسسىياتلارنى ئۇرغۇتۇش ئۇسۇلىدىنمۇ ئۇستىلىق بىلەن پايدىلىنىپ، نۇتقىنى كىشىنى ئۇرغۇتىدىغان رېتىم ھالغا كەلتۈرىۋالغان. يەنى ئۇ، نۇتقىنىڭ دەسلەپكى ئۈچتە ئىككى قىسمىدا مارش رېتىمىدا سۆزلىگەن بولسا، قالغان ئۈچتە بىر قىسمىدا رېتىمىنى تۇيۇقسىز تېزلىتىپ جوشقۇنلۇق ھالنى پەيدا قىلىشقا تىرىشىدۇ. ئۇ ئاۋاز تونلىرىنىمۇ ئىنتايىن ئۇستىلىق بىلەن تەڭشەپ ئىشلىتەلەيدىغان ماھارەتنى يېتىلدۈرگەن ئىدى. ئۇ خىيالىدا قايسى بىر رىقابەتچىسىنىڭ مۇۋەپپىقىيەتلىك نۇتۇق سۆزلىشىنى كۆز ئالدىغا كەلتۈرۈپ، ئۇنىڭ ئۇسلۇبىنى دوراش ئارقىلىق تەتۈر ئىسپاتلاش ئارقىلىقمۇ پەرىزىدىكى بۇ دۈشمىنىنى بىت-چىت قىلىۋېتىش ئۇسۇلىنى ئىشقا سېلىپ ئىنتايىن مۇۋەپپىقىيەتلىك نۇتۇق تەسىرىنى پەيدا قىلالايتتى. ئاندىن قايتا ئۆز ئۇسلۇبى بويىچە تەپەككۈر قىلىپ نۇتقىنى داۋام قىلدۇراتتى.

گەرچە ئۇنىڭ نۇتقىنىڭ ئاخىرلىرى ئىنتايىن مۇرەككەپ بولسىمۇ، ئاساسلىق مەقسىدى ئورتاق ھاياجان پەيدا قىلىش بولغانلىقى ئۈچۈن ئۇنىڭغا ئاسانلا ماسلىشىپ كەتكىلى بولاتتى. شۇنداق بولغاچقا، ئۇ بىر مەزمون بىلەن يەنە بىر مەزمون ئوتتۇرسىدىكى باغلىنىشقا ھېسسىيات، يەنى غەزەپ، نەپرەت، ۋەھىمە، مۇھەببەت ياكى ئۆچمەنلىكنى قىستۇرۇپ سۆزلىگەنلىكى ئۈچۈن خەلقنى قىلچە زىرىكتۈرمەي بىر تېمىدىن يەنە بىر تېمىغا بەكلا ئاسان ئۆتەلەيتتى. گەرچە ئۇنىڭ نۇتقى بەكلا ئەگرى-توقايلىقلار بىلەن تولغان مۇرەككەپ بىر نۇتۇق بولغاندەك قىلسىمۇ، ئۇ يەنىلا ئىنتايىن ماھارەتلىك بىر سەنئەتچىنىڭ تاماشىبىنلارنى قايسى بىر ئويۇن سەھنىسى ئىچىدىكى مۇرەككەپ پەردىلەرنى چۈشىنەلىشىگە يىتەكلىيەلىگىنىگە ئوخشاش مەيداندىكى خەلقنىمۇ ئۆزى خالىغان تەرەپلەرگە قاراپ يىتەكلىيەلەيتتى.

ھىتلېردا، مىتىنگ مەيدانىدىكىلەرنى نۇتقىنىڭ مەزمۇنى ئىچىگە تارتىپ كىرەلەيدىغان بەكلا كام ئۇچىرايدىغان بىر قابىلىيەتمۇ بار ئىدى. “مەن خەلق ئاممىسىغا نۇتۇق سۆزلىگىنىمدە، بولۇپمۇ پارتىيە ئەزاسى بولمىغانلارغا قارىتا، ياكى قانداقلا بىر سەۋەپ تۈپەيلىدىن بولمىسۇن پارتىيىمىزدىن يىراقلىشىپ قالغان كىشىلەرگە خىتاپ قىلغان ۋاقتىمدا، گۇيا ۋەتىنىمىزنىڭ تەغدىرى دەل شۇ كىشىلەرنىڭ قارار قىلىشىغا زىچ باغلىق بولۇپ قالغاندەك سۆزلەيتتىم. − دەيدۇ خانفشتانگېر (汉夫施坦格尔) غا، − ئۇنداق كىشىلەرنى قالغانلار ئالدىدا ئۈلگىلىك رول ئويناپ بېرىشى كېرەكلىكىنى ئىما قىلاتتىم. شۆبىھسىزكى، بۇنداق سۆزلىرىم ئۇلارنىڭ مەنمەنچىلىكىنى، جاسارىتىنى ئۇرغىتىۋىتەتتى. مەن بۇ مەقسەتكە ئېرىشەلىگەنلا بولىدىكەنمەن، قالغان مەسىلىلەر بەكلا ئاسان ھەل بولۇپ كېتەتتى. ئۇ يەنە مۇنداق دەيتتى: مەيلى باي، مەيلى كەمبەغەل بولسۇن، بارلىق كىشىلەرنىڭ قەلبىدە ئۆز ئۈستىگە چۈشكەن ۋەزىپىسىنىڭ ھۆددىسىدىن چىقىپ كېتەلمەيۋاتقانلىقىنى ھېس قىلىدىغان بىر تۇيغۇ بولىدۇ. ئەگەر  مەلۇم تەرەپلەردە ئېغىر مۇگىدەش ئىچىگە پېتىپ قالغان ئىكەن، دېمەك مەلۇم بىر يېڭىچە تۇرمۇش شەكلى ئۈچۈن ئەڭ ئاخىرقى پىداكارلىق كۆرسىتىش ياكى مەلۇم بىر تەۋەككۈلچىلىك ھەرىكىتى ئاخىرقى خەۋىپلىك نوقتىسىغا كېلىپ توختاپ قالغانلىقىدىن دېرەك بېرىدۇ. بۇ نوقتىغا كېلىپ قالغانلار ئەڭ ئاخىرقى قېتىم تەۋەككۈل قىلىپ دوغا چىقىشقا تەييار ھالغا كەلگەن كىشىلەر ھېساپلىنىدۇ. مېنىڭ ۋەزىپەم، دەل شۇ ھەۋەسلىرىنى سىياسى يولغا باشلاشتىنلا ئىبارەت. ئەسلىنى سۈرۈشتە قىلىدىغان بولساق، ھەر قانداق بىر سىياسى ھەرىكەت ئۆزىنىڭ ھىمايىچىلىرىنى (مەيلى ئۇلار ئايال بولسۇن ياكى ئەر بولسۇن)، ئۆزلىرى ئۈچۈنلا ئەمەس، بەلكى ئۆز پەرزەنتلىرى ئۈچۈن ياكى باشقىلار ئۈچۈن ئەڭ بەخىتلىك كۈنلەرنى مەقسەت قىلىش ئاساسىغا ئوتتۇرغا چىقىدۇ. … خەلقنىڭ ئىجتىما’ئى ئورنى قانچىكى تۆۋەن بولىدىكەن، ئۇلاردا ئۆز ئورنىدىن ئۈستۈن تۇرىدىغان بىرەر يوقۇرى غايىگە ئىنتىلىشىمۇ شۇنچە كۈچلۈك بولىدۇ. ئەگەر مەن ئۇلارنى قايىل قىلالايدىغانلا بولىدىكەنمەن، ئۇلارنى گېرمانىيىنىڭ تەغدىرى خەۋىپ ئاستىدا ئىكەنلىكىگە ئىشەندۈرەلەيدىغانلا بولىدىكەنمەن، چوقۇم ئۇلار قەتئى تەڭ كەلگىلى بولمايدىغان ھەرىكەتنىڭ ئايرىلماس بىر قىسمىغا ئايلىنالايدۇ. شۇڭا بۇنداق بىر ھەرىكەت بارلىق تەبىقە كىشىلىرىنى ئۆز ئىچىگە ئالغان بولىشى كېرەك.”

