بۇ يازمىنى ئاخىرىدا polat315 تەھرىرلىگەن. ۋاقتى 2013-4-11 12:23
ئېھ ، ئەزىزانە قەشقەر
8-ئاپرېل سەھەر. ھېيتگاھ جامىئەسىدىن ياڭرىغان ئەرزاننىڭ قەلىبلەرنى تىترىتىدىغان مۇڭلۇق ئاۋازى بۇ قەدىمىي گۈزەل شەھەرنىڭ بىپايان ئاسمىنىدا ياڭراپ، ھاياتلىقنىڭ يېڭى بىر تاڭغا ئۇلاشقانلىقىدىن بىشارەت بەرمەكتە. بامدات نامىزىغا مېڭىۋاتىمەن قەشقەرنىڭ ئۆتمۈشتىكى گۈزەل سەلتەنىتى كۆز ئالدىمدا نامايەن بولماقتا. سۇلتان ساتۇق، مەھمۇد قەشقىرى، يۈسۇپخاس ھجىپ... قاتارلىق سەلتەنەتلىك ئەجدادلېرىمىز بىلەن بىرگە كىتىۋاتىمەن ئۇلار بىلەن قانداقتۇ بىر ئىشلار توغرۇلۇق سوزلىشىۋاتىمەن... ئۇلارماڭا ۋەزنى ئېغىر تەنبىھ سۆزلىرى بىلەن كايىماقتا.... مەن ئۆزۈمنى ئاقلاشقا تىرىشتىم ئەمما ئۇلار ئاڭلايدىغاندەك ئەمەس... توغرا پىرىنسىپاللىق مەسىللەردە باھانە كۆرسىتىشكە بولمايدۇ. ئۇلار بىلەن مۇڭداشقۇم تەلىم ئالغۇم بار ئىدى ... ئەمما ئاچچىقى يانىدىغاندەك ئەمەس...بوپتۇلا بامداتنى ئۆتۈۋالاي ھامان ئۇلار ئۆزىنى بېسىۋېلىپ بىزگە يول كۆرسىتىدۇ. نامازئۆتەۋاتىمەن يىگانە ئاللاغا سېغېنىپ ئوقۇۋاتىمەن بەدەنلىرىم ئېرىمەكتە ئىچىئىچىمدىن يىغا قىستاپ كۆزلىرىمىن تاراملاپ ياش تۈكۈلمەكتە. ئى ئاللا بىز بەك ئاجىز....سىز ھىكمەت بىلەن ئىش قىلغۇچى زات، كۈرۈشكە كۆز، ئاڭلاشقا قۇلاق كەتمەيدۇ. ئاجىزلارنىڭ، سەبىلەرنىڭ، يىتىملەرنىڭ، تۇل خوتۇنلارنىڭ ھەققىي ھۆرمىتى ئۈچۈن بىزلەرنى، دىنىمىزنى، ۋەتىنىمىزنى ئامان قىلغايسەن... كىشىلەر نامازدىن يېنىپ تارقالماقتا. مەن قانداقتۇر بىر نەرسىلەرنى ئىزدەۋاتىمەن، ھىدىنى ھىدلاۋاتىمەن ...ھېيتگاھنىڭ ساپ نەمخوش ھاۋاسى كۆڭلۈمگە تەسەللى بەرگەندەك تىنىمنى يايراتماقتا...ئاستا-ئاستا كۆتۈرۈلگەن قۇياشنىڭ ئۇپۇق يۇرۇقى ھېيتگاھنى يۇرۇتماقتا... قۇياش نۇرى ئىگىز،سوغۇق بىنالار ئارىسىدىن تەستە ئۈتۈپ سېخىي نۇرلىرىنى پاكار ئەمما ھەيۋەتلىك جەمە ھەم ئۇنىڭ ئەتراپىغا چاچماقتا... تاپىنىم ئاستىدىكى بۇ مۇبارەك تۇپراق، جەمە نەچچە ئەسىرلەردىن بېرى نۇرغۇن تارىخىي قىسمەتلەرنى بېشىدىن ئۆتكۈزۈپ چارچاپ قەددى پۈكلەنگەندەك كۈرۈنسىمۇ ئەمما تارىخنىڭ شاھىدىي بولۇپ ئابىدە سۈپىتىدە قەد كۆتۈرۈپ يەنىلا ئادەمگە بىرخىل ئىللىقلىق مىھرىبانلىق تۇيغۇسى ئاتاقىلىپ كۆڭۈللەرگەتەسەللى بېرىپ تۇرماقتا...مەيداننىڭ قارشىسىدىكى يولنىڭ بۇيىدا نۇرغۇن ئادەم... ئۇلارنىڭ قوللىرىدا سومكا، ئەندۇۋا قاتارلىق ھەرخىل قۇرۇلۇش ، ئىش سايمالېرى...ھەر تەرەپكە يۈگۈرۈپ ئىش بېشى ئىزدەۋاتقان، ئىش سوراۋاتقان... چالا تەرجىمانلار ئارقىلىق ئىش بېشىغا ئۆزلىرىنىڭ ھەممە ئىشنى قىلالايدىغانلىقىنى ئۇقتۇرۇۋاتقان، ئىش بېشى ئۇلارنى سىلكىۋاتقان، خۇددى مال بازىرىدىكىدەك خىللاۋاتقان... ئۇلار بۈگۈن شۇ ئىشنى قىلمىسا ئاچ قالىدۇ، تالاداقالىدۇ، بالىلىرى كەچتە قۇلىغا قارايدۇ، سەبى قارا كۆزلەر نا ئۈمۈتتە قالىدۇ...ئادەمنىڭ يۇرىكى ئېچىشىدۇ... يوقسۇللۇق ئەقەللىي ئىستىمال ئىھتىياجىنى قامدىيالماسلىق، يار يۇلەكسىزلىك، باش پاناھسىزلىق، تۇيمىغان قۇساق، پاللىدە ئېچىلغۇدەك كىيىنمىگەن بەدەن....ئېھ قېرىنداشلىرىم!... قۇرۇق گەپنى كۆپ قىلماي بىر يۈرۇش رەسىم يوللىدىم كۈرۈپ ئۆزىڭىز ھىس قىلىڭ
|