ئولتۇراق رايۇن،ئىسمىڭ نىمە؟

mazargojam

[align=justify]     ئولتۇراق رايۇن،ئىسمىڭ نىمە؟
       بىر يولۇچى تاكسىغا چىقتى ۋە ‹‹جويۇشوۋچىغا ئاپىرىپ قويۇڭا ئۇكام››.
تاكسى شوپۇرى:ــ نىمە دېدىڭىز؟
ــ تۇغقىنىمىزنىڭ ئۆيى جويۇشوۋچىدە ئىدى،تۇغقۇنۇم شۇنداق دەپ بەرگەن.....
ــ ھە،جاۋيۈ شىياۋچۈ دەڭ،ماقۇل.
ــ شوپۇر ئۇكام،جىشىخىيەگە ئاپىرىپ قويۇڭا؟
ــ نىمە دەيسىز؟نەدە ئۇنداق يەر باركەن؟
ــ ئوغلۇمنىڭ ئۆيى شۇ يەردە ئىدى.پارتىيە مەكتىپى تەرەپتىكى بېنا.
ــ ھە، جىنشىڭ خۇۋايۈەن دەڭا.
ــ ھە شۇنداقمۇ،بۇ شەھەردىكى تۇغقانلارنىڭ ئۆيى بار مەھەللىگە ئادەمنىڭ يا تىلى كەلمىگەن.بۇرۇن قەشقەر مەھەللىسىگە، تېرەك كوچىسىغا،بورا بازىرىغا......دەپلا سورىساق،تۇغقانلارنىڭ ئۆيىنى ئاسانلا تېپىۋالاتتۇق.ھازىر ،ھەيييييي....
    ھازىر شەھەرلەردە مۇشۇنداق دىئالوگلار داۋاملىق دېيىلىپ تۇرىدىغان بولدى.ئولتۇراق رايۇنلارنىڭ ئىسمىنى ھېلىغۇ سەھرادىن كەلگەنلەركەن، شۇ شەھەردىكى ۋە شۇ ئولتۇراق رايۇندا ئولتۇرىۋاتقان بىر قىسىم ‹‹قوش تىللىق››ئەمەس شەھەر ئاھالىللىرىمۇ توغرا دېيەلمەيدۇ.
   مەن ناھىيەمىزدە سېلىنغان نۇرغۇن ئولتۇراق بېنالار سېلىنغان ئولتۇراق رايۇنلارغا قاراپ باقسام، ئولتۇراق رايۇن نامى ئاساسەن دەرۋازىسىنىڭ ئالدىغا پەقەت خەنزۇچىلا يېزىلىپتۇ،ئۇيغۇرچىسى زادىلا يوق.ئۇنىڭ ئۈستىگە بەزى ئولتۇراق رايۇنلارنىڭ خەنزۇچە نامى ۋە ئۇيغۇرچە مەناسى شۇنداق چىرايلىق بولغىنى بىلەن، بەزى ئولتۇراق رايۇنلارنىڭ نامىنى ئۇيغۇرچىغا تەرجىمە قىلسا قاملاشمىغان مەنا چىقىدۇ.