قىزىلسۇچە(يېڭى، مودا ناخشا)

gadankax

قىزىلسۇچە(سىز بۇرۇن قەتئىي ئاڭلىمىغان ناخشا بولىشى مۇمكىن)
ياخشىمۇسىلەر تورداشلار. بەلكىم تورداشلار سىلەر ئاتۇشچە دېگەن ناخشىنى ئاڭلىغان بولىشىڭلار مۇمكىن بىراق قىزىلسۇچە دېگەن ناخشىدىن خەۋېرىڭلار بولىشى ناتايىن. بۇ ناخشىنىڭ ‹‹تېكىست››ىنى يازغۇچى قىزىلسۇ قىرغىز ئاپتونوم ئوبلاستلىق ھۆكۈمەت. بۇ ناخشىنىڭ تېكىستى ماڭا تازا يارىمىغاچقا مەن سىلەرگە  يەتكۈزدىم. ئاكورتلاشتۇرۇپ نوتىغا سالامسىلەر ياكى كۆرۈپلا قويۇمسىلەر ئەلۋەتتە، ئىختىيارىڭلار.

    ئالاھىدە ئەسكەرتىش: ئىنكاس يوللىغۇچىلار ئەقىل بىلەن يازغايسىلەر. يەنە ھېلىقى بىر خىزمەت كۆرسىتىپ تۆھپە يارىتىش ئۈچۈن ئارانلا تۇرغانلار مېنىڭ بۇ تېمامنى - ‹‹موللامنىڭ ئېشىكىنى قىخ دېسىمۇ گۇناھ، پۇرشششششششششششش دېسىمۇ گۇناھ››، كاتېگۇرىيىسىگە سېلىۋالمىغايسىلەر. تەپەككۇرىڭىزنى ئىتتىپاقلىق، ئىناقلىق، تەرەققىيات، ئادالەت يوللىرىدا جارى قىلدۇرغايسىز.                                       

ئەسسەلامۇ ئەلەيكۇم

    قىزىلسۇ قىرغىز ئاپتونۇم ئوبلاستلىق ھۆكۈمەت تەخمىنەن 7 يىل ئاۋال چىقارغان بىر ‹‹يەرلىك ھۆججەت››تە -پارتىيە ئەزالىرى، دۆلەت كادىر، خىزمەتچىللىرى، دۆلەت تەمىناتىدىن بەھرىمان بولىدىغانلار، كارخانا خادىملىرى، 3 پىشقەدەملەر، سىتۇدېنتلار، 18 ياشتىن تۆۋەنلەر...دىن سېرت يەنە -‹‹بىۋاستە تۇغقانلىرى ياكى پەرزەنتلىرى كادىر بولغان كىشىلەرنىڭ ھەج تاۋاپ سەپىرىگە بېرىشىغا بولمايدۇ››، سىياسىتى ئىزچىل يولغا قويۇلۇپ كېلىۋاتقاچقا ئاتۇش تەۋەسىدىكى بىۋاستە تۇغقانلىرى ياكى پەرزەنتلىرى كادىر بولغان مۇسۇلمانلارنىڭ باشقا ھەممە شارائىتى تولۇق بولسىمۇ بىۋاستە تۇغقىنى ياكى پەرزەنتىنى ئالىي بىلىم يۇرتلىرىدا ئوقۇتۇپ، ‹‹كادىر›› قىلىپ يىتىشتۈرىشى يۇقارقى ‹‹يەرلىك سىياسەت››كە ‹‹خىلاپ›› كىلىپ، ھەر مىللەت مۇسۇلمانلارنىڭ ئۆمرىدە بىر قىتىم پەرھىز بولغان مەككە مۇكەرەمگە بىرىپ ھەج تاۋاپ سەپىرىگە بېرىشى چەكلىمىگە ئۇچرىماقتا. بۇ ‹‹يەرلىك سىياسەت››  ئاتۇشتا 7 يىلدىن بىرى ھەر مىللەت كەڭ مۇسۇلمانلارنىڭ قاتتىق نارازىلىقىنى قوزغاپ كەلمەكتە. ھەتتا بۇ ‹‹يەرلىك سىياسەت›› سەۋەپلىك قىسمەن مۇقىمسىزلىق ئەھۋاللىرىمۇ ئاندا-ساندا يۈز بەرمەكتە.  -دۆلەتنى قانۇن ۋە ئەخلاق ئارقىلىق ئىدارە قىلىش، تەكىتلىنىۋاتقان بۈگۈنكى كۈندە بۇ ‹‹يەرلىك سىياسەت›› ئىزچىل يولغا قويۇلىۋېرىدىغان بولسا:

