خەنزۇچە تور بىكەت قۇرۇشنىڭ ئەھمىيىتى بارمۇ؟(مۇنازىرە)

yamdak

ئەسسالامۇ ئەلەيكۇم
ئىلگىرى ئۇيغۇرلار ئاچقان خەنزۇچە تور بىكەتلەر خېلى كۆپ ئىدى .تومۇزدىن كېيىن بۇ تور بىكەتلەرنىڭ بەزىلىرى تاقالدى .مېنىڭ بۇ تور بىكەتلەرگە بولغان تەسىراتىم شۇكى بۇ تور بىكەتلەر خەنزۇ خەلقى بىلەن ئۇيغۇر خەلقىنىڭ ئەل ئارسىدىكى چۈشىنىشنى ئىلگىرى سۈرۈش،دوستلۇق بەرپا قىلىش ،ئۇقۇشماسلىقلارغا ئېنىقلىما بىرىش مەقسىتىدە قۇرۇلغان تور بىكەتلەر ئىدى.خەلق ئارسىدىكى  قىلچە شەخسى مەقسەت يوشۇرۇنمىغان ھەقىقى دوستلۇق ئىنسانلارغا ئاللاھ بەرگەن ئەڭ چوڭ نىئمەتلەرنىڭ بىرى .مۇشۇ دوستلۇق ۋە ھىسداشلىق خېلى چوڭ زىديەتلەرنى ھەل قىلىش ۋە ئۇنىڭغا خاتىمە بىرىش رولىنى ئوينايدۇ .
شۇڭا مەن ئۇيغۇرلارنىڭ خەنزۇچە تور بىكەتلەرنىمۇ ئېچىشىنى ئۈمۈد قىلىمەن .بۇ مېنىڭ شەخسى قارىشىم . 
مەن يەنە بۇ ھەقتە خېلى كۆپ توختىلىپ باقماقچى ئىدىم لېكىن يەنىلا كۆپچىلىكتىن مەسلىھەت سورىغىم كەلدى .
سۇئاللار شۇكى
خەنزۇچە تور بىكەت ئېچىشنىڭ ئەھمىيىتى بارمۇ؟
تور بىكەت ئېچىشتا قانداق نۇقتىلارغا بەكرەك دىققەت قىلىش كىرەك؟
تور بىكەتنىڭ ئىجتىمائىي ئۇنىمىنى يوقىرلىشىتشتىن باشقا يەنە ئىقتىسادىي ئۇنۇم ياراتقىلى بولامدۇ؟
خەنزۇچە تور بىكەت ئاچماقچى بولغان شەخىس قانداق ساپانى ھازىرلىشى كىرەك؟
خەنزۇچە تور بىكەت ئېچىش يولىدا قانداق خەتەر ۋە توسالغۇلار بولىشى مۇمكىن ؟
مەنبە مەن

jasur971

ئويلاشقا بۇ بىر ئىنتايىن ئاقلانە بىر پىكىر ، لىكىن خەنزۇچە تور بەت قۇرساق يەنىلا شۇ ئۆزىمىز كۆر ۈپ ئولتۇرامىزمىكىن ، باشقىلارنى بىز قۇرغان خەنزۇچە تور  بىكەتلەرگە دىققىتىنى قوزغاش ئىنتايىن تەسكە توختايدۇ..

kaxkaryigiti

شۇنداق ياخشى ئويلاپسز سىناپ بىقىشقا ئەرزيدۇ مەن قوللايمەن.

ohuztigin

ئۇرۇن ئېلىپ قويدۇم،ئىنكاس ئورنى بىكار قالمىسۇن.

kaxkaryigiti

سىناپ بىقىشقا ئەرزيدۇ مەن قوللايمەن.
قىرىندىشىم، بۇ ئۆيلىغىنىڭز ناھايتى ياخشى. بۇلسا كەڭ پىكىرلىشىپ ئۆزئارا ئۇقۇشماسلىقلانى تۇگسسەك ياخشى بۇلاتى، شۇنداق ياخشى ئويلاپسز .

azizan

1. خەنزۇچە تور بىكەت ئېچىشنىڭ ئەھمىيىتى بارمۇ؟
ئەزىزان : مەلۇم مەنىدىن ئېلىپ ئېيتقاندا زور ئەھمىيىتى بار . چۈنكى ئاللاھ ئىنسانلارنى بىر ئاتا ۋە بىر ئانىدىن ياراتقان ، ئاندىن ئىنسانلارنى يەنە كۆپ خىل مىللەتلەردىن قىلغان . ئەگەر ئاللاھ خالىغان بولسا ئىدى ، ئىنسانلارنىڭ ھەممىسى بىرلا مىللەت بولغان بولاتتى ، ئاللاھ ئىنسانلارنى ئەقىل ۋە ئەخلاق ئارقىلىق ئۆز-ئارا تونۇشۇش ۋە چۈشىنىش ، ئاخىرىدا ھىدايەت يولىدا بىرگە بولۇش ئۈچۈن باشقا باشقا مىللەتلەردىن قىلغان . شۇڭا بۇ مەنىدىن ئېلىپ ئېيتقاندا ، خەنزۇلارلا ئەمەس ، ھەرقانداق بىر قەۋم بىلەن زىچ ئالاقە ۋە چۈشىنىشنى ئۇزۇن مۇددەت ساقلىشىمىز لازىم ، بۇ ئەڭ ئاۋۋال ئۆزىمىزگە پايدىلىق .

2. تور بىكەت ئېچىشتا قانداق نۇقتىلارغا بەكرەك دىققەت قىلىش كىرەك؟
ئەزىزان : خەنزۇچە تور بېكەت ئېچىشتا ، چوقۇم پىكىر ئەركىنلىكى ۋە باراۋەرلىكىگە ئەھمىيەت بېرىشىمىز لازىم . مەن  ئۇيغۇرلار ئاچقان بۇرۇنقى خەنزۇچە تور بېكەتلەرگە دائىم چىقاتتىم ، لېكىن ئۇلاردىن نارازى ئىدىم ، چۈنكى ئۇلار ئۆز ئىددىيەسى ۋە پىكىرىنى خەنزۇلارغا چۈشەندۈرمەكچى بولاتتىيۇ ، خەنزۇلارنىڭ ئىددىيەسى ۋە پىكىرىگە قۇلاق سېلىشنى تازا خالىمايتتى ، مەلۇم دەرىجىدە پىكىر مۇستەبىتلىكى بولۇپ ، شۇڭا خەنزۇ يولداشلارمۇ بارا-بارا بۇ تور بېكەتلەردىن تولىمۇ نارازى بولغان ، خېلى تونۇلغان خەنزۇ زىيالىيلارمۇ كېيىن بۇ بېكەتلەردىن ئۆزىنى چەتكە ئالغان . ئالاقە ئىككى تەرەپلىمە بولىدۇ ، ئالدىن بېكىتلگەن يەكۈن بىلەن ئېلىپ بېرىلغان مۇنازىرە پەقەت شەكىل بولۇپ ، بۇنىڭدا ھېچقانداق ئەھمىيەت بولمايدۇ . شۇڭا بۇنداق تور بېكەتلەر چوقۇم قانۇن كاتېگورىيەسى ئىچىدە پىكىر ئەركىنلىكى ۋە باراۋەرلىكىگە تولۇق ھۆرمەت قىلىپ قۇرۇلسا ، ئاندىن بۇرۇنقى تور بېكەتلەرنىڭ مەغلۇبىيىتىدىكى ئاساسلىق ئامىلدىن ساقلىنالايدۇ .
يەنە بىرى ، ئۇيغۇرلار خەنزۇچە تور بېكەتلەرنى قۇرغاندا چوقۇم « ئورتاقلىقنى ئىستەش ، ئۆزگىچىلىكنى ساقلاش » پرىنسىپىغا ئەھمىيەت بېرىشى كېرەك ، ئۆزىمىز ئېتىقاد قىلىدىغان ، ئۆزىمىز ئىشىنىدىغان ، ئۆزىمىزنىڭ مەنپەئەتىگە ۋەكىللىك قىلىدىغان نەرسىلەرنىڭ ھەممىسى خەنزۇلاردا بولۇشى ناتايىن ، بۇنداق نۇقتىلارنى ئىلمىي جەھەتتىن ئاز تىلغا ئېلىش ، بۇنداق نۇقتىلارنى ۋاقىتقا قويۇپ بېرىش ، ئەمەلىي ۋە ئورتاق مەسىلىلەردە ئالاقىلىشىش ھەممىدىن مۇھىم . مىللىي ۋە دىنىي جەھەتتىن خەنزۇلار ئارىسىدىكى ئالاقىگە توسالغۇ قويۇۋالساق ، تور بېكەتنىڭ ھامان مىللىي ۋە دىنىي ئاشقۇنلار قولى ئارقىلىق زاۋاللىققا يۈزلىنىشى تەبىئىي .  

3. تور بىكەتنىڭ ئىجتىمائىي ئۇنىمىنى يوقىرلىشىتشتىن باشقا يەنە ئىقتىسادىي ئۇنۇم ياراتقىلى بولامدۇ؟
ئەزىزان : ئىقتىسادىي ئۈنۈمى جەھەتتىن ئېلىپ ئېيتقاندا ، ئۇيغۇر تىل-يېزىقىدىكى بېكەتلەردىن زور دەرىجىدە ئېشىپ چۈشىدىغان تەرەققىيات بوشلۇقى بولىدۇ . چۈنكى خەنزۇ تىل يېزىقى بىر مىلياردتىن ئارتۇق ئادەمگە ئورتاق تىل-يېزىق ، بۇ تىل-يېزىقتىكى تور بېكەتلەرنىڭ قوبۇل قىلىش دائىرىسى ئىنتايىن كەڭرى بولىدۇ . دېمەك ، ساغلام تەرەققىي قىلالىغان تور بېكەت ئازراق پۇرسەتكە ئېرىشسىلا ، بىر كېچىدە ئىجتىمائىي ۋە ئىقتىسادىي ئۈنۈم جەھەتتىن ھازىر بار بولغان ئۇيغۇر يېزىقىدىكى ھەرقانداق بېكەتتىن ئېشىپ چۈشۈشى تامامەن مۇمكىن .

