- تىزىملاتقان
- 2013-3-1
- ئاخىرقى قېتىم
- 2014-4-2
- ھوقۇقى
- 1
- جۇغلانما
- 5145
- نادىر
- 8
- يازما
- 333
ئۆسۈش
100%
|
بۇ يازمىنى ئاخىرىدا bilgejan تەھرىرلىگەن. ۋاقتى 2013-4-15 18:40
يەنىلا جاۋابنى ھازىر بىرىۋەتسەم بولغۇدەك، كاللامغا كىرىپلاۋالدى بۇ ئىش..
بۇ كېسەل توغرۇلۇق تەپسىلىي ئەھۋاللار مەن ئۇلانما قىلغان دوختۇر مەمەت ئىمىن ئاكا يازغان تىمىدا تەپسىلىي ئۇچۇرلىرى بار بولغاچقا مەن تەپسىلىي توختالماي، قوشۇپ قويىدىغىنىم بۇ كېسەل ئادەتتە چوقۇم 7 ياشتىن بۇرۇن باشلىنىدۇ، ئۇنداق بولمىسا مۇشۇ كېسەل دەپ دىئاگنوز قويۇشقا بولمايدۇ.
دورىلارنى چۈشەندۈرۈشتىن بۇرۇن بۇ كېسەلنىڭ ئۇيغۇرچە دىققەتىنى يىغالماسلىق ۋە جىم تۇرالماسلىق (زىيادە ئاكتىپلىق) كېسىلى دىگەننىڭ ئېنگلىزچە (Attention Deficit Hyperactivity Disorder) نىڭ قىسقارتىمىسى بويىچە ADHD دەپلا ئالاي.
ADHD بالىلاردا ناھايتى كۆپ ئۇچرايدىغان كېسەل بولۇپ، بالىلارنىڭ مەكتەپتىكى نەتىجىسىگە تەسىر كۆرسىتىدىغان چوڭ بىر ئامىل. بۇ كېسەل ھەتتا ياشلىق دەۋىرلىرىگىچە سوزۇلۇشىمۇ مۇمكىن (مىنىڭ بىر گىرمانيەلىك دوستۇم مۇشۇ كېسەلگە گېرىپتار بولغان، لىكىن بۇ يىل مەن بىلەن بىللە مولىكۇلا بىئولوگىيەسى كەسپىدە دوكتۇرلۇقنى پۈتتۈرۈش ئالدىدا، بۇنداق بالىلار يەنىلا ناھايتى ئەقىللىق بولۇشى مۇمكىن). بۇ كېسەلنى داۋالاشتا پۈتۈنلەي ساقايتىدىغان دورىلار تىپىلغىنى يوق، لىكىن كېسەللىكنى يەڭگىللەتكىلى بولىدىغان دورىلار بار بولۇپ بۇلار ئىچىدىكى بالىلارغا (6 ياشتىن چوڭ) ئىشلىتىدىغانلىرى 3 كاتوگورىيەگە بۆلۈنىدۇ.
1. چوڭ مېڭىنى غىدىقلايدىغان دورىلار:
بۇلار مىتىل فېنىدات (methylphenidate)، دېكىسمىتىل فېنىدات (dexmethylphenidate)، دېكىستىرو ئامفاتېىمىن (dextroamphetamine) ۋە ئامفاتېىمىن ئارىلاشمىسى (amphetamine mixture) قاتارلىقلارنى ئۆز ئىچىگە ئالىدۇ.
ئەكىس تەسىرى:
بۇ دورىلارنىڭ ئەكىس تەىسرى بىر قەدەر چوڭ بولۇپ، ئەڭ يامىنى خۇمار قىلىش ئېھتىماللىقى بار. بۇ خىلدىكى ئامفاتىمىن (Amphetamine) نامىدىكى خىمىيىلىك دورىلار زەھەر ئورنىدا ئىستىمال قىلىنىدىغان بولۇپ،كىشىنى خۇشھال قىلىش ۋە باشقا جەھەتتىكى تەسىرلىرى كوكايىن بىلەن ئوپمۇ-ئوخشاش، شۇڭا بۇ دورىلارنىڭ ئۈنۈمى ياخشى بولسىمۇ ئىشلىتىش بەك تەشەببۇس قىلىنمايدۇ. گەرچە بۇ دورىلانىڭ مىقدارى ئىنتاينى قاتتىق كونتىرول قىلىنىدىغان بولۇپ ئىمكانقەدەر بالىغا خۇمار قىلمىغۇدەك مىقدردا بىرىش خەۋىپسىز دىيلسىمۇ، گەپنىڭ راستىنى قىلغاندا بۇ دورىلارنى مەن ھەرگىز ئىشلەتمىگەن بولاتتىم، بۇلارنىڭ ساناپ-تۈگەتكۈسىز ADHD دىنمۇ كۆپ ئېغىر كېسەللەرنى كەلتۈرۈپ چىقىرىدۇ. ئۇنىڭ ئۈستىگە خۇمار قىلىش ئېھتىماللىقى (گەرچە تۆۋەن بولسىمۇ) كىشىنى شۈركەندۈرىدۇ.