ئويلاپ قالدىم ،جۇڭخۇا خەلق جۇمھۇرىيىتىنىڭ ‹‹مىللىي تېرىتۇرىيەلىك ئاپتونۇمىيە قانۇنى››ۋە ‹‹تىل-يېزىق قانۇنى››قاتارلىق ئالاقىدار قانۇن-نېزاملىرىدا مىللىي ئاپتۇنومىيەلىك رايونلاردا يەر-جاي ناملىرى،ھەر خىل ۋىۋىسكا،شۇئار،ھۆجەتلەر ئىككى خىل يېزىقتا يېزىلىشى كېرەكلىكى ھەمدە قايسىسىنىڭ چوڭ ۋە ئۈستىگە،ئوڭ تەرەپكە يېزىلىدىغانلىقى ئېنىق ئوتتۇرغا قويۇلغان.ئەجىبا،قۇرۇلۇش سالغۇچى خوجايىنلار،قۇرۇلۇشنى باشقۇرغۇچى مەمۇرىي تارماقلار بۇ قانۇننى بىلمەمدىغاندۇ ھەم تىل-يېزىقنى باشقۇرغۇچى ئورۇنلار بۇنداق ئىشلارغا نازارەتچىلىك قىلىپ تەرتىپكە سېلىپ  تۈزىمەمدىغاندۇ؟قۇرۇلۇش خوجايىنلىرى ياكى قۇرۇلۇش شىركەتلىرى ئولتۇراق بېنا سالىدىغان چاغدا يەرلىك پارتىيە،ھۆكۈمەت نۇرغۇن كادىر كۈچى ئاجىرتىپ،ئاممىغا تەشۋىق-تەربىيە خىزمىتى ئىشلەپ كۆچۈرۈپ –چېقىش ئىشلىرىنى قىلىپ بېرىدۇ. مۇشۇ جەرياندا نۇرغۇن جاپا-مۇشەققەت ،ھەتتا كۆڭۈلسىزلىك تارتىدۇ.شۇنداق بولسىمۇ ،ئامال قىلىپ بېنا سالىدىغان يەرنى بېكارلاپ تەييارلاپ بېرىدۇ.يەرلىك كادىر ۋە پۇقرالار يۇۋاشلىق بىلەن بېنا سېلىشقا،قىسقىسى پۇل تېپىۋېلىشىغا  ئىمكانىيەت يارىتىپ بېرىۋاتسا،قۇرۇلۇش سالغۇچىلار نىمىشقا قانۇنغا،يەرلىك پارتىيە،ھۆكۈمەت،ئاۋامنىڭ ھېسىياتىغا ھۆرمەت قىلىپ،ئولتۇراق رايون نامىنى شۇ يۇرت،شۇ بېنا سېلىنىدىغان جاينىڭ ئەزەلدىن قوللۇنۇلۇپ كېلىۋاتقان ئەنئەنىۋىي نامىغا ھۆرمەت قىلغان ئاساستا قويۇشقا ھەم ئۇيغۇرچە يېزىشقا ئەھمىيەت بەرمەيدۇ؟ بۇ خىل ناتوغرا ھادىسە بىزنىڭ ناھىيەدىلا ئەمەس،ھەممە يۇرتتا بولۇشى مۈمكىن.مېنىڭچە، بۇ كىچىك ئىش ئەمەس.ھازىرقىدەك مەدەنىيلىك،ئىناقلىق تەكىتلىنىۋاتقان ۋەزىيەتتە ئالاقىدار تارماقلار مەسئۇلىيىتىنى،فوكىسىيەلىك رولىنى جارىي قىلدۇرۇپ،بۇ خىل قانۇنغا خىلاپ،مىللىي ھېسىياتقا دەخلى-تەرۇز يەتكۈزىدىغان مەسىلىلەرنى تۈپتىن تۈزىشىنى ئۈمىد قىلىمەن.
مەنبە:ئۆزۈم.

