گۈلەن: مەشھۇرلاردىن مەيۈسلىنەمدۇق

gulenmen

تەكرار يوللۇنۇپ كېتىپتۇ.

ablat

tomuz يوللىغان ۋاقتى  2013-4-16 18:38
ئەسسالامۇ ئەلەيكۇم، گۈلەن ئەپەندى، ئاللاھ ئەجرىڭىزنى  ...

قوللايمەن

gulenmen

ئەگەر بىز مەسىلىنى مىللەتنىڭ مەسىلىسى دەپ تونۇساق بۇ مەسىلىنى ھەل قىلىش ئۈچۈن ئاممىۋىي ھەرىكەت قىلىش، ئاممىنى ھەرىكەتكە ئۈندىيەلەيدىغان باشچىلارغا مۇراجەت قىلىش قاتارلىق خىياللاردا بولساق بولىدۇ. ئەگەر مۇشۇنداق تەپەككۇر قىلساق ئاممىنىڭ ھەرىكەتكە كېلىپ ھەر بىرىمزنى چاقىرىۋېلىشىنى كۈتۈشتىن باشقا ۋە باشچىلارنى ۋەكىل قىلىپ قويۇپ نەتىجىنى تاماششا قىلىشتىن باشقا ئىش قولىمىزدىن كەلمەيدۇ.
مەن نېمىشقا «ئىنسانلىققا ئىجازەت» نى يازدىم؟ ھەممە ئىش شەخستىن باشلانسۇن، شەخسنىڭ ئۆزىنى شەرتسىز قوغۇدىشىدىن باشلانسۇن. ھوقۇقىمىزدىن بەھرىمەن بولۇش ۋە قوغۇداشلارنى ۋەكىللەرنىڭ قولىدىن تارتىپ ئېلىپ ئۆزىمىز ئىلكىمىزگە ئالايلى دېدىم. نىجاتلىقىمىز كىشىلىرىمزىنىڭ شەخسىي قەدىر قىممىتىنى بىلىشتىن باشلانسۇن. ئايالىنى، بالىسىنى، سىڭىلىسىنى، ئېڭىكىدىكى ساقىلىنى، بېشىدىكى ياغلىقىنى، دىلىدىكى ئىمانىنى، ئىمانغا كەلتۈرگەن ئانا تىلىنى مۇرەسسەسىز ھىمايە قىلىشتىن باشلانسۇن دېدىم. چۈنكى ئاممىۋىي ھەرىكەت قوزغاش ھازىرقى ۋەزىيەتتە ئاقىللىق ۋە قانۇنلۇق ئەمەس. ھىچكىم قوزغىغان ھەركىتىنىڭ ئەسلىي مەقسەدكە ئۇيغۇن شەكىلدە تەرەققىي قىلىشىغا كاپالەتلىك قىلالمايدۇ. ئەڭ موھىمى بىز ياشاۋاتقان دۆلەتنىڭ قانۇنى ئاممىۋىي پائالىيەتكە رۇخسەت بەرمەيدۇ.  
شەخسنىڭ مۇستەقىللىقى، باراۋەرلىكى، ھۆرلۈكى شۇنداقلا ئىنسان غۇرۇرىنىڭ، ئىمانىنىڭ، ئائىلىسىنىڭ، مۈلكىنىڭ دەخلىسىزلىكىنى ھەر بىر ئىنساننىڭ ئاڭلىق قوغۇداش نىشانىغا ئايلىنىشى كېرەك. مەنچە بىر شەخسنىڭ قولىدىن كېلىدىغان قايسى تىلدا سۆزلەش، قايسى ئورۇندا ياشاش، قانداق كىيىنىش، قايسى يەردە ناماز ئوقۇش، پەرزەنتنى قايسى مەكتەپكە بېرىش، پەقەت مۇۋاپىق مەكتەپ تېپىلمىغاندا بەرمەسلىكنى قارا قىلىش قاتارلىقلاردا يەنە ئارىمىزدىن چىققان بىزدەكلا ئاجىز بەندىلەرگە مۇراجەت قىلىش ئىمانىي زەيىپلىكىمىزنىڭ بىشارىتى.
ھەر بىرىمىز ھەق يولىدا قارار چىقارساق قارارىمىز چوقۇم ھەققانىي، ئاممىۋىي قارار بولغۇسىدۇر.

