مۇنبەردىكى ئايتاراتىنىڭ قىسقىچە تەرجىمھالى

alsoyar

        رىسالەت مەردان، ئايال، ئۇيغۇر، 1977-يىلى 7-ئاينىڭ 4-كۈنى قومۇل شەھىرىگە قاراشلىق شارلار تېغى تاراتى مەھەللىسىدە تۇغۇلغان. 1995-يىلى قومۇل دارىلمۇئەللىمىننى پۈتكۈزۈپ ئۆز يۇرتىغا مۇئەللىملىككە تەقسىم قىلىنغان. 1998-يىلىدىن 2000-يىلىغىچە شىنجاڭ مائارىپ ئىنىستۇتى ئەدەبىيات فاكولتىتىدا ئەدەبىيات كەسپىدە مەخسۇس كۇرسنى پۈتتۈرگەن. 2001-يىلى ئۆزلىگىدىن ئۆگىنىش بويىچە ئەدەبىيات تولۇق كۇرس دېپلۇمىنى ئالغان. 2004-يىلىدىن 2007-يىلىغىچە شىنجاڭ ئۇنۋېرستىتى فىلولوگىيە ئىنىستۇتىدا ھازىرقى-بۈگۈنكى زامان ئۇيغۇر ئەدەبىياتى پەنلىرى بويىچە ماگىستىر ئاسپىرانىتلىقنى پۈتتۈرگەن.

　　رىسالەت مەرداننىڭ ئىجادىي ھاياتى 1995-يىلى 3-ئاينىڭ 8-كۈنىدىكى ‹‹قومۇل گېزىتى ›› دە ئېلان قىلىنغان ‹‹ھەيران قالدىم›› ناملىق مىكرۇ ھېكايىسى بىلەن باشلانغان. شۇندىن بۇيان ‹‹قومۇل ئەدەبىياتى ››، ‹‹تەڭرىتاغ››، ‹‹تارىم ›› ‹‹ئاقسۇ ئەدەبىياتى››، ‹‹كروران››، ‹‹يېڭى قاشتىشى ›› قاتارلىق ژورناللاردا 400پارچىدىن ئارتۇق شېئىرى، ‹‹ قومۇل ئەدەبىياتى››، ‹‹شىنجاڭ يازغۇچىلىرى››، ‹‹ ئېلى دەرياسى››، ‹‹كروران››، ‹‹كومپىيۇتىر ۋە تۇرمۇش›› قاتارلىق ژورناللاردا 20 پارچە ئىلمىي ماقالە، تەتقىقات ماقالىسى، ‹‹ ئاقسۇ ئەدەبىياتى ›› ‹‹ تارىم ›› قاتارلىق ژورناللاردا 5 پارچە ھېكايىسى، ‹‹مىللەتلەر ئەدەبىياتى››، ‹‹شىنجاڭ ئاياللىرى››، ‹‹ شىنجاڭ ياشلىرى ›› قاتارلىق ژورناللاردا 15 پارچە تەرجىمە ئەسىرى ئېلان قىلىنغان.

　　ئۇنىڭ ‹‹مەڭگۈلۈك ئارىلىق ›› ناملىق ھېكايە-پوۋسىتلار توپلىمى نەشىردىن چىقتى.

　　يېقىندا ‹‹ ئۆگەي ئانا ›› ناملىق رومانى يېقىندا قەشقەر ئۇيغۇر نەشىرىياتى تەرىپىدىن نەشىردىن چىقماقچى.