4. خەنزۇچە تور بىكەت ئاچماقچى بولغان شەخىس قانداق ساپانى ھازىرلىشى كىرەك؟
ئەزىزان : خەنزۇچە تور بېكەت ئاچماقچى بولغان ئۇيغۇر كىشى ، ئەڭ ئاۋۋال خەنزۇچە تور بېكەتلەرگە قارىتا بىرقەدەر مۇكەممەل چۈشىنىشنى ھازىرلىغان بولۇشى كېرەك . ئاندىن قالسا ، قانۇن ياردىمى ۋە قانۇنىي ئاڭغا ئىگە بولۇشى كېرەك . ئاخىرىدا ، بۇ كىشى مەيلى زىيالىي ، مەيلى موللا ۋە ياكى ھۈنەرۋەن-كاسىپ بولسۇن ، چوقۇم ئۆز كەسپى ياكى جەمئىيەت بىلىملىرىدىن خەۋەردار ئىجتىمائىي ئاڭ بىر قەدەر يۇقىرى بىلىمدار بولۇشى كېرەك . تېخىمۇ ياخشىسى ، بۇ كىشى تور بېكەت تۈزەش ، يېڭىلىق يارىتىش ، گۈزەللەشتۈرۈش قاتارلىق تېخنىكىلىق بىلىملەرگە پىششىق بولسا بولىدۇ .

5. خەنزۇچە تور بىكەت ئېچىش يولىدا قانداق خەتەر ۋە توسالغۇلار بولىشى مۇمكىن ؟
ئەزىزان : بىرىنچى جەھەتتىن ، تېخنىكىلىق ۋە قاتتىق ئەسلىھە توسىقى . ئەلۋەتتە ، تور بېكەت دېگەننى قۇرۇپ چىقىمەن دەپلا قۇرۇۋالغىلى بولمايدۇ ، بۇ جەرياندا دەسلەپكى جاپا بىر قەدەر ئېغىر ، مەسىلەن يۇمشاق ئەسلىھە ( بېكەت قۇرۇلۇشى ) ۋە قاتتىق ئەسلىھە ( مۇلازىمېتىر ) قاتارلىق تەييارلىق خىزمەتلەر بىر قەدەر مۇرەككەپ بولۇشى مۇمكىن . ئىككىنچى جەھەتتىن ، قانۇنىي خەتىرى . ھازىر ئۇيغۇرچە تور بېكەتلەردە ئۆزىنىڭ شەخسىي ئېڭى ، مىللىي ۋە دىنىي قاراشلىرىغا تايىنىپ توردا كۈچ توپلاپ شەخسكە زەربە بېرىدىغان ئەھۋال ناھايىتى ئېغىر ، لېكىن بۇنداق ئەھۋال خەنزۇچە تور بېكەتلەردە يۈز بېرىپ قالسا ، بەلكىم مەلۇم جەھەتتىن قانۇنىي سورىقىنى ئېلىپ كېلىشى مۇمكىن . ئۈچىنچى ، باشقۇرۇش خەتىرى . بۇنداق تور بېكەتلەرنىڭ مۇلازىمەت ئوبيېكتى ، باشقۇرۇش مودى قاتارلىقلار قاتتىق ئەستايىدىل تاللىنىلمىسا ، باشقۇرۇش خاتالىقى سەۋەبلىك ، مىللەتلەر ئارىسىدىكى ياكى دۆلەتلەر ئارىسىدىكى زىددىيەت ۋە توقۇنۇشقا پىلەك بولۇپ قېلىپ ، ئاخىرىدا مۆلچەرلىگۈسىز ئاقىۋەت ئېلىپ كېلىشى مۇمكىن .

يۇقارقىسى ئاددىي قاراشلىرىم ، بۇنىڭغا باشقىلارمۇ ئۆز قارىشىنى دەپ باقسا ...

halil2

بۇ تولىمۇ ياخشى پىكىر بوپتۇ. ئەزىزان دوستىمىزمۇ ئەتراپلىق پىكىر يۈرگۈزۈپتۇ ،بۇياخشى ئىشقا بالدۇرراق تۇتۇش قىلىشىڭلانى ئۈمۈد قىلىمەن . ئاللا خالىسا بۇتوربىكەت قۇرۇلۇپ ، خەنزۇلار بىلەن ئۇيغۇرلار ئارىسىدىكى دوسلۇق كۆۋرىكى بولۇپ قالغۇسى!

ablatjan0998

بەك.ياخشى بوپتۇ