gulenmen

مېنىڭ ئىنكاسىم يوقاپ كەتتى، نېمىشقا

kukhelal

داڭلىقلار نىمىشقا جۈرئەت قىلالمايدۇ؟!
ئۇلارنى مۇئاشتىن ئىبارەت ئىقتىسادىي ئىسكەنجە قاماللاپ تۇرىدۇ!
خۇلاسە:ئۇيغۇر ئۈچۈن ئىش قىلىمەن،ھەقىقەتنى ياقلايمەن دىگەن كىشى ئىقتىسادىي قاراملىقتىن قۇتۇلۇش كىرەك!ھەرقانداق يۇسۇندا ھۆكىمەت ئورۇنلىرىدىن ئىقتىسادىي ياردەم ئالماسلىقى كىرەك!

داڭلىقلار نىمىشقا جۈرئەت قىلالمايدۇ؟!
كونا ئىدىيىنىڭ چوماقچىسى!ئۇلارنى مەدەنىيەت ئىنقىلابىي دەۋرىدىن قالغان روھىي قىسىلچىلىق،ھەقتىن قورقۇش پىسخىكىسى چىرماپ ئالغان!ھۆكىمەتتىن ئىبارەت چىقىلغىلى بولمايدىغان مەبۇد شەكلى ئاتا مىراس قورقۇش،تۈگۈلۈش قاتماللىقىدا ئۆز ئورنىنى تاپقان!
خۇلاسە :ئۇيغۇر ئۈچۈن ئىش قىلىمەن!ھەقنى ياقلايمەن دىگەن كىشى!ھەرخىل قاتمال ئىدىيىلەردىن يىراق تۇرىشى كەلگۈسىگە ئۆمۈتۋار بولىشى ماقالىلىرىدا خەقنى يىتەكلەيدىغان قىيىن ئىش يوق ئادەمگە،كۆڭۈل قويغان ئادەمگە دىگەن ئىبارىنى ئۆز مىڭىسىگە تەدبىقلىشى كىرەك!

داڭلىقلار نىمىشقا جۈرئەت قىلالمايدۇ؟!
بۇلار كۈچلۈك سىياسىي گەۋدىنىڭ كونتۇرۇللىغىدىكى شاھمەت تاختىسى!سىياسىينى سەن بىلسەڭ سەن سىياسىينى ئوينىتىسەن!سىياسىي سىنى بىلىسە سىنى سىياسىي ئوينىتىدۇ!دىمەك قانۇن -سىياسىي بىلىملەرگە پۇختا بولماي سىياسىينىڭ كونتۇرۇللىغىدىن قۇتۇلۇش مومكىن ئەمەس!سىياسىيگە پۇختا بولمىسا سىياسىينىڭ كونتۇرۇللىغىدىن قۇتۇلالمىغان تەغدىردىمۇ سىياسىينىڭ قۇلى ھالەتكە،سىياسىينىڭ پىچكىسى ھالەتكە چۇشۇپ قالىدۇ!ئىلھام توختى سىياسىينىڭ قولىدا بولسىمۇ قۇلى بولمىغان تىپىك شەخىس!
مۇنا مۇشۇنداق سىياسىي،ئىقتىسادىي،ئىدولوگىيە جەھەتتە بويۇنتۇرۇقتا تۇرىۋاتقان ئاتالمىش(مەشھۇر)لىرىمىز!بىزنى بوران چىقارماقچى دىسە خاپا بولمايمەن!چۈنكى ئۇلار راس بوران چىقارماقچى،داڭ چىقارماقچى!ئەلۋەتتە بۇ تۈگۈلگەندىن مىڭ ياخشى!
داڭ چىقىرىش،بوران چىقىرىش يامان ئىش ئەمەس!يامان يىرى شۇنۇڭغا ئىرىشىدىغان ۋاستىدە!مانا ئانا تىل مەسىلىسىنىلا مىسالغا ئالساق گۈلەن قانۇن يولى قاتارلىقلار ۋە شۇ تەرەپپازدىكىلەر بوران چىقاردى!!قانداق چىقاردى؟مەۋجۇتلۇقنى ساقلاش ئۈچۈن قەھرىمانلارچە،گىلادىياتۇرلارچە،دانكۇچە داڭ چىقاردى؟
ئالدىرماڭلار سىلەرمۇ داڭ چىقاردىڭلار !مەرىتنى مەيداندا سىنا دىگەن مەنتىقە بويىچە تۇگۈلۋىلىش،قورقۇش،زاڭلىق قىلىش يولى بىلەن خەلقىمىزنىڭ قەلبىدە شاپتۇل موللىچە،ئاپپاق غوجىچە،يىۋگىنى گىراندىچە،....يەنە شۇ بويىچە تۈمەنلىگەن تەڭتۇشۇڭلار بويىچە داڭ چىقاردىڭلار!
«بوران چىقىرىش»،«داڭ چىقىرىش» يولى بىلەن ئىىنسانىيەت بۈگۈنكىدەك تەرەققىيات باسقۇچىغا كۆتۇرۇلدى!«بوران چىقىرىش»،«داڭ چىقىرىش»بولمىسا تەرەققىيات بولمايدۇ.چۈنكى دۇنيا «بوران چىقارغۇچى»،«داڭ چىقارغۇچى»بىلەن مەۋجۇت بولۇپ تۇرىدۇ يۇقۇرى كۆتۇرۇلۇپ تۇرىدۇ!
ھەر دەۋىرنىڭ ئۆزىگە تۇشلۇق «بوران چىقارغۇچى»،«داڭ چىقارغۇچى»لىرى بولىدۇ!شۇ دەۋىرگە مۇناسىپ كەلمىگەن «بوران چىقارغۇچى»،«داڭ چىقارغۇچى»لار تەرەققىياتنى چەكلەپ ماڭىدۇ!ئۇنداقتا بۇگۈنكى ئۇيغۇرغا قانداق «بوران چىقارغۇچى»،«داڭ چىقارغۇچى»لار كىرەك؟
بۈگۈنكى ئۇيغۇرغا دانكۇ ھاياتىنى ئۆز غايىسىگە تەدبىقلايدىغان،رىئال مەسىلىلەرگە يىتىپ تۇرۇپ ئەمەس،ئەمەلىي ھەركەت بىلەن جاۋاپ قايتۇرالايدىغان،تىلىڭنى ئەكەل دىسە مە دەپ تۇتقۇزۇپ قويىدىغان ئەمەس نىمىنى دەپ ئۈستەلنى مۇشتلاپ قوپالايدىغان،مۆرىتى كەلگەندە جىنىنىمۇ قۇربان قىلالايدىغان «بوران چىقارغۇچى»،«داڭ چىقارغۇچى»لار كىرەك!

