قومۇل 2013- يىللىق ئەل رايى

tohotur

                       ئەل رايى دىگەن سۆز رادىئو تېلۋۇزۇرلاردا ئۆزلۇكسىز دىققىتىمدە بولۇۋاتقان سۆز ئىكەن ،  موشۇ كۇنلەردە شۇنداق ئويلاپ قالدىم ، ئەل دىگەن نىمە ؟  ئەل دىگەن شۇ يۇرتنىڭ ئوتىدا كۆيۇپ سۇيىدە ئېقىپ تۇگمەنلىرىدە تارتىلىپ ياشاۋاتقان  سىز مەن ئۇنۇڭغا ئوخشاش ئاددى پۇقرارلار ئىكەن .  ئەلنىڭ رايى سىزگە مەنگە ئۇنۇڭغا خوپ كەلگەن ئارزۇلىغان ،ئارمانلىغان ئىشلار ئىكەن . كەمىنە قومۇلنىڭ توپىسدەك بىئىتبار توخوتۇر گەرچە ئۆزەم قومۇل ئېلىنىڭ ئەڭ ئەدناسى  ئەرزىمەس ئادەم بولساممۇ ، مەندىمۇ ئەل ۋەتەن بىلەن تۇتاشقان كىچىككىنە بىر يۇرەك ئىنشائاللا ئەلۋەتتە بار بولغاچ ، ئاشۇ يۇرەكتە يېنىۋاتقان ئارزۇ ئارمان رايلار يوق  ئەرمەس  .  ئاللاھنىڭ لۇتفى كەرىمى بىلەن بىرتامچە سۇدىمۇ قوياش ئۆز ئەكسىنى كۆرسەتكەندەك ، مېنىڭ قەلبىمىدە  چاقناپ قالغان ئاشۇ ئارزۇ ئارمانلار قومۇلدىكى  باغرىداشلىرىمنىڭ ئويلىغان ئارزۇلىغانلىرى بىلەن ئوخشاش چىقىپ قالسا  、ئۆزىمىزنى كۆپ بەختىيار ھىس قىلغايمىز ، ناۋادا ئوخشاش چىقمىسا ياكى خاتا كەتسە ئەلبەتتە  تۇزۇتۇپ توغۇرلىغايمىز ، دىگەن ئۇشبۇ نىيەتلەر بىلەن  بۇگۇن جۇمە كۇنى كومپۇيۇتۇر ئالدىدا  ئولتۇرۇپتىمىز ،


1. ئەل رايىمىز شۇكى  قومۇلدا  بىر ھايۋاناتلار باغچسىى قۇرۇشنى  ئارزۇلايمىز ،   ھازىر قارايدىغان بولساق قومۇلدا ئەرمەك ھايۋانلارنى بېقىش ئاندىن زىرىكىش ئاندىن تاشلاش بىلەن بىر تۇركۇم سەرگەردان ئەرمەك ھايۋانلار پەيدا بولۇپ كوچا كويلاردا لاغايلاپ يۇرۇپ بەزىلىرى ماشىنغا چېقىلىپ  ئۆلسە ئامىتى كەلگەنلرىى جۈپ تېپىپ كۆپۇيۇپ قومۇلدا بىر رىئال مەسلىگە ئايلاندى ، ناۋادا بىر ھايۋاناتلار باغچىسى قۇرۇلسا نۇرغۇن شەھەر ئاھالىسىنىڭ ھايۋانلارغا بولغان ئامراقلقى ئاشۇ باغچىدىلا قېنىپ  ، بېقىپ تاشلىۋېتىشتەك ئىنسانچىلىققا توغرا كەلمەيدىغان قىلمىشى تۇگەپ قالار دەپ ئويلايمەنغۇ ،

2. قومۇل شەھەر ئىچى يارباغ كۆرۇك تىكى 300 يىللىق چېلىش مەيدانىمىزنى خەلىققە قايتۇرۇپ بەرگەن بولساڭلار ، ئايدا  بىر ئىككى نوۋەت چېلىش ئۇيۇشتۇرۇلسا  ھەم خەلىقنىڭ مەنىۋى دۇنياسى بېيىپ ھەم بىر تۇركۇم مۇنەۋۋەر چېلىشچىلار  قوشۇنى بارلىققا كەلگەن بولاتتى ، ئۇنۇڭياقىسىگە ماۋۇ ياش باللار ئىلمى  توغرا  كۆڭۇل ئېچىش شارائىتىگە ئېرىشىپ   ئېلىكتىرۇنلۇق قىمارخانىدا ۋە  باشقا تۇتۇن بولمىغۇرلىقلىرىدا يۇرمىگەن بولاتتى .

