يىغىندا بېرىلگەن ياخشى تەكلىپ (يەر نامى تۇغرۇلۇق)(بىر كۆرۈشكە ئەرزىيدۇ)

ark-zat618

بۇ مەزمۇن 3قەۋەتتىكى مارالدە2013-01-13 15:14يوللىغان يازمىسىغا نەقىل :
كۇچالىق قېىرىنداشلار سىلەرمۇ 8-رايۇن،9-رايۇن دىمەي دۆڭقۇتان ،ئالاقاغا.....دەڭلار  

دەسلەپتە ئۆز نامى بىلەن ئاتىغان .خەنزۇلارنىڭ تىلى كەلمىگەندىن كىيىن يىغنلاردا تۇلا دەۋىرىپ ئاخىرى ئۇيغۇرلارمۇ كۈنۈپ كەتتى. ھازىر تېخى ئالاقاغا ،بىھىشباغ ،ياقا، دۆڭقوتان دىسە نەچچىنچى رايون دەيغانلار ساماندەكلا جىق .

zemuranshah

بۇ ناھايىتى ياخشى تەكلىپ بۇلۇپتۇ،ئەمەلىلىشىنى ئۈمۈد قىلىمەن.
ئەممازە مەن مۇشۇ كورلىنىڭ ئۇيغۇرچە ئېلان تەشۋىق گېزىتىدە نۇرغۇن جاي ناملىرى ۋە بەزى كەسپىي ئاتالغۇلارنى خەنزۇچىلا ئاتاپ ئېلان بەرگەنلىكىنى كۆرۈپ تۇرىمەن،مۇشۇ گېزىتخانىدىكىلەرمۇ ئۇيغۇرچە تەرجىمىسىنى بىلمەمدىغاندۇ دەيمەن...

tomuz

ياخشى تەكلىپ بوپتۇ، پۈتۈن ئۇيغۇر ئاپتۇنۇم رايۇنىمىزغا ئومۇملاشتۇرۇشى زۆرۈردۇر......

ansiz

بەك ياخشى تەكلىپكەن. تەستىقلانسىلا  تەشۋىقات ۋاستىلىرىنىڭ رولى ئارقىلىق ئومۇملاشتۇرۇش كېرەك. مەسىلەن ئاپتوبۇستا <ئالدىمىزدىكى بېكەت سەنشىشىيا> دېمەي< بۇلاق بېشى> دېسە، <نەمىڭ غا كەلدۇق> دېمەي، <ئاق قوۋۇق> دېسە ئاندىن ئومۇملىشىدۇ. تۈرلۈك يىغىن، ئۇقتۇرۇشلار، تەشۋىقاتلاردا ئىسىمنى نومۇر بىلەن ئاتاۋەرسە، ئاۋام خەلقمۇ شۇنىڭغا كۆنىدۇ-دە، بارا-بارا ئۆز نامىنى دىسىڭىز ئۇقماس بولىدۇ. يەنە مەسىلەن مەكتەپلەرگە نومۇر سېلىپ ئاتاش: 15-ئوتتۇرا، 2-باشلانغۇچ؛ يېزا كەنت ناملىرى: 1-يېزا، 10-شودۇي..؛ 1-دوختۇرخانا. ئەگەر مۇشۇنداق داۋاملاشسا ئادەم ئىسىملىرىنىمۇ نومۇر بويىچە ئاتاش قولايلىق كۆرۈنىدىغان چاغقا بارىمىز: 8-مەھەللىدىكى 0234-ئادەم...

yipakyuli

تىل يىزىق كومتتنىڭ مۇشۇنداق ئىشلارنى تەرتىپكە سالىدىغان ئۇرۇن ئىكەنلىكنى ئاڭلىغان ئىدىم ،لىكىن يەنلا ۋەكىللىرمىزدىن چىقىپتۇ بۇ تەكلىپ ،بۇ ئورگانغا يېڭى ۋەزىپىلەر تاپشۇرۇلغان ئوخشايدۇ پەرەز قىلشىمچە .ۋۋىسكىلار ئاھاڭ بۇيۇنچىلا تەرجمىە قىلىندىغان بۇلۇپ كەتتى ھەتتا يەرجاي ناملىرى نام بىرىلگەن ۋېۋېسكىلارمۇ؟

sikiltar

ھەر دەرىجىلىك ھۆكۈمەتلەرنىڭ قارمىقىدا«يەر-جاي ناملىرى كومېتىتى»دەيدىغان بىر ئاپارات بار.(بۇ ئورۇننى بەزى جايلاردا ئايرىم تەسىس قىلمىغان بولۇپ،خەلق ئىشلىرى ئىدارىلىرىغا ئېلىپ قويغان.)بۇ خىزمەتنى شۇ ئورۇن مەسئۇل بولۇپ ئىشلەيدۇ.يەر-جاي ناملىرىنىڭ قانداق بولۇشى ،بىرى،شۇ تارماقنىڭ فۇنكىتسىيىسىنى ئادا قىلىش ئەھۋالىغا ،يەنە بىرى،ئاممىنىڭ ئىشلىتىش ئاڭلىقلىقىغا باغلىق بولىدۇ.

