‹‹تۆمۈر داۋامەت بىلەن سادام ھۆسەيىن›› توغرىسىدا

arslan711

ئەسسالامۇ ئەلەيكۇم قېرىنداشلىرىم!
    سۆزۈمنى باشلاشتىن بۇرۇن،ئالدى بىلەن شۇ نۇقتىنى ئىزاھلاپ قويايكى، مېنىڭ تۆمۇر داۋامەت بىلەن ھېچقانداق مۇناسىۋىتىم، ۋە ياكى ئالاقەم يوق. پەقەت بۇ كىشىنى ئۇيغۇر تارىخىنىڭ مەلۇم بىر مەزگىلىدىكى تەسىرلىك شەخىسلەرنىڭ بىرى دەپلا قارايمەن.
    بۇ يازمىنى بىر قېرىندىشىمىز يوللىغان "تۆمۈر داۋامەت بىلەن سادام ھۆسەيىن" دىگەن تىمىنى قىزىقىش بىلەن كۆرگەندىن كېيىن، ئاستىغا چۈشكەن نۇرغۇن بەت ،خىلمۇ-خىل ئىنكاسلارنى ،باھالارنى كۆرۈپ ، بىلىمىم ،بىلگىنىم چەكلىك بولسىمۇ ،بەزى گەپ سۆزلەرنىڭ ھەقىقەتەن ئۆزۈمنىڭ ئەخلاق ۋە پىرىنسىپ مىزانىمغا ناھايىتى زىت كەلگەنلىگىدىن ئازابلانغانلىقىم تۈپەيلى يېزىپ ئولتۇرۇپتىمەن. ئادەم ئاجىز نەرسە، خاتالىقتىن تامامەن ساقلىنىش پەقەت ئۇلۇغ ئاللاغىلا مەنسۇپ، قېرىنداشلارنىڭ قوبۇل قىلالىغانلىرى قوبۇل قىلىپ، قوبۇل قىلالمىسا يوللۇق پىكىر قويۇپ ۋە ياكى سۈكۈتنى ئەلا بىلىپ، دوستلۇق ، قېرىنداشلىققا مالاقەت يەتكۈزمىسە دىگەن ئۈمىدتىمەن.
توۋا دىدىم . شۇ تىمىدا چۈشكەن ئىنكاسلاردا چىقمىغان گەپلەر قالماپتۇ . كۆپىنچىمىز بىلىمىز، تۆمۈر داۋامەت ھازىر ئېغىر كېسەلكەن، ئۆمرىنىڭ ئاخىرىدا تۇرىۋېتىپتۇ، ھەر بىر ئادەم ئۆزىنىڭ قىلمىش-ئەتمىىشلىرىدىن ياخشى بولسۇن،يامان بولسۇن ئالدى بىلەن ئاللاغا جاۋاپ قىلىدۇ، ئاندىن تارىخ ھامىنى مۆرىتى كەلگەندە ھەقىقى ئەھۋالنى تەبىئىلا ئاشكارىلايدۇ. ئەھۋالنى بىلىش شەرىپىگە ئېرىشەلمەي كېلىۋاتقان بىزلەرنىڭ  ئۇ-يەر بۇ يەردىن ئاڭلىۋالغانلىرى بىلەنلا ھاياتىنىڭ ئاخىرىغا كېلىپ قالغان بىر مويسىپىتنى ھاقارەتلىشىمىز ئەخلاق پەزىلىتىمىزگە ئۇيغۇنمۇ؟ئۇنداق قىلمايلى قېرىنداشلار!
    رەسىمگە كەلسەك ئويدۇرۇپ چىقىرىلغان ئەمەس،ھەقىقى رەسىم. تۆمۈر داۋامەت شۇ چاغدىكى جوڭگو زىيارەت ئۆمىكىنىڭ تەركىۋىدە ئېراق قاتارلىق دۆلەتلەرگە بارغان،نىمىشقا خەۋەر قىلمايدۇ دىگۈچىلەرگە جاۋاپ شۇكى،83-يىلى تىلىۋىزوردا خەۋەر قىلىنغان،گېزىتلەرگە ئېلان قىلىنغان،كېيىن ھەتتا كىتاپمۇ چىقىرىلغان. سىزگە سۇئال،شۇ چاغدا ئۆيىڭىزدە تىلىۋىزور بارمىتى؟بولسا خەۋەر كۆرەمتىڭىز ياكى خويەنجا كۆرەمتىڭىز؟گېزىت كۆرىدىغان ئادىتىڭىز بارمىتى؟(ئىسىمدە قېلىشىچە بىزنىڭ ئائىلىدە دەل شۇ 83-يىلى دادام نۇرغۇن يول مېڭىپ،ئالاھىدە تەستىق بىلەن تۇنجى رەڭسىز تىلىۋىزور ئالغان ئىدۇق، مەلىدىكى ھەممەيلەن بىزنىڭ ھويلىغا ئولىشىپ كۆرەتتۇق. ئۆگزىمىزگە ئۆزىمىز تېرەك ياخىچىدىن ياساپ تىكلىۋالغان ئانتىنىمىز ئارقىلىق ئاران 3،4 قانال چىقاتتى،تېخى گاژ گاژ...)...ئەمىلىيەت شۇ.
