- تىزىملاتقان
- 2011-10-28
- ئاخىرقى قېتىم
- 2014-4-1
- ھوقۇقى
- 1
- جۇغلانما
- 14760
- نادىر
- 0
- يازما
- 1327
ئۆسۈش
11.9%
|
ئامېرىكا بىلەن ئىسرائىلىيە ئېرانغا قۇرال كۈچى ئىشلەتمەكچى
ئېراننىڭ كۈنسايىن تېزلىشىۋاتقان ئۇران قۇيۇلدۇرۇش ھەرىكىتى ئالدىدا ، ئىسرائىلىيە زۇڭلىسى نىتانىياخۇ ئاگاھلاندۇرۇپ : تېھراننىڭ يادرو پىلانى «يادرو ئاگاھلاندۇرۇش سىزىقى»دىن ھالقىپ كەتكۈلىۋاتىدۇ ، دېدى .
نىتانىياخۇ ئېروسالىمدا تۇرۇپ سۈنئىي ھەمراھ سىگنالى ئارقىلىق بۇ سۆزلەرنى ئېيتقان بولۇپ ، بۇ ئارقىلىق چوڭ دۆلەتلەرنىڭ ئېرانغا ئىشلەتكەن چەكلەش تەدبىرلىرىنىڭ ئۈنۈملۈك بولمىغانلىقىغا نارازىلىق بىلدۈرگەن .
ئالدىنقى ئايدىكى ئېران يادرو سۆھبىتى نەتىجىسىز ئاياغلاشقاندىن كېيىن ، نىتانىياخۇنىڭ بۇ سۆزى ئىسرائىلىيىنىڭ ئېرانغا تېخىمۇ كۈچلۈك بولغان ھەربىي تەھتىد سېلىش ئىستىكىنىڭ بارلىقىنى ئىپادىلەپ بەردى .
نىتانىياخۇ يەنە : ئېران قۇيۇلدۇرۇپ چىققان ئۇران كۈنسايىن كۆپىيىۋاتىدۇ ، بىز چوقۇم ئۇلارنىڭ قۇيۇلدۇرۇش ھەرىكىتىنى توسۇشىمىز كېرەك ، بولمىسا پۇرسەت كېتىپ قالىدۇ . ئېراننىڭ چوڭ دۆلەتلەر بىلەن ئۆتكۈزگەن يادرو سۆھبىتى ئەمەلىيەتتە پۈتۈنلەي ۋاقىتنى سوزۇش ئۈچۈن ، ئۇلار بۇ ئارقىلىق ئۆزلىرىنىڭ ئۇران قۇيۇلدۇرۇشىغا ۋاقىت چىقىرىۋاتىدۇ ، دېدى . ئۇ يەنە : ئېران رەھبەرلىرى خەلقئارا جەمىئەت مەيلى قانداقلا بېسىم ئىشلەتمىسۇن ، چىشىنى چىشلەپ يادرو پىلانىنى تەرەققى قىلدۇرماقچى ، گەرچە ئېران ب د ت بۇلتۇر بېكىتكەن « يادرو ئاگاھلاندۇرۇش سىزىقى» دىن ھالقىپ كەتمىگەن بولسىمۇ ، لىكىن خەلقئارا جەمىئەت بېسىمنى كۈچەيتمەيدىكەن ، ئۇلار چوقۇم تېز سۈرئەتتە بۇ سىزىقتىن ئۆتۈپ كېتىدۇ ، دېدى .
ئۇنىڭ دەۋاتقان« يادرو ئاگاھلاندۇرۇش سىزىقى» ئېراننىڭ يادرو قورالى ياسىيالىغۇدەك ئىقتىدارغا ئىگە بولغان ۋاقتىدىن ئىبارەت .
ئۇ كېيىنكى ئايدا ئامېرىكا زۇڭتۇڭى ئوباما بىلەن سۆھبەتلىشىدىغانلىقىنى بىلدۈرگەن بولۇپ ، ئەگەر دىپلوماتىيە ۋە چەكلەش تەدبىرلىرى ئېرانغا كار قىلمىسا ، ھەربىي كۈچ ئىشلىتىش ئېھتىماللىقىنىمۇ نەزەردىن ساقىت قىلغىلى بولمايدىغانلىقىنى ئېيتقان .
