بىر يېڭى بىمەنە «ئەپسانە» لىيۇ شاۋبو بوزقىرتەرجىمىسى
ﺋﯩﻜﻜﻰ ﻛﯜن ﺋﯩﭽﯩﺪﯨلا دۆﻟﻪت ﺋﯩﭽﯩﺪﯨﻜﻰ ﺋﺎﺧﺒﺎرات ۋاﺳﯩﺘﯩﻠﯩﺮى ﺋﻪﻧﮕﻠﯩﻴﯩﺪﯨﻦ ﻛﻪﻟﮕﻪن ﻣﯘﻧﺪاق ﺑﯩﺮ ﺧﻪۋەرﻧﻰ ﺑﻪس-ﺑﻪﺳﺘﻪ ﺧﻪۋەر ﻗﯩﻠﯩﺸﺘﻰ: «ﺷﯩﻤﺎﻟﯩﻲ ﺋﯧﺮلاﻧﺪﯨﻴﯩﻨﯩﯔ ﺋﯘﻟﯩﺴﺘﯧﺮ ﺋﯘﻧﯩﯟﯦﺮﺳﯩﺘﯧﺘﯩﺪﯨﻜﻰ ﺑﯩﺮ ﭘﺴﯩﺨﻮﻟﻮﮔﯩﻴﻪ ﭘﺮوﻓﯧﺴﺴﻮرى ﺑﯩﻠﻪن ﻓﯩﻨلاﻧﺪﯨﻴﯩﻨﯩﯔ ﺗﯧﻤﭙﯧﺮ ﺋﯘﻧﯩﯟﯦﺮﺳﯩﺘﯧﺘﯩﺪﯨﻜﻰ ﺑﯩﺮ ﺳﯩﻴﺎﺳﯩﻲ ﭘﻪﻧﻠﻪر ﭘﺮوﻓﯧﺴﺴﻮرﯨﻨﯩﯔ ﻳﻪر ﺷﺎرﯨﺪﯨﻜﻰ ﮬﻪرﻗﺎﻳﺴﻰ دۆﻟﻪت ﺧﻪﻟﻘﻠﯩﺮﯨﻨﯩﯔ ﺋﻪﻗﯩﻞ ﺑﯚﻟﯜﻧﻤﯩﺴﻰ ﺋﯜﺳﺘﯩﺪە ﺋﯧﻠﯩﭗ ﺑﺎرﻏﺎن ﺗﻪﺗﻘﯩﻘﺎﺗﯩﺪﯨﻦ ﺋﯩﺴﭙﺎﺗﻠﯩﻨﯩﺸﯩﭽﻪ، ﺟﯘﯕﮕﻮ، ﺳﯩﻨﮕﺎﭘﻮر، ﻛﻮرﯨﻴﻪ ۋە ﻳﺎﭘﻮﻧﯩﻴﯩﻠﯩﻜﻠﻪرﻧﯩﯔ ﺋﻪﻗﯩﻞ ﺑﯚﻟﯜﻧﻤﯩﺴﻰ ﺋﻪڭ ﻳﯘﻗﯩﺮى ﺑﻮﻟﯘپ، ﺋﻮﺗﺘﯘرا ﮬﯧﺴﺎب ﺑﯩﻠﻪن 105 ﻛﻪ ﻳﯧﺘﯩﺪﯨﻜﻪن».