    تۆمۈر داۋامەتنىڭ ئىگىلىپ تۇرىشى كۆزىگە سىغمىغان قېرىنداشلاردىن سوراپ باقاي، بۇ يەردە ئۇنىڭ ئىگىلىپ تۇرىشى،قوش قوللاپ سادام بىلەن كۆرىشىشى كۆزىڭىزگە سىغمىغان بولسا، چوڭلىرىنى دىمەي، ئۆز شەھرىڭىزنىڭ شەھەر باشلىقى،ناھىيىڭىزنىڭ ھاكىمى،ئاددىسى يېزىڭىزنىڭ سېكىرتارى سىز بىلەن كۆرىشسە ، غادىيىپ تۇرۇپ بىر قولۇم بىلەن مەنسىتمەي كۆرىشىمەن دەپ بېقىڭە قېنى؟ 83-يىل..83-يىل.... قېرىنداشلار ئۇ دىگەن 30يىللاردىن بۇرۇنقى ۋاقىت، تور ئارقىلىق ،كىتاب-ماتىرياللار ئارقىلىق شۇ تارىخى شارائىتنى يۈزەكى بولسىمۇ چۈشىنىش تەس ئەمەس دەپ ئويلايمەن، شۇنداق بولغانكەن كۆرگەن ماتىريال خەۋەرلەردىن سادامنىڭ قانداق ئورۇن مەرتىۋىدە، تۆمۈر داۋامەتنىڭ بولسا قانداق ئورۇندا ئىكەنلىكىنى كۆرىۋالغىلى بولىدۇ. شۇنداقكەن، بىر زىيارەتچى ئۇيغۇرنىڭ باشقىلارنىڭ دۆلىتىگە زىيارەتكە بېرىشقا نائىل بولۇپ شۇ دۆلەتنىڭ ئەڭ مەرتىۋىلىك ھوقوقدارى،شۇنداقلا شۇ چاغلاردا دۇنيادا ئېتىراپ قىلىنغان ،ھۆرمەت قىلىنىۋاتقان،ۋە يەنە شۇنداقلا شۇ يەرنىڭ ساھىپخانىغا ھۆرمەت بىلدۈرىشى خاتامۇ ئاخىر؟يەنە كېلىپ شۇ چاغلاردا سادامنىڭ دۆلىتى ئىچىدىكى ئىشلىرى توغرىسىدا باھا بېرىشكە ھوقوقۇم يوق بولسىمۇ،باشقا ئەللەرگە ،بولۇپمۇ مۇسۇلمان ئەللىرىگە ئاجايىپ ئەركەكلىك ،مەرتلىكى بىلەن قىلغان ياخشىلىق،ياردەملىرى نۇرغۇن ئەللەر خەلقىنىڭ تىللىرىدا داستان بولغىنىنى بىلىدىغانلار ئاز بولمىسا كېرەك؟يەنە يەنە كېلىپ تۆمۈر داۋامەت شۇ چاغدا بىز ئۇيغۇرغا ئەمەس بەلكى جۇڭگو ھۆكۆمىتىگە ۋاكالەتەن چىقتى.
    ئاخىرىدا ئېيتىدىغىنىم، كۆپ ۋاقىتلاردا ھېسياتىمنىڭ سۈرئىتى ئەقلىمنىڭكىدىن سەل ئېشىپ كېتىدىغىنىغا ئۆزۈم ئىقرار. ئەمما شۇ نۇقتا ئېنىق بولسۇنكى ،پەقەت چۈشەندۈرۈش بولسۇن دىدىم خالاس. بۇ تۈپەيلى قىسقا مۇددەت بۇرۇنلا باشقا تور بەتتىكى بىر يازما سەۋەبىدىن ئۇرۇش-جىدەلگە سەۋەپ بولۇپ قالغىنىمدەك بولۇپ  قالمىسۇن! باشقۇرغۇچى قېرىنداشلار خالىغان چاغدا ئۇشبۇ يازمامنى تەسىرى يامان بولۇپ قالدى دەپ قارىغاندا دەرھال ئۆچىرىشكە ۋە ياكى تاقاشقا تامامەن ھوقۇقلۇق.
ھۆرمەت بىلەن : ئارسلان جۇبەيرى