ھىتلېرنىڭ دەبدەبىلىك، ئۆتكۈر ۋە چېكىدىن ئاشقان ھەربى ۋەزىيەت ھەققىدىكى نۇتۇقلىرىغا قارىتا خەلق ئاممىسى ھەر دا’ئىم تەييار ھالغا كەلتۈرۈلگەن ھېسابلىناتتى. ئادەتتە قەلبنى ئىزىدىغان مۇزىكىلار ياكى كىشىنى ھاياجانلانغا سالىدىغان ھەممىلا ياردە لەپىلدەپ يۈرگەن بايراقلاردىن باشقا يەنە، يېڭى بىر رەڭ، يەنى ھىتلېر رىم پاسونى بويىچە ئۆز قولى بىلەن لايىھىلەپ چىققان بايراقلار بىلەن مۇراسىم تۇغلىرىنى ئوتتۇرغا چىقارغان ئىدى. بەلكىم بۇلارنى مۇسسولىننىڭ قېدىمقى رىم قەيسەرلىرى (凯撒) ئاساسىدا كۆتۈرۈپ چىققان نەرسىلىرىدىن كۆچۈرىۋالغان دېيىشكىمۇ بولار. ئەمما ھىتلېر بۇلارنىڭ ھەممىسى نېمىس ئەنئەنىلىرىدىن ئېلىنغان دەپ ئېيتىدۇ. “مەن ‘ھاشارەتلەر قۇرۇلتىيى’ نىڭ يىغىن مەنزىرىسى تەسۋىرلىرىنى ئوقىغان ئىدىم. ئۇ ۋاقىتلاردا كىشىلەر ئەنە شۇ تۈردىكى نېمىس پارات تۇغلىرىنى كۆتۈرۈشۈپ لودىۋىك (路德) كە سالام بېرەركەندۇق. بۇ نەرسىلەر خەلقنىڭ لودۋىك (路德) بىلەن زىتلىشىش ئەمەس بەلكى تېنچ بىرگە ئۆتۈشىنىڭ سىموۋۇلى قىلىنغانلىقىنىڭ بىر ئىپادىسى ئىكەندۇق. … بەلكىم 1931-يىلى بولسا كېرەك، بۇرېيم (不来梅) دىكى لاس (拉施) پىۋىخانىسىدا مەن تۇنجى قېتىم بۇ تۈردىكى قولىنى ئالدىغا ئۇزارتىپ كۆتىرىپ سالام بىرىشنى ئۇچراتقان ئىدىم.” بۇنداق قول ئىشارىتىنىڭ كېلىش مەنبەسى نەدىن بولىشىدىن قەتئى نەزەر، شادخورام تېنچ  يىغىلىشلاردا بۇنداق قول كۆتۈرۈپ “خايىل! – ياشىسۇن!” دىگەن ئاۋازلار ئىچىدە بىلىكىنى ئۇزارتىپ سالام قىلىشى خەلق ئاممىسىغا بىز ھەقىقى نېمىس ئاۋازىنى ئاڭلىماقتىمىز دېگەن ئىشەنچنى تۇرغۇزماقتا ئىدى.

ھىتلېر ئاشكارە ھالدا فرانسىيە بىلەن يەھۇدىيلارغا قارشى بايانات ئېلان قىلغان كۈنىسى، ئۇ يەنە بىر قېتىم باۋارىيە ھۆكۈمىتى بىلەن ئاشكارە زىتلىشىپ قالغان ئىدى. ئۇ، باۋارىيە باش مىنىستىرى بىلەن كۆرۈشىدۇ. ئۇنىڭ بىلەن كۆرۈشۈشكە بىرگە بارغان كىشى سابىق ئوفىسسېرلاردىن بىرى بولۇپ، بۇ ئادەم “كۈرەشچان تەشكىلات خىزمەت گۇرۇپپىسى” دېگەن شەخسى قۇراللىق قوشۇننىڭ قۇماندانى ئىدى. بۇ خىزمەت گۇرۇپپىسى دېگىنى ئەسلىدە ئوڭچىل ئاكتىپلار گۇروھىنىڭ ئارلاشمىسىدىن باشقا بىر نېمە ئەمەس ئىدى. ئۇ ئىككىسى باش مىنىستېرغا ئەڭ ئاخىرقى ئۇلتىماتومىنى تاپشۇرۇپ، ھۆكۈمەتتىن «جۇمھۇرىيەت قوغداش قانۇنى» نى ئۆز ئىختىيارى بىلەن ئەمەلدىن قالدۇرۇشىنى تەلەپ قىلىدۇ. ئەگەر ۋىيمار ھۆكۈمەت دا’ئىرىلىرى بۇ تەلەپنى رەت قىلغىدەك بولىدىكەن، ئۇ ھالدا باۋارىيە ئاشكارە قانۇنغا خىلاپلىق قىلغان ھېسابلىناتتى.
شۇ كۈنى ئايغا 19، يەكشەنبە كۈنى ئىدى. ئەمما ھىتلېر بۇنىڭغا شەنبە كۈنى جاۋاب بېرىلىشىنى تەلەپ قىلىدۇ.

بۇ تەلەپ جاۋابسىز قالغانلىقى ئۈچۈن، ئوڭچىل ئاكتىپلار ھەربى ئىشلار گۇروھى يەكشەنبە كۈنى “ھەربى مانېۋىر” ئۆتكۈزىدۇ. شۇ كۈنى ئافرېلدىكى مەسىخ ئىيسا خىرىستوس كۈنى (复活节) ئىدى. ھىتلېر ئۈستى ئوچۇق بىر ماشىنا كۇزۇپىدا ئۆرە تۇرىدۇ. ھۇجۇمچىلار ئەترىتى – ئېس-ئاچىلار بىلەن پۇخرا تەرەپپازلار قاتار تىزىلىپ ئالدىدىن ئۆتىۋاتقىنىدا، ھىتلېر قولىنى ئالدىغا ئۇزارتىپ خەلققە سالام بېرىدۇ. گيورىڭنىڭ شەخسى پىكاۋى ئىچىدە ئولتۇرۇپ قاراپ تۇرغان ھېلېنا خانفشتانگېر (赫仑纳•汉夫施坦格尔)، ھىتلېرنىڭ كۆزلىرىدىن غالىپلىق ئىپادىسى چاقناپ تۇرغانلىقىغا دىققەت قىلىدۇ. پارات ئاخىرلاشقاندىن كېيىن، ھىتلېر “پۇراپ تۇرغان بىر باغلام ئەتتىر گۈل” نى تۇتقىنىچە خانفشتانگېر (汉夫施坦格尔) لار ئۆيىگە كېلىپ، ھېلېنا (赫仑纳) خانىمغا تۇغۇلغان كۈنىڭىز مۇبارەك بولسۇن دەپ قولىدىكى گۈلنى سوغات قىلىدۇ. ئاندىن ئۇلار بىرلىكتە ئولتۇرۇپ خوشال-خوراملىق ئىچىدە بىرەر سا’ئەت چاي ئىچىشىدۇ. بۇ جەرياندا ھىتلېر تىنماي قىزىق گەپلەرنى قىلىپ ئۇلارنى كۈلدۈرۈپ ئولتۇرىدۇ. ئەمما ئارىدىن بىر ھەپتە ئۆتكەندە، يەنى نۆۋەت ئۆزىنىڭ تۇغۇلغان كۈنىنى خاتىرلەشكە كەلگەندە پەقەتلا ئېچىلالماي جىمىپ كېتىدۇ. ئۇ خانفشتانگېر () غا ئۈستىدە كىرىست بەلگىسى بولغان تۇغۇلغان كۈنى تورتلىرىنى، شۇنىڭدەك ئۇنداق بەلگە چۈشۈرۈلگەن باشقا ھەرقانداق نەرسىلەرنى ھەرگىز يىمەيلى دەپ قاتتىق جىكىلەيدۇ. ئەسلىدە ئۇنىڭ بۇ تار ئۆي ئىچى كىرىست بەلگىسى چۈشۈرۈلگەن تورتلار بىلەن تولۇپ كەتكەن ئىدى. “ئېسىڭدىن چىقمىسۇنكى، − دەيدۇ ھىتلېر، − بۇ بىنا يەھۇدىيلارغا تەۋە بىر بىنا، ئۇلار رەقىبىدىن قۇتۇلۇش ئۈچۈن پۈتۈن تاملىرىنى زەھەر بىلەن مىلاپ بولدى. بۇ ئۇلارنىڭ بالىلىرىمۇ قىلىپ ئادەتلەنگەن بىر ئىش.”