ﮬﻪرﻗﺎﻳﺴﻰ ﺋﺎﺧﺒﺎرات ۋاﺳﯩﺘﯩﻠﯩﺮى ﺑﯘ ﺧﻪۋەرﻧﻰ ﺋﯧلان ﻗﯩﻠﻐﺎﻧﺪا، ﺧﻪۋەرﻧﯩﯔ ﺗﯧﻤﯩﺴﯩﻨﻰ ﺗﻮﺧﺘﯩﻤﺎي ﺋﯚزﮔﻪرﺗﯩﭗ ﺗﯘردى. 2003-ﻳﯩﻞ 11-ﺋﺎﻳﻨﯩﯔ 18-ﻛﯜﻧﯩﮕﻪ ﻛﻪﻟﮕﻪﻧﺪە ﺑﯩﺮ ﻣﻪﺷﮭﯘر ﺗﻮر ﭘﻮﻧﻜﯩﺘﻰ ﺗﯧﻤﯩﻨﻰ: «ﺋﻪﻧﮕﻠﯩﻴﻪ ﻣﯘﺗﻪﺧﻪﺳﺴﯩﺴﻠﯩﺮﯨﻨﯩﯔ ﺋﻪڭ ﻳﯧﯖﻰ ﺗﻪﺗﻘﯩﻘﺎت ﻧﻪﺗﯩﺠﯩﺴﯩﺪﯨﻦ ﺑﺎﻳﻘﯩﻠﯩﺸﯩﭽﻪ، ﺟﯘﯕﮕﻮﻟﯘﻗلارﻧﯩﯔ ﺋﻪﻗﯩﻞ ﺑﯚﻟﯜﻧﻤﯩﺴﻰ ﻳﻪرﺷﺎرى ﺑﻮﻳﯩﭽﻪ ﺋﻪڭ ﻳﯘﻗﯩﺮى ﺋﯩﻜﻪن» دەپ ﺋﯚزﮔﻪرﺗﺘﻰ.
ﺋﯩﻠﮕﯩﺮﯨﻤﯘ ﺑﯩﺰ ﺑﯩﻠﯩﭗ-ﺑﯩﻠﻤﻪي ﻧﯘرﻏﯘن «ﺋﻪﭘﺴﺎﻧﻪ»ﻟﻪرﻧﻰ ﺗﻮﻗﯘپ ﭼﯩﻘﻘﺎﻧﯩﺪۇق. ﻣﻪﺳﯩﻠﻪن، «ﺟﯘﯕﮕﻮﻧﯩﯔ ﻗﻪدﯨﻤﻜﻰ ﻣﻪدەﻧﯩﻴﯩﺘﻰ دۇﻧﻴﺎ ﺑﻮﻳﯩﭽﻪ ﺋﻪڭ ﭘﺎرلاق»، «ﺋﺎﻣﯧﺮﯨﻜﺎ ﻗﯘرۇﻗﻠﯘق ﺋﺎرﻣﯩﻴﻪ ﺋﻮﻓﯧﺘﺴﯩﺮلار ﻣﻪﻛﺘﯩﭙﻰ ﻟﯧﻲ ﻓﯧﯖﺪﯨﻦ ﺋﯚﮔﻪﻧﻤﻪﻛﺘﻪ»، «ﺟﯘﯕﮕﻮ ﺋﻮﺗﺘﯘرا-ﺑﺎﺷلاﻧﻐﯘچ ﻣﻪﻛﺘﻪپ ﺋﻮﻗﯘﻏﯘﭼﯩﻠﯩﺮﯨﻨﯩﯔ ﻣﺎﺗﯧﻤﺎﺗﯩﻜﯩﻠﯩﻖ ﮬﯧﺴﺎﺑلاش ۋە ﺋﺎﻧﺎﻟﯩﺰ ﺳﻪۋﯨﻴﯩﺴﻰ دۇﻧﻴﺎ ﺑﻮﻳﯩﭽﻪ ﺑﯩﺮﯨﻨﭽﻰ ﺋﻮرۇﻧﺪا ﺗﯘرﯨﺪۇ»، «ﮬﺎۋا ﺑﻮﺷﻠﯘﻗﯩﺪا ﺟﯘﯕﮕﻮﻧﯩﯔ ﺳﻪددﯨﭽﯩﻦ ﺳﯧﭙﯩﻠﯩﻨﻰ ﻛﯚرﮔﯩﻠﻰ ﺑﻮﻟﯩﺪۇ» دﯦﮕﻪﻧﺪەك. ﻣﺎﻧﺎ ﺑﯘ «ﺋﻪﭘﺴﺎﻧﯩﻠﻪر» ﺑﺎرا-ﺑﺎرا ﺑﯩﺮ ﻣﯩﻠﻴﺎردﺗﯩﻦ ﺋﺎرﺗﯘق ﺧﻪﻟﻘﻨﯩﯔ «ﺋﻮﻣﯘﻣﯩﻲ ﺳﺎۋاﺗﻰ»ﻏﺎ ﺋﺎﻳﻠﯩﻨﯩﭗ، ﺋﯘلار ﻣﯩﻠﻠﯩﻲ ﺋﯩﭙﺘﯩﺨﺎرﻟﯩﻖ ﺗﯘﻳﻐﯘﺳﯩﻨﯩﯔ ﭘﻪﻳﺪا ﺑﻮﻟﯘﺷﯩﺪﯨﻜﻰ ﺳﻪۋەﺑﻜﻪ ﺋﺎﻳﻠﯩﻨﯩﭗ ﻗﺎﻟﺪى.
