سوزمىيەنگە ئۇيغۇرچە ئىسىم قۇيۇشۇپ بەرگەن بولساڭلار

DOLLAR

سوزىمىيەن ئېتىش ئۇسۇلى
ئاساسلىق ماتېرىياللىرى: 1 تال بەرەڭگە، 2 تال قىزىل سەۋزە، قېرىنقۇلاق، پۇرچاق ئۇيۇتمىسى، كۆك سامساق، كەرەپشە، يۇمغاقسۇت، زەنجىۋىل، پەمىدۇر 1 تال، كالا گۆشى 50 گرام،  ئۇن 3 جىڭ  تۇخۇم 2 تال، توغۇرغا سۈيى.

قوشۇمچە ماتېرىياللىرى: تۇز، تېتىتقۇ، توخۇ تەن جەھىرى، ئاچچىقسۇ، پەمىدۇر قىيامى.  
ماتېرىياللارنى تەييارلاش ئۇسۇلى: ئالدى بىلەن ئۇننى تۇخۇم، توغۇرغا سۈيىدىن پايدىلىنىپ ئىتى چىڭ بولغان خېمىر يۇغۇرۋېلىپ تىندۇرۇۋالىمىز، ئاندىن نوغۇچ بىلەن ئېچىپ ئىنچىكە قىلىپ توغراپ تەييارلايمىز رەسىمدىكىدىك.
بەرەڭگە، قىزىل سەۋزىنى يۇيۇپ دىڭ-دىڭ توغراپ سۇغا چىلاپ قويىمىز، بولمىسا بەرەڭگە قار بولۇپ قالىدۇ. كۆك سامساق، كەرەپشە، يۇمغاقسۇتنى يۇيۇپ دىڭ-دىڭ توغراپ ئايرىم-ئايرىم قاچىغا ئالىمىز. زەنجىۋىلنى ئۇششاق چانايمىز، كالا گۆشىنى ئۇششاق توغراپ زەنجىۋىل بىلەن بىرگە قويۇپ قۇيىمىز، قېرىنقۇلاق، پۇرچاق ئۇيۇتمىسىنىمۇ ئۇششاق توغرايمىز، پەمىدۇرنىمۇ ئۇششاق توغرايمىز، يۇمغاقسۇتنى چانايمىز.

قورۇش ئۇسۇلى: قازانغا ياغ قويۇپ قىززىغاندا، كالا گۆشى، زەنجىۋىلنى سېلىپ قورۇپ، ئازراق تۇز سېلىپ بەرەڭگە قىزىل سەۋزە سېلىپ قورۇيمىز، ئارقىدىن پەمىدۇرنى سالىمىز، ئاندىن پۇرچاق بوتقىسى پەمىدۇر قىيامىنى سېلىپ رەڭگىنى چىقىرىمىز، كەرەپشە، كۆك سامساقنى سېلىپ بىر قورۇپلا سۇ قۇيىمىز، تۇز، تېتىتقۇ، توخۇ تەن جەۋھىرى سېلىپ تەمگە كەلتۈرىمىز، پۇرچاق ئۇيۇتمىسى، قېرىنقۇلاقنى، بەرەڭگە، سەۋزە ياخشى پىشقاندا سېلىپ، 1 -2 قاينىسا بولىدۇ. تەمىنى تېتىپ  بەرەڭگە، سەۋزە ياخشى پىشقاندا ئەڭ ئاخىردا ئاچچىقسۇ قوشۇپ ئاندىن چانالغان يۇمغاقسۇت سېلىپ ئالساق بولىدۇ

قازانغا سۇ قۇيۇپ قاينىغاندا تەييارلىغان خېمىرنى سېلىپ پۇشۇرۇپ سوغۇق سۇدا چايقىۋېتىپ قاچىغا سېلىپ تەييارلانغان سەينى ئۈستىگە ئېلىپ ئىستېمال قىلساق بولىدۇ.

budunya

‹‹牛入面گە كالا گۆشى  ئۈگرىسى دەپ ئىسىم قويۇلغان ئەمدى بۇنىڭغا نېمە دەپ قويۇلا بۇنىمۇ كۆرۈپ باقايلى ...

uqkun0908

炒子面  دەمدۇق خەنزۇچىسىنى؟

uqkun0908

«قورۇلغان ئۈگرە » دىسەك بولىدىغان ئوخشايدۇ.

kaplan521

بۇ خىل تاماقنى قايسى بىر خىل تەرجىمە ماتىريالىدا ، يەڭگەمنىڭ سۇيۇق ئېشى دەپ تەرجىمە قىپتىكەن ،توغرىمۇ بىلمىدىم .

izqin

قۇماش دەپ قويامدۇق يا ، بەك بولمىسا قۇمئۈگرە دېسەكمۇ بولغۇدەك  .

abdurahman0998

«قورۇلغان ئۈگرە » دىسەك بولىدىغان ئوخشايدۇ.
                                                   مەن قوللايمەن.

budunya

تۇڭگان ئۈگرىسى دەيلى

uyghurzat

مېنىڭچە ‹‹قورۇما چۆپ ›› ەىسەك مۇۋاپىقمىكىن.

bandai

قورىما چۆپ دەپ تەرجىمە قىلسا بولامدىكىن.