دۈشەنبە كۈنى، باش مىنىستىردىن ئاخىرى ھىتلېرغا جاۋاب كېلىدۇ: ئۇ ئۆزى «جۇمھۇرىيەت قوغداش قانۇنى» غا قارشى ئىكەنلىكىنى، ئەمما بۇ قانۇن باۋارىيىنىڭ رەسمى قانۇنى ھالىغا كېلىپ بولغانلىقىنى، شۇڭا ئۇنىڭ قولىدىن كېلىدىغىنى بۇ قانۇننى ئىجرا قىلىشتىن باشقىچە بولالمايدىغانلىقىنى ئۇقتۇرىدۇ. ھىتلېر بىرىنچى ماي كۈنىسى ئاممىۋىي نامايىش چاقىرقى چىقىرىپ نامايىش ئارقىلىق نارازىلىق بىلدۈرۈش قارارىغا كېلىدۇ. بۇ بىر پارتىلاش خاراكتېرلىق بىر خەۋەر ئىدى. چۇنكى “1-ماي” كۈنى ئەمگەكچىلەر بىلەن ماركسىزمچىلارنىڭلا ئۇلۇغ بايرام كۈنى بولۇپ قالماي، مىيونخېننى سوۋېت جۇمھۇرىيىتى قولىدىن ئازات قىلىنىشىنىڭمۇ يىللىق خاتىرە كۈنى ئىدى. 30-ئافرېل ئاخشىمى، ئوڭچىل ئاكتىپلار كۈچلىرى مىيونخېننىڭ ئاساسلىق پويىز ئىستانسىسى شىمالىدىكى نەچچە چاقىرىم يەردىكى ئوبۋېرسىنفور (奥贝威森弗尔) نېمىس ئارمىيىسى مەشىق مەيدانى تەرەپكە قاراپ يۈرۈش قىلىدۇ. تاڭ ئاتقىچە بولغان ئارىلىقتا ئۇ يەرگە مىڭغا يېقىن ئادەم يىغىلىپ بولغان ئىدى. ئۇلار سولچىل كۈچلەرنىڭ ھۇجۇمىدىن ساقلىنىش ئۈچۈن ئەتراپقا مەخسۇس پوست قويىۋېتىدۇ. ۋاقىت سا’ئەتلەپ ئۆتمەكتە ئىدى. ئەمما بىرەر ھەرىكەت شەپىسى كۆرۈلمەيتتى. “سا’ئەت ئالتە بولغاندا، − دەيدۇ ھىتلېر كېيىن ئەسلەپ كېلىپ، − توپ-توپ قىزىللار كېلىپ بىز بىلەن تىركىشىشكە تەييارلاندى. مەنمۇ ئۇلارنى كۈشكۈرتىشكە بىر مۇنچە ئادەم ئىۋەرتكەن بولساممۇ، ئۇلار يەنىلا مىت قىلماي تۇرغان يېرىدە جىم تۇرىشاتتى.”

سا’ئەت 9 لاردا شەھەر سىرتىدىن ھەرقايسى ئەترەتلەردىن كەلگەنلەر قوشۇلۇپ ئۇلارنىڭ ئادىمى 1300 كىشىگە يەتكەن ئىدى. ئۇلارنىڭ قۇرال تۇتقان ئادەملىرى ئىللىق كۈن نۇرى ئاستىدا قارشى تەرەپنىڭ ئادەملىرىگە ھۇجۇم قىلىشنى ساقلاپ تىت-تىت بولماقتا ئىدى. رەسمى ۋەھشىلەشكەن ھىتلېر، قولىدا بىر مىس قالپاق، “قىزىللار نېمىشقا تېخىچە ھۇجۇم قىلىشمايدۇ؟” دەپ سورايدۇ. چۈش بولاي دەپ قالغاندا تۇيۇقسىزلا بىر بۆلۈم ئەسكەرلەر بىلەن كۆك فورمىلىق ساقچىلار كېلىپ قۇراللىق نامايىش قىلىۋاتقانلارنىڭ ئەتىراپىنى قاتمۇ-قات قورشاۋ ئاستىغا ئېلىۋالىدۇ. ئۇلار بىلەن كەلگەنلەرئارىسىدا غەزەپكە تولغان كاپىتان روم (罗姆) مۇ بار ئىدى. ئۇ ھىتلېرغا ئۆزىنىڭ يېڭىلا بۇ يەردە تۇرۇشلۇق ئارمىيە گېنىرالىنىڭ يېنىدىن كەلگەنلىكىنى، ھىتلېر دەرھال قۇرال تاپشۇرۇشى كېرەكلىكىنى، بولمىسا ئاقىۋىتىگە پۈتۈنلەي ھىتلېر مەسئۇل بولىدىغانلىقىنى ئۇقتۇرىدۇ.