bilimsiz

بولسا ئالدى بىلەن «شىنجاڭ» دېگەن خەنزۇچە نامنى «غەربى دىيار»دېگەن ئۇيغۇرچە نامغا ئۆزگەرتسە ياخشى بولاتتى!

elquchar

بۇ ئىنتايىن ياخشى تەكلىپ بوپتۇ. بىزنىڭ ماۋۇ شاتۇتىدەك يەرلىك ھۆكۈمەت ئۆزى تەييارلاپ بەرگەن تەكلىپلەرنىلا قۇرۇلتايلارغا ئېلىپ بېرىپ ئوتتۇرىغا قويۇپ، بىكارلىق تاماقنى يەپ كېلىدىغان ۋەكىللرىمىزمۇ  بۇ ھەقتە دادىل پىكىر قىلسا بولاتتى. بىزنىڭ بۇياقلاردىمۇ بەك كۆپ بۇنداق رەقەمچە ئاتاش.
1. قەشقەر شەھىرىدە:
قەشقەر شەھىرى ۋە شەھەرگە قاراشلىق يېزا- بازارلاردىكى مەكتەپلەرمۇ ئۆز نامى بويىچە «ئۇيغۇر تولۇق ئوتتۇرا مەكتەپ، قوغان يېزىلىق ئوتتۇرا مەكتەپ، شامالباغ بازارلىق ئوتتۇرا مەكتەپ...» دەپ ئاتىلىۋەرمەي، «6-ئوتتۇرا مەكتەپ، 16-ئوتتۇرا مەكتەپ، 19-ئوتتۇرا مەكتەپ...» دېگەندەك رەقەملەر بىلەن ئاتىلىپ، ئاممىغا كۆپ قولايسىزلىقلارنى ئېلىپ كەلدى. قەشقەر شەھىرىدە ھازىر مۇشۇنداق رەقەم بىلەن ئاتالغان مەكتەپلەر 1-دىن تاكى 20 نەچچىنچىگىچە داۋام قىلىدۇ. بۇلا ئەمەس، ساقچىخانا، ئولتۇراق رايونلارمۇ شۇنداق. يەرلىك نامى بىلەن ئاتالغان بىرمۇ مەكتەپ ياكى ساقچىخانىنى تاپقىلى بولمايدۇ.
2. قەشقەر ۋىلايىتىنىڭ يېڭىشەھەر ناھىيىسىدە:
ناھىيە مەركىزىدىكى زور كۆپ ساندىكى مەكتەپلەر، ئولتۇراق رايونلار، مەنزىرە رايونى، سانائەت رايونى ۋە يېزىلاردىكى باشلانغۇچ مەكتەپلەرنىڭ ناملىرى خەنسۇچە ئاتالغان.
3. قەشقەر ۋىلايىتىنىڭ مەكىت، پەيزاۋات ناھىيىلىرىدە:
يېزا ناملىرى رەقەمچە ئاتالغان. ئۇلار تېخى ئۇيغۇرچە ئاتىغۇسى كەلسە، 1-يېزا، 2-يېزا... دەپ، بولمىسا. 1-گۇڭشې، 2-گۇڭشې دەپ ئاتىشىدۇ.
يەر- جاي ناملىرى ئەڭ ئالدى بىلەن شۇ جاينىڭ ئاتا- بوۋىلىرىمىز قويغان يەرلىك نامى بىلەن ئاتىلىشى كېرەك.  بىلىپ قويايلى: باشقا تىل بىلەن ئاتايدىغانغا ئۇ باشقىلارنىڭ يۇرتى ياكى مەھەللىسى ئەمەس. رەقەمچە ئاتايدىغانغا ئۇ شەھەر كوچىلىرىدا موكىدەك ئۆتۈشۈپ تۇرىدىغان كۆچمە ئاممىۋى ئاپتوبۇس ئەمەس. ئەجىبا بىر جايىدا جىم تۇرمايدىغان كىچىككىنە شاھمات ئۇرۇقلىرىنىمۇ ئۆز نامى بىلەن ئاتايمىزيۇ، جانىجان مەنپەئەتىمىزگە تاقىلىدىغان يەر- جاي ناملىرىنى ئۆز نامى بىلەن ئاتىيالمايمىزمۇ؟