ئۇ كىچىك بالىلارغا سۇدا سۇيى ساتمىدى

ilim

ئەسسالامۇ ئەلەيكۇم قېرىنداشلار .
ئاتالمىش  سۇدا سۈيى ۋە كولا تۈرىدىكى ئىچىملىكلەرنىڭ كالتىسىينى خورىتىش،ئاشقازاننىڭ كىسلاتالىقىنى ئاشۇرۇپ ياللۇغ قوزغاش يامان تەسىرىنى بارلىقىنى بىلىمىز .بۇ ئىچىملىكلەرنى جىقراق ئىچىدىغان ياشانغانلار ۋە بالىلارغا زىيىنى تېخىمۇ چوڭ بولىدۇ .
بازاردا سېتىلىۋاتقان ئاتالمىش سۇدا سۈيى نامىدىكى ئىچىملىكلەر سۇدا سۈيى ئۆلچىمىگە ئاساسەن چۈشمەيدۇ .سۇدا سۇيى دىگەن ئاز مىقتاردا سۇدانى سۇدا ئېرىتىپ ئىچىلىدۇ .مانا بۇ سۇدا سۇيىدور .لېكىن بۇ سۇدا سۇيىگە قەنىت جەۋھىرىنى قوشۇپ ،ئۇزۇن ۋاقىت ساقلاش مەقسىتىدە
كاربون تۆت ئوكسىد بىلەن بىنزول تەركىپلىك چىرىتىشتىن ساقلىنىدىغان تەركىپنى قوشۇپ ياسىغان ئىچىملىك ھەرگىز سۇدا سۈيى ئەمەس .ھەقىقى سۇدا سۈيىنىڭ بولۇپمۇ بىزدەك گۆش بىلەن جىق ھەپىلىشىدىغان ،بەدىنى كىسلاتالىق ئۇيغۇر خەلقىگە پايدىلىق .لېكىن سۇدا سۈيىنى جىق ئىچىۋەتسە سۇدادىن زەھەرلىنىش كېلىپ چىقىدۇ .شۇڭا ھەقىقى سۇدا سۈيىنىمۇ نورمال ئىستىمال قىلماق لازىمدور .
لېكىن ئەيسى قاتارلىق كاربون كىسلاتاسى تۈرىدىكى ئاتالمىش سۇدا سۈيىلىرىنى جىقراق ئىچىۋەتسە كالتىسىي ۋە ئوزۇقلۇقنىڭ ئېقىپ كېتىشى سەۋەپلىك ياشانغانلاردا سۆڭەك شالاڭلىشىش كىسىلى بولۇشنى تىزلىتىش،بالىلارنىڭ بويى ئۆسىشىنى ئاستىلىتىش ۋە ئاسان ئاچچىقلىنىشتەك يامان تەسىرى بولىدۇ
ئامىرىكا ۋېرمونت ئونۋىرسىتىدىكى سارا سورنىك دوكتۇر بىر بۆلەك تەتقىقاتچىلارنى باشلاپ ماسسا چوستىس شىتاتلىق مەكتەپتىكى 1874 نەپەر 14 ياشتىن 18 ياشقىچە بولغان بالىلار ئۈستىدە تەكشۈرۈش ئېلىپ بارىدۇ .ئۇلاردىن كاربونلۇق ئىچىملىكلەرنى ئىچىش ئەھۋالىنى سورىغاندا ئۈچدىن بىر قىسىم ئوقۇغۇچى بىر ھەپتىدە ئاز دىگەندە بەش قۇتا ئىچىدىغانلىقى ،بەزىلىرى ھەتتا بىر كۈندە ئۈچ قۇتا ئىچىدىغانلىقى ئايان بوپتۇ .تەتقىقاتچىلار يەنە بۇ بالىلارئۈستىدە  مۇشۇ بىر يىل ئىچىدە ،ئاكا ئۇكا قېرىنداشلىرىغا زورلۇق زۇمبۇلۇق قىلغان قىلمىغانلىقىنى ،مەكتەپكە قۇرال ۋە پىچاق ئېلىپ كىرىش ئەھۋالىنى تەكشۈرەپتۇ .تەكشۈرۈش ئايان بوپتۇكى دائىم كاربونات كىسلاتالىق ئىچىملىكلەرنى ئىچىدىغانلارنىڭ ھۇجۇم خارەكتىرلىك ھەركەتلىرى باشقىلارغا قارىغاندا توققۇز پىرسەنتتىن 15 پىرسەنتكىچە يوقىرى بوپتۇ .