ﺗﺎرﯨﺨﺸﯘﻧﺎﺳلارﻧﯩﯔ ﺋﯧﻴﺘﯩﺸﯩﭽﻪ، ﺟﯘﯕﺨﯘا ﻣﻪدەﻧﯩﻴﯩﺘﻰ ﺑﯩﺮﻧﻪﭼﭽﻪ دەۋر ﺑﺎﺳﻘﯘﭼﯩﺪﯨلا دۇﻧﻴﺎﻧﯩﯔ ﺋﯩﻠﻐﺎر ﺳﻪۋﯨﻴﯩﺴﯩﮕﻪ ﻳﯧﺘﻪﻟﯩﮕﻪن. ﺑﯩﺰﻧﯩﯔ ﻣﻪدەﻧﯩﻴﻪت ﺗﺎرﯨﺨﯩﻤﯩﺰ ﻣﯩﺴﯩﺮ ﻗﺎﺗﺎرﻟﯩﻖ ﺟﺎﻳلارﻧﯩﯖﻜﯩﺪﯨﻦ ﻣﯩﯔ ﻳﯩﻠﺪﯨﻦ ﺋﯜچ ﻣﯩﯔ ﻳﯩﻠﻐﯩﭽﻪ ﻗﯩﺴﻘﺎ ﺋﯩﻜﻪن. ﺑﯩﺮ ﻗﯩﺴﯩﻢ «ﺧﯧﻠﯩلا ﺳﺎﻟﻤﺎق» ﻣﯘﺧﺒﯩﺮلارﻧﯩﯔ ﺗﻪﻛﺸﯜرۈپ ﺗﻪﺗﻘﯩﻖ ﻗﯩﻠﯩﺸﯩﭽﻪ، «ﺋﺎﻣﯧﺮﯨﻜﺎ ﻗﯘرۇﻗﻠﯘق ﺋﺎرﻣﯩﻴﻪ ﺋﻮﻓﯧﺘﺴﯩﺮلار ﻣﻪﻛﺘﯩﭙﻰ ﻟﯧﻲ ﻓﯧﯖﺪﯨﻦ ﺋﯚﮔﻪﻧﻤﻪﻛﺘﻪ»، «ﺟﯘﯕﮕﻮﻟﯘق ﺋﻮﻗﯘﻏﯘﭼﯩلارﻧﯩﯔ ﻣﺎﺗﯧﻤﺎﺗﯩﻜﯩﻠﯩﻖ ﮬﯧﺴﺎﺑلاش ۋە ﺋﺎﻧﺎﻟﯩﺰ ﺳﻪۋﯨﻴﯩﺴﻰ دۇﻧﻴﺎ ﺑﻮﻳﯩﭽﻪ ﺑﯩﺮﯨﻨﭽﻰ ﺋﻮرۇﻧﺪا ﺗﯘرﯨﺪۇ» دﯦﮕﻪﻧﺪەﻛﻠﻪرﻧﯩﯔ ﮬﻪﻣﻤﯩﺴﻰ ﭘﻪﻗﻪت ﺟﯘﯕﮕﻮﻟﯘﻗلارﻧﯩﯔ«ﺋﺎرزۇﺳﯩلا» ﺋﯩﻜﻪن، ﺧﺎلاس. «ﮬﺎۋا ﺑﻮﺷﻠﯘﻗﯩﺪا ﺳﻪددﯨﭽﯩﻨﻨﻰ ﻛﯚرﮔﯩﻠﻰ ﺑﻮﻟﯩﺪۇ» دﯦﮕﻪن ﮔﻪﭘﻜﻪ ﻛﻪﻟﺴﻪك، ﻳﺎڭ ﻟﯩﯟﯦﻲ ﺑﯘ ﮔﻪﭘﻨﯩﯔ ﺳﺎﺧﺘﯩﻠﯩﻘﯩﻨﻰ ﺋﯩﺴﭙﺎﺗﻠﯩﺪى. ﺋﻪﻣﻤﺎ ﺑﯘ ﺋﯩﺶ ﺋﯚز دۆﻟﯩﺘﻰ ۋە ﻣﯩﻠﻠﯩﺘﯩﻨﻰ ﻗﯩﺰﻏﯩﻦ ﺳﯚﻳﯩﺪﯨﻐﺎن ﺟﯘﯕﮕﻮﻟﯘﻗلارﻧﯩﯔ ﮬﯧﺴﺴﯩﻴﺎﺗﯩﻐﺎ ﻗﯩﻠﭽﻪ ﺗﻪﺳﯩﺮ ﻛﯚرﺳﻪﺗﻤﯩﺪى.
ﭼﻪت ﺋﻪﻟﻠﯩﻚ ﭘﺮوﻓﯧﺴﺴﻮرلارﻧﯩﯔ «ﺋﻪﻗﯩﻞ ﺑﯚﻟﯜﻧﻤﯩﺴﻰ ﻧﻪزەرﯨﻴﯩﺴﻰ»ﻧﯩﯔ ﺋﯚزﯨﺪﯨلا ﻣﺎﻧﺎ ﻣﻪن دەپ ﭼﯧﻨﯩﭗ ﻗﺎﻟﯩﺪﯨﻐﺎن ﻳﻪرﻟﻪر ﻧﺎﮬﺎﻳﯩﺘﻰ ﻛﯚپ: ﺟﯘﯕﮕﻮﻧﯩﯔ ﻧﻮﭘﯘﺳﻰ ﺋﺎﻣﯧﺮﯨﻜﯩﻨﯩﯖﻜﯩﺪﯨﻦ ﺑﻪش ﮬﻪﺳﺴﻪ ﻛﯚپ. ﺷﯘﻧﺪاق ﺑﻮﻟﻐﺎﻧﯩﻜﻪن، ﺋﯘلارﻧﯩﯔ ﺋﻪﻗﯩﻞ ﺑﯚﻟﯜﻧﻤﯩﺴﯩﻤﯘ ﺋﺎﻣﯧﺮﯨﻜﯩﻠﯩﻘلارﻧﯩﯖﻜﯩﺪﯨﻦ %5 ﺋﻪﺗﺮاﭘﯩﺪا ﻛﯚپ ﺑﻮﻟﯩﺪۇ، دﯦﮕﻪن ﮔﻪپ. ﺋﻪﻣﻤﺎ ﺟﯘﯕﮕﻮ ﺋﯩﻘﺘﯩﺴﺎدﯨﻨﯩﯔ ﺋﻮﻣﯘﻣﯩﻲ ﻣﯩﻘﺪارى ﻧﯧﻤﻪ ﺋﯜﭼﯜن ﺋﺎران ﺋﺎﻣﯧﺮﯨﻜﯩﻨﯩﯔ ﺋﻮﻧﺪﯨﻦ ﺑﯩﺮﯨﮕﻪ ﺗﻮﻏﺮا ﻛﯧﻠﯩﺪۇ؟ ﺋﻪﺟﯩﺒﺎ ﺷﻪرﻗﯩﻲ ﺋﺎﺳﯩﻴﺎ ﻣﯩﻠﻠﻪﺗﻠﯩﺮﯨﻨﯩﯔ ﺋﻪﻗﯩﻞ ﺑﯚﻟﯜﻧﻤﯩﺴﻰ ﺷﯘﻧﭽﻪ ﻳﯘﻗﯩﺮى ﺑﻮﻟﺴﺎ ﻳﻪﻧﻪ ﻧﯧﻤﻪ ﺋﯜﭼﯜن 100 ﻳﯩﻠﺪﯨﻦ ﺑﯘﻳﺎن ﺗﻪﺳﯩﺮى ﺋﻪڭ زور ﺑﻮﻟﻐﺎن ﻛﻪﺷﭙﯩﻴﺎﺗلارﻧﯩﯔ ﻣﯘﺗﻠﻪق ﻛﯚپ ﻗﯩﺴﻤﻰ ﻏﻪرﺑﺘﯩﻦ ﻛﯧﻠﯩﺪۇ؟ ﺷﯘﯕﺎ ﻳﯘﻗﯩﺮﯨﺪا ﺋﯧﻴﺘﯩﻠﻐﺎن ﺋﻪﻗﯩﻞ ﺑﯚﻟﯜﻧﻤﯩﺴﻰ ﺗﻪﺗﻘﯩﻘﺎﺗﯩﻨﯩﯔ ﻳﯧﯖﻰ ﻧﻪﺗﯩﺠﯩﻠﯩﺮﯨﮕﻪ ﻗﺎرﯨﺘﺎ ﺑﯩﺰ ﮔﯘﻣﺎﻧﯩﻲ ﭘﻮزﯨﺘﺴﯩﻴﯩﺪە ﺑﻮﻟﻤﺎي ﺗﯘراﻟﻤﺎﻳﻤﯩﺰ.
ۋۇ ﺟﯧﯖﻠﻴﻪﻧﻨﯩﯔ «ﺗﯜزۈلمە ﺗﯧﺨﻨﯩﻜﯩﺪﯨﻨﻤﯘ ﻣﯘﮬﯩﻢ» دەﻳﺪﯨﻐﺎن ﺑﯩﺮ ﻣﻪﺷﮭﯘر ﺳﯚزى ﺑﺎر. ﺑﯘ ﻳﻪﻛﯜﻧﻨﻰ ﺋﻮﺧﺸﺎﺷلا ﺋﯩﺠﺘﯩﻤﺎﺋﯩﻲ ﺗﻪرەﻗﻘﯩﻴﺎت ﺟﻪﮬﻪﺗﻜﯩﻤﯘ ﺗﻪﺗﺒﯩﻘﻠﯩﻐﯩﻠﻰ ﺑﻮﻟﯩﺪۇ. ﻣﯘﻧﺪاﻗﭽﻪ ﻗﯩﻠﯩﭗ ﺋﯧﻴﺘﻘﺎﻧﺪا، ﺑﯩﺮەر دۆﻟﻪت ۋە ﻣﯩﻠﻠﻪﺗﻜﻪ ﻧﯩﺴﺒﻪﺗﻪن ﺋﻪڭ ﻣﯘﮬﯩﻢ ﻳﺎدروﻟﯘق رﯨﻘﺎﺑﻪت ﻛﯜﭼﻰ ﺗﯜزۈلﻣﺪﯨﻜﻰ رﯨﻘﺎﺑﻪت ﻛﯜﭼﯩﺪۇر، ﺋﯘﻧﯩﯖﺪﯨﻦ ﻗﺎﻟﺴﯩلا ﻣﻪﺑﻠﻪغ، ﺗﯧﺨﻨﯩﻜﺎ، ﺋﯩﺨﺘﯩﺴﺎس ﺋﯩﮕﯩﻠﯩﺮى ﻗﺎﺗﺎرﻟﯩﻖ ﺋﺎﻣﯩﻠلار ﺗﯘرﯨﺪۇ. ﺧﻪﻟﻘﻨﯩﯔ ﺋﻪﻗﯩﻞ ﺑﯚﻟﯜﻧﻤﯩﺴﻰ ﺋﺎﻣﯩﻠﯩﻐﺎ ﻛﻪﻟﺴﻪك، ﺋﯘ ﻛﯚپ ﮬﺎﻟلاردا ﺋﺎﻧﭽﻪ ﺋﯧﺘﯩﺒﺎرﻏﺎ ﺋﯧﻠﯩﻨﯩﭗ ﻛﻪﺗﻤﻪﻳﺪۇ.