1. بۇ ‹‹يەرلىك سىياسەت›› ئالاقىدار قانۇنلارنى ئويلىشىپ چىقىرىلغانمۇ - يوق؟

2. بۇ ‹‹يەرلىك سىياسەت››نىڭ قانۇنىي ئاساسى قايسى قانۇننىڭ قايسى ماددىسى؟

3. قىزىلسۇدا ھەر قايسى مىللەتتىن بولغان ‹‹بىۋاستە تۇغقانلىرى ياكى پەرزەنتلىرى كادىر مۇسۇلمانلار››نىڭ مەككە مۇكەررەمگە بېرىپ ھەج تاۋاپ قىلىشىنى چەكلەشنىڭ ئىجابىي ۋە سە سەلبى تەسىرلىرىنى ئايرىم-ئايرىم جىڭلىغاندا قايسىسى ئىغىر كىلەر؟

4. بۇ سىياسەتنىڭ ئىزچىل يولغا قويۇلىشى -مەرىپەت بۆشىكى ئاتۇشتىكى مۇسۇلمانلارنىڭ بۇندىن كىيىن مائارىپقا بولغان ئوتتەك قىزغىنلىقىغا شۇنداقلا بىۋاستە تۇغقانلىرى ۋە پەرزەنتلىرىنى ئالىي بىلىم يۇرتلىرىدا ئوقۇتۇپ ۋەتەنگە ياراملىق ئادەم قىلىپ تەربىيەلەپ يىتىشتۈرۈش قىزغىنلىقىغا سەلبىي تەسىر بەرمەيدۇ، دەپ قايسى رەھبەر كاپالەت بېرەلەيدۇ؟

5. ئەسلىدە ئوتنى كىم تۇتسا شۇنىڭ قولى كۆيسە ئەقىلگە سىغاتتى. بۇ ‹‹يەرلىك سىياسەت››تىن قارىغاندا ئاتۇشتا 7 يىلدىن بېرى كادىر پەرزەنتلەر ‹‹ئوت›› بوپتىمۇ قانداق؟!!! زور بەدەل بىلەن پەرزەنتىنى ئالىي بىلىم يۇرتلىرىدا ئوقۇتۇپ ۋەتەنگە ياراملىق قىلىپ يىتىشتۈرۈش ‹‹گۇناھ››، خاتا بوپتىمۇ قانداق؟!!! بۇ ‹‹يەرلىك سىياسەت›› تارىختىكى چىن، مىڭ قاتارلىق فېئوداللىق مۇستەبىت سۇلالىلەرنىڭ -‹‹چىتىپ جازالاش››، تۈزۈمىدىن قانچىلىك پەرقلىنىدۇ؟!!!

     مەن يۇقىرى دەرىجىلىك مۇناسىۋەتلىك ئورۇن ۋە تارماقلارنىڭ بۇ مەسىلىگە ئەستايىدىل قاراپ، قىزىلسۇ قىرغىز ئاپتونوم ئوبلاستلىق ھۆكۈمەتتىن يۇقارقى 5 سوئالغا بۇ تەۋەلىكتە ياشاۋاتقان ۋەتەنپەرۋەر، قانۇن ئىنتىزامغا ئاڭلىق بويسۇنىدىغان، مىللەتلەر ئىتتىپاقلىقىنى ھىمايە قىلىپ، 3 خىل كۈچكە مەيدانى مۇستەھكەم ھالدا قارشى تۇرىدىغان، ھالال سودىسى ۋە ئەمگىگى بىلەن بېيىغان، ساخاۋەتچى، مەرىپەتپەرۋەر ھەر مىللەت كەڭ ‹‹بالىسى ياكى بىۋاستە تۇغقانلىرى كادىر›› مۇسۇلمان ئاتا-ئانىلارغا جۇڭخۇا خەلق جۇمھۇرىيىتىنىڭ ئاساسىي قانۇنىنىڭ 36-، 38-، 41- ماددىلىرى؛ جۇڭخۇا خەلق جۇمھۇرىيىتىنىڭ قانۇن چىقىرىش قانۇنىنىڭ 2-، 66- ماددىللىرى؛ جۇڭخۇا خەلق جۇمھۇرىيىتىنىڭ جىنايى ئىشلار قانۇنىڭ 251- ماددىسى؛ جۇڭخۇا خەلق جۇمھۇرىيىتىنىڭ مىللىي تېررىتورىيىلىك ئاپتونومىيە قانۇنىنىڭ 11- ماددىسى بويىچە قانائەتلەنگۈدەك جاۋاب ئىلىپ بىرىشىڭلارنى تۆۋەنچىلىك بىلەن سورايمەن.