sadih

كىمنىڭ قانداق مەشھۇر بولۇشى مۇھىم ئەمەس.پەقەت مەلۇم مۇددىئا ئۈچۈن كىچىككىنە ئىش قىلالىغان ئادەم ئەڭ نوچىدۇر.ھەر بىر ئادەم ئۆزىنىڭ مەقسىتىنى ئىشقا ئاشۇرىشى ئۈچۈن مەسئۇلىيەتچان بولىشى ، تىرىشىىشى، بۇرچىنى ئادا قىلىشى كېرەك.باشقىلاردىن ئاغرىنىشنىڭ ئورنى يوق.
   لېكىن جەمئىيىتىمىزدە قانچىلىك ئادەمنىڭ روھىيىتى ئادىمىيلىك بىلەن ھېسلاندى؟ قانچىلىك ئادەم گۇلەننىڭ تېمىلىرىنىڭ مەزمۇنىنى ھەزىم قىلالايدۇ؟ 100 ئالىي مەكتەپ پۇتتۇرگەن ئوقۇغۇچىلىرىمىزنىڭ ئىچىدىكى ئىشقا ئورۇنلاشقان بىرسىنىڭ يەڭنى شىمايلاپ چىقىپ توردا داۋراڭ سالغىنى بىلەنلا گۇلەننەڭ تەشەببۇسلىرىنى ئومۇملاشتۇرۇش ئىمكانىيىتى قانچىلىك؟دېگەندەك، زىيالىلىرىمىزنىڭ تور دۇنياسىغا بولغان تونۇشى كۇچا سوپۇنىنىڭ مازغىپىدەك ھالەتتە تۇرسا كىمگە، نىمىنى قىلىپ بېرەلەيدۇ؟
   توردا    جار سېلىۋاتقانلارنىڭ كۆپىنچىسى ئەقەللىسى توردىكى ئىناقلىقنى ساقلىيالماي «ئاق تاغلىق، قارا تاغلىق » بولۇپ كېتىۋاتسا، قايسى زىيالىنىڭ چۈشەندۈرۈشلىرىنى قوبۇل قىلىدۇ؟
  ئانا تىلنى ئۆيىدە قوللىنالمايۋاتقان زىيالىي، موللا، ئۆلىما،ئوقۇغۇچى، كادىر، كاسىپ، ئوغرى، بۇلاڭچى، ... لىرىمىز ئەتراپىمىزدا تولۇپ تۇرۇپتۇ. نىمە ئۈچۈن شۇنداق بولىدۇ؟ چۇنكى بىزنىڭ روھىيىتىمىز ئەمەس قورسىقىمىزمۇ تېخى ياخشى تويمىدى.«ساۋاتسىز ئەلدە سوتسىيالىزىم قۇرغىنى بولمايدۇ» دەپتىكەن لېنىن. 2 سوملۇق خام كاۋاپنىڭ گۆشىنى سېرىپ ئاپىرىپ تاماق ئېتىۋاتقان كىشىلىرىمىز ئارىسىدا نۇرغۇن سۆزلەردە تېخى پو ئاتقىلى بولمايدۇ.

