(ئەلسۆيەر) سىز قانداق زىيالى؟

sadik86

مەن دېگەن 30 مىڭ پارچىغا يېقىن  كىتاب ئوقۇپ بولغان زات ئەسەت سۇلايمان ئەمەس.

abaytarim

بۇ ماقالىنىڭ مەزمۇنى ماڭا « بىلىم كۈچ » ژورنىلىنىڭ 2013-1-سانىدىكى غەيرەتجان ئوسمان بىلىكيارنىڭ ماقالىسىنى ئەسلەتتى . ئاساسى مەزمۇنى بەكلا ئوخشايدىكەن . ماۋزۇسى « كىلاسسىك مەنىدىكى تەدرىجى تەرەققىيات نەزەرىيىسىنىڭ ۋاقتى ئۆتتىمۇ » .

sadik86

بۇ يازمىنى يېزىشىمغا دەل غەيرەتجان ئوسمان بىلىكيار ئاكام تۈرتكە بولغان. سىز تىلغا ئالغان  « كىلاسسىك مەنىدىكى تەدرىجى تەرەققىيات نەزەرىيىسىنىڭ ۋاقتى ئۆتتىمۇ » ناملىق ماقالىنى مەن تېخى ئوقۇپ باقماپتىمەن، ئەمدى كۆرۈپ باقاي! 30 مىڭ پارچىگە يېقىن كىتاب ئوقۇب بولغان كىشىمۇ دەل بىلكيار ئاكامدۇر.

amruli

      قېرىنداشلىرىم   ئوقىغان ئادەمنىڭ ھەممىسىنى زىيالى دەپ ئاتايدىغان دەۋر كەتتى .
ھەرقانداق ئىشتا خەلق ئالدىدا مانا مەن دەپ  مەسئۇليەت ،مەجبۇريەت ،بۇرچ تۇيغۇسى بىلەن  خەلقنىڭ قايغۇ -ئەلەملىرى ئالدىدا بېشىنى  ياقىنىڭ ئىچىگە تىقىۋالمايدىغان ،تام ياقىلاپ غىپىلداپ ماڭمايدىغان  ئادەم زىيالى بولۇشقا لايىق  ،نەپسىنىڭ قۇلى بولغان مائاشى بىر كۈن كېچىكىپ قالسا  ئولتۇرالماي قالىدىغان  دوقمۇشتىن كىرمەي قىز-ئاياللارغا سەت قاراپ ۋاقىتنى ھارام ئۆتكۈزدىغان  ئادەم بۇ نامغا لايىق ئەمەس .........زىيالى خەلق ئۈچۈن  جاپاغا ،خەتەرگە  تەۋەككۈل قىلالىشى كېرەك  بولمىسا ئۇ   يەنىلا بۇ نامغا لايىق  ئەمەس .................

dinar

بۇ مەزمۇن 14قەۋەتتىكى amruliدە2013-01-25 18:35يوللىغان يازمىسىغا نەقىل :
      قېرىنداشلىرىم   ئوقىغان ئادەمنىڭ ھەممىسىنى زىيالى دەپ ئاتايدىغان دەۋر كەتتى .
ھەرقانداق ئىشتا خەلق ئالدىدا مانا مەن دەپ  مەسئۇليەت ،مەجبۇريەت ،بۇرچ تۇيغۇسى بىلەن  خەلقنىڭ قايغۇ -ئەلەملىرى ئالدىدا بېشىنى  ياقىنىڭ ئىچىگە تىقىۋالمايدىغان ،تام ياقىلاپ غىپىلداپ ماڭمايدىغان  ئادەم زىيالى بولۇشقا لايىق  نەپسى نىڭ قۇلى بولغان مائاشى بىر كۈن كېچىكىپ قالسا  ئولتۇرالماي قالىدىغان  دوقمۇشتىن كىرمەي قىز-ئاياللارغا سەت قاراپ ۋاقىتنى ھارام ئۆتكۈزدىغان  ئادەم بۇ نامغا لايىق ئەمەس .........زىيالى خەلق ئۈچۈن  جاپاغا ،خەتەرگە  تەۋەككۈل قىلالىشى كېرەك  بولمىسا ئۇ    بىر    نېمە ئەمەس .................  