ھىتلېر بۇ گەپلەردىن قاتتىق غەزەپلىنىپ كەتكەن بولسىمۇ، گرىگورى، ستراسكى قاتارلىق كىشىلەرنى ھۆكۈمەت كۈچلىرىگە قارشى تاقابىل تۇرايلى، ئەسكەرلىرىگە قارشى ھۇجۇمغا ئۆتەيلى دەپ چىڭ تۇرىۋېلىشلىرىنى بېسىقتۇرۇشقىمۇ تىرىشىدۇ. قۇرال تاپشۇرۇش بۇيرىقى ئۇلارغا ھەقىقەتەنمۇ ئېغىر كېلەتتى. ئەمما ھىتلېر ھۇجۇم قىلغىدەك بولغىنىدا، ئۇنىڭ كۈچلىرى چوقۇم مەغلوپ قىلىناتتى. ئۇنداق بولغىنىدا بۇنداق بىر مەنىسىز قان تۆكۈلۈش جەريانىدا ئۆزىنىڭ سىياسى ساھەدىكى داھىلىق ئورنىنىڭ ئاخىرلىشىشى، ھەتتا ئۇنىڭ ئۆزىمۇ قۇربان بولىشى ئېنىق ئىدى. ئوبېرۋېرسنفورد (奥贝威森弗尔德) تىكى چېكىنىشتە ئۇ ئاخىرقى ھېسابتا مۇۋەپپەقىيەت قازانغان ئىدى. شۇئوربىن () دا، ھىتلېرنىڭ قوشونى كومۇنىستلارنىڭ ئاۋانگارت كۈچلىرى بىلەن توقۇنۇشۇشتا، ئۇلارنى تىرە-پىرەڭ قىلىۋېتىش بىلەنلا قالماي، قىزىللارنىڭ بايراقلىرىنىمۇ كۆيدۈرۈپ تاشلىشىدۇ. بۇ ۋاقىتلار ھىتلېرنىڭ قالتىس يايراپ كەتكەن ۋاقىتلىرى ئىدى. شۇڭا ئۇ نەق مەيداندا قىسقا بىر نۇتۇق سۆزلەيدۇ. ئۇ نۇتقىدا، بۇ يالقۇن بولشېۋىكلارنىڭ دۇنياۋى يۇقۇملۇق كېسىلىنىڭ بىر ئىپادىسى. بۇ يالقۇن، ناتسىتلار پارتىيىسىنىڭ  ھوقۇقنى تارتىپ ئېلىشىنىڭ كىچىككىنە سېگنالىدىن ئىبارەتتۇر دەيدۇ. ئۇنىڭ بۇ قېتىملىق ئىنتايىن كۈچلۈك كۈشكۈرتكۈچى نۇتقى قول ئاستىدىكىلەرنىڭ غەيرەت-جاسارىتىنى ئالاھىدە كۈچەيتىۋېتىدۇ. شۇنداق قىلىپ بىر قېتىملىق ئېغىر خاتالىقنى غالىبىيەتكە ئايلاندۇرغان بولىدۇ. ئەمما ئۇلارنىڭ بۇ خوشاللىقى بەك ئۇزۇنغا قالماي بېسىقىپلا كېتىدۇ. شۇ ئاخشىمى، ھىتلېرنىڭ ئىنقىلاۋى ھەرىكىتى ئۈزۈل كېسىل مەغلوبىيەتكە ئۇچرايدۇ.

بۇ قېتىملىق مەغلوبىيەت، ئۇنى بىر مۇنچە يېقىن سادىق ئەگەشكۈچىلىرىدىن مەھرۇم قالدۇرىدۇ. “مەن ھىتلېردىن پۈتۈنلەي ئايرىلدىم! – دەيدۇ سابىق “ئەركىن پولك” كوماندىرى بولغان بىرسى، − 1-ماي كۈنىسىدىكى مەغلوبىيەتتىن كېيىن بۇ ئادەم مەڭگۈ باش كۆتۈرەلمەيدۇ!”

ئوۋېرسىنفورد () ۋەقەسىدە مەغلوب بولغانلار يالغۇز ھىتلېرلا ئەمەس ئىدى. باۋارىيە ھۆكۈمىتى ئۈچۈن ئېيتقاندا، بۇ ۋەقە ئۇلار ئۈچۈن تېخىمۇ ئېغىر مەغلوبىيەت، تېخىمۇ ئېغىر قىيىنچىلىق ھېساپلىناتتى. ھۆكۈمەت دا’ئىرىلىرى ھېتلېرنى جەمى’ئەت ئامانلىقىغا زىيان سالغان دەپ قارىلايدۇ. ھىتلېر سوتقا تارتىلىدۇ. ھىتلېر قىلچە تەمتىرىمەي سۇ’ئاللارغا بىرمۇ-بىر جاۋاپ بېرىدۇ. قارىلىغۇچى تەرەپ ئاخىرى بەرداشلىق بېرەلمەي قالىدۇ. ھىتلېر بۇ قېتىملىق سوتلىنىشتا قىلچە باش ئەگمەي قەتئى ئىرادىلىك بولۇپ، ئاپەتتىن سىياسى مەنپە’ئەت چىقىرىۋالىدۇ. شۇنداق قىلىپ، مەغلوبىيەتنى غالىبىيەتكە ئايلاندۇرۇش، ئۇنىڭ مىزانى ھالىغا كېلىدۇ.

شۇنداقتىمۇ نۇرغۇنلىغان چەتئەللىك كۈزەتكۈچىلەر بۇ ۋەقەنى ھىتلېرنىڭ مەغلوبىيەتلىك ئاقىۋىتىنىڭ باشلىنىشى دەپ باھالىشىدۇ. روبېرت مورفى (罗伯特•墨菲) دەل شۇنداق قارايدىغانلاردىن بىرى ئىدى. ئۇ يازغان دوكلاتىدا، ناتسىتلار ھەرىكىتىنىڭ يۈزلىنىشى يوقۇلۇشقا قاراپ ئىلگىرلىمەكتە دەيدۇ. ئۇ يەنە، خەلق “ھىتلېرنىڭ كۈشكۈرتۈش ھەرىكەتلىرىدىن زىرىكتى، چۇنكى ئۇ ھېچقانداق بىر نەتىجە يارىتالمىغاچقا خەلق ئۇنىڭدىن ئۈمىدىنى ئۈزدى. ئۇ ھەرگىزمۇ ئىجابى يېڭىلىقنى ئوتتۇرغا قويالمايدۇ. ئۇنىڭ يەھۇدىيلىققا قارشى ھەرىكىتى ئۆزىگە بەكلا كۆپ دۈشمەن پەيدا قىلىۋەتتى. ئۇنىڭ ياش تەرەپپازلىرىنىڭ جىدەل تېرىشتىن باشقىنى بىلمەسلىكى جەمىيەت تەرتىۋىنى ھىمايە قىلىدىغان كىشىلەرنى بەكلا بىزار قىلىۋەتكەن ئىدى“ دەپ يازىدۇ.

2

تېما

0

دوست

1682

جۇغلانما

تىرىشچان ئەزا

ئۆسۈش   68.2%

ئەزا ئۇچۇرى
تىزىم نۇمۇرى:  11700
يازما سانى: 68
نادىر تېمىسى: 1
مۇنبەر پۇلى: 395
تۆھپە : 242
توردىكى ۋاقتى: 75
سائەت
ئاخىرقى: 2013-4-18
يوللىغان ۋاقتى 2013-1-3 18:39:26 |ھەممە قەۋەتنى كۆرۈش
(5)


مورفى (墨菲) ئوتتۇرغا قويغان ئەھۋاللار باۋارىيە يەرلىك ئەمەلدارلىرىنىڭ چۈشەنچىلىرىنىلا ئەكس ئەتتۈرۈپ بېرەلەيتتى. بۇ تۈردىكى ئەمەلدارلار “1-ماي” دىن كېيىنكى سىياسى ھەرىكەتلەردىكى تىجىشنى ھىتلېردىن ھەمدە ئۇنىڭ ھەرىكىتىدىن قۇتۇلغانلىقىنىڭ مۇقەررەر نەتىجىسى دەپ خاتا چۈشەنگەن ئىدى. بۇ تۈردىكى سىياسى جەھەتتىكى پا’ئالىيەتلەرنىڭ جىمىقىپ قېلىشى خېلى ئۇزۇن داۋام قىلىدۇ. ئەمما بۇ جەرياندا بىرلا قېتىم ۋاقتلىق بىر قالايماقانچىلىق پەيدا بولىدۇ. بۇ توپىلاڭ گېرمانىيىلىك بىر مىللەتچى بولغان ئارپوت ليو شلاگېت (阿尔伯特•里奥•施拉格特) دېگەن بىرسىنىڭ دۇسبۇرگ (杜斯堡) ئەتىراپىدا فرانسىيىنىڭ رۇر رايونىنى بېسىۋېلىشىغا نارازىلىق بىلدۈرۈش ئۈچۈن تۆمۈر يول پارتلاتقانلىقىدىن ئۆلۈم جازاسىغا ھۆكۈم قىلىشىدىن كېلىپ چىققان بىر ۋەقە ئىدى. ئۇ كىشى بۇزغۇنچىلىق قىلىش جىنايىتى بىلەن سوتلىنىپ، 26-ماي كۈنىسى ئېتىپ تاشلانغان ئىدى.

