2012-يىلى دىيارىمىز ۋە ئۇيغۇرلار ئۈچۈن پوتبول يىلى دېيىشكە بولىدۇ ، شىنجاڭ تاشئالما كوماندىسىنىڭ جۇڭگو ب دەرىجىلىكلەر پوتبول مۇسابىقىسگە قاتنىشىشى ، غۇلجىدىكى كىچىك ئەزىمەتلەرنىڭ دۆلەت ئىچى سىرتىدا قولغا كەلتۈرگەن نەتىجىلىرى دىيارىمىزنى زىلزىلىگە سالدى ، ئارقىدىنلا يۇرت -يۇرتلاردا پوتبول قىزغىنلىقى زور دەرىجىدە ئاشتى .
مانا مۇشۇنداق يۇرت - يۇرتلاردا تۈرلۈك مۇسابىقىلىرى ئەۋج ئالغان قىزغىن كەيپىياتتا <قارلۇق خەلقئارا سودا چەكلىك شىركىتى > مەدەنىيەت بۆشىكى قومۇل دىيارىنىڭ پوتبولچىلىق ئىشلىرىنى قوللاش ،پوتبول ھەۋەسكارلىرىغا ياخشى بولغان مۇسابىقە شارائىتى يارىتىپ بېرىش مەقسىتىدە تۇنجى نۆۋەتلىك < ئەلفا -فەرھاد لوڭقىسى > زال ئىچى بەش كىشىلىك دوستلۇق پوتبول مۇسابىقسى ئۆتكۈزمەكچى
قارلۇق خەلقئارا سودا چەكلىك شىركىتى قۇرۇلغىنىغا 11 يىل بولغان ئاساسلىق تاشقى سودا ، ئىشلەپچىقىرىش بىلەن شوغۇللىنىدىغان شىركەت بولۇپ ،ئالدىنقى يىلى ئۆزبىكىستاندىكى < ئەلفا - فەرھاد گوروھى > تەتقىق قىلىپ بازارغا سالغان <ئەلفا - فەرھاد كىر سوپۇن >نى دىيارىمىز كەڭ مۇسۇلمانلارنىڭ ئىشلىتىشىگە سۇندى. نۆۋەتتە <ئەلفا - پەرھاد > يۈرۈشلۈك تۇرمۇش بويۇملىرىنى ئىشلەپچىقىرىشنى ئاساس قىلغان كۆلەملەشكەن زاۋۇت ئاقسۇ دىيارىدا قۇرۇلماقتا .
مۇسابىقە ئورنى : قومۇل دىيارى <مەرىفەت زال ئىچى پوتبول كۇلۇبى> دا ئۆتكۈزىلىدۇ .
مۇسابىقە ۋاقتى : 2013-يىلى 1-ئاينىڭ -26-كۈنى رەسمىي باشلىنىدۇ .
<مەرىفەت زال ئىچى پوتبول كۇلۇبى> قومۇل دىيارىدا زال ئىچى پوتبول مەيدانى بولماسلىق بوشلۇقىنى تولدۇرۇش ۋە قومۇل دىيارىدىكى ياشلارغا ياخشى بولغان ئىشتىن سىرتقى چېنىقىش پۇرسىتى يارىتىپ بېرىش ،پوتبول ھەۋەسكارلىرىغا دوستلىشىش سەھنىسى ھازىرلاش ،يۇرتىمىز پوتبول ئىشلىرىنى قېلىپلاشقان ، ساغلام ، ئۈزلۈكسىز داۋاملىشىدىغان تەرەققىيات يولىغا باشلاش مەقسىتىدا 400 مىڭ يۈەن مەبلەغ سېلىنىپ قۇرۇلغان بولۇپ ، 2013-1-ئاينىڭ-1-كۈنىدىن باشلاپ پوتبول ھەۋەسكارلىرىغا رەسمىي ئېچىۋېتىلدى.
< ئەلفا -فەرھاد لوڭقىسى > مۇكاپات بويىمى تۆۋەندىكىچە:
چىمپىيون كوماندا- ئەلفا پەرھاد لوڭقىسى ، 3000 يۈەن نەق پۇل
ئىككىنجى دەرىجىگە ئېرىشكەن كوماندا - 2000 يۈەن نەق پۇل ئۈچىنچى دەرىجىگە ئېرىشكەن كوماندا - 1000 يۈەن نەق پۇل مۇسابىقە تەپسىلاتلىرى داۋاملىق باغداش تورىدا ئېلان قىلىنىدۇ ،
ئۇيۇشتۇرغۇچى ئورۇنلار: قارلۇق خەلقئارا سودا چەكلىك شىركىتى مەرىفەت زال ئىچى پوتبول كۇلۇبى يىلتىز پوتبول جەمئىيتى |