iltgrix

پىكرىڭىزگە ئورۇنلۇق قېرىندىشىم!

uyghurs

ئاللاھ بۇ ئادەمنىڭ ئىشلىرىنى ئاسان قىلسۇن .كىسىلىگە شىپاھلىق بەرسۇن ئامىن !

munajjim

بىز نىمە دىگەن كەڭ قورساق...  نۇر بەيكېلى كېسەل بولۇپ قالسا ئۇنىمۇ مۇشۇنداق ياد ئىتەمدۇق؟ بۇ تۈرلۈك كىشىلەرگە مۇسۇلمانلارنىڭ، مىللىتىنىڭ دۇئاسى، يەنە بىر نېمىلىرى كېرەك ئەمەسقۇ دەيمەن.

aktuqi

شۇڭا ئالدىراپ بىرنىمە دىگۈلۈك ئەمەس

nul

ئاللا ئىشلىرنى ئاسان قىلسۇن؟

banker625

مەن بۇرۇنقى باشلىقلىرىمىزنى ئانچە بەك چۈشەنمىسەممۇ تۈمۈر داۋامەت ، ئىسمائىل ئەھمەد قاتارلىق رەھبەرلىرىمىزنىڭ ياخشى نامىنى كۆپ ئاڭلىغانمەن ، ئۇلار مىللىتى ئۈچۈن ياخشى ئىشلارنى قىلغان رەھبەرلەردۇر ،

kiqikaqqik

قاسى ياخشى بىلگۇچى اللا !!!!!!!!!!!!!!!!!!!!!!!!!!!!!!!!!!!!!!!!!!!!!

akramjan99

راست 83-يىللاردا تىېلېۋۇزۇر نۇرغۇن ئۇيغۇر ئائلىلىردە يوقتى.بۇئشنى مۇشۇسەۋەبتىن نۇرغۇن ئادەم بىلمىگەن بولىشى مۇمكىن. مەنمۇ ئەمدى بىلدىم.

kukhelal

ھەقىقەت تارىخ پەنجىرسىنى يىتمۇغۇچە ئۇيغۇر تارىخى شەخىسلىرىگە ئالدىراپ باھا بىرشكە بولمايدۇ!بىر زامانلاردا داتلاشقان تۆمۈر دەپ ئاتالغان ھازىر بولسا مەدھىيلىنىۋاتقان بۇ شەخىسمۇ شۇنۇڭ ئىچىدە!