     قەلەم تەۋرەتكۈچى: ئاتۇشتىكى دېھقان ئاتا-ئانىسىنىڭ ھەج تاۋاپ قىلىشىغا توسالغۇ بولغان،  ‹‹كادىر›› بولغىنىغا خوش بولىشىنى ياكى ئەپسۇسلىنىشىنى بىلەلمەي قالغان ‹‹كادىر››لارنىڭ بىرى.

gadankax

    مۇناسىۋەتلىك قانۇن ماددىللىرى:

جۇڭخۇا خەلق جۇمھۇرىيىتىنىڭ ئاساسىي قانۇنى

36-ماددا جۇڭخۇا خەلق جۇمھۇرىيىتىنىڭ پۇقرالىرى دىنىي ئېتىقاد ئەركىنلىكىگە ئىگە.

ھەرقانداق دۆلەت ئورگىنىنىڭ، جامائەت تەشكىلاتى ۋە شەخسنىڭ پۇقرالارنى دىنغا ئېتىقاد قىلىشقا ياكى ئېتىقاد قىلماسلىققا زورلىشىغا، دىنغا ئېتىقاد قىلىدىغان پۇقرالارنىمۇ، دىنغا ئېتىقاد قىلمايدىغان پۇقرالارنىمۇ كەمسىتىشىگە يول قويۇلمايدۇ.

دۆلەت نورمال دىنىي پائالىيەتلەرنى قوغدايدۇ. ھەرقانداق كىشىنىڭ دىندىن پايدىلىنىپ جەمئىيەت تەرتىپىنى بۇزىدىغان، پۇقرالارنىڭ سالامەتلىكىگە زىيان يەتكۈزىدىغان، دۆلەتنىڭ مائارىپ تۈزۈمىگە توسقۇنلۇق قىلىدىغان ھەرىكەتلەرنى ئېلىپ بېرىشىغا يول قويۇلمايدۇ.

دىنىي تەشكىلاتلار ۋە دىنىي ئىشلار چەت ئەل كۈچلىرىگە بېقىنمايدۇ.

38-ماددا جۇڭخۇا خەلق جۇمھۇرىيىتى پۇقرالىرىنىڭ كىشىلىك ئىززىتى دەخلىسىزدۇر. پۇقرالارغا ھەرقانداق يول بىلەن ھاقارەت كەلتۈرۈش، تۆھمەت قىلىش ۋە قارار چاپلاپ زىيانكەشلىك قىلىش مەنئى قىلىنىدۇ.

41-ماددا جۇڭخۇا خەلق جۇمھۇرىيىتىنىڭ پۇقرالىرى ھەرقانداق دۆلەت ئورگىنى ۋە دۆلەت خادىمى ئۈستىدىن تەنقىد ۋە تەكلىپ بېرىش ھوقۇقىغا ئىگە؛ ھەرقانداق دۆلەت ئورگىنى ۋە دۆلەت خادىمىنىڭ قانۇنغا خىلاپلىق قىلىش ۋە ۋەزىپىسىنى ئادا قىلماسلىق ھەرىكەتلىرى ئۈستىدىن مۇناسىۋەتلىك دۆلەت ئورگانلىرىغا شىكايەت قىلىش، ئەرز قىلىش ياكى پاش قىلىش ھوقۇقىغا ئىگە، لېكىن پاكىت ئويدۇرۇش ياكى پاكىتنى بۇرمىلاش يولى بىلەن قارا چاپلاپ زىيانكەشلىك قىلىشقا يول قويۇلمايدۇ.


