تېلفۇن ئالدامچىلىقىدