- تىزىملاتقان
- 2012-4-30
- ئاخىرقى قېتىم
- 2013-9-10
- ھوقۇقى
- 1
- جۇغلانما
- 3817
- نادىر
- 1
- يازما
- 204
ئۆسۈش
60.57%
|
مەن 20- يانىۋار ئەتىگەن سائەت دەل توققۇزغا ئۈلگۈرۈپ لېكسىيە زالىغا كىردىم ، گۈلەن ئەپەندىنىڭ ئىشىكە يېقىن جايدا بىر كىشى بىلەن پاراڭلىشىپ تۇرغىنىنى كۆردۈم ( بۇ مىنىڭ ئۇنى تۇنجى قىتىم يۈز تۇرانە كۆرۈشۈشۈم ) بېرىپ كۆرۈشىشنى ئويلىدىميۇ ، بىراق مەن بىر توپ كىشى بىلەن سوڭدىشىپ كىرىۋاتقان بولغاچقا مەنمۇ شۇ كىشىلەرگە ئوخشاش ، كۈلۈمسىرەپ باش لىڭىشىتىپ قويۇپ ئۆتۈپ كىتىشكە مەجبۇر بولدۇم.
بۇ ۋاقىتتا زالنىڭ ئىچى ئاللا بۇرۇن كىشىلەر بىلەن تولۇپ بولغان ئىكەن، ئاران دىگەندە بىر چەتتىن بىر ئورۇن تېپىپ ئولتۇردۇم . بۇ چاغدا كىرىدىغان كىشىلەر تېخىمۇ كۆپەيگىلى تۇردى ، باشقا جايدىن ئورۇندۇق يۆتكەپ چىقىلدى، بىراق ئورۇندۇق يەنىلا يىتىشمىدى. پەمىمچە 150 چە كىشى ئۆرە تۇرۇپ لېكسىيە ئاڭلاشقا مەجبۇر بولدى ، ئارقامغا شۇنچە قاراپ بىرەر ياشانغان كىشىمىزگە ئورۇن بىرەي دەپ ئويلىدىميۇ بىراق ، بىر چەتتە بولغاچقا ئارقامدىكىلەرنىڭ كۆپىنچىسى ياشلار بولۇپ مۇۋاپىق كىشى تېپىلمىدى.
گۈلەن ئەپەندى سالامدىن كىيىن ئەڭ باشتا تەربىيلەش مەركىزىدىكى مۇقىم ئوقۇتقۇچىلارنى تونۇشتۇرۇپ ئۆتتى. ئۇلارنىڭ ھەمىمىسى دىگۈدەك داڭلىق ئالى مەكتەپلەرنى ياكى رايونىمىزدىكى پېداگوگىكا ئۇنۋېرىستىتلىرىنى پۈتتۈرگەنلەر ئىكەن . ئۇلارنىڭ كۆپىنچىسى قىز- ئاياللار بولۇپ كىيىنىش ۋە يۇرۈش - تۇرىشىدىن ئىمان -ئىتتىقادلىقلىقى بىلىنىپ تۇراتتى، ئۇلارنىڭ چىرايىدىن ئۆزىگە ئېشىنىش ۋە جۇشقۇنلۇق نۇرى بالقىيتى . ئاخىرى بۇ قەدەم باسقۇچلارمۇ تۈگەپ ، لېكسىيە باشلاندى.
لېكسىيە پەرزەنت تەربىيىسىنى ئاساس قىلغان ، مائارىپ ،ئانا تىل ،ئىتىقاد ، ئىجتىمائىي ئەخلاقنى چۆرىدىگەن ھالدا ئەتراپلىق سۆزلەندى ( بۇ يەرە تەپسىلى سۆزلەپ ئولتۇرماي، بەلكىم سىن ھۆجىتى تارقىلىشى مومكىن ) .
ئاخىرىدا سۇئال سوراش باسقۇچىغا كىردى. سۇئاللارنىڭ كۆپىنچىسى ھازىرقى مائارىپ ئەھۋالىمىز ھەققىدە بولدى. گۈلەن ئەپەندىنىڭ سۇئاللارغا جاۋاب بىرىشتىكى جاسارىتىگە ۋە پاراسىتىگە يەنە بىر قېتىم قايىل بولدۇم ، ھەر قېتىملىق جاۋاب ئاخىرلاشقاندا زال ئىچى گۈلدىراس ئالقىشقا تولدى.
ئارلىقتا بىر كىشى ‹‹مائارىپىمىزنىڭ كەلگۈسى قانداق بولىدۇ ؟›› دەپ بىر سۇئال سورىدى، گۈلەن ئەپەندى كۈلۈپ كىتىپ:‹‹ بۇ ئالامەت چوڭ بىر سۇئال بولدى ، بۇنى مەندىن ئەمەس نۇر بەكىرىدىن سورىساق توغرا بولاتتى›› دىگەندە زال ئىچى تىمتاسلىققى تولدى. ئۇ ئۇلاپلا ئوبرازلىق قىلىپ:‹‹ بىز بىر پويىزغا ئولتۇرۇپ قانداقتۇر بىر تەرەپلەرگە كىتىۋاتىمىز ، بۇ پويىزنىڭ رولى سىزنىڭ ياكى مىنىڭ قولۇمدا ئەمەس، بىزنىڭ قىلالايدىغىنىمىز بىر بىرىمىزگە ، پەرزەنىتلىرىمىزگە ئىگە بولۇش، ھەم قۇرۇق قاخشاۋەرمەي قانۇن بويىچە ئۆز ھوقۇق -مەنپەتىمىزنى قوغداش، ھوقۇق سەدىقە قىلىنىدىغان ياكى باشقىلار بېرىلىدىغان نەرسە ئەمەس ، بەلكى تارتىپ ئالىدىغان نەرسە. بىزنىڭ مائارىپنى نازارەت قىلىدىغان ۋە ئۇنىڭغا تەسىر كۆرسىتىدىغان ھوقۇقىمىز بولغاندا مائارىپىمىزنىڭ كەلگۈسىدىن ئۈمىد كۈتكىلى بولىدۇ... ›› دېگەندەك مەزمۇندا جاۋاب قايتۇرغاندا زالنى يەنە بىر قېتىم گۈلدىراس ئالقىش ساداسى قاپلىدى .
بۇ جەرياندا گۈلەن ئەپەندى باغداش تورى ۋە ‹‹ ئانا تىل يەسلىسى قۇرۇش يولىدا›› دېگەن تىمىنى تىلغا ئېلىپ ئۆتتى. سۇئاللارنىڭ ئايىقى ئۈزۈلمىدى . گۈلەن ئەپەندى چۈش بولۇپ قالغانلىقىنى ئېيتىپ ، ئۆزۈرە سوراپ ، لېكسىيىنىڭ ئاياقلاشقانلىقىنى ئىلان قىلدى. گادىرماچ خىياللار ئىلكىدە زالدىن ئايرىلدىم، قاياققا كىتىۋاتقىنىمنى ئۆزۈممۇ بىلمەيتىم ، پەقەت قۇلاق تۈۋىمدە گۈلەن ئەپەندىنىڭ ئاۋازى جاراڭلايتى... |
|