قومۇل

salkin.520

                               قومۇل  
                                      ( شېئېر )

                        نامىڭ بار تارىختا دىيارىم قومۇل ،
                        سازىڭ بار دىللاردا ماكانىم قومۇل.
                        تۆمۈردەك نىيازدەك ئوغلانلىرىڭ بار،
                        داستانسەن تىللاردا جانانىم قومۇل.
                                     
                        قوغۇنۇڭ چىلىنىڭ دۇنياغا داڭلىق ،
                       ئون ئىككى مۇقامىڭ ياڭراق جاراڭلىق.
                       خەلقىڭ ھەم مېھماندوست ئىشچان تىرىشچان،
                       گۈزەلسەن پەخرىمسەن ھاياتىم قومۇل . 
 
                       ياپيېشىل چىمەنزار سەرۋەڭ تاغلىرى ،
                       بۇلبۇللار ماكانى ئارتام باغلىرى  .
                       جانغاھەم راھەتتۇر ئېدىر غوللىرى ،
                       جەننەتتەك ماكانسەن گۈلىستان قومۇل. 

                       مەيدىسى كېرىلگەن باغداش تاغلىرى ،
                       قىشۇ-ياز ئېرىمەس ياغقان قارلىرى .
                       لىباستىن تون كەيگەن ئون ئىككى تېغىڭ ،
                       ئاق تونغا پۈركەنگەن كىمخابسەن قومۇل.
 
                       ئۆستى شۇ قوينۇڭدا نى-نى پالۋانلار ،
                       تۆمۈردەك نىيازدەك ئېسىل ئوغلانلار .
                       ئۇنتۇلماس سەندىكى پالۋانلار ئەجرى،
                       پالۋانلار ماكانى __دىيارىم قومۇل .
 
                       باغلىرىڭ بەك گۈزەل تاغلىرىڭ ھەيۋەت، 
                       سىمايىڭ قەلبىمدە گويا بىرجەننەت .                                            
                       تاسقىسا بىر سېۋەت توپىسى ئالتۇن ،
                       بايلىقلار كانىسەن ياشنا -ئەي قومۇل.
                                                                                           __  ھەسرەت
   2012.يىلى12-ئاينىڭ 12-كۈنى قومۇلدا يېزىلىپ، ئۈرۈمچىدە يوللانغان .
                             يازغۇچى: باھادىر.ئابلىمىت 
                              تەخەللۇسى: ( ھەسرەت )             
                              2012-يىل 15-دېكابىر

jim

قۇمۇل،
تارىخى شەھەر ،
قۇمۇل دىسەك ،
دىللار سۆيۈنەر
ئاققان قانلار .مەرد ئوغلانلار .
دىلدا ئەسلىنەر .

ئۆتۈكەن

ماۋۇ كىرىشتۈرمىنى قوشۇپ قويسام جايىنى تاپقۇدەك.

hamra

پالۋانلار يۇرتى باتۇرلار بۆشىكى --------قومۇل بوستانى........

karlailisi

بەك ياخشى  يېزىلىپتۇ   ،  قومۇلدا يۈرگەندەك بولۇپ قالدىم  ،  قولىڭىزغا دەرت  بەرمىسۇن  . مۇشۇنداق ئېسىل  تېمىلار بىلەن  داۋاملىق تەمىنلەپ تۇرغايسىز  . 

bowak

بەك ياخشى  يېزىلىپتۇ، قومۇل باتۇر-ئەزىمەتلەر يۇرتى بولۇپلا قالماستىن، بەلكى ئالىملار يۇرتىدۇر.

burankux

قوغۇنۇڭ چىلىنىڭ دۇنياغا داڭلىق ،
    ئون ئىككى مۇقامىڭ ياڭراق جاراڭلىق.
     خەلقىڭ ھەم مېھماندوست ئىشچان تىرىشچان،
     گۈزەلسەن پەخرىمسەن ھاياتىم قومۇل .
ئۆزگەرتىلىگىنى:
قوغۇنۇڭ، چىلىنىڭ  دۇنياغا داڭلىق ،
ئون ئىككى مۇقامىڭ ياڭراق جاراڭلىق.
خەلىقىڭ  مېھماندوست ،شەرمى -ھايلىق
  گۈزەلسەن پەخرىمسەن ھاياتىم قومۇل .

ئۇزۇن -قىسقا بۇغۇملارغىمىۇ ئانچە- مۇنچە دىققەت قىلىڭ.

birikamdunya

ئىسىمدە قېلىشىچە بۇرۇن بىر ناخشا مۇنداق ئېيتىلاتتى.
تاغمۇ-تاغلاردىن ئىگىز ،باغداش كۈيەنىڭ تاغلىرى،
ئۈستىگە قارلار يېغىپتۇ،ئاستىدا گۈل--باغلىرى .

لېكىن ئەمدى مۇنداق ئېيتىلىدىغان بۇلۇۋاپتۇ:
تاغمۇ-تاغلاردىن ئىگىز ئارغىبۇلاقنىڭ تاغلىرى،
ئۈستىگە قارلار يېغىپتۇ،ئاستىدا گۈل--باغلىرى .
ئەسلى بۇنى قومۇل ئاھاڭىغا ئىشلەنگەن ناخشا دەپ يۈرگەن، ھەم ئىزچىل ئۈستىدىكى تېكىستكە ئانچەمۇنچە غىڭشىپ ئېيتىپ كەلگەن.
ئەمدى بۇ تۇرۇپلا «ئارغىبۇلاقنىڭ تاغلىرى»غا ئۆزگۈرۈپ قاپتۇ.نەچچە ئۆتسەم قارايمەن. «ئارغىبۇلاق»نىڭ تاغلىرىدا نە ئۈستىدە قار، نە ئاستىدا گۈل-باغ بولسۇن؟ مەنچىمۇ بۇ ناخشادا تىلغا ئېلىنغىنى ھەم بۇ ناخشىنىڭ ئىلھامىغا سەۋەپ بولغىنى يەنىلا شۇ قۇمۇلدىكى «باغداش» تاغلىرىمىكىن.
بۇ ناخشىنىڭ كىلىپ چىقىشى ۋە ئۆزگۈرۈش جەريانىنى بىلگۈچىلەر بىر ئەسكەرتىۋەتسەڭلار بوپتىكەن. رەخمەت.

nayziwaz

قۇمۇل ئىسىل يۇرت.ئادەملىرى ئۆتە ئېسىل.

salmam888