ئىگىلىنىشىچە ، ئوباما نىتانىياخۇ بىلەن كۆرۈشۈشـتىن بۇرۇن ، مۇئاۋېن زۇڭتۇڭ بېدىننى ئامېرىكا-ئىسرائىلىيە ئورتاق ئىشلار كومىتىتىنىڭ يىغىنىغا ئەۋەتىش ئارقىلىق ، ئىسرائىلىيىنىڭ قوللىغۇچىلىرىنىڭ ئەندىشىسىنى تۈگەتمەكچى بولغان . چۈنكى بۇ كىشىلەر ئىسرائىلىيىنىڭ بۇ قېتىمقى ھۆكۈمىتىنىڭ ئامېرىكا بىلەن بولغان مۇناسىۋىتىنى ئالدىنقى ھۆكۈمەتلەرگە قارىغاندا يىراق دەپ قارايدىكەن ، بېدىن بۇنىڭغا قارىتا : ئىسرائىلىيىنىڭ ھەرىكىتىنىڭ قانۇنلۇقلىقى ۋە بىزنىڭ ئىسرائىلىيىگە بولغان قوللىشىمىزغا گەپ كەتمەيدۇ ، دېگەن .
[رېيتېر ئاگېنتلىقى ۋاشىنگتون 4-مارت تېلگىراممىسى] ئىسرائىلىيە زۇڭلىسى نىتانىياخۇ بۈگۈن : دېپلوماتىيە ۋە چەكلەش تەدبىرلىرىنىڭ ھەممىسى ئېراننىڭ يادرو قارا نىيىتىنى توسىيالمايدىكەن ، بىز ھەربىي تەھتىد سېلىش ئۇسۇلى ئارقىلىق ئېراننىڭ يادرو پىلانىنى توسىمىز ، دېگەن .
ئۇ كۆرۈنمە چاستوتا ئارقىلىق ئامېرىكا-ئىسرائىلىيە ئورتاق ئىشلار كومىتىتىنىڭ يىللىق يىغىنىدا : گەپ سۆزگە تايىنىپلا ئېراننى توسىغىلى بولمايدۇ ، چەكلەش تەدبىرلىرىمۇ ئېرانغا كار قىلمايدۇ ، چوقۇم ئۈنۈملۈك بولغان ھەربىي كۈچ ئىشلىتىشىمىز كېرەك ، دېگەن .
]ئامېرىكا بىرلەشمە ئاگېنتلىقى ۋاشىنگتون 4-مارت تېلگىراممىسى[ ئامېرىكىنىڭ مۇئاۋىن زۇڭتۇڭى بېدىن :ئامېرىكا ئۆز ۋەدىسىدىن ھەرگىز ۋاز كەچمەيدۇ ، ئەگەر بارلىق چارىلەر ئۈنۈمسىز بولىدىكەن ، ئامېرىكا ئېرانغا ھەربىي كۈچ ئىشلىتىدۇ ، دېگەن . ئۇ يەنە : «زۇڭتۇڭ ئوباما بۇ ئىشتا ھەرگىز قۇرۇق جار سالمايدۇ» دىيىش ئارقىلىق ئىسرائىلىيە خەلقى ۋە ئىسرائىلىينىڭ ئامېرىكىدىكى قوللىغۇچىلىرىغا تەسەللىي بەرگەن .
بۇ قېتىم ئوباما ئىسرائىلىيىگە بارسا ئۇنىڭ زۇڭتۇڭ بولغاندىن بۇيان تۇنجى قېتىم ئىسرائىلىيىدە زىيارەتتە بولىشى ھىسابلىنىدىغان بولۇپ ، يولغا چىقىشنىڭ ئالدىنقى كۈنى بېدىن ئىسرائىلىيىنىڭ تەسىرى زور بولغان بىر گورۇھىغا : ئامېرىكا ئېران بىلەن ئۇرۇش قىلىشنى خالىمايتتى ، بىراق ھازىر دىپلوماتىيە يولى تاقىلىپ قاغىلىۋاتىدۇ ، دېگەن .
بېدىن ئامېرىكا-ئىسرائىلىيە ئورتاق ئىشلار كومىتىتىنىڭ يىللىق يىغىنىدا 13 مىڭدىن ئارتۇق ئىسرائىلىيە قوللىغۇچىسىغا نۇتۇق سۆزلەپ ، ئەگەر ئامېرىكا بىلەن ئىسرائىلىيە ئېرانغا مۇۋاپىق بولغان بارلىق چەكلەش تەدبىرلىرىنىڭ ھەممىسىنى ئىشلىتىپ باقمىغان ئەھۋال ئاستىدا قالايمىقان ھەرىكەت قوللانسا ، خەلقئارا جەمىئەت ئالدىدا ئابرويىنىڭ تۆكۈلۈپ كىتىش ئىھتىماللىقىنىڭمۇ بارلىقىنى ئېيتقان . بۇ يەنە بىر تەرەپتىن ئامېرىكىنىڭ يەنىلا ئوتتۇرا شەرق رايونىنىڭ ئۇرۇش پاتقىقىغا پېتىپ قېلىشنى خالىمايدىغانلىقىنى ئەكس ئەتتۈرۈپ بېرىدۇ . |
|