ئۇيغۇرنى كىم دۇنياغا تونۇتتى .......

qakmak4883

يېقىندىن بېرى مۇنبەرلەردە يىڭىدىن تونۇلۇۋاتقان ئاتالمىش چولپانلىرىمىز ھەققىدىكى بەس مۇنازىرە ۋە ئۇلارغا مۇناسىۋەتلىك سىن ھۆججەتلەر كۆپىيىپ قالدى.ئاشۇ ئاتالمىش چولپانلىرىمىزنىڭ سەھنىدىكى يېرىم يالىڭاچ قىلىقلىرى ،يات مىللەت ئەرلىرى قۇچىقىدا نۇمۇسسىز ئەركىلەشلىرى بىزنى چۇڭقۇر ئويلاندۇرسا يەنە بىر تەرەپتىن بىر قىسىم ئەرلىكىنى يوقاتقان نايناق يىگىتلىرىمىزنىڭ ئۇلارنىڭ ھەركىتىنى قوللاپ ،ئۇلار ئۇيغۇرنى دۇنياغا تونۇتتى .......ئۇلارنى قوللايلى .........دەپ شۇئار توۋلاشلىرى ئادەمنى تېخىمۇ چۇڭقۇر ئويلىنىش ئىچىگە باشلايدۇ.
مىسرانىم مۇنبىرىدىكى نادىرە شەۋكەتنىڭ مۇنداقمۇ ‹‹ھۈنە››رلىرى بار ئىكەن تېمىنى كۆرۈپ ،بۇ يازمىنى يوللاپ قويغۇم كەلدى.
دەۋىر ئېقىمى،سەنئەت ساھەسى مودا ئېقىمىغا ئەگىشىپ  ئۇيغۇرلار ئارىسىدىن بىرقىسىم ياش  "چولپانلىرىمىز "مەيدانغا كەلدى.ئۇلار قىسقىغىنە ۋاقىت ئىچىدە كىشىلەرنىڭ مۇنازىرىسىنىڭ قىزىق نۇقتىسىغا ئايلاندى.ئەلۋەتتە،ئەل سۆيگەن ،خەلق ئېتىراپ قىلىدىغان چولپانلارنىڭ چىقىشى ھەممىنى خۇشال قىلىدىغان ئىش ئىدى.تولىمۇ ئەپسۇس ،ئۇلار ئەمدىلا شەرەپ سەھنىسىگە چىقىشى بىلەن ئارقىدىنلا ئۇلارنىڭ 《نادىر 》كۆرۈنۈشتىكى رەسىملىرى ،سىن ھۆججەتلىرى ،ئاشۇ چولپانلىرىمىزنىڭ يات مىللەتتىن تېپىۋالغان ئاشىقى بىلەن ھاياسىزلارچە چۈشكەن سۈرەتلىرى ئارقا - ئارقىدى ئاشكارىلاندى.بىر قىسىم كىشىلەر بۇ ئۇلارنىڭ ئارقىسىدىن قىلىنغان ئۆسەك سۆز دەپ قارىشى مۇمكىن.بىر قىسىم كىشىلىرىمىز تېخى ئوچۇق ئاشكارا ھالدا :ئۇلار ئۇيغۇرنى تونۇتۇۋاتىدۇ.ئۇلارغا مەدەت بېرەيلى ،ئۇلارنى قوللايلى .....دەپ بىلجىرلاۋاتىدۇ.
بەرھەق ،ئۇيغۇرلار ئارىسىدىن چىققان ،ھەرساھەدىكى داڭلىق شەخىسلەرنى قوللاش ،ئۇلارغا مەدەت بېرىش بۇرچىمىز بار.ئالدى بىلەن شۇ ئادەملىرىمىز نىمە قىلىۋاتىدۇ؟قايسى ساھەدە نام قازاندى ؟.....دىگەندەك نۇرغۇن سۇئاللارغا جاۋاپ تېپىپ قوللايمىز ئەلۋەتتە.
سەھنىدە يېرىم يالىڭاچ تولغىنىپ ،يات مىللەت ئەرلىرى قۇچىقىدا نازلىنىپ ئېرىشكەن ھەرقانداق نەتىجە ۋە ياڭى قانچىلىك تونۇلغان چولپان بولۇپ كېتىشتىن قەتئىي نەزەر ،ئۇ بىر سەنئەتكار ،ئۆزىنى نامايەندە قىلىدۇ خالاس.ھەرگىزمۇ ئۇيغۇرنى تونۇتالمايدۇ.تونۇتىدۇ،سەلبىي تەسىردە تونۇتىدۇخالاس.
ئۇيغۇرنى باشقىلارغا ،دۇنياغا تونۇتۇشتا سەنئەتتىن ،يەنە كېلىپ ئاشۇ يېرىم يالىڭاچ  بەدەندىن باشقا تونۇتۇش يولى يوقمۇ؟
ئەلۋەتتە بار .
ئۇيغۇرلار ئارىسىدا دۇنياغا تونۇلغان نۇرغۇن ئالىملىرىمىز بار .ئۇلار ئۆزىنىڭ ئۆتكۈر پىكىرلىرى ،تالانتى ،ئەمەلىي بىلىملىرى بىلەن ئۇيغۇرنى ،ئۇيغۇر مىللىتىنىڭ دۇنيادا مەۋجۇدلىقىنى دۇنياغا تونۇتتى .چەتئەلدە ۋە دۆلەت ئىچىدە خىزمەت قىلىۋاتقان نۇرغۇن دوكتۇر ئالىملىرىمىز بۇنىڭ پولاتتەك پاكىتى .
2012-يىلى 12-ئاينىڭ 12-كۈنى مىكروسوفت شىركىتى كۆزنەك 8سىستىمسىنڭ ئۇيغۇرچە تىل بولىقىنى تارقاتتى .بۇ ھەممە ئۇيغۇر شادلىنىشقا تىگىشلىك ئىش .مىكروسوفت شىركىتىنىڭ كۆزنەك 8سىستىمىسى ئۇيغۇرچە تىل بولىقى تارقاتقانلىقى ئۇيغۇرنى تونۇغىنى ،دۇنيادا ئۇيغۇر مىللىتىنىڭ بارلىقىنى ئېتىراپ قىلغىنى .بۇ ئىشنىڭ ۋۇجۇدقا چىقىشىدا ئالىم ئەھەت ئاكىمىز غا ئوخشاش ئۇيغۇر مەرد ئوغلانلىرىمىزمۇ خېلى كۆپ ئەجىرلەرنى سىڭدۈردى،نۇرغۇنلىغان تەر ئاققۇزدى.
 
