ئۇيغۇر ئەزىمىتىمىز بارى نىمىشقا مۇسابىقىگە قاتناشتۇرۇلمايدۇ؟
بۇگۈن 2013-يىلى 2-ئاينىڭ 26-كۈنى چۈشتىن كىيىن سائەت 18:20 ئۆتكەندە ئاسىيا لوڭقىسى ئا دەرىجىلىكلەر تاللاش مۇسابىقىسى سىئولدا ئۆتكۈزۈلدى.مۇسابىقىگە جۇڭگو كوماندىسىدىن ئۇيغۇر پۇتبۇل ئەزىمىتىمىز بارى توپ تىپىۋاتقان جىياڭسۇ شۈنتىيەن كوماندىسى بىلەن كۆرىيە سىئول ف س كوماندىسى ئوتتۇرسىدا ئىلىپ بىرىلدى.تۇنۇگۈن ئەزىمىتىمىزنىڭ مۇسابىقىسى ئۆتكۈزىلىدىغانلىق خەۋىرىنى بىلىپ بۇگۈن چۈشتىن كىيىن تەقەززالىق بىلەن ئىشلىرىمنى تاشلاپ قويۇپ مۇسابىقە كۆردۇم.پۇتكۇل مۇسابىقە جەريانىدا ئەزىمىتىمىزنىڭ جەسۇرانە ھالىتىنى قارشى تەرەپكە بىسىم كەلتۇرۇپ ھالسىرتىپ قويغان،ئارقا - ئارقىدىن توپ كىرگۈزگەن ھالىتىنى كۆرۇشنى تەقەززالىق بىلەن كۈتۈپ شۇنچە ئازاپلىق مۇسابىقىنى ئاخىرى ئاخىرلاشتۇردۇم.
مۇسابىقە باشلنىپ تاكى ئاياغلاشقۇچە بارىنىڭ مەيدانغا چۇشمىگەنلىكىدىن ھەم ئاچچىقىم كەلدى ھەم مەندە نۇرغۇنلىغان سۇئاللارنى پەيدا قىلدى.مەيدانغا چۇشكەن ماھىرلارنىڭ شۇ قەدەر جانسىز،ماغدۇرسىزلىقىدىن مەن شۇنچە ئۇمۇتسىزلەنگەنسىرى بارىنىڭ مەيدانغا چۇشۇپ كەيپياتنى جانلاندۇرىشىنى تۆت كۆز بىلەن كۈتتۇم .ئەپسۇس كۈتكەنلىرىمنى مۇسابىقە ئاخىرلاشقۇچە كۆرەلمىدىم.
بۇ مۇسابىقە شۇنچىلىك ئىچىنىشلىق ئاخىرلاشتىكى كۆرىيە سئول ف س كوماندىسى ئارقىمۇ-ئارقا 5 تۆپ كىرگۈزۈپ دۆلىتىمىز كوماندىسىنى بىراقلا چۇشكۈنلەشتۇرۋەتتى.ھىلىمۇ تەتۇر پىشانىلەر ئەمەسكەن.ۋارتانىڭ بىخەستىلىكىدىن قارشى تەرەپ ۋارتاسىغا بىر توپ كىرگۈزۈپ سالدى.شۇنىڭ بىلەن مۇسابىقە 5_0 نەتىجە بىلەن ئاياغلاشتى.
ئەزەلدىن جۇڭگۇ كوماندىسىنىڭ ھەرقانداق مۇسابىقىسىنى كۆرمەيىتتىم،كۆرسەملە جىلە بولۇپ بىئاراملىق ئىچىدە ئولتۇرالمايلا قالاتتىم.لىكىن بۇ قىتىم بارىنىڭ مەيدانغا چۈشۈپ قىلىشىدىن ئىبارەت ئازراق ئۈمۈد بولغاچقىمىكىن چىداپ ئاخىرغىچە كۆردۇم.
لىكىن نىمىشقا تىرىنىر بارىنى مۇسابىقىگە چۈشۈرمەيدۇ؟ بۇ مەندە باشتىن ئاياغ سۇئال پىتى قىلىۋەردى.بىزنىڭ ئەزىمەتلىرىمىزگە ئەنە شۇنداق خەلقئارالىق سەھىنىلەر تىخىمۇ موھىم ئىدى ئەمەسمۇ.بۇ سۇئالىمغا جاۋاپ ئالالمايدىغانلىقىمنى بىلسەممۇ،لىكىن پۇتبۇلغا ھەۋەس قىلىدىغان دوستلارنىڭ ئۆز-ئارا پىكىر ئالماشتۇرۇپ بىقىشىنى ئۈمۈد قىلىمەن..بىزنىڭ ئەزىمەتلىرىمىز نىمە ئۈچۈن دائىم ئىچىنىشلىق تەقدىرگە دۇچار بولىدۇ؟مەسىلىگە ئىلمى يۇسۇندا مۇنازىرە بىلەن جاۋاپ بىرىشىڭلارنى ئۈمۈد قىلىمەن. |