جۇڭخۇا خەلق جۇمھۇرىيىتىنىڭ قانۇن چىقىرىش قانۇنى
2 - ماددا  بۇ قانۇن قانۇن، مەمۇرىي نىزام، يەرلىك نىزام، ئاپتونومىيە نىزامى ۋە يەككە نىزاملارنى چىقىرىش، تۈزىتىش ۋە بىكار قىلىشتا تەتبىقلىنىدۇ.
66 - ماددا  مىللىي ئاپتونومىيىلىك جايلاردىكى خەلق قۇرۇلتايلىرى شۇ جايدىكى مىللەتلەرنىڭ سىياسىي، ئىقتىساد ۋە مەدەنىيەت جەھەتتىكى ئالاھىدىلىكىگە قاراپ، ئاپتونومىيە نىزامى ۋە يەككە نىزام تۈزۈشكە ھوقۇقلۇق. ئاپتونوم رايونلارنىڭ ئاپتونومىيە نىزامى ۋە يەككە نىزامى مەملىكەتلىك خەلق قۇرۇلتىيى دائىمىي كومىتېتىغا تەستىقلاتقاندىن كېيىن كۈچكە ئىگە بولىدۇ. ئاپتونوم ئوبلاست، ئاپتونوم ناھىيىلەرنىڭ ئاپتونومىيە نىزامى ۋە يەككە نىزامى ئۆلكىلىك، ئاپتونوم رايونلۇق ۋە بىۋاسىتە قاراشلىق شەھەرلىك خەلق قۇرۇلتىيى دائىمىي كومىتېتىغا تەستىقلاتقاندىن كېيىن كۈچكە ئىگە بولىدۇ.0 ?4 b# g/ i. o) m
ئاپتونومىيە نىزامى ۋە يەككە نىزامدا شۇ جايدىكى مىللەتلەرنىڭ ئالاھىدىلىكىگە قاراپ، قانۇن ۋە مەمۇرىي نىزامدىكى بەلگىلىمە توغرىسىدا جانلىق بەلگىلىمە چىقىرىلسا بولىدۇ، لېكىن قانۇن ياكى مەمۇرىي نىزامدىكى ئاساسىي پرىنسىپقا خىلاپلىق قىلىشقا بولمايدۇ، ئاساسىي قانۇن ۋە مىللىي تېررىتورىيىلىك ئاپتونومىيە قانۇنىدىكى بەلگىلىمىلەر، شۇنىڭدەك  باشقا ئالاقىدار قانۇن، مەمۇرىي نىزاملاردا مەخسۇس مىللىي ئاپتونومىيىلىك جايلار ئۈچۈن چىقىرىلغان بەلگىلىمىلەر توغرىسىدا جانلىق بەلگىلىمە چىقىرىشقا بولمايدۇ.

جۇڭخۇا خەلق جۇمھۇرىيىتىنىڭ جىنايى ئىشلار قانۇنى

251– ماددا قانۇنسىز يوللار بىلەن پۇقرالارنى دىنىي ئېتىقاد ئەركىنلىكىدىن مەھرۇم قىلغان ۋە ئاز سانلىق مىللەتلەرنىڭ ئۆرپ – ئادىتىگە دەخلى – تەرۇز قىلغان دۆلەت ئورگانلىرىدىكى خادىملاردىن قىلمىشى ئېغىر بولغانلىرىغا ئىككى يىلدىن تۆۋەن مۇددەتلىك قاماق جازاسى ياكى تۇتۇپ تۇرۇپ ئەمگەككە سېلىش جازاسى بېرىلىدۇ.


جۇڭخۇا خەلق جۇمھۇرىيىتىنىڭ مىللىي تېررىتورىيىلىك ئاپتونومىيە قانۇنى

11- ماددا  مىللىي ئاپتونومىيىلىك جايلارنىڭ ئاپتونومىيە ئورگانلىرى ھەر مىللەت پۇقرالىرىنىڭ دىنىي ئېتىقاد ئەركىنلىكىگە كاپالەتلىك قىلىدۇ.

almas

مېنىڭ داداممۇ دۆلەتكە خىزمەت قىلىپ پېنسىيىگە چىققان. ھەجگە بېرىپ كەلگىلى ئالتە يىل بولدى . بىراق بىز قومۇلدا .

گۈلۈم

توۋا ،قانداق گەپ بۇ ،مەن  ئىلگىرى  نەچچە يىل ھەجگە  بارىدىغانلارنىڭ مۇناسىۋەتلىك خىزمەتلىرىنى ئىشلىگەن ،ئۇلارنىڭ ئىچىدە مىنىڭ ئۇقۇتقۇچى ساۋاقدىشىمنىڭ ئاتا - ئانىسىمۇ بار ئىدى ،يەنە  باشقا كادىر بالىسى بارلارمۇ بار.مەن  بىۋاستە تۇققانلىرنىڭ ياكى پەرزەنىتلىرنىڭ سىياسىغا  چېتىشلىق  بىرەر قىلمىشى بولماسلىقى كېرەك.. دىگەندەكلەرنى  بىلىدىكەنمەن ،لىكىن كادىر بالىسى بولسا ھەجگە بارسا بولمايدۇ دىگەننى تۇنجى ئاڭلىشىمكەن.