 
ئۇيغۇرنى سەنئەت دۇنياغا تونۇتتىمۇ ؟
سەنئەت ساھەسىدىكى چولپانلىرىمىز چەتئەللەردە ئويۇن قويۇپ، چەتئەللىكلەرنىڭ ياخشى باھاسىغا ئېرىشىپ ،ئۇيغۇر مىللىتىنىڭ دۇنيادا مەۋجۇدلىقىنى دۇنياغا تونۇتقان ئەمەلىيەتلەرمۇ بار ئەلۋەتتە.ئۇلار ئۆزىنىڭ ياڭراق ئاۋازى ،نەپىس ئۇسۇل ماھارەتلىرى ،مۇزىلا ئورۇنداش سەنئىتى قاتارلىق ئەمەلىي ماھارەتلىرى بىلەن شان شۆھرەت قازانغان .
ئەمدىلىكتىچۇ ؟يېرىم يالىڭاچ بەدەن ،ياتلار قۇچىقىدا ئەركىلەش.............................قاتارلىق ئىشلار خېلى كۆپىيىپ قالدى.مەن بۇ يەردە ئاشۇ چولپانلار ئۈستىدە كۆپ تالاش تارتىش قىلغۇم يوق.لىكىن شۇنى ئەسكەرتىپ ئۆتۈش كېرەككى ،ئۇلار ياتلار ئالدىدا يەنىلا ئۇيغۇر دەپ سانىلىدۇ.بىز ئېتىراپ قىلايلى ياكى قىلمايلى ئۇلار ئۇيغۇر ۋەكىلى سۈپىتىدە ئىچكىرى ئۆلكە ۋە چەتئەل سەھنىلىرىدە نامايەن بولىدۇ  .شۇنداق بولغان ئىكەن ،ئاز ساندىكى ئىدىيىسى غەرپلىشىپ كەتكەن ،مۇدا ئېقىمى قوغلىشىدىغان ئۇيغۇرغا ئەمەس بەلكى ،ئەدەپ ئەخلاقلىق ،شەرمى -ھايالىق ،ئېتىقادلىق ھەقىقى ئۇيغۇر مىللىتىگە ۋەكىللىك قىلالايدىغان ساپا ھازىرلىشى زۆرۈر. ئېچىلىپ قالغان كۆكرەكلىرى ،يالىڭاچ ساغرىسى ،يېرىم يالىڭاچ كاسىسى بىلەن ئەمەس ،ياڭراق ئاۋازى ،نەپىس ئۇسۇل ماھارەتلىرى ،مۇزىلا ئورۇنداش سەنئىتى قاتارلىق ئەمەلىي ماھارەتلىرى شان شەرەپ قۇچۇشى كېرەك ئەلۋەتتە.
 