خانفشتانگېر (汉夫施坦格尔)، كۆپلىگەن ۋەتەنپەرۋەر تەشكىلاتلار كىلەر ھەپتە كنىكس (科尼希) مەيدانىغا يىغىلىپ نارازىلىق نامايىشى ئۆتكۈزمەكچى بولغانلىقىدىن خەۋەر تاپقىنىدا، تاغدا دەم ئېلىش قىلىۋاتقان ھىتلېرنىڭ دەرھال قايتىپ كېلىپ بۇ ھەرىكەتكە قاتنىشىشى لازىملىقىنى ئويلايدۇ. ئۇ دەرھال پويىزغا ئولتۇرۇپ گېرمانىيە-ئاۋىسترىيە چېگرىسىغا جايلاشقان ئىنتايىن مەنزىرىلىك ساناتورىيە يېرى بولغان بېشىتسگارد (贝希特斯加登) (“ئۇ يەرنىڭ مەنزىرىسىنى بەكلا ياخشى كۆرۈپ قالغان ئىدىم”) قا بېرىپ ھىتلېرنى تاپىدۇ. ئۇ ۋاقىتلاردا ھىتلېر ئىسمىنى ئورف (乌尔夫) ئەپەندى دېگەن ئىسىمغا ئۆزگەرتىپ “ئېنلىز داچىسى” (英里茨) دا تۇرىۋاتقان ئىدى. بۇ داچا ئوبېرسالسبۇرگ (奥贝萨尔斯伯格) دېگەن تار بىر تاغ چوققىسىغا سېلىنغان ئىدى. دەسلىۋىدە ھىتلېر نامايىشقا ھەر تۈرلۈك كىشىلەر قاتنىشىدىغانلىقىنى سەۋەپ قىلىپ كۆرسىتىپ ئۇ نامايىشچىلارغا نۇتۇق سۆزلەشكە بەك قىزىقمايدۇ. ئەمما خانفشتانگېر (汉夫施坦格尔) نىڭ چىڭ تۇرۇپ تەلەپ قىلىشى نەتىجىسىدە ھىتلېر نۇتۇق سۆزلەشكە ماقۇل بولىدۇ. شۇنداق قىلىپ، ئۇ ئىككىسى دەرھال نۇتۇق تېزىسىدىن بىرنى يېزىپ چىقىدۇ.

شۇ ئاخشىمى، خانفشتانگېر (汉夫施坦格尔) بىلەن بىرگە ئورنىدىن ئايرىلغان ئېيكارت (埃卡特) غەزىۋىنى باسالماي، ھىتلېر دا’ئىم قامچىسىنى ئوينىتىپ ھەممىلا يەردە يالغان قورقۇتۇپ يۈرىدۇ؛ داچىنىڭ مۇدىرىنىڭ ئايالى ئالدىدىمۇ ئۆزىنى كۆرسىتىشكە ئۇرۇنۇپ يۈرىدۇ. “ھىتلېرنىڭ بۇ تۈر قىلىقلىرى جېنىمغا تەگدى. – دەيدۇ، − مېنىڭچە بولغاندا بۇ ئادەم راستىنلا ساراڭ بولۇپ قاپتۇ” دەيدۇ. ئۇ يەنە، ھىتلېر ھەددىدىن ئارتۇق ئېغىر تىللار بىلەن بېرلىننى قارىلاش ئارقىلىق، بۇ ئايال ئالدىدا ئۆزىنى كۆرسىتىشكە ئۇرۇنماقتا: “… ئۇنىڭ بۇزۇپ-چېچىپ يۈرۈشلىرى، شەھۋانىلىق قىلىشلىرى، تەڭسىزلىك قىلىشلىرى، ھەشەمەتلىك قىلىش ۋە يەھۇدىي بايلىقىدىن پايدىلىنىشلىرى مېنىڭ بەكلا جېنىمغا تەگمەكتە. بۇلىۋاتقان بۇ ئىشلارغا زادىلا ئىشەنگىم كەلمەيدۇ. مەن ھازىر ئۆزەمنى خۇددى تەڭرىنىڭ مازارلىقىدا تۇرىۋاتقاندەك، پۇل ئالماشتۇرۇشنى ئۆزىگە كەسىپ قىلىۋالغانلارنىڭ ئەيساسى يېنىدا تۇرىۋاتقاندەك ھېس قىلماقتىمەن” ئۇ ھەقىقەتەنمۇ قايناپ قالغان ئىدى. شۇڭا ئۇ ھىتلېر شۇ سەۋەپتىن قامچىسىنى ئوينىتىپ يۈرگەنلىكىنى، شۇڭا ئۇ قۇتلۇق ۋەزىپىسى بولغان ئەيسانىڭ پايتەخىتكە چۈشكىنىدەك پارىخور چىرىگەن كىشىلەرنى قوغلاپ چىقىرىشتەك ئۆزىگە قۇتلۇق ۋەزىپە يۈكلىنىپ بۇ يەرگە كەلگەندەك ھېس قىلىماقتا دەپ سۆزلەپ كېتىدۇ.

ئەتىسى، ھىتلېر خانفشتانگېر (汉夫施坦格尔) بىلەن بىرگە پويىز ئىستانسىغا بارىدۇ. ھىتلېر ئوۋبىرسبۇرگ (奥贝萨尔斯伯格) قا كەلگىنىدە “يېقىندا پارتىيە ئورگان گېزىتىمىزنىڭ تەھرىرلىكىدىن قالدۇرۇلغان ئېيكارت (埃卡特) رەسمى ئۈمىتسىز بىرسىگە، قېرىپ ھالىدىن كەتكەن بىرسىگە ئايلىنىپ قاپتۇ. – دەيدۇ، − شۇبىنخاۋېر (叔本华) ئۇنى قاتتىق گۇمانخور توماس (托马斯) قىلا ئايلاندۇرۇپ قويۇپتۇ. ئەگەر سەن ئۇنىڭ ئېنىق ئۇققىلى بولمايدىغان بىلجىرلاشلىرىنى ئاڭلىساڭ، مېنى نەلەرگە باشلاپ ماڭماقچى بولغانلىقىنىمۇ بىلەلمەي قالىسەن. قالتىس يول كۆرسەتكۈچىدە-ئۇ! كىشىلەرنىڭ ئارزۇسى بىلەن غەيرىتىنى ئازايتىپ يوقلا قىلىۋېتىدۇ! غەيرىتىدىن ئايرىلغان خەلق پۈتۈنلەي ۋەيران بولىدۇ! ھايات دېگەنلىك، كۈرەش قىلىش دېگەنلىكتۇر.”