akpar914

بۈگۈنكى ئۇيغۇرغا دانكۇ ھاياتىنى ئۆز غايىسىگە تەدبىقلايدىغان،رىئال مەسىلىلەرگە يىتىپ تۇرۇپ ئەمەس،ئەمەلىي ھەركەت بىلەن جاۋاپ قايتۇرالايدىغان،تىلىڭنى ئەكەل دىسە مە دەپ تۇتقۇزۇپ قويىدىغان ئەمەس نىمىنى دەپ ئۈستەلنى مۇشتلاپ قوپالايدىغان،مۆرىتى كەلگەندە جىنىنىمۇ قۇربان قىلالايدىغان «بوران چىقارغۇچى»،«داڭ چىقارغۇچى»لار كىرەك!

gulenmen

ئىنكاسىم يوقاپ كەتتى، ساقلىۋالمىغاچقا ئامال بولمىدى. قايتا يازاي

niku

     ئەسسالامۇ ئەلەيكۇم گۈلەن ئەپەندى،  قاراشلىرىڭىز ئورۇنلۇق. ئەمما، ئابدۇقادىر جالالىددىننى ئانا تىل ئىشىدا ئاز - تولا يول كۆرسەتتى دېيىش بىلەنلا مەن ئۇنى غورۇرىنى ساقلاپ قالدى، دەپ تونۇمايمەن. بۇ قېتىم ھەتتا ئۇمۇ غورۇرىنى پايخان قىلىۋەتتى. بەكلا ئېچىنىشلىق، ئىنتايىن ئېچىنىشلىق. ئۇ ئۆزىنىڭ شىر تونۇتىۋېتىلگەن مۈشۈك ئىكەنلىكىنى ئانا تىل يەسلىسى ئىشىدا تولۇقى بىلەن ئىسپاتلىدى. گۈلەن، مېنىڭچە سىزنىڭ دېگىنىڭىز توغرا، ماڭا سىز تاللىغان يول يارايدۇ.

gulenmen

مەنچە مەشھورلاردىن ئۈمىد كۈتۈشتە مۇنداق  ناتوغرا روھىي ھالەت مەۋجۇد. ئۇ بولسىمۇ ئانا تىلنى قوغۇداش مەسىلىسىنى ئاممىۋىي ھەرىكەت دەپ قاراش ۋە شۇنداق ھەرىكەتكە ئايلاندۇرۇش. چۈنكى بۇ ئىشتا مەشھۇرلار ئاۋاز قوشسا كىشىلەر ۋەكىلگە ئېرىشىدۇ. ئاممىۋىي ھەرىكەتكە ئايلانسا يالغۇز قالمىسا بوران تەگمەيدۇ. ئەمما مەنچە ئانا تىلنى قوغۇداش، پەرزەنتلەرنىڭ .ئانا تىلدا ئوقۇش ھوقۇقىنى ئەسلىگە كەلتۈرۈش ئاممىۋىي ھەرىكەت ئەمەس، شەخسىسي ھەرىكەت. ھەر بىر شەخسنىڭ قىلىشقا تىگىشلىك ئىشىدۇر. ھەم ئاممىۋىي ھەرىكەت بىلەن ھەل قىلىدىغان ئىش ئەمەس شۇڭا بىزگە مەشھۇرلارنىڭ ئادەم يىغىپ بېرىشىنىڭ ياكى بىزگە ۋەكىل بولۇشىنىڭ ھاجىتى يوق.