3. قومۇل ھېيتگاھتا ھېچبولمىغاندا جۇمە نامىزى ئوقۇشقا رۇخسەت قىلىش ، رامزان كۇنلىرى قومۇل ھېيتگاھنى ئېچىۋېتىش  

4. قومۇل ئوردا كۈتۇپخانىسىنى ئەسلىگە كەلتۇرۇش ، قومۇل ئوردا كۇتۇپخانىسى 300 يىلىغا يېققىن تارىخقا ئىگە قەدىمى كۇتۇپخانا ،  بۇ كۈتۇپخانا قومۇللۇقلارنىڭ غۇرۇرى ،

5.قومۇل كونا يېڭى مەدىرسىنى يېڭىلاپ سېلىش ۋە چاھارباغدىكى ئوسمانشاھ ھاجى قۇرغان ،تاقىلىپ قالغان دىنى مەكتەپنى بۇ كونا يېڭى مەدىرسىلەرگە كۆچۇرۇپ نورمال ئوقۇتۇشنى ئىزىغا چۇشۇرۇش  .  دىنى ئۇقۇتۇشنىڭ يەرئاستىدا ئەمەس بەلكى يەرئۇسىتىدە پارتىيىمىزنىڭ دىنى سىياسەتلىرىنىڭ  تەپتىدە  راھەت ئازدە  قانۇنلۇق ئېلىپ بېرىش ،  قومۇللۇقلارنىڭ  ھەرخىل ياشتىكى دىنى تەربىيە ئېلىش ئارزۇسىنى قانۇنغا ئۇيغۇن ھالدا قاندۇرۇش ،

يوقۇرقىلار كەمىنە توخوتۇرنىڭ  رايى ، ئەل رايى دەل مېنىڭ سىزنىڭ ئۇنىڭ رايلىرىنىڭ جۇغلانمىسىدىن ئىبارەت دەپ ئويلايمەنغۇ ، قېنى دوسلار سىلەرمۇ رايىڭلارنى تۆكۇپ بېقىڭلار ،

alwasti1

ئەلرايى قۇرۇلۇشى ھەققىدىكى تېمىلار ئىزچىل ئۆچۈرۈلىۋاتىدۇ. باغداشتىمۇ باشقا مۇنبەردىمۇ شۇ.
بۇ تېمىنى بولسىمۇ ئۆچۈرمىگەيسىلەر.

!uyghurjan

بىزنىڭ يۇپۇرغىدىمۇ بېكەت ئالدىدىكى مەسچىتتە ئىككى ھېيىت نامىزى بىلەن جۈمە نامىزىنىلا ئۇقۇغىلى قويىدۇ باشقا ۋاقىتتا تاقاپ قۇيىدۇ .

xajarim

مەن گەرچە قۇمۇللۇق بولمىساممۇ  ،  سىزگە بىر بىلەت تاشلاشنى  كەسكىنلىك بىلەن قارا قىلدىم.   قوللايمەن .

