- تىزىملاتقان
- 2012-9-5
- ئاخىرقى قېتىم
- 2013-9-13
- ھوقۇقى
- 1
- جۇغلانما
- 4236
- نادىر
- 1
- يازما
- 200
ئۆسۈش
74.53%
|
خەلقئارا ئانا تىل كۈنىگە سوۋغا
ئەسسىالامۇ-ئەلەيكۇم،جامەئەت،بۈگۈن ئاللاھ خالىسا 2013-يىلى2-ئاينىڭ21-كۈنى،يەنى،خەلقئارا ئانا تىل كۈنى،نۇرغۇن جايلاردا بۇ كۈننى خاتىرلەش يۈزسىدىن ھەرخىل پائالىيەتلەر ئۆتكۈزۈلدى.جۈملىدىن،بىزنىڭ ئىلى دىيارىمىزدىمۇ كۆپلىگەن پائالىيەتلەر ئېلىپ بېرىلدى،بۇ توغرىسىدا تۆۋەندىكى تېمىنى تەۋسىيە قىلىمەن.
./read.php?tid=15470
بۈگۈن چۈشلۈك دەم ئېلىشىمدا،ئايالىم ئىككىمىز غۇلجا شەھەرلىك ئەلچۈن كىتابخانىسى،ئەل مىراس كىتابخانىسى،بىلال نازىم كىتابخانىسى قاتارلىق ئۈچ كىتابخانىغا كىرىپ چىقتۇق،ھەقىقەتەنمۇ بۇ كىتابخانىلار بۈگۈنكى كۈننى خاتىرلەش ئۈچۈن، ئوقۇرمەنلەرگە قارىتا ھەقىقىي ياخشى پائالىيەتلەرنى ئوتتۇرغا قويۇپتۇ،كۆڭلىمىز شۇنداق خوش بولۇپ قالدى،ئەلچۈن كىتابخانىسى پەقەت كىتابخانىغا قەدەم قويغانلىكى ئادەم بولسا،ئىشىكنىڭ ئۇدۇلىغا تىزىپ قويغان ئېلىپبە كىتابلىرىدىن بىرنى سوۋغا قىلىدىكەن،ئەلۋەتتە،كىتاب ئېلىش-ئالماسلىقىدىن قەتئىي نەزەر.شۇنداقتىمۇ كىتابتىن بىرنى ئالغاچ،ئەمدىلا <دادا >دەپ تىلى چىققان ئوغلۇم بابۇر ئۈچۈن ئېلىپبە ۋە چاپلىما ھەرپلەر چۈشەندۈرمىسىدىنمۇ بىرنەچچىنى ئېلىۋالدۇق،ئاندىن ئەل مىراس كىتابخانىسى،بىلال نازىم كىتابخانىسى قاتارلىق كىتابخانىلاردىنمۇ ئېتىۋار باھادا خېلى كۆپ كىتاب سېتىۋالدۇق،دىلىمىز سۆيۈندى،ئانا تىلىمىزغا بولغان مۇھەببىتىمىز تېخىمۇ ئاشتى،ئۇيغۇر ئوغلى ۋە ئۇيغۇر قىزى بولغانلىقىمىزدىن چەكسىز پەخىرلىنىشتۇق، ياشا ئۇيغۇرۇم!ياشا ئۇيغۇر تىلىم!
مۇشۇ مۇناسىۋەت بىلەن يۇقارقى ئورۇنلارنىڭ مەسئۇللىرىغا رەھمەت ئېيتىش بىلەن بىرگە،ئۇلارنىڭ ئىشلىرىغا ئۇتۇق،ئائىلىسىگە خاتىرجەملىك،تېنىگە سالامەتلىك تىلەيمەن.
ئېلىپبەنى كۆرۈپ.بىزنىڭ ۋاقىتلىرىمىزدىكى ئېلىپبەدىن خېلىلا پەرقلىق ئىكەنلىكىنى ھېس قىلدىم،شۇنداقتىمۇ تۆۋەندىكىدەك بىر نەچچە مەزمۇن ساقلىنىپ قاپتۇ.بۇلارنى كۆرۈپ،شۇ غۇبارسىز ۋاقىتلىرىم ئېسىمگە كېلىپ قالدى،مانا كۆرۈڭلار،سىلەرنىڭمۇ يادىڭلارغا شۇ ۋاقىتلار يېتىپ،بۇرنۇڭلارغا ئۆچۈرگۈچ ۋە قېرىنداشنىڭ پۇرىقى پۇراپ قالسا ئەجەپ ئەمەس:
1.ئۆستەڭگە قويۇلغان يالغۇز ئاياغ كۆۋرۈكنىڭ ئىككى تەرىپىدىن ئاق ئۆچكە بىلەن قارا ئۆچكە تەڭلا كېلىپ قاپتۇ.
--سەن توختاپ تۇر،ئاۋۋال مەن ئۆتۈۋالاي،--دەپتۇ قارا ئۆچكە.
--ياق،سەن توختاپ تۇرغىن،مەن ئۆتۈۋالاي،--دەپتۇ ئاق ئۆچكە. قارا ئۆچكە:
--ياق،ئاۋۋال مەن ئۆتىمەن!دەپتۇ.ئاق ئۆچكە:
--نېمە ئۈچۈن سەن ئۆتەتتىڭ!؟مەن ئۆتىمەن!--دەپتۇ.
--مەن ساڭا ھەرگىز يول بەرمەيمەن!--دەپتۇ قارا ئۆچكە.
شۇنداق قىلىپ ئۇلار ئۈسۈشۈشكە باشلاپتۇ.ئۈسۈشە-ئۈسۈشە مۈڭگۈزلىرى كىرىشىپ قاپتۇ. ئاخىر ئىككىسى تەڭلا سۇغا موللاق ئېتىپتۇ.
2. چىك-چىك
چىك،چىك،چىك،
ئويغان بالىجان.
تەييارلىدى چاي،
ساڭا ئانىجان.
چىك،چىك،چىك،
مەكتەپكە يول ئال.
تىرىشىپ ئۆگەن،
ئۇستاز سۆزى بال.
ئاھ،شۇ غۇبارسىز،غەمسىز ۋاقىتلار! مېنىڭ بالىلىقىم! ھەي بالىلار كېلىڭلار تېز،كېلىڭلار تېز،كېلىڭلار تېز،.............مەن كېتەي سىلەر بىلەن ئوينىغىلى.............. |
|