2. ئاتوموكسىتىن (atomoxetine) تۈرىدىكى دورىلار: بۇلار چوڭ مېڭىنى غىدىقلىمايدۇ ھەم خۇمارمۇ قىلمايدۇ، كۈندە بىر قىتىم ئۇرۇش لازىم بولىدۇ. ئاساسلىقى نورئېپىنېفىرىن (Norepinephrine, NE) دەپ ئاتىلىدىغان ھېسسىياتچان (ئىختىيارى) نېرۋا سىستىمىسىنى قوزغايدىغان ھورمۇننى تۆۋەنلىتىش ئارقىلىق زىيادە ئاكتىپلىقنىڭ ئالدىنى ئالىدۇ.
ئەكىس تەسىرى: ئاشقازاننى بىئارام قىلىش، ئىشتىھانى تۆۋەنلىتىش، باش قىيىش، كەيپىياتى تۇراقسىزلىشىش، ئۇيقۇسى كىلىش، ئۇخلىيالماسلىق قاتارلىقلار.
بۇ دورا بىر قەدەر كەڭرى ئىشلىتىلىدىغان بولۇپ، مەن بايا جۇڭگونىڭ تور بەتلىرىدىن بۇ دورىنى ئامرىكىدىن ئىمپورت قىلىپ ئىلىپ كىرگەنلىكىنى بىلدىم، شۇڭا سىز سېىتۋالماقچى بولسىڭىز، تۆۋەندىكى تور بەتتىكى ئۇچۇرلارغا ئاساسەن ئىزدەپ كۆرۈڭ.
盐酸托莫西汀
http://baike.baidu.com/view/1732846.htm
http://opendata.baidu.com/yaopin ... i&ie=utf-8&oe=utf-8
3. مەيۈسلىنىشقا قارشى دورا تىپىدىكىلەر: ئۈچ ھالىقىلىق مەيۈسلىنىشكە قارشى دورىلار (tricycle antidepressants) ۋە بۇپروپىئون (Wellbutrin , Bupropion) قاتارلىقلارنى ئۆز ئىچىگە ئالىدۇ. بۇلار ئاسان تىپىلىدىغان دورىلار بولۇپ، پەقەت ئىككىنچى سەپ دورىلىرى سۈپىتىدە بىرىلىدۇ. بۇلارنىڭ رولى ئاساسلىقى بالىنىڭ زىيادە كۆپ ھەرىكىتىنى ئازلىتىپ، دىققىتىنى يىغىشىغا پايدىسى بار.
ئەكىس تەسىرى:
باش قىيىش، يۈرەك رىتىمىنى تىزلىتىش، مىجەزنى چۇس قىلىش، كۆرۈش سەزگۈسى غۇۋالىشىش، باش ئاغرىقى، ئۇخلىيالماسلىق قاتارلىقلار، قىسمەن ئەھۋاللاردا تارتىشىپ قىلىش كۆرۈلۈشى مۇمكىن.
بۇ دورىلار كۆپ خىل بولۇپ، بۇلارنىڭ ئىچىدىكى بىرىنىڭ خەنچە ئۇچۇرىنى تۆۋەندىكى ئۇلىنىشتىن كۆرۈڭ.
安非他酮
http://baike.baidu.com/view/1732883.htm
ئاخىرىدا بۇ ئۇچۇرلار ئوغلىڭىز ئۈچۈن ئازراق بولسىمۇ پايدىلىق بولسا، شۇنىڭدا مىنىڭ ھاردۇقۇم چىقىدۇ. ياخشى تىلەكلەر بىلەن:
بىلگەجان
|
|