جەرىمانە ئاۋۇپ كەتتى

baburshah

1. ئانا تىل بايرىمى ھارپىسىدا ،  دوسلىرىم بىلەن  قىسقا مەزگىللىك ساياھەتكە ئاتلاندۇق. ئانا تىلغا ھېرىسمەنلىگى بىلەن دائىم  بىزگە ئۈلگە بولىدىغان دوستىمىز سەپەر ئالدىدا  بىر قائىدىنى ئىلان قىلدى : " سەپەر جەريانىدا كىم  ئۇيغۇرچە بولمىغان بىرەر سۆزنى ئارىلاشتۇرۇپ سۆزلىسە 10 سوم جەرىمانە تۆلەيدۇ" .  " بۇ ئاددى ئىشقۇ ، ھەممىمىز ئانا  تىلدا ئوقۇغان ، ئارىلاشتۇرماي سۆزلىيەلەيمىز" ...
2. " شۇفېيزەنگە كىلەي دىدۇق پارچە پۇل تەييارلاڭلار"  ، " كىچىك ماشىنىغا 10 كوي ئالىدىكەن"   جەرىمانە تۆلەش شۇنىڭدىن باشلاندى.   ئەڭ ئەۋجىگە چىققان ۋاقتى  تاماقخانىدكى سۆھبەتتە بولدى . تاماقلارنىڭ ئىسمىنى  ساپ ئۇيغۇرچە قىلىپ  "  بىر كىشىلىك ھور گۈرۈچ كەلتۈرۈڭ"  دىدىم كۈتكۈچى قىزغا . "" نىمە دىدىڭىز؟ چۈشەنمىدىم ".  قاراپلا تۇرىدۇ  كۆزلىرىنى پارقىرىتىپ .  "  قېرىنقۇلاق گۆش قورۇمىسى بىلەن  ھور گۈرۈچ  كەلتۈرۈڭ !" يەنە تەكرالىدىم .  چۈشەنمىدى  .  جەرىمانىنى دەپ تاماق يىمەي چىقىپ كەتسەم بولمايدۇدە .  ئاخىرى دۆۋلەت تىلىدا  سۆزلەشكە توغرا كەلدى. " 木耳肉   ， 米饭"   تاماقنى يىمەي تۇرۇپلا چۈشەندۈرۈشكە 50 سوم كەتتى مانا !
3 .باشقا دوسلىرىمنىڭ ھالىمۇ مىنىڭكىدىن ياخشى ئەمەس . بىر دوستۇم " بىر تەخسە  لىغىرداق " دىۋىدى   كۈتكۈچىنىڭ ئەرۋايى ئۇچتى " نىمە ئۇ لىغىرداق  ،بېغىرداق  دىگەن . ئۇيغۇرچە دىسىلە ماندا " دەپ چايۋاقاپلا كەتتى .  " لەڭپۇ  دىدۇق  خېنىم "     ئىككى خەت  جەمئى 20 سوم . يەنە بىرسى قاتكۆك قورۇمىسىنى  چۈشەندۈرەلمەي  "لاڭقا " دەپ تاشلىدى.
جەرىمانىلەر ئاۋۇۋاتىدۇ. پاراڭ قىزىۋاتىدۇ .  ئارىمىزدىكى تىجارەتچى دوستىمىز ھەممىدىن ئەقىللىق چىقتى. ئۇ  قورۇما تىزىملىكىنى  كۆرسىتىپ " ماۋۇنىڭدىن ، ئاۋۇنىڭدىن  " دەپلا  ئىسمىنى دىمەي تامىغىنى بۇيرىتىۋالدى .
4 . شۇنداق قىلىپ بىر نەچچە كۈن ئىچىدە  ئامال بار ساپ ئانا تىلىمىزدا سۆزلەشكە تىرىشىپ ، جەرىمانىنىمۇ ئاۋۇتتۇق ، نۇرغۇنلىغان  ئادەتلەنمىگەن ئاتالغۇللىرىمىزغا  ئادەتلىنىۋالدۇق . ئادەتلىنىۋالغان غەلىتە سۆزلىرىمىزنى ئىشلەتمىدۇق .
5. ئۆيگە قايتقاندىن كىيىن  بۇ ئىشنى ئائىلىدە داۋاملاشتۇردۇق . "جەرىمانە پۇلنى نەگە قويىمىز؟ " دىسە " سۇلىئاۋ خالتا تەييارلا شۇنىڭغا سالىمىز" دەپ  تۇنجى جەرىمانىنى باشلىدىم .
6.گەرچە جەرىمانە ئاۋۇپ كەتكەن بىلەن كۆڭلىمىز خۇشال،روھىمىز كۆتۈرەڭگۈ . چۈنكى بىز ساپ ئانا تىلدا  سۆزلەشكە تىرىشىۋاتاتتۇق !