كاربونات كىسلاتالىق ئىچىملىكلەرنى قانچە كۆپ ئىچىدىغانلارنىڭ زورلۇق زۇمبۇلۇق قىلمىشلارنى سادىر قىلىش مۇمكىنچىلىكى شۇنچە كۆپ بوپتۇ .كاربۇنات كىسلاتالىق ئىچىملىكلەر بەدەندىكى كالتىسىي ۋە ئوزۇقلۇقلارنىڭ ئېقىپ كىتىشىنى تىزلەتكەچكە ئۆسمۈرلەردە ئوزۇقلۇق يىتىشمەسلىك كەلتۈرۈپ چىقىرىپ كاللىنى ئاسان ھاياجانلاندۇرۇش ،چارچىتىشتەك ئەھۋاللارنى كەلتۈرۈپ چىقىرىدىكەن . مانا بۇ تەتقىقاتچىلارنىڭ بىزگە دىگەن سۆزلىرى .مەنبە:http://news.xinhuanet.com/edu/2011-10/27/c_122202574.htm
لېكىن يېقىنقى يىللاردا خەلقىمىز ئىچىدە ئاتالمىش سۇدا سۇيىنى بەك ئىچىدىغان ھالەت پەيدا بولدى .بالىلارمۇ مودا قىلىپ تېلىۋىزوردا دائىم چىقىدىغان ھېلىقى سۇدا سۈيىنى ئىچىدىغان بولدى .دۇكاندارلار بەلكىم بىلمەسلىكتىن بالىلارغا كاربونلۇق ئىچىملىكلەرنى سېتىۋەردى .كىشىنى ئەڭ ئېچىندۇردىغىنى يېقىندا مالايسىيەدىن كىرگۈزگەن بىر ئىچىملىكنىڭ ئېلانىدا بىر مويسىپىت بۇ ئىچىملىكنى ماختاپ چىقتى ئاخىرىدا بالىلارغا ئەڭ زىيان سالىدىغان كولا ئىچىملىكىنى بالىلارغا ماس كېلىدۇ دەپ ئېلاننى تۈگەتتى .يەنى چىرىس ئىچىملىكىنىڭ ئېلانى .مېنىڭچە بۇ سودىنى قىلىۋاتقان سودىگەرلەر كاربونلۇق ئىچىملىكلەرنىڭ بالىلار بىلەن ياشانغانلارغا ئەڭ زىيان سالىدىغانلىقىنى بىلىدۇ .لېكىن نىمە ئۈچۈن ئەتەي ئاشۇنداق ئېلاننى ئىشلەيدۇ ؟مەن بۇنى چۈشىنەلمىدىم .ئەسلى بارلىق دۇكاندارلار بالىلارغا گازلىق ئىچىملىكلەرنى سېتىۋىرىدۇ دەپ ئويلاپتىمەن .لېكىن ئۇنى ئىچمەسلىكنى ئەسكەرتىپ تۇرىدىغان دۇكاندارلارمۇ بار ئىكەن .بىر كۈنى مەن قومۇلدىكى مەلۇم بىر ئىمپورت ماگىزىنىغا مال ئالغىلى كىرسەم بىر قارتۈۋلۈك ئاتا بىلەن بالا كىرىپ كەلدى . ئاتا ئىككى قۇتا ئەيسى ئېلىپ بىرنى ئېچىپ ئۆزى ئىچتى يەنە بىرنى بالىسىغا بەردى .بۇنى كۆرگەن خوجايىن بالىغا ئەيسى بەرمەسلىكنى ۋە ئۇنىڭ بالىلارغا زىيىنىنى ئەسكەرتتى .مەن بۇ ئەھۋالنى كۆرۈپ دۇكاندارنىڭ بۇ ئەخلاقىغا ئاپىرىن ئېيتتىم .ئەسكەرتىش:مەن گازلىق ئىچىملىكلەرنى ھارام ئىچمەڭلەر دىمەكچى ئەمەس ،ھەم دىيەلەيدىغان سالاھىيەتتە ئەمەسمەن پەقەت گازلىق ئىچىملىكلەرنى ئاز ئىچىشىڭلەرنى بولۇپمۇ بالىلارنى بۇ ئىچىملىكلەرنى ئىچىشتىن توسىشىڭلارنى ئۈمۈد قىلىپ .سىلەرگە سالاماتلىك تىلەپ بۇ يازمىنى ئەۋەتتىم .قېنى كۆپچىلىك نىمە دەيدىكىن .








