- تىزىملاتقان
- 2012-9-3
- ئاخىرقى قېتىم
- 2013-4-7
- ھوقۇقى
- 1
- جۇغلانما
- 1600
- نادىر
- 0
- يازما
- 172
ئۆسۈش
2.86%
|
ئەسسالامۇ ئەلەيكۇم، تورداشلار.
ۋاقتىدا خەۋەر قىلالمىغانلىقىمنى كەچۈرىسىلەر. »ئانا تىلدا ئىمزا قويساق نېمىشقا بارماق باسقۇدەكمىز« دېگەن تېمىنىڭ داۋامى، جوڭگو بانكىسى يۈز تۇرانە كەچۈرۈم سورىدى.
3-ئاينىڭ12-كۈنى بانكىغا بېرىپ بىكارلىق مۇلازىمەت تېلفونىدىن قىزىق لىنىيىسىگە تېلىفوندا ئەرز قىلدىم. دەسلەپتە دىيارىمىز باش بانكىسىغا، ئىككىنچى قېتىم بېيجىڭ باش بانكىسىغا ئەھۋالنى ئېيتتىم، بۇ كەمسىتىش، ئادالەتسىزلىك دېدىم. مۇلازىمەت تېلىفونىنى ئادەم ئالماي ئالدىراش بولۇپ قالسا، بىۋاستە بېيجىڭغا كېتىدىكەن، بۇنىمۇ بىلىۋالدىم.
ئارىدىن ئىككى سائەت ئۆتمەي تېلىفونلار توختىماي سايراپ بانكا باشلىقى ئۆيگە كېلىپ كەچۈرۈم سورايدىغانلىقىنى بىلدۈردى. ئاخىرى ئۆزۈم باراي دېدىم. بانكا باشلىقىنى ئۆز ئىچىگە ئالغان تۆت ئادەم ئىككى خەنزۇ بىر ئۇيغۇر، بىر قازاق خادىم خاتالىقىنى تونۇپ كەچۈرۈم سورىدى، ئەمدى مۇنداق ئىش يۈز بەرمەيدىغانلىقىغا بانكا باشلىقى ۋېي ئەپەندى كاپالەت بەردى. بانكىدا يەنە ئىككى نەپەر ئۇيغۇر خادىم ئىشلەيدىغانلىقىنى، مىللەتلەر ئارا ئىنتايىن ئىناق ئىكەنلىكىنى ئېيتتى.
مەركەزدىن ئۇلارغا قاتتىق كايىپتۇ، ئىككى يىغىن ئېچىلىۋاتقان نازۇك پەيتلەردە مۇشۇنداق ھاماقەتلىك قىلغىنىڭلار نېمىسى! دەپتۇ.
ئۇلارغا ماشىنىلاردا ئۇيغۇرچە سېستىما ئىشلىتىش، نومۇر چاقىرغاندا دىيارىمىزنىڭ ھۆكۈمەت تىلى بولغان ئۇيغۇرچىنىمۇ قوشۇش، تېلىفون مۇلازىمىتىگە گۇاڭدۇڭ شىۋىسىنى ئېلىپ
تاشلا پ ئۇيغۇر تىلىنى كىرگۈزۈش تەكلىپىنى بەردىم، ئۇلار بۇ توغرىسىدا ئىلگىرى يىغىن ئاچقانلىقىنى، مۇندىن كېيىن ئاز سانلىق مىللەت خېرىدارلارغا تېخىمۇ ياخشى مۇلازىمەت قىلىغانلىقىنى بىلدۈردى.
ئەسكەرتىش: بېيجىڭدىن تېلىفوندا تىل ئىشىتىشى ئالدىدا ئۇلارنىڭ ماڭا مۇئامىلىسى قاتتىق -يۇمشاق ئارىلاش بولۇپ، قازاق خادىم سېنى تونۇيمەن دېگەندەك گەپلەرنى قىلدى. ھەم بۇنداق كىچىك ئىشنى ئەرز قىلىشنىڭ تولىمۇ قاملاشمىغانلىقىنى پۇراتتى. بىراق ئون مىنۇتتىن كېيىن يەنە شۇ ئادەم:»بۇ ئىنتايىن چوڭ ئىش« دېدى، ماشىنا بىلەن ئالغىلى باراي دەپ كەتتى. بەلكى مەركەزنىڭ تېلىفونى شۇ چاغدا كەلگەن بولۇشى مۇمكىن.
|
|