ئاندىن ئۇ “غەلىتە بىر رېتىم بىلەن «لوھېنگېرىن» (罗安格林) ئويۇنىدىكى ئاققۇ ئاھاڭىغا ئىسقىرتىشقا باشلىدى.

تېنچلىقچى ئانتون درېكسىل (安东•德莱克斯勒) مۇ ھىتلېرنىڭ ئوبىئېرسارسبۇرگ (奥贝萨尔斯伯格) دا نۇتۇق سۆزلىشىنى خالىمايتتى. ھىتلېرنىڭ بارغانسىرى كۈچىيىپ كېتىۋاتقان ئىنقىلاۋى قىزغىنلىقى ئۇلارنىمۇ نېمە قىلارىنى بىلەلمەس قىلىپ تەمتىرىتىپلا قويماقتا ئىدى. ھىتلېرنى ئىشچىلار سىنىپى ئارىسىدا ھەقىقى سوتسىيالىزمچىلارنىڭ مۇستەھكەم ئاساسىنى قۇرۇش ئورنىغا كاپىتالىستلار بىلەن، بايىۋەتچىلەر بىلەن ھەمدە بانكىرلار بىلەن بەكلا ئىچ قويۇن-تاش قويۇن بولۇپ كېتىشىگە قارشى چىققانلارمۇ ئۇنىڭدىن بەكلا ئەنسىرەشمەكتە ئىدى. ھىتلېرمۇ پارتىيە ئىچىدە يەنە بىر قېتىملىق خا’ئىنلىق يۈز بېرىشى مۇمكىنلىكىنى، يەنى دەسلىۋىدە ھىتلېر ھەققىدە بەكلا يوقۇرى ئۈمىدلەرنى كۈتكەن، ئۇنى گېرمانىيىنىڭ يېڭىدىن دۇنياغا كەلگەن داھىسى دەپ ھۆرمەت قىلىپ كەلگەن كىشىلەرنىڭ نارازىلىقى بىلەن ئۈمىدسىزلىكىدىن پەيدا بولغان قايتا ئۇنىڭدىن يۈز ئۆرۈش ۋەقەسىنىڭ يۈز بېرىشىنى كۆڭلىدە ھېس قىلماقتا ئىدى.

شۇ يىلى سىنتەبىر باشلىرىدا، ھىتلېر ئاشكارە ئوتتۇرغا چىقىش شەكلى بىلەن پەسىيىپ كېتىۋاتقان ئابرويىنى قايتا تىكلەشكە ئاتلىنىدۇ. بۇ ئىش 1~2-سىنتەبىردە نيۇرېنبۇرگ (纽伦堡) تا “سېدان ئۇرۇشى” (塞丹) خاتىرە كۈنى بولغان “گېرمانىيە كۈنى” نى خاتىرلەش يىغىنىدا بولغان ئىش ئىدى. ئۇ كۈنى، يۈز مىڭدىن ئارتۇق مىللەتچى بۇ قېدىمى شەھەرگە ئېقىن قىلىپ كوچىلاردا نامايىش قىلىپ يۈرۈش قىلماقتا ئىدى. بۇ شەھەرنىڭ ساقچى دا’ئىرىلىرىنىڭ بەرگەن مەلۇماتىغا قارىغاندا، بۇ قېتىمقى پا’ئالىيەت پەيدا قىلغان قىزغىنلىق 1914-يىلىدىن بۇيان پەقەتلا كۆرۈلۈپ باقمىغان ئىدى” دېيىلگەن. كوچىلارنىڭ ھەممىسىدىلا ناتسىتلار بىلەن باۋارىيە بايراقلىرى بىلەن تولغان، پۈتۈن خەلق “خايىل! – ياشىسۇن!” دەپ توۋلىشىپ يۈرگەن، لۇدېندورف بىلەن نامايىشقا قاتناشقان قىسىملارنى قارشى ئېلىشىپ ئۇلارغا گۈل-چىچەك ئېتىشىۋاتقان بەكلا قىزغىن مەنزىرە بارلىققا كەلگەن ئىدى. “ئۇرۇشتا مەغلوب بولغان، پاجى’ئەلىك مۇھىت ئاستىدا ئىزىلىۋاتقان، يۇرتلىرىدىن ئايرىلىپ سەرسان بولغان، يىمىرىلگەن بۇ خەلق، ئازغىنە بولسىمۇ ئۈمىد نۇرى كۆرەنگەندەك، قۇللۇقتىن، نامىراتلىقتىن ئازاد بولۇشنىڭ كىچىككىنە بولسىمۇ ئۈمىدىنى ھېس قىلىشىپ ھاياجانلانماقتا ئىدى. بۇ قېتىمقى خاتىرىلەش مۇراسىمى ئەنە شۇنداق ھېسسىياتلارنىڭ چەكلىمىسىز ئەركىن بىر شەكىلدە ئىپادىلىنىشى ئىدى. نۇرغۇنلىغان ئەرلەر، ئاياللار ئۈن سېلىپ يىغلاشماقتا ئىدى. ئۇلار ئۆز ھېسسىياتلىرىنى بېسىۋالالمايلا قالغان ئىدى.”

نامايىشچىلارنىڭ مۇتلەق كۆپ قىسمى ناتسىتلار پارتىيىسىنىڭ تەرەپتارلىرى ئىدى. ھىتلېر يىغىن ئېچىلىشى بىلەن، سەھنىلەردىن بىرسىگە چىقىپ نۇتۇق سۆزلەيدۇ. ھىتلېر بۇ قېتىم كلون () دىكىگە قارىغاندا ئالاھىدە سالاپەتلىك كۆرۈنەتتى: ئۇچىسىغا كەيگەن كىيىملىرى ئالاھىدە رەتلىك، چېچىنىمۇ كېلىشتۈرۈپ ياساتقان، پۇتىغا كەيگىنىمۇ ئۇزۇن قونجىلىق ئاياق ئەمەس ئىدى. “بىر قانچە ھەپتىگە قالمايلا ھۇشۇقىمىز قوپىدىغان بولدى. – دەيدۇ ھىتلېر ئالدىن كۆرەرلىك بىلەن، − بۈگۈن بارلىققا كەلگەن بۇ مەنزىرە دۇنيا ئۇرۇشى مەزگىلىدىكىدىنمۇ ئۇلۇق بىر مەنزىرە بولىدۇ. بۇ ھەرىكىتىمىز گېرمانىيە تۇپراقلىرىدا پۈتۈن دۇنيا ئۈچۈن تىكلەنگەن بىر خاتىرە مۇنارىسى بولۇپ قالىدۇ.”

ئەتىسى، “گېرمانىيە جەڭگېۋارلار ئىتتىپاقى” قۇرۇلىدۇ. مۇنداق قارىماققا بۇ بىر مىللەتچىلەرنىڭ بىرلەشمىسىدەك كۆرۈنسىمۇ، ئەمەلىيەتتە ناتسىتلار پارتىيىسىنىڭ بىر كەشپىياتى ئىدى: ئۇنىڭ كاتىۋى شلېنا رىشىد (施勃纳•里希特) بولۇپ، ھەربى ئىشلار كاتىۋېشى بولغان كىشى ھىتلېرنىڭ يەنە بىر ياردەمچىسى ئىدى. بۇ ئىتتىپاقنىڭ ئىنتايىن مۇھىم بولغان يەنە بىر ئورگىنىغا روم مەسئۇل بولىدۇ؛ بۇ ئىتتىپاقنىڭ بىر باياناتىنى (فېدېر يېزىپ بەرگەن) خۇددى ھىتلېر ئېيتىپ بەرگەندەكلا قىلاتتى. بۇ باياناتتا پارلامېنت تۈزۈمىگە، خەلقارالىق كاپىتالغا، سىنىپى كۈرەشكە، تېنچلىقچىلىققا، ماركسىزمغا ۋە يەھۇدىيلارغا قارشى تۇرىمىز دەپ ئېلان قىلىنغان ئىدى.