izdinish

بۇمۇ ئانا تىلنىڭ ساپلىقىنى  قوغداشتىكى بىر يول ، ئولتۇراق رايۇن پاتنىت - كەشپىيات ئەمەسقۇ قايسى مىللەت ئىجات قىلسا شۇ مىللەتنىڭ تىلىدا نام بىرىدىغان ، تىلىمىزنى قوغدىياماي يۇرگەندە تىلىمىزنىڭ ساپلىقىنى قوغداشمۇ بىر مەسىلە بوپ قالدى .

nom

ناھيىتى ياخشى تېما ئىكەن،بۇنداق  يەر-جاي ناملىرىنى ھازىر يەرلىك پارتىيە-ھۆكۇمەتنىڭ باشلىقلىرى ھەم باشقۇرغۇچى ئورۇنلار خەنچەقويۇپ بەرسە كېرەك

a.kaxkiriy

        سىز دەۋاتقان يەرلەرنىڭ ھەر ھالدا خەنچە بولسىمۇ ئىسمى باركەن. قەشقەرنىڭ باشقىلارنىڭ كۆزىگە سەت كۆرۈنگەن يەرلىرىنى چىقىپ، سەت- بەتبەشىرە، شەھەرگە ياراشمايدىغان، خەخنىڭ كۆزىگە رىيەكسىيە بېرىدىغان يەرلىك ياۋايىلىرىنى شەھەر سىرتىغا قوغلىۋىتىش جەريانىدا، بىر بۆلۈك 6 قەۋەتلىك توخۇ كېتەكللىرى سېلىندى. بۇ يەرلەرگە ئىسىم قويۇشقا كىمنىڭ چولىسى دەيسىز؟ شۇڭا ،  号四小区，三号小区，二号小区，一号小区دەپ نومۇر سېلىپ قويدى بىر قىسىم ئۇيغۇرلار  1-،2-،3-،4-،5-،.....نومۇرلۇق ئولتۇراق رايۇنى دەپمۇ ئاتاپ باقتى. بۇ سەككىز بوغۇملۇق ئۇيغۇرچە تەرجىمە ئىسىمنى ئاتاش ئېغىر كېلىپ، كىشىلەر يىخوشوچۈ، ئەرخوشوچۈ دەپ خەنچىنىمۇ بۇزۇپ ئاتايدىغان بولىۋالدى، 50-60 ياشلىقلاردىن 3- ئولتۇراق رايۇن قەيەردە دەپ سورىسىڭىز، ئوغلىنىڭ ماكانى شۇ يەردە بولسىمۇ بىلمەيمەن دەيدۇ، سانخوشوچۈ دېسىڭىز دەپ بېرىدۇ. بۇنداق شوچۈلەردىن مەن 27- سىقىچە بىلىمەن، يېڭىلىرىنى بىلمەيمەن.
بىر كۈنى شۇ شوچۈلەرنى تاپالمىغان بىر بوۋاي رەللە بولۇپ ئەرخو شوۋىچى، يىخو شوۋىچى دېمەي، ھەزرەت شوۋىچى، زورىخان يارلىق شوۋىچى، يالغۇز قەۋرە شوۋىچى دېسە بولمامدۇ دەيمەن، بۇ شوۋىچىلارنىڭ تولىلىقىدىن ئادەم قېرىغاندا يا تاپالمايۋتقان بۇ شوۋىچىلارنى، دەپ قاخشاۋاتقانلىقىنى ئاڭلىغانىدىم.

mazargojam

بۇ مەزمۇن 3قەۋەتتىكى a.kaxkiriyدە2013-01-09 16:00يوللىغان يازمىسىغا نەقىل :
        سىز دەۋاتقان يەرلەرنىڭ ھەر ھالدا خەنچە بولسىمۇ ئىسمى باركەن. قەشقەرنىڭ باشقىلارنىڭ كۆزىگە سەت كۆرۈنگەن يەرلىرىنى چىقىپ، سەت- بەتبەشىرە، شەھەرگە ياراشمايدىغان، خەخنىڭ كۆزىگە رىيەكسىيە بېرىدىغان يەرلىك ياۋايىلىرىنى شەھەر سىرتىغا قوغلىۋىتىش جەريانىدا، بىر بۆلۈك 6 قەۋەتلىك توخۇ كېتەكللىرى سېلىندى. بۇ يەرلەرگە ئىسىم قويۇشقا كىمنىڭ چولىسى دەيسىز؟ شۇڭا ،  号四小区，三号小区，二号小区，一号小区دەپ نومۇر سېلىپ قويدى بىر قىسىم ئۇيغۇرلار  1-،2-،3-،4-،5-،.....نومۇرلۇق ئولتۇراق رايۇنى دەپمۇ ئاتاپ باقتى. بۇ سەككىز بوغۇملۇق ئۇيغۇرچە تەرجىمە ئىسىمنى ئاتاش ئېغىر كېلىپ، كىشىلەر يىخوشوچۈ، ئەرخوشوچۈ دەپ خەنچىنىمۇ بۇزۇپ ئاتايدىغان بولىۋالدى، 50-60 ياشلىقلاردىن 3- ئولتۇراق رايۇن قەيەردە دەپ سورىسىڭىز، ئوغلىنىڭ ماكانى شۇ يەردە بولسىمۇ بىلمەيمەن دەيدۇ، سانخوشوچۈ دېسىڭىز دەپ بېرىدۇ. بۇنداق شوچۈلەردىن مەن 27- سىقىچە بىلىمەن، يېڭىلىرىنى بىلمەيمەن.
بىر كۈنى شۇ شوچۈلەرنى تاپالمىغان بىر بوۋاي رەللە بولۇپ ئەرخو شوۋىچى، يىخو شوۋىچى دېمەي، ھەزرەت شوۋىچى، زورىخان يارلىق شوۋىچى، يالغۇز قەۋرە شوۋىچى دېسە بولمامدۇ دەيمەن، بۇ شوۋىچىلارنىڭ تولىلىقىدىن ئادەم قېرىغاندا يا تاپالمايۋتقان بۇ شوۋىچىلارنى، دەپ قاخشاۋاتقانلىقىنى ئاڭلىغانىدىم.  