mustapha

    ھەقىقەتەنمۇ  ئەل رايى ئوتتۇرىغا قويۇلۇپتۇ. بىرىنچىسىدە پەقەت خىراجەت بولسىلا بۇ تەس ئەمەس، ئەمما ھۆكۈمەت تەرەپتىكىلەر شۇنچىۋالا پۇلنى خەلقنىڭ مەنىۋىي ئېھتىياجى ئۈچۈن ئاجرىتىشقا چىدامدۇ-يوق؟ بۇ بىر مەسىلە. گۆشنىڭ باھاسى پالان پۇل بولىۋاتقان بۈگۈنكىدەك كۈندە باغچا «شىتات»ىدىكى شىر، يولۋاس، بۆرە، قاپلان، تىمساھ...دېگەندەكلەرنىڭ زۇۋانىغا ئاز پۇل كەتمەيدۇ. ئەمدى ئىككىنچى، ئۈچىنچىسىگە كەلسەك مىللىيلار توپلاشقان سورۇنلار كاتتىلارنىڭ ئارامىنى بۇزۇپ قويىدۇ، مۇقۇمسىزلىق كېلىپ چىقىدۇ ئەمەسمۇ، شۇڭا مەسچىتلەرمۇ تارقاقلاشتۇرۇلۇپ كەنت، ھەتتا گۇرۇپپىلارغىچە كىچىك بىرلىكلەرگە بۆلۈۋېتىلدى. تۆتىنچىسىنىڭ ئىشقا ئېشىشىنىڭ مۇمكىنچىلىكى مۇشۇ بەش تۈر ئىچىدە ئەڭ چوڭ بولۇشى مۇمكىن. ئالتىنچى رايىڭىزدا ئېيتىلغىنچە بولغاندا قۇمۇلدا دىنىي مەكتەپ (تىلىمىزغا سىڭىپ كەتكىنى ئىسلام داشۆ) يوقمۇ؟ بىزنىڭ ئاقسۇدىغۇ بار، ئەمما بىلىشىمچە، بىر سائەت دىنىي دەرس ئۆتۈلسە ئۈچ سائەت سىياسەت، ئەمىر-پەرمانلار سۆزلىنىپ، ئاخۇنۇم ئەمەس، سىياسەتۋاز مەدداھ تەربىيىلىنىدۇ دېيىشىدۇ.

فىدا

       ھايۋاناتلار باغچىسىنى  ھازىرچە ئويلاشمايلى .بولمىسا بىر باشلق بۇ باغچىغا ھايۋان سولىسا يەنە بىر باشلق كىلىپ ئادەم سولايدىغان ئىش چىقىدۇ .  ئاتالمىش ئەل رايى  ئايرىم ئادەملەرنىڭ ئەمەس ،ئاۋامنىڭ رايىغا ئايلانغاندا   ئويلاشساقمۇ كىچىكمەيمىز .   

yadikar920

كوڭۇلدىكى گەپلەرنى قىلىپسىز.  مەن ئارتۇقچە گەپ قىلماي ،بولمىسا سەل چېچىلىپ قالىدىكەنمەن....

dinar

بىزنىڭ بۇگۇردە يېڭىدىن قۇبۇل قىلىنىدىغان ئىشچى خىزمەتچىلەرنى قوش تىل  بىلىشنى شەرت قىلسا ، بۇرۇنقى ئۇيغۇر تىلنى بىلمەيدىغان  ئىشچى خىزمەتچىلەر تىزلىك بىلەن قۇش تىل ئۇگەنسە ، خىزمەتچىلەرنى  ئۇستۇرگەندە قوش تىل بىلىشىنى شەرت قىلسا رەخبەرلەرنى  ۋەزىپىگە تەيىنلىگەندە  قۇش تىل بىلىەدىغانلارنى  ئۇستۇرسە ، ھازىر بۇگۇردە  ھەرقانداق مۇلازىمەت  سۇرۇنلىرىدا  ئۇيغۇر تىلى بۇيۇن قىسىپ قالدى  تىزدىن  رەخبەرلىرىمىز  چارىسىنى قىلسا  بانكا مۇلازىمىتى ،پۇشتا مۇلازىمىتى ۋە باشقا ئىدارە ئۇرگانلاردا قوشتىلىق بۇلۇشنى ئىشقا ئاشۇرسا ياكى ئۇيغۇر تىلىغىمۇ خەنزۇ تىلىغا ئېتىبار بىلەن قارىغاندەك قارىسا ، خەنزۇ تىلى بىلەن ئۇيغۇر تىلى تەڭ ئىشلىتىلسە  يەرلىك مىللەت بەكمۇ خۇش بۇلغان بۇلاتتى

tug

    بۇ ئىش نۇرغۇنلىغان  قۇمۇل خەلقىدىن  ۋەكىل چىقىپ  مۇناسىۋەتلىك  ئورۇنلارغا  ئىلتىماس  قېلىپ  ئەمەلگە  ئاشمىسا تەسمىكى ، چۇنكى  رەھبەرلەر  پارتىيە  ئەزاسى  ئۇلار  دىنغا ئىتتىقات قىلمايمىز دەپ قەسەم  ئىچىدۇ  ئەمەسما .

dolataogli

ھەقىقى ئەل رايى دېگەن مۇشۇنداق بولىدۇ، بۇ ئىشلار رايونىمىزنىڭ ھەممە يېرىدە ساقلىنىۋاتقان مەسىللەر.