دېگەنلىرىڭىز دەل تۇغرا  مەن  تونىلغان زىيالىمۇ ئەمەس  30مىڭ پارچە كىتاپنىمۇ ئوقۇپ كۇرمىدىم  مېنىڭ ئوقۇغان كىتاپلىرىم ئۇيغۇرچە خەنزۇچە  قازاقچە بولۇپ  كۇپ بۇلسا ھازىرغىچىلىك دەرسلىك كىتاپلارنى قۇشقاندا جىق بولسا  2 مىڭ پارچىدەك چىقامدىكىن  مەن ئۇز بۇرچىمنى مەسۇلىيەت دەپ بىلىمەن شۇڭا  ھەرقانداق ئىش قىلسام  مەسۇلىيەتسىزلىك قىلمايمەن ،    شۇڭا    ھازىر  دەل  مېنىڭ قېشىمغا 2012 يىلى  ئەدىبىياتتا نوبىل مۇكاپىتىغا ئېرىشكەن  دۇلىتىمىزدىكى ئاتاقلىق ئالىم  كېلىپ  ماڭا  مەن  جوڭگۇدىكى  بىردىن بىر  خەلق -ئارالىق مۇكاپات نۇبىل مۇكاپاتىغا ئېرىشكۇچى  مېنى چۇڭ بىلەمسەن دېسە  ،  سەن ماڭا ئۇيغۇرچە سۇزلە چۇنكى مەن  ئۇيغۇر  بۇ يەر  شىنجاڭ ئۇيغۇر ئاپتونۇم رايۇنى دەيمەن  ئۇ  ئۇخشاشلا  سۇزىمنى بىلمەي  ھاڭۋېقىپ تۇرسا  مەن  كۇلۇمسىرەپ تۇرۇپ  ئۇنىڭغا  خەنزۇچە  سەن ئۇيغۇرچە بىلمەمسەن دەيمەن ، ھەم ئۇنىڭغا  مەن نۇبىل مۇكاپاتىغا ئېرىشمىدىم  بىراق مەن ئۇز كەسپىمنى يۇز پىرسەنت  قىزغىن سۇيىمەن ھەم مەن  ئۇز كەسپىمنى  پىشىق  بىلگەندىن سىرت  سېنىڭ تىلىڭنىمۇ مەن بىلىمەن بىراق سەن مېنىڭ تىلىمنى بىلمەيسەن دېيەلەيمەن ھەم سەن ئۇز كەسپىڭدە  ئۇتۇق قازىنىپ نام چىقارساڭ مەنمۇ ئۇز كەسپىمدە  ئۇتۇق قازىنىپ نام چىقىرىۋاتىمەن  سېنىڭ مېنىڭدىن ئارتۇق تەرىپىڭ يوق دەپ ئۇز ئىشىمنى قىلىۋېرىمەن ، مەن ئەجدادىمنىڭ يۇزى تۇكۇلىدىغان  ئىشنى قىلىشتىن ئۇلۇمنى ئارتۇق بىلىمەن ھەم بالامغىمۇ  مىلەتنىڭ يۇزى تۇكۇلىدىغان ، ئۇيغۇر مىلىتىگە  پايدىسى  تەگمەيدىغان ئىشنى قىلىپ  ياشىغاندىن ئۇلۇپ كەتكەن ياقشى دەپ  بالامغا  ھەرقاچان  ۋىجدانلىق بول دەپ تەربىيە  قىلىمەن

tugluq

بۇ مەزمۇنsadik86دە2013-01-25 10:37يوللىغان يازمىسى (ئەلسۆيەر) سىز قانداق زىيالى؟ :