ئۇيغۇرلار تارىخىغا قارايدىغان بولساق ئىلگىرىكى ئاتا - بوۋىلىرىمىز تارىختا ئۆچمەس ئىزلارنى قالدۇرۇپ كەتكەن .بىز شۇلارنىڭ ئىزىنى بېسىپ ،ئۆز قەدىر قىممىتىمىزنى ساقلاپ ،ئۆزىمىزنى تونۇتايلى .قەدىر قىممەت ئىچىدە ،ئادىميىلىك ئىچىدە ،شەرمى - ھايا ،ئېتىقات چىگرىسى ئىچىدە ئۆزىمىزنىڭ ھەقىقى قىممىتىنى تونۇتايلى .
 
 
 
  
 

kaplan521

ئۇيغۇرلارنى ئۇنىڭدەك ، كاللىسى قىزىپ، غەرىپ مەدىنيىتىنى قارغۇلارچە ئۆگىنىپ، سەھنىلەرگە يېرىم يالىڭاچ چىققانلار  ئەمەس ، ئامرىكىدىكى داڭلىق فىزىكا ئالىمى دوكتۇر ئەركىن سىدىقتەك ئالىملار تۇنىتىۋاتىدۇ دۇنياغا .

jantik

ئۇيغۇرنى دۇنيانىڭ تونۇشىدىن ،ئۇيغۇرنىڭ ئۆزئۆزىنى تونۇشى تېخىمۇ موھىم!ئۇيغۇر ئۆزئۆزىنى تونۇغاندا،قەد كۆتۈرگەندە،دۇنيا تەبىئى ھالدا تونۇيدۇ! ئۇنىڭغا سەنئەت ئارقىلىق رەڭ بىرىشنىڭ زۆزۈرىيىتى يوق!

turukataman

قايسى بىر دانا مىللەتنى چۈشكۈنلەشتۈرۈشنىڭ ئەڭ ئۈنۈملۈك ئۇسۇلى ئۇلارنىڭ سەنئىتىنى ھە دەپ ماختاش، تەرەققىي قىلدۇرۇش. ئۇلارنى ئىچىملىك، چېىملىككە ئۆگىتىش دەپتىكەن . دۇنيا مىللەتلەرنى سەنئەت بىلەن ئەمەس ئىلىم-پېنى بىلەن تونۇيدۇ. سەنئەتچىلەر يۇلتۈزدە تېزچاقناپ تېز ئۆچىدۇ. گامنام ئۇسۇلى دۇنيادا غۇلغۇلا قوزغىغان بولسىمۇ نەچچە ۋاقىتىىن كېيىن ئۇ كىشلەر قەلبىدىن كۆتۈرۈلۈپ كېتىدۇ. ئالىم، ئۆلىمالار مەڭگۈ كىشلەر قەلبىدىن چاقنايدۇ. ھازىر كىشلەر سەنئەتتىن ئەمەس سەنئەتچىلەرنىڭ يالىڭاچ بەدىنىدىن ھوزورلىنىدىغان بولۇپ كەتتى . كىشلەر بۇنىڭدىن زېرىكسە سەنئەچىلەر ئەت، ئۆگۈن يەنە نىمىسىنى دەسمايە قىلىپ داڭ چىقىرار. گۈزەللىك قەلب گۈزللىكىدىن ھالقىپ تەن گۈزەللىكىگە ئەھمىيەت بېرىلمىسۇن.

tayqak

چاكىنا چولپانلار مىللەتنى دۇنياغا تونۇتامدۇ؟ بۇ ئەخمەقنىڭلا ئەمەس ئەخلاقسىزنىڭ گېپىغۇ؟ بوپتۇ ، دۇنياغا شۇنداق ئۇسۇل بىلەن تونۇتسۇن.ئۇنداق تونۇلغان مىللەتتىن دۇنيا بىزار بولمامدۇ؟

tayqak

ئەگەر تونۇلىدىغان ئىش بولسا ، ياخشى تەرەپلەر بىلەن تونۇلغان ياخشى . يەرنىڭ ئاستىدا ئالتۇن كان بار دەيلى ، ئۇ يوشۇرىنىمەن دىسىمۇ ئامالسىز قېلىۋاتىدىغۇ؟ ئەخمەق پاراڭ سالغىنىدىن جىم تۇرغىنى ياخشى.