  

ئەنۋەر

سىزگە رەھمەت!!!

xipalikyamgur

ھازىرقى ئىچىملىكلەرنى كۆپ ئىچكەندە خۇمار قىلىپ قويىدۇ،شۇڭا ھەرقانداق ئىچىملىكنى نۇرمال ئىستىمال قىلىش كېرەك.بولۇپمۇ ھازىرقى سىز ئېيىتقاندەك تولا ئېلان قىلىپ ماختاپ ساتىدىغان ئىچىملىكلەرنى.

فىدا

   مەن ھەرقانداق رەڭلىك ئىچىملىكنى ئىچمەيمەن ،چۇنكى مەن بىر كۇن بولسىمۇ كوپرەك كۇننىڭ سېرىقىنى كورگۇمبار .

aldil

ياخشى تېما يوللاپسىز !

ئەرك

كىچىك بالىلارلا ئەمەس چوڭ ئادەملەرگىمۇ تەسىر ياخشى بولمايدىغۇ ئۇنداق تەبئىيلىكتىن ھالقىغان ھەر قانداق بىرىكەم مەھسۇلات ! ساپ سۈزۈك بۇلاق سۈيى ھەممىدىن پايدىلىقمىكىن دەيمەن ! تېما ئىگىسىگە رەھمەت ! كېيىنكىلەرنى ئاسراش ئۆزىمىزنىڭ كەلگۈسىگە كۆڭۈل بۆلگەنلىك ....

ibrayim

ئابىدە سودا سۈيى  دىگىنىمۇ  شۇ قاتارىدىمىدۇ؟

ezimat

تولىمۇ ئورۇنلۇق تېما يوللاپسىز  ، دىمىسىمۇ  ئىچىملىك بازىرى بىلەن ئىچىملىككە بولغان بىپەرۋالىق خۇددى سىز ئېيىتقاندەك .  يازنىڭ كېلىشىگە ئەگىشىپ خەلقنىڭ ئىچىملىكلەرگە بولغان ئېھتىياجى تەبىئىي رەۋىشتە ئېشىپ بارىدۇ . سىز تېمىڭىزدا تىلغان ئالغان گازلىق ، كاربونلۇق ئىچىملىكلەردىن باشقا مىنىرال سۇ ۋە ھەرخىل مىۋە شەربەتلىرىگە بولغان تونۇش يىتەرلىك ئەمەس . بۇ جەھەتتە خەلققە بىر چۈشەنچە بەرمەك تولىمۇ زۆرۈر ئىدى . لېكىن مۇناسىۋەتلىك ئورۇنلارنىڭ ئۆلچىمىگە يەتكەن بۇ ئىچىملىكلەرگە تېخى ھېچقايسىمىز ئالدىراپ بىرنەرسە دىيەلمەيۋاتىمىز . ھەر خىل ئاتالمىش مىۋە شەربەتلىرىنىڭ رەڭ تەڭشىگۈچ ، تەم تېتىتقۇلىرى بىلەنلا ياسىلىدىغانلىقىنى بىلگەنلەر ئاللىقاچان ئىچىشتىن توختاپ ، ساپ سۇ ئىچىشكە يۈزلىنىپتۇ . بۇ بىر خىل ئۆزىگەمەسئۇل بولۇش پوزىتسىيىسى . دىمىسىمۇ سۈنئىي نەرسىلەرنىڭ ئادەمگە پايدا قىلىپ كېتىشى ناتايىن . مۇشۇ پۇرسەتتە خەلقىمىزگە يېڭىدىن بازارغا سېلىنغان " ئىلتەرىش " تەبىئي ساپ سۈيىنى يازلىق ئىچىملىك ئورنىدا ئىككىلەنمەي تاللىشىنى تەۋىسىيە قىلىمەن . بۇ سۇ 230 مېتىر چوڭقۇرلۇقتىن تارتىلىپ ، بىۋاستە يۇمشىتىلغان تەبىئىي يەر ئاستى سۈيى بولۇپ ، پۈتۈنلەي مىكرۇپسىزلانغان مۇھىتتا قاچىلىنىدىكەن ،  يەر ئاستىدىن تارتىلغان سۇ بوتۇلكىغا قاچىلانغانغا قەدەر ئادەم قولى بىلەن قەتئىي ئۇچراشمايدىكەن . ئۇنىڭ ئۈستىگە يۇمشىتىلغاندىن كىيىنكى ساپلىقى" دېھقاننىڭ بۇلاق سۈيى " دىگەن مىنىرال سۇنىڭكىدىنمۇ يوققۇرى چىققان بولۇپ ، تومۇرغا بىۋاستە ئۇرسىمۇ بولىدىكەن . قۇلىقىغا ئاڭلىتىپ تۇرۇپ " بىسمىللا " ئېيتىپ ئىچكەن سۇنىڭ ئادەم بەدىنىگە قانچىلىك پايدىلىق ئىكەنلىگىنى بىلگەنلەر يەنىلا تەبىئىي سۇنى تاللايدۇ ، ئەلۋەتتە . خەلقىمىزنىڭ قۇتىلىق ئىچىملىكلەرگە بولغان تونۇشىنى ئۆستۈرىشىنى ئۈمىد قىلىمەن .

izqin

ئۇنىڭ ئۈستىگە بىزنىڭ ماۋۇ دانا كىشىلىرىمىز ئاللىبۇرۇن ئىچىملىك سودا ئۇرۇشىنى باشلىۋەتتى . ھەممەيلەن بەس بەستە ئوخشىتىلغان ، ئۇ يەر بۇيەردىن تېرىۋالغان ئىچىملىكلەرنى ھەدەپ ماختاپ سېتىشماقتا .
توۋا مۇشۇ بىر ئەۋلات سودىگەرلىرىمىزنىڭ زادىلا يېڭىلىق يارىتىش روھى كەمچىل . نوچىسى بولسا ئوبدىنىنى ياساپ شەرققە ئىكىرىپ ساتسۇنا ، شۇندىلا راۋۇرۇس تەرەققىي قىلىپ قالاتتى .

chebdes

مىيۋە سۈيى چىقىرىدىغان نەرسىلەرنىڭ قايسىسى ياخشى شۇنداق نەرسىلەرنىمۇ تەۋسىيە قىلغان بولساڭلا ماۋۇ تىما بىلەن خېلى ماسلىشاكەن.