سىز قانداق زىيالى؟

ئەسقەرجان ئەنۋەر ئەلسۆيەر

      مەن تونۇيدىغان بىر ئوقۇتقۇچى بار، ئۇ بارلىقىنى ئىلىم يولىدا ئىزدىنىشكە قاراتقان مۆھتىرەم زىيالى. ئۇنىڭ ئۆيىدە ئۇيغۇرچە، خەنزۇچە، ئىنگىلىزچە يېزىقتىكى 30 مىڭ پارچىدىن ئارتۇق كىتاب بار، ئۇ بۇ كىتابلارنىڭ كۆپىنچىسىنى ئوقۇپ بولغان. ئۇ ئۆزىدىكى تىنىمسىز تىرىشچانلىق روھى ۋە ئىلىم - پەنگە بولغان پەرۋانە كەبى ئىنتىلىشىغا تايىنىپ ئۈچ نۆۋەت «مەملىكەتلىك مۇنەۋۋەر پەن – تېخنىكا خادىمى» بولۇپ باھالاندى. «ئۇيغۇرچە، خەنزۇچە» يېزىقتىكى تۈرلۈك ژۇرناللاردا ۋە تورلاردا نۇرغۇن ماقالە ئېلان قىلدۇرۇپ، ئۇيغۇر خەلقى ۋە باشقا مىللەت خەلقلىرى ئارىسىدا بەلگىلىك يۈز تاپتى. ئۇنىڭدىكى مول بىلىم ۋە ئىلغار ئىدىيەگە ئادەمنىڭ مەستلىكى كېلىدۇ. بەزىدە بۇ زىيالىنى ئەتراپىمىزدىكى باشقا زىيالىلارغا سېلىشتۇرۇپ قالىمەن. ئەتراپىمىزدا شۇنداق زىيالىلىرىمىزمۇ باركى، پاراڭلىشىپ قالساق، خەنزۇچە ياكى ئېنگىلىچە يېزىقتىكى مەتبۇئاتلاردا تالاي ماقالىلەرنى ئېلان قىلدۇرۋەتكەنلىكى ھەققىدە چالۋاقايدۇ، بىراق بىز ئۇنىڭدىن ئەسلا خەۋەرسىز، چۈنكى ئۇلار بىلىمىنى ئۆز قەۋىمى بىلەن ئورتاقلاشتۇرۇشنى ئۇنتۇپ قالغان.
     مۇنداقچە ئېيىتقاندا، مۇبادا ھېيىت بولۇپ قالسا، ئالدى بىلەن قوشنىلىرىمىزنىڭ ئۆيلىرىنى ھېيىتلايمىز، ئاندىن يىراققا بارىمىز. بىراق ئاشۇ ئاتالمىش پىروفسسور، تەتقىقاتچىلىرىمىزچۇ، ئۆزىدىكى بىلىملەرنى ماقالە شەكلىدە ئانا تىل - يېزىقىدىكى بىرەر تۈرلۈك گېزىت - ژۇرنالدا ئاي – يىللاپ ئېلان قىلمايدۇ. جەمئىيەتتە ئۆز نەتىجىلىرى توغرىسىدا ئانا تىلىدا بىرەر مەيدان لېكىسىيە سۆزلىمەيدۇ. قىسقىسى ئۆز بىلىمىنى ئاۋام بىلەن ئورتاقلىشىشقا سەل قارايدۇ. بۇنداقلار بىلەن ئەكسىچە يول تۇتۇۋاتقان زىيالىلارغا خەلقىمىز قەلب تۆرىدىن ئورۇن بەرمەكتە.
.......  

تۇركىيەنىڭ قارشىسىدا ئامىرىكىدا گۇلەن باشچىلىغىدا ئىلمى ئىسلام تەرەپدارلىرى بار.چىقىش نۇقتا يەرشارىلاشتۇرۇش.ۋۇجۇدىدا مىللىتى ۋە دولىتى يوق ئىنسان بولۇش ئىدى. سىز بۇ يەردە ئىلمى مۇناپىقلىق سەپسەتىسىسىنى باشلاپ قالدىڭىزمۇ قانداق.ھازىر ئاتالمىش مەدەنىيەت تارقىتىش شىركىتى دەيدىغان شىركەتلەر بارلىغىى ۋە ئۇلارنىڭ بەزى غالچىلارنى ئۆزلۇكنىڭ قارشىسىغا،تۇركىيەنى تىللاشقا ،دۇمباق چېلىشقا ياللىغانلىغىدىن ئانچە مۇنچە خەۋەرلەر بار.ھەر ھالدا دىققەت قىلىڭ.

karmuz

قاقشىمايلى دەپ تۇرۇپ قاقشاپ سالىمىز بىز،

huxruy

بۇ تېمىنى كۆرۈپ ئەلىشىر نەۋائىنىڭ < ئىلىم ئوقۇپ قىلمىغان ئەمەل مەقبۇل ،
                                                   دانە ساچىپ كۈرتەمەدى مەھسۇل  . >
دېگەن سۆزى يادىمغا كەلدى ، مەيلى قانداق زىيالى بولسۇن ، ئۆگەنگەن بىلىمىنى خەلق ئۈچۈن خىزمەت قىلدۇرالىغاندىلا ئاندىن  ئۆزىنىڭ ھەقىقى بۇرچىنى تولۇق ئادا قىلالىغان بولىدۇ .