جوڭگۇدا H7N9تىپلىق خەتەرلىك قۇش زۇكىمى كۆرۈلدى

uyghurzat

ھازېر بۇ خېل ۋېرۇس بىلەن ئۆلگەنلەرنىڭ سانى ئالتىگە يەتتى.

baxbuh

ئەمدى تارقالمىغان مۇشۇ ئىشەك زۇكۇمى قالدىغۇ ،زۇكام دىگەندىمۇ ئادەم ئولەمدۇ ؟؟مەن ئەزەلدىن زۇكامدىن ئادەم ئولگەننى ئۇقمايدىكەنمىەن ،ئادەم زۇكام بولسا 3-4 كۇندىلا ئوڭشىلىپ قالىدۇ ،ئادەم ئولگەن ئىكەن ئۇ زۇكام ئەمەس ،پەقەت ئالامىتى زۇكامغا ئوخشايدىغان بىر خىل ۋىرۇسلۇق كىسەل ،مەن ھەر قىتىم مۇشۇنداق كىسەل تارقىسا  قىيامەتنىڭ ئالامىتى دەپ چۇشۇنىدىغان بولۇپ قالدىم ...........................
  چۇنكى  قىيامەتتە  يەجۇجى  -مەجۇسىلار بەكلا كوپۇيۇپ كەتكەندە ئاللا ئۇلارغا ئالامىتى  زۇكامغا ئوخشاش بىر كىسەلنى بىرىدىكەن ،ئاندىن نىمىتى  ھىلىقى  40 كىچە كۇندۇز  يامغۇر  ياغىدىغان ..............يەنە بىرەيلەندىن ئاڭلىسام  مۇشۇ گەجگىسىگە  قۇرۇت چۇشىدىغان كىسەل بىرەمىش دەيدۇ ،ئىشقىلىپ يۇقارقى ئىككى خىل كسەلنىڭ بىرى  ۋابالىقى ئىنىق  ،ئاللا تارەپتىن كەلسە ئامال يوق ،ئەمما  خەخلەر ياسىغان  ۋىروس ياكى   مەينەتچىكىتىن  ۋەياكى  سۇنئى ئۇسۇلدا پەيدا بوغان بولسا  ئۇنىڭ شىپاھى بار ،توغرىسىنى بىلگۇچى ئاللا

akpar777

پۇتۈن شىنجاڭ خەلقى دۇئا قىلايلى ،كۇلىدىكى  بۇ قىرىنداشلىرىمىز تىزراق  بۇ كىسەلدىن قۇتۇلغاي.

TAYMAS007

گېپىڭلارنىڭ ئاساسى بار ، لىكىن بۇ ئۇيۇنمۇ قانداق مۇشۇنى ئويلاپ باقتىڭلامۇ . چاۋشىيەن ۋەقەسى .دىياۋيۈي ئارلىى مەسلىسى مۇشۇنداق كەسكىن مەزگىلدە . بۇ كېسەلنىڭ پەيدا بۇلىشى سىلەرگى غەلىتە تۇيۇلمىدىما . ئەجبا

polat315

بۈگۈنگە قەدەر،پۈتۈن مەملىكەتتە كېسەللىك ئۈلگىسى 21 كىشىگە يەتتى، بۇنىڭ ئىچىدە 6 كىشى ئۆلدى.

elkelem

كېسەلنىڭ بىرى جىندىن توققۇزى ژىندىن  دىيىلىدۇ. ژىن_نەپسىنى كونترلل قىلىپ پاك نەرسىلەرنى ئىستىمال قىلىش ناپاك نەرسىلەرنى ،ھارام نەرسىلەرنى ئىستىمال قىلماسلىق كىرەك. ئاسماندىكىنى ئوۋلاپ، يەرنىڭ تېگىدىكىنى كولاپ، يولدا ماڭغانلارنىڭكىنى لەي -لەي دەپ توۋلاپ يەۋەرسە كېسەل بولىۋىرىدىغان گەپ. دۆلىتىمىزنىڭ يۇقۇملۇق كېسەللىكلەرنى كونترول قىلىشتا تەجربىسى بار. بۇ جەھەتتە بەك غەپ يەپمۇ كەتمەيلى. بۇ تەرەپلەرگە كەلمەس.

gulxakri

ئاللاھ   شۇ   نىجىس  كىسەلدىن  ھەممىمىزنى  يىراق  قىلسۇن،  چوقۇم  يىمەكلىككە  دىققەت  كىلىشىمىز  كېرەك.

DOLLAR

نەدىن چىقتى بۇ زۇكام

polat315

نىجات ئىمىن خەۋەر قىلىدۇ: يېقىندىن بۇيان مەملىكىتىمىزنىڭ بىر قىسىم رايونلىرىدا H7N9 تىپلىق تارقىلىشچان قۇش زۇكىمىنىڭ بايقالغانلىقى توغرىسىدا خەۋەر بېرىلدى. سەھىيە مىنىستىرلىقىنىڭ تارقىلىشچان قۇش زۇكىمىنىڭ ئالدىنى ئېلىش توغرىسىدىكى جىددىي ئۇقتۇرۇشىنىڭ روھىغا ئاساسەن، ئاپتونوم رايونلۇق مائارىپ نازارىتى 8 – ئاپرېل ئالاھىدە ئۇقتۇرۇش چىقىرىپ، ئاپتونوم رايونىمىزدىكى مەكتەپلەرگە H7N9 تىپلىق تارقىلىشچان قۇش زۇكىمىنىڭ ئالدىنى ئېلىش توغرىسىدا ئالاھىدە ئۇقتۇرۇش چىقاردى.