نيۇرېنبۇرگ () تا “گېرمانىيە كۈنى” نىڭ ئۆتكۈزۈلىشى بىلەن “گېرمانىيە جەڭگىۋارلار ئىتتىپاقى” نىڭ قۇرۇلغانلىقى، ھىتلېرنىڭ ئاشكارە ھالدا ئۆزىنىڭ ئىنقىلاۋىنى يولغا قويىدىغان سىياسىي سەھنىگە قايتىپ كەلگەنلىكىنى تولۇق نامايەن قىلماقتا ئىدى. بۇ تەرىپى ئارىدىن بىرەر ئاي ۋاقىت ئۆتمەيلا ئېنىق ئوتتۇرغا چىقىشقا باشلايدۇ: ھىتلېر بۇ يېڭى تەشكىلنىڭ رەسمى سىياسى داھىسىغا ئايلىنىدۇ. بۇ تەشكىلاتنىڭ “ھەرىكەت پروگراممىسى” دا باۋارىيە ھوقۇقىنى تارتىپ ئېلىش چاقىرىقى چىقىرىلغان ئىدى. بەزى گەپلەردىن قارىغاندا، ھىتلېر يەنە بىر قېتىملىق ئىنقىلاپ قوزغاشقا تەييارلىق قىلىۋاتقانمىش. ئەمەلىيەتتە، ھىتلېر راستىنلا مەخسەتلىك تۈردە قىزىللارنىڭ قايتا ھوقۇق تارتىپ ئېلىشىغا يول قويماسلىق ئۈچۈن ھەرىكەت قوزغايدىغانلىقىنى ئېلان قىلغان ئىدى. “بىزنىڭ بۇ ھەرىكىتىمىزنىڭ ۋەزىپىسى، خۇددى بۇرۇنقى ھەرىكىتىمىزگە ئوخشاش ئىمپىرىيىنىڭ يىمىرىلىشىگە تەييارلىق قىلىشتۇر. شۇنداق بولغىنىدا، كونا دەرەخ غۇلاپ چۈشكىنىدە، يېڭى نوتىلار ياشىرىشقا باشلىيالايدىغان بولىدۇ.”

باۋارىيە باش مىنىستىرى ئوۋېن فون نىل (欧仁•冯•尼林) مۇ ھىتلېرنىڭ بەزى چاقىرىقلىرىغا ماقۇل بولغاندەك قىلسىمۇ، ھىتلېرنىڭ ئىسيانچى خەلقنى كۈشكۈرتۈش تاكتىكىسىغا پەقەتلا چىداپ تۇرالمايتتى. 26-سىنتەبىر كۈنىسى، نىل (尼林) كابېنتىدىكىلەرگە ۋەزىيەت بەكلا جىددى بولغاچقا، دەرھال شىتات ھەيئىتىدىن بىرسىنى بەلگىلىشىمىز كېرەك؛ بۇ ئەزا كۆرۈنۈشتە ئىچكى كابىنىتنىڭ باشقۇرۇشىدا ھەرىكەت قىلىدىغاندەك كۆرۈنسىمۇ ئەمەلىيەتتە “ھوقۇقىنى تولۇق ئىشقا سالالايدىغان سالاھىيەتكە ئىگە بولىشى كېرەك” دەيدۇ. ئۇ يەنە، سابىق باش مىنىستىر كارل (卡尔) نى ۋەزىپىگە تەيىنلىشىمىز كېرەك دەيدۇ. بۇنىڭغا سەۋەپ قىلىپ، ئۇنىڭ بىر قانچە مىللەتچى تەشكىلاتلارنىڭ ھىمايىسىگە ئىگە بىرسى ئىكەنلىكىنى، شۇنىڭ بىلەن بىرگە يەنە كونسىرىۋاتىپ كىنەزلەر گۇروھىدىكىلەر بىلەن كاتولىك چىركاۋلىرىنىڭ ھۆرمىتىگىمۇ سازاۋەر بىرسى ئىكەنلىكىنى سەۋەپ قىلىپ كۆرسىتىدۇ.

كارل (卡尔)، قانۇن-تەرتىپ ئورنىتىش يۈزىسىدىن بۇ ئېغىر ۋەزىپىنى تاپشۇرۇپ ئالىدۇ. ئۇنىڭ يولغا قويغان بىرىنچى ھەرىكىتى ئەتىسى ئېچىلماقچى بولغان 14 ناتسىتلار مىتىنگىنى چەكلەش بويرىقىنى چىقىرىش بىلەن باشلىنىدۇ. ئادولف ھىتلېر ئۈچۈن ئېيتقاندا، بۇ ھەرىكەت بىر تەھدىت قىلىش ھەرىكىتى بولۇش بىلەن بىرگە يەنە بىر پۇرسەت ھېسابلىناتتى (ئۇ تېخى يېڭىلا شىۋىتسارىيىدىن يېنىپ كەلگەن ئىدى). ئەگەر ئۇ گەپ ئاڭلاپ بۇ بۇيرۇققا بوي سۇنغىدەك بولسا، بۇ ئىش پۈتۈنلەي يوقۇلۇش بولاتتى. ئەگەر ئۇ قارشىلىق كۆرسىتىپ مۇۋەپپەقىيەتكە ئېرىشكىدەك بولسا، پۈتۈن مەملىكەت بويىچە ئەڭ مۇھىم سىياسىيوندىن بىرىگە ئايلىنىشى مۇمكىن ئىدى. كىشىلەر ئۇنىڭغا بۇ ئىشتىن ۋاز كېچىپ، باشقا بىر ۋاقىتتا قايتىدىن باش كۆتۈرۈپ چىقىش مەسلىھەتىنى بېرىدۇ. ئۇلار پارتىيىمىز تېخى يېتەرلىك دەرىجىدە كۈچەيگەن بىر پارتىيە ھېسابلانمايدۇ، شۇڭا ھەرىكەتكە ئاتلىنىشى مۇۋاپىق ئەمەس دەپ قارىشاتتى. ئەمما ئادەتتىكى پارتىيە ئەزالىرى بىلەن يېقىن ئۆتىدىغانلار ئۇنى ھەرىكەت قىلىشقا رىغبەتلەندۈرىدۇ. “ئەگەر ھازىرغىچە بىرەر ئىش قىلماي ياتىۋەرگىنىمىزدە جەڭچىلەر بىزدىن قېچىپ كېتىشى مۇمكىن. – دەيدۇ ھۇجۇمچىلار ئەتىرىتىنىڭ مىيونخېن قىسىمىنىڭ پولك كوماندىرى، − ئەسكەرلىرىمىزنىڭ ئىتتىپاق بولىشىنى ساقلايمەن دەيدىكەنمىز، − دەيدۇ شىلىنا رېشىد ( 施勃纳•里希特) ، − چوقۇم بىر ئىش قىلغاچ تۇرىشىمىز كېرەك. بولمىسا تەرەپتارلىرىمىز سولچىل ئاكتىپ كۈچلەر تەرىپىگە ئۆتۈپ كېتىشى مۇمكىن.”