فىدا

     بىر مىللەتنى دۇنياغا تۇنۇتۇشتا  سەنئەتنىڭ رولى ناھايىتى چوڭ،بۇنىڭغا كوز يۇمغىلى بولمايدۇ . ئەمما ئۇ ئەسلى مىللى خاسلىقىنى يوقاتمىغاندا شۇنداق بۇلىدۇ . ئەگەر باشقىلانىڭ ئۇسۇلىنى دوراپ نام چىقىرىمەن دىسە بۇ مىللەتنىڭ يۇزىنى توكىدىغان بىر نۇمۇسلۇق ئىش بۇلىدۇ . شۇڭا بۇنداق ئالا قانچۇقلارنى ئايىماي ساۋاش كىرەك .

ھون

شەرمى-ھايا، ئىمان-ئېتىقادتىن ئايرىلغان سەنئەت مىللەتنى گۇمران قىلىش رولىنى ئوينايدىغان خەتەرلىك ئۆسمە، شۇنداقلا مۇددەتلىك بومبا! مىللەنى دۇنياغا تونوتۇشنىڭ ئەڭ مۇھىم ئۇسۇلى ئىلىم-پەن، تېخنىكا ۋە ئىقتىسادتىن ئىبارەت. بىر قىسىم ئاتالمىش ئەخلاقسىز <<سەنئەتكار>>لار سەنئەت ساھەسىدىكى مۇنەۋۋەر چولپانلىرىمىزنىڭلا ئەمەس، بەلكى پۈتكۇل ئۇيغۇر خەلقىنىڭ يۈزىنى تۆكمەكتە. بۇنىڭغا ھەرگىزمۇ سۈكۈت قىلىشقا بولمايدۇ، تاراتقۇلاردىن پايدىلىنىپ ئۇلارنىڭ رەزىل ئەپتى-بەشىرىسىنى قاتتىق قامچىلىشىمىز زۆرۈر.

baturhan

‏شەرمى ھايا يوق ئادەم سەھنىگە چىقىدۇ.  ئۇلارنىڭ  يۈزى بەك قېلىن شۇڭلاشقا نەچچە مىڭ تاماشىبىن ئالدېدا ناخشا توۋلىيالايدۇ.ئۆزۈڭلار بىر سىناپ بېقىڭلا ئون ئادەم بار يەردە نۇتۇق سۆزلەپ بېقىڭلا ياكى ناخشا توۋلاپ بېقىڭلا ئاندىن بىلىسىلەر. ھازىر سەھنىگە چققالىغانلارنىڭ ھەممىسى چولپان بوپ كەتتى بۇ قانداق گەپ  !
‏يەنە بىزنى سەنئەتخۇمار مىللەت دەپ ئاتايدىكەن  .نىمىشقا بۇنداق ئاتايدۇ ؟بىزدىن يا بىر  جاكسون ،ياننى دېگەندەك دۇنياۋى چولپانلار بولمىسا!
‏
بىزنى ‏ئەمگەكچان خەلق ،ئلىمخۇمار مىللەت، ياكى باغۋەنچى خەلق دەپ ئاتىسىمۇ بولىدىغۇ.
‏
‏ئالدىنقى قېتىم جوڭگۇدىكى بىر ئالى مەكتەپنىڭ پروففىسورى  بىغەملەر شەھىرىگە كەپ تەكشۈرەش ئېلىپ بېرىپ بىر كىتاب يېزىپتۇ . بۇ نىڭ دېيىشىچە  400   ئادەمدىن يۇقۇرقىغا ئائىت سۇئال سۇراپتۇ ، ببۇلارنىڭ 347 سەنئەتخۇمار مىللەت دەپتۇ. مىنىڭچە بۇ پراففسور سەنئەت مەكتەپكە كەپلا سورىغاندەك قىلىدۇ!
‏

zarbidar

«كەچۈرۈڭ، بۇ تېما مەۋجۇت ئەمەس ياكى ئۆچۈرۈلگەن ياكى تەستىقلانمىغان » دەيدىغۇ؟

مۇشۇ مىسرانىم دېگەن توخو يۈرەك مۇنبەر جىق تېمىلارنى ۋاپات قىلىۋېتىدۇ،.