بۇ شوۋىچىلارنىڭ تولىلىقىدىن ئادەم قېرىغاندا يا تاپالمايۋتقان بۇ شوۋىچىلارنى،
ھا.ھا.ھا.ھا،،،،! نىمانداق ئاچچىق كۈلكۈلۈك گەپلەر ھە؟.

tarim138

تاھىر ئەپەندىم سىزنىڭ ئۇيىڭىز قايسى شوۋىچى دە  ؟ {چاق _چاق}
ناھايىتى ئەھمىيەتلىك  تىمادىن بىرنى  يوللاپسىز.  لىكىن بۇنى  ناھىمىزدىكى  مۇناسىۋەتلىك بىرەر رەھبەرنىڭ كۇرۇشى ناتايىن  ئۈزىڭىز مۇخبىر بولغاچقا ئاقسۇ گېزىتىدە ئېلان قىلسىڭىز قانداق ؟

barqinay

مەنمۇ شۇنداق ئويلايمەن ، مۇمكىن بولسا ئولتۇراق رايونلارغا ئۇيغۇرچە نام بېرىلسە .. مەسىلەن 桃园小区 دېگەن يەرنى شاپتۇللۇق باغ ئولتۇراق رايونى دېسەك بولمامدۇ ؟ بىر مىللىەتنىڭ تىل يېزىقىنىڭ يوقىلىشى شۇ مىللەتنىڭ يوقىلىشىنىڭ دەسلەپكى ئىپادىسى .. ھەممىمىزنىڭ ئانا تىلىمىزنى قوغداش مەسئۇلىيىتىمىز ھەم مەجبۇرىيىتىمىز بار ...

oghuzhan2

بۇ مەزمۇن 6قەۋەتتىكى barqinayدە2013-01-09 17:39يوللىغان يازمىسىغا نەقىل :
مەنمۇ شۇنداق ئويلايمەن ، مۇمكىن بولسا ئولتۇراق رايونلارغا ئۇيغۇرچە نام بېرىلسە .. مەسىلەن 桃园小区 دېگەن يەرنى شاپتۇللۇق باغ ئولتۇراق رايونى دېسەك بولمامدۇ ؟ بىر مىللىەتنىڭ تىل يېزىقىنىڭ يوقىلىشى شۇ مىللەتنىڭ يوقىلىشىنىڭ دەسلەپكى ئىپادىسى .. ھەممىمىزنىڭ ئانا تىلىمىزنى قوغداش مەسئۇلىيىتىمىز ھەم مەجبۇرىيىتىمىز بار ...  

ئولتۇراق رايۇن ئەمەس 'مەھەللە ' ، ئۇ تىلىمىزدا بار ،شۇنداق تاتلىق بىر ئىسىم