(توخۇتۇرنىڭ ئابزاس ئايرىش ئۇسۇلىنى دوراپ قويدۇم كەچۈرۈڭلار!)

tokon

ئالامەت ئىش بوپتۇ بۇ ، كېڭەيتىشكە ، كۈندىلىك تۇرمۇشىمىزغا ئېلىپ كىرسەك بولغۇدەك ، دوس - بۇرادەرلەر بىلەن ئارىلاشقاندىمۇ پايدىلانساق بولغۇدەك...ئالامەت ، ۋەھشى ، دەھشەت ،غەزەپ ئىشكەن بۇ .ھا ھاھا..قوللايمىز...

kokboraa

مۇشۇنداق قىلالىساق بەكمۇ ياخشى بولاتتى.

بانكىر

بۇنداق ساپ ئانا تىلىدا سۆزلەشنى، باشقىلارغا تازا ياخشى ئۇقتىرالمىدىممۇ يا ئۇقسمۇ ئىرەن قىلمىدىمۇ بىلمىدىم. ئىشقىىپ دۇكىنىمغا كىرگەن ياش بالىلارغا دەپ باقتىم.

ئوغوللار سەل ئاڭلىغان، چۈشەنگەن ئىپادىدە، ( قارىشى ئىددىيە يوق)
قىزلاردا:   چۈشەنسىمۇ جاھىللىق بار           ( قارىشى ئىددىيدە )

padqi

ياخشى باشلىنىش . قولايمەن

iltebir107

ئوقۇ-ئوقۇتۇش تىلىدىن ئايرىلغان تىلنىڭ ھاياتى كۈچى بولمايدۇ.

kemput

بەك ئەھمىيەتلىك ئىش قىپسىلەر. ئاڭلىغان ئادەمنىڭ زوقى كەلگۈدەك تىرىشچانلىق ئىكەن. بۇنداق ئادەتلەرنى يېتىلدۈرسەك  ئائىلە كەيپىياتىمۇ بەك يېقىملىق بولىدۇ دەپ ئويلايمەن. ئۆتكەندەئۈرۈمچىدىكى بىر تۇققىنىمىزنىڭ ئۆيىگە بېرىپ ئۇلارنىڭ 10ياشلىق ئوغلى ۋە 7ياشلىق قىزىنىڭ تاتلىق گەپلىرىگە قۇلاق سېىلىپ ئولتۇرۇپ ھەيرانلىق ھېس قىلدىم. چۈنكى خەنزۇ مەكتەپتە ئوقۇيدىغان بۇ بالىلارنىڭ سۆزلىرىگە بىر ئېغىزمۇ خەنزۇچە ئارلىشىپ قالمايتتى. سۆز ئارلىقىدا بەزەن _بەزەن قىسقىلا توختاپ بىزگە ھازىر بەك ئومۇملىشىپ كەتكەن بەزى  خەنزۇچە سۆزلەرنىڭ ئۇيغۇرچىسىنى ئويلىشىپ ئاندىن دەۋاتقانلىقىنى بايقاپ قالدىم. ئاچا ئەمدى تېلىۋۇزۇركۆرەيلى؛ئاپامنىڭ تېلفۇنىدا توك قالماپتۇ، توك قاچىلىغۇچ نەدىدۇ؛ئاچا ماڭا ھەربىي سېرىق رەڭ چاپىنىمنى ئەپ بېرىڭە دېگەندەك سۆزلىرى قۇلىقىمغا باشقىچە يېقىملىق ئاڭلانغاچقا ھازىرغىچە ئېسىمدە تۇرۇپتۇ. «سىلەر ئەجەپ خەنزۇچە سۆز ئارلاشتۇرمايدىكەنسىلەر ھە ؟»دېگەن سۇئالىمغا 7ياشلىق قىز كۆزلىرىنى يوغان ئېچىپ مۇنداق جاۋاب بەردى:« ئۆيدە بىر خەنزۇچە گەپ قىلساق ئۆزىمىزنىڭ ئاغزىغا بىرنى ئۇرىمىز. قاراڭ مۇنداق»ئۇ شۇنداق دېگەچ ئاغزىغا يېنىك بىرنى ئۇرۇپ كۈلۈپ كېتىۋىدى ھەممىمىز ئۇنىڭغا ئەگىشىپ كۈلۈپ كەتتۇق. ئۇنىڭ ئاتا-ئانىسىنىڭ يۈكسەك مەسئۇلىيەت تۇيغۇسىغا ئىگە بۇ ئائىلە تۈزۈمىنى تۈزگەنلىكى ۋە شۇنچە يۇقىرى ئۈنۈمگە ئېرىشكەنلىكىگە قايىل بولدۇم.

budunya

ياخشى ساياھەت بوپتۇ ..ھەم شۇنداق كۆڭۈللۈك....بۇجەرىمانە قوللۇنۇش ياخشىكەن ...