   ئۇقتۇرۇشتا ئاپتونوم رايونىمىزدىكى مەكتەپلەردىن تارقىلىشچان قۇش زۇكىمىنىڭ ئالدىنى ئېلىش خىزمىتىنى مۇھىم خىزمەت قاتارىدا چىڭ تۇتۇپ، تارقىلىشچان قۇش زۇكىمىنىڭ ئالدىنى ئېلىش خىزمىتىنى ئەتراپلىق ئورۇنلاشتۇرۇش بىلەن بىللە، ئوقۇغۇچىلارغا بولغان تەشۋىقات – تەربىيەنى كۈچەيتىپ، ئۇلارنىڭ كېسەلنىڭ ئالدىنى ئېلىش، ئۆزىنى قوغداش ئېڭىنى ئۆستۈرۈش، ئوقۇغۇچىلار يېمەكلىكىنىڭ بىخەتەرلىكىگە قاتتىق تەلەپ قويۇش، يۇقۇملۇق كېسەللەرنىڭ مەكتەپلەردە تارقىلىشىنىڭ قاتتىق ئالدىنى ئېلىش ئالاھىدە تەلەپ قىلىندى.

polat315

شىنخۇا ئاگېنتلىقى، بېيجىڭ، 8 – ئاپرېل تېلېگراممىسى. دۇنيا سەھىيە تەشكىلاتى بۈگۈن مۇنۇلارنى بىلدۈردى: جۇڭگودا تارقىلىۋاتقان قۇش زۇكىمىنىڭ تارقىلىش ئەھۋالى توغرىسىدا، دۇنيادىكى ھەرقايسى دۆلەت ۋە رايونلارنىڭ چېگرا ۋە پورتتىن كىرگۈزۈشتە ئالاھىدە تەكشۈرۈش؛ ھەرقانداق ساياھەت ۋە سودىغا چەك قويۇش تەدبىرى قوللىنىشىنى تەشەببۇس قىلمايمىز.

   دۇنيا سەھىيە تەشكىلاتى 5 – ئاپرېل مۇنۇلارنى بىلدۈردى: جۇڭگوغا بارغان ياكى جۇڭگودىن ئايرىلغانلارنىڭ ساياھەت ۋە سودا پائالىيىتگە چەك قويۇش تەدبىرىنى قوللىنىشىنى تەشەببۇس قىلمايمىز. ‹‹دۇنيادىكى ھەرقايسى دۆلەت ۋە رايونلارنىڭ چېگرا ۋە پورتتىن كىرگۈزۈشتە ئالاھىدە تەكشۈرۈش››نى تەشەببۇس قىلماسلىق بۇ تەشكىلاتنىڭ بۇ قېتىم يېڭىدىن كۆپەيتكەن ‹‹تەشەببۇس قىلماسلىق›› تەدبىرى ھېسابلىنىدۇ.

   مەملىكەتلىك سەھىيە ۋە پىلانلىق تۇغۇت كومىتېتى بىلەن دۇنيا سەھىيە تەشكىلاتى 8 – ئاپرېل بىرلىشىپ ئاخبارات ئېلان قىلىش يىغىنى ئېچىپ، H7N9 تىپلىق تارقىلىشچان قۇش زۇكىمىنىڭ ئەڭ يېڭى يۇقۇم ئەھۋالىنى ئېلان قىلدى ھەم دۆلەت ئىچى ۋە سىرتىدىكىلەر كۆڭۈل بۆلۈۋاتقان يۇقۇم ئەھۋالى توغرىسىدىكى قىزىق نۇقتا مەسىلىلىرىگە جاۋاب بەردى. ھازىرغىچە جۇڭگودا 20 كىشىگە H7N9 تىپلىق تارقىلىشچان قۇش زۇكىمى بىلەن يۇقۇملانغان، دەپ دىياگنوز قويۇلدى. ھازىر شەرقىي جۇڭگو رايونىدىكى تۆت ئۆلكە ۋە شەھەردە يۇقۇم ئەھۋالى كۆرۈلدى.

   دۇنيا سەھىيە تەشكىلاتى ھازىرچە جۇڭگوغا بارغان ياكى جۇڭگودىن ئايرىلغانلارغا قارىتا ساياھەتكە چەك قويۇش تەدبىرى قوللىنىشىنى تەشەببۇس قىلمايدۇ. شۇنىڭ بىلەن بىللە، ھازىرقى يۇقۇم ئەھۋالىنىڭ جۇڭگودا ئىشلەپچىقىرىلغان مەھسۇلاتلار بىلەن مۇناسىۋەتلىك ئىكەنلىكىنى ئىسپاتلايدىغان ئىسپات بولمىغان ئەھۋالدا، دۇنيا سەھىيە تەشكىلاتى سودىغا چەك قويىدىغان ھەرقانداق تەدبىر قوللانماسلىقنى تەشەببۇس قىلدى.