tewipjan

جوڭگۇدا سىياسەت قانۇندىن ئۈستۈن ئورۇندا تۇرىدىغان بولغاچقا مۇشۇنىڭغا ئوخشاش ئىشلارنى ھەل قىلىش تەسلىشىپ كىتىۋاتىدۇ!

saqa

[b] بۇ يەرلىك سىياسەتكەمەنمۇ ھەيران قېلىۋاتىمەن.جەنۇبىي شىنجاڭدا  شىمالدىكىگە راستلا ئوخشىمايدىغان يەرلىك سىياسەتلەر چىقىپ تۇرىدىغان ئوخشىمامدۇ.بۇنىڭ سەۋەبى زادى نېمە؟ بىر دۆلەتتە،يەنە كېلىپ بىر رايوندا،ھەتتا ئەينى بىر بىر مىللەتتە قانۇن ئىجرا قىلىشتا بۇنداق ئوخشىماسلىقنىڭ بولىشى زادى قانداق گەپ.مۇمكىن ئەمەس، يۇقىرىقى قانۇن ماددىلىغا ئاساسەن يۇقىرىدىن شۇ يەرلىك ھۆكۈمەتنىڭ يۇقۇرىسىن ياكى ئەڭ يۇقۇرى ئورۇنلاردىن قانائەتلىنەرلىك جاۋاب ئېلىش كېرەك.شىمال تەرەپتە بىر ئۆمۈر دۆلەت كادىرى بولۇپ ئۆتكەن  ئادەم بىلەن بىر ئائىلىدە بىللە ياشاپ كەلگەن،ياكى بالىلىرىنى بىر-بىرلەپ دۆلەت كادىرى قىلىپ يېتىشتۈرگەن(ھەتتا بەزىلىرى خېلى نوپۇزلۇق ھوقۇقدار  بولغان)ئاتا-ئانىلار ھەج-تاۋابقا بىمالال بېرىپ كەلگەن مىساللار كۆپقۇ.يۇقۇرىقى قانۇنىي ماددىلاردىمۇ ھەممە گەپ ئېنىق تۇرمامدۇ.قىزىقكىنا بۇ يەرلەردىكى ئىشلار !

okuguqi0

يۇقۇردىن چۈشكەن سىياسەت ياخشى .
ئەمما زە مۇشۇ تۈۋەندىكى دوپپىسىنى ئەكەل دىسە بېشىنى ئەكىلىدىغان ، قىلىۋاتقان ئىشىنى ئۈزىمۇ چۈشەنمەيدىغان  چۈشەنسىمۇ بېشىنى بىر نەرسىدە پۈركىۋېلىپ  خەلىقنىڭ ھال ئەھۋالىغا يەتمەي  يىتەرلىك ھەقىقى قايىل قىلارلىق جاۋاپ بىرەلمەي  بار گۇناھنى سىياسەتكە ۋە دۆلەتكە ئارتىپ قۇيۇپ خەلىق بىلەن ھۆكىمەت ئارىسىغا  زىددىيەت  پەيدا قىلىۋاتقان بىر قىسىم .................. ئەمەلدارلارنىڭ تۈزگەن قانۇنى  شۇ بەلكىم .
شۇلارنىڭ مۇشۇ خىزمەتلەرنى ئىشلەشتىكى  يۇقىرغا يوللىغان ھەقىقى دوكىلاتلىرى بىلەن ئەمىلى ئىشلىگەن خىزمىتى ماس كىلەمدىغاندۇ؟
بۇلار نىڭ دۆلەتنىڭ ئاساسى قانۇنى ۋە ئاپتىنومىيە قانۇنى  ۋە باشقا  قانۇن  دىگەنلەردىن  ئازىراق بولسىمۇ  خەۋىرى بارمىدۇ ؟
مۇشۇنداق تۇتۇرۇقسىز تۈزۈم چىقارغانلارغا  دۆلىتىمىز  بىرەر چارە  تەدبىر قوللانمامدىغاندۇ ؟
تاما - تاما  كۆل بولا دىگەندەك  بۇنداق زىددىيەتلەر  كۆپىيىۋەرسە  كىمگە پايدىلىق  كىمگە زىيان؟

kizilsu

بۇ «سىياسەت» بىزنىڭكىدىمۇ ئوخشاش بار