　　ئۇ يەنە ‹‹سىم-سىم يامغۇر ›› ناملىق روماننى شىنجاڭ گۈزەل-سەنئەت نەشىرىياتىغا تاپشۇردى. ئۇ يەنە 2008-يىلى نوبىل ئەدەبىيات مۇكاپاتىغا ئېرىشكەن فىرانسىيەلىك يازغۇچى دى. كىلەزىئۇنىڭ ‹‹ئورانىيا ›› ناملىق رومانىنى، كانادالىق داڭلىق ئايال يازغۇچى مارگارىت ئاتۋۇدنىڭ ‹‹يىگىلى بولىدىغان ئايال ›› ناملىق رومانىنى ‹‹غەرپ ئەدەبىياتى ھېكايىلىرى ›› ناملىق كىتابنى تەرجىمە قىلىپ نەشىرىياتقا تاپشۇردى. شىنجاڭ ئىجتىمائىي پەنلەر ئاكادىمىيىسى ئەدەبىيات تەتقىقات ئورنىدىكى ئارزىگۈل تۇراپ، گۈلشەن بەسىر قاتارلىقلار بىلەن ‹‹ بۈگۈنكى دەۋىر ئۇيغۇر ئايال قەلەمكەشلىرى ›› ناملىق تەتقىقات كىتابىنى يېزىپ پۈتتۈرۈپ نەشىرىياتقا تاپشۇردى. ئۇ يەنە ئېنگىلىزچىدىن ئاگاسا كىرىستىنىڭ ‹‹ئۇلار باغدادقا كەلدى›› ناملىق رومانىنى، ئېلزابىت گىربىتنىڭ ‹‹تاماق، ئىبادەت، مۇھەببەت›› ناملىق رومانىنى تەرجىمە قىلدى.

　　رىسالەت مەردان شىنجاڭ يازغۇچىلار جەمىيئىتىنىڭ ئەزاسى. لۈشۈن ئەدەبىيات ئىنىستۇتىنىڭ 16-قارار ئالىي تەرجىمانلار سىنىپىنىڭ ئوقۇغۇچىسى.

jim

ئايتاراتى   خوشنامكەنغۇ   ؟
ئايتاراتى   ئىشلىرىڭىزغا ئوتۇق تىلەيمەن . ئاللا ئىشلىرىڭىزنى ئاسان قىلسۇن .

ئەنۋەر

قىلغان ئەمگىكى ھەقىقەتتەن كوپ ئىكەن،ئاللاھ ئىشلىرىغا ئۇتۇق ئاتا قىلسۇن!!!

taxkin

ئاي تاراتىنى  پىشقەدەم يازغۇچىمىكىن  دىسەم تازا  تولغان   جەلىپكار ، بىر  چىرايلىق يازغۇچى خانىم  ئىكەنغۇ،  ئاي تاراتى  خانىمنىڭ   بۇنىڭدىن  كىيىنكى  ئىجا  دىيەتلىرىگە زور   ئۇتۇقلار   تىلەيمەن!

tadubeg

كىمدۇر دىسەم رىسالەت ھەدەمكەنغۇ....

togrulbek

رىسالەت مۇئەللىم،سالام سىزگە،  سىزنى تۇنۇش پۇرسىتىگە ئىگە  بولغىنىمدىن ناھايتى خۇشھال  بولدۇم،خەنزۇ تىلىدىن،ھەتتا ئېنگىلىز تىلىدىن رومان تەرجىمە قىلغان بولسىڭىز يازغۇچى دىگەن نامغا لايىق ئىكەنسىز،ئۇيغۇر تىلىدىكى ئەسەرلىرىڭىزمۇ ئاز ئەمەسكەن،ھەقىقەتەن تېرىشچان مۇئەللىم ئىكەنسىز،    تورداشلار  تاراتى  مۇئەللىم ھەقىقەتەن ياش ،تېرىشچان ئەدەبىيات مۇئەللىمى ئىكەن، ئۈلگە ئېلىپ ئۆگىنىشكە ئەرزىيدىكەن ........

nusrat

تەرجىمە ئەسەرلىرىگە قىزىقتىم. بىزدە تەرجىمە ئەسەرلەر بەك كەمچىل.

ahat

ئاي تاراتى  دىگەن تاراتىدىن چىققان ئاي دىگەن مەنىدە بولىدىكەندە،ئەھمىيەتلىك ئىسىمكەن،ماڭا يارىدى.ھەم يۇرتىنى ھەم ئۆزىنىڭ شۇ يۇرتتىن چىققان قىز ئىكەنلىكىنى ئىپادىلەپتۇ.
ئايتاراتىنىڭ بۇندىن كىيىنكى ئىجادىيەتلىرىگە مۇۋەپپىقىيەت تىلەيمەن.