ﺗﯜرﻟﯜك «ﺋﻪﭘﺴﺎﻧﯩﻠﻪر» ﺋﯜزﻟﯜﻛﺴﯩﺰ ﭘﻪﻳﺪا ﺑﻮﻟﯘپ ﺗﯘرﺳﯩﻤﯘ، ﺋﯘﻧﯩﯖﺪا ﺋﻪﻛﺲ ﺋﻪﺗﻜﯩﻨﻰ ﻗﯩﺴﻤﻪن ﻛﯩﺸﯩﻠﻪرﻧﯩﯔ ﻳﻮﺷﯘرۇن ﺋﯧﯖﯩﺪﯨﻨلا ﺋﯩﺒﺎرەت ﺑﻮﻟﯘپ، ﺋﯘلار دۆﻟﻪت ۋە ﻣﯩﻠﻠﻪﺗﻨﯩﯔ ﺑﯩﺮ ﻛﯧﭽﯩﺪﯨلا روﻧﺎق ﺗﯧﭙﯩﭗ ﻗﻪد ﻛﯚﺗﯜرۈپ، ﭘﯜﺗﻜﯜل ﻳﻪر ﺷﺎرﯨﻨﯩﯔ ﮬﯚرﻣﯩﺘﯩﮕﻪ ﺋﯧﺮﯨﺸﯩﺸﯩﻨﻰ ﺋﺎرزۇ ﻗﯩﻠﯩﺪۇ. ﺑﯩﺮاق ﺋﯘلار ﺷﯘ ﮔﯜزەل ﺋﺎرزۇلارﻧﻰ ﻗﯩﻠﻐﺎﻧﺪا، ﺗﻪﯕﺮﯨﻨﯩﯔ ﻗﺎﻧﺪاﻗﺘﯘر ﺑﯩﺮەر ﻣﯩﻠﻠﻪﺗﻜﻪ ﺋﺎلاﮬﯩﺪە ﺋﯩﻠﺘﯩﭙﺎت ﺋﺎﺗﺎ ﻗﯩﻠﻤﺎﻳﺪﯨﻐﺎﻧﻠﯩﻘﯩﻨﻰ؛ ﻣﯩﻠﻠﻪﺗﻨﻰ ﮔﯜﻟﻠﻪﻧﺪۈرۈﺷﺘﯩﻦ ﺋﯩﺒﺎرەت ﺋﯘﻟﯘﻏﯟار ﺋﯩﺸﻨﻰ ﺋﯚزﯨﻤﯩﺰﻧﯩﯔ ﺟﺎﭘﺎﻏﺎ ﭼﯩﺪاپ ﻗﯩﻠﭽﻪ ﺑﻮﺷﺎﺷﻤﺎي ﺗﯩﺮﯨﺸﭽﺎﻧﻠﯩﻖ ﻛﯚرﺳﯩﺘﯩﺸﯩﻤﯩﺰ ﺋﺎرﻗﯩﻠﯩﻘلا ﺋﯩﺸﻘﺎ ﺋﺎﺷﯘرﻏﯩﻠﻰ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺋﯘﻧﺘﯘپ ﻗﺎﻟﻐﺎن ﺑﻮﻟﯘﺷﻰ ﻣﯘﻣﻜﯩﻦ.
(ﺧﻪﻧﺰۇﭼﻪ «ﺷﯧﻨﺠﯧﻦ ﺳﻮدا ﮔﯧﺰﯨﺘﻰ»ﻧﯩﯔ 2003-ﻳﯩﻞ 11-ﺋﺎﻳﻨﯩﯔ 19-ﻛﯜﻧﯩﺪﯨﻜﻰ ﺳﺎﻧﯩﺪﯨﻦﺗﻪرﺟﯩﻤﻪ قىلىندى)
مەنبە : « جۇڭگو مىللەتلىرى » ژۇرنىلى ئۇيعۇرچە نەشرى
|