رىغبەتلەندۈرۈش بېرىدىغان بۇ تۈردىكى گەپلەر ھىتلېرنىڭ دىققىتىنى قوزغايدۇ. بۇ تۈردىكى ھاياجانلىق ھەرىكەتلەر ئۇنى ئىنقىلاب قىلىش يولىغا باشلاپ بارىدۇ. ئۇ مىيونخېن ۋە ھەر تەرەپتىن ھەرىكەتكە قاتنىشىدىغان دوستلىرىنى ئاختۇرۇش ئىشىغا كىرىشىدۇ. ئۇ ھەر كۈنى ھەر تۈرلۈك تەسىرى بار كىشىلەر بىلەن كۆرۈشۈش بىلەن ئالدىراش بولۇپ كېتىدۇ. مەسىلەن، ئۇ ھەربى باشلىقلار بىلەن، سىياسى ئەربابلار بىلەن، سانا’ئەت ساھەسىدىكى كىشىلەر ۋە ئەمەلدارلار بىلەن ئۇچىرىشىشقا باشلايدۇ. ئۇ يەنە پارتىيىسىدىكى ئوتتۇردا قالغانلار بىلەن تەۋرىنىپ يۈرگەنلەر بىلەن ۋەدە بېرىش، قورقۇتۇش، چىرايلىق گەپ قىلىش قاتارلىق چاردىن پايدىلىنىپ ئۇلارنى بۇ ئىشقا جەلىپ قىلىشقا تىرىشىدۇ. ھىتلېر بۇ ھەقتە توختىلىپ كېلىپ مۇنداق دەيدۇ: “بىز چوقۇم بۇ تۈردىكى كىشىلەر بىلەن كىلىشەلىگىنىمىزدىلا ئاندىن ئۇلارنى ئۆز تەرىپىمىزدە تۇتۇپ تۇرالىشىمىز مۇمكىن.”

“ئۇ بىرەر ئىشقا قارار قىلدىمۇ-بولدى، ئۇنى كەينىگە قايتۇرۇشقا ھېچكىمنىڭ كۈچى يەتمەيتتى. – دەيدۇ ھېلېنا خانفشتانگېر ( 赫仑纳•汉夫施坦格尔) خانىم ئەسلىمىسىدە، − كۆپۈنچە ۋاقىتلاردا، ئۇنىڭ تەرەپپازلىرى ئۇنى بىرەر ئىشقا مەجبۇرلاشقا باشلىشى بىلەن، ئۇنىڭ كۆزلىرىدىن يىراقلارغا تەلپۈنۈپ تۇرغا يېقىنلىرىنىڭ دېگىنىگە پەرۋە قىلمايدىغان بىر رۇھنى كۆرىمەن. خۇددى ئۇنىڭ كاللىسى ئىتىلىپ قالغاندەك، ئۆزىنىڭ پىكىرىدىن باشقا ھېچ كىمنىڭ گېپىنى ئاڭلىمايتتى.” شۇ يىلى كۈزدە ئۇنىڭ كۆزىدىكى يىراقلارغا تەلپۈنىدىغان باشقىلارنىڭ دېگىنىگە پەرۋاسىزلىق بىلەن قارايدىغان تۇرقى مەلۇم نەرسىنى ئىپادىلەپ تۇراتتى. ئۇ كۆڭلىدە مىيونخېن بىلەن بىر سىنىشىپ كۆرۈشنى ئويلاۋاتقاندەك كۆرۈنەتتى. ئەسلىدە ئۇنىڭ نىشانى بېرلىن ئىدى. بۇمۇ ئۇنىڭ ئىشەنچىلىك كىشىلىرىگە ئاشكارىلاپ بەرگەن ئىچكى سىرى ھېسابلىناتتى. ئوڭچىل ھەربى تەرەپ باشلىقلىرىنىڭ بىر قېتىملىق يىغىنىدا، ئۇ پۈتۈن باۋارىيىلىكلەرنى پۈتۈن كۈچى بىلەن بېرلىنغا ھۇجۇم قىلىشقا چاقىرغان ئىدى. “بۈگۈن بىزدە ناپالىيوننىڭ دۇنيانى قۇتقۇزۇش ئىدىيىسى چوڭقۇر يىلتىز تارتىپ بولدى.” دەيدۇ بۇ قېتىمقى يىغىنغا قاتناشقانلاردىن بىرسى كېيىن ئەسلەپ كېلىپ، − ئۇ يىغىندا، گېرمانىيىنى قۇتقۇزۇش چاقىرقى قەلبىمدە جاراڭلىماقتا، بۇ ۋەزىپە چوقۇم بىر كۈنى ماڭا تاپشۇرىلىدۇ، دەيتتى. ئاندىن ئۇ ناپالىيون بىلەن نۇرغۇن جەھەتلەردە ئۆزىنى سېلىشتۇرۇپ چىقىدۇ. بولۇپمۇ ناپولىيوننىڭ ئېربا (埃尔巴) ئارىلىدىن پارىزھغا قايتىپ كېلىشىنى ئۆزىنىڭكى بىلەن سېلىشتۇرما قىلىپ سۆزلىگەن ئىدى.”

2

تېما

0

دوست

1682

جۇغلانما

تىرىشچان ئەزا

ئۆسۈش   68.2%

ئەزا ئۇچۇرى
تىزىم نۇمۇرى:  11700
يازما سانى: 68
نادىر تېمىسى: 1
مۇنبەر پۇلى: 395
تۆھپە : 242
توردىكى ۋاقتى: 75
سائەت
ئاخىرقى: 2013-4-18
يوللىغان ۋاقتى 2013-1-3 19:19:11 |ھەممە قەۋەتنى كۆرۈش
سالام ئەزىز قېرىنداشلىرىم!

www.wetinim.org تور بېتىدىكى كىتاپلار ۋە يازمىلارنىڭ ھەممىنى قق ئارقىلىق يوللاپ بېرىش قېيىن. مۈمكىن بولسا بۇ ئادرىس ئارقىلىق كىرىپ سىناپ كۆرۈڭ:  http://vtunnel.com/

ئېچىلسا ئۆزىڭىز خالىغان ماتېرىيالنى چۈشىرىۋالسىڭىز بولىدۇ.  بۇ تور بېتى ئانا دىياردىن باشقا پۈتۈن ئالەمگە ئوچۇق. ئىچىدىكى نەرسىلەرنى چەكلىمىسىز چۈشىرىۋالالايسىز.

1

تېما

2

دوست

5241

جۇغلانما

تۆھپىكار ئەزا

ئۆسۈش   4.82%

ئەزا ئۇچۇرى
تىزىم نۇمۇرى:  13005
يازما سانى: 346
نادىر تېمىسى: 1
مۇنبەر پۇلى: 306
تۆھپە : 1432
توردىكى ۋاقتى: 389
سائەت
ئاخىرقى: 2015-4-15
يوللىغان ۋاقتى 2013-1-3 21:13:23 |ھەممە قەۋەتنى كۆرۈش
چۈشمىسە ئامال يوق.
بىزنى تەقەززا قىلماي تېمىڭىزنى داۋاملىق يوللاپ تۇراسىز. سىزگە كۆپ رەھمەت. مۇھىم بىر تارىخىي بىلىمدىن خەۋەردار قىلىۋاتىسىز.
كىرگەندىن كېيىن ئىنكاس يازالايسىز كىرىش | دەرھال تىزىملىتىش

Powered by Discuz! X2.5(NurQut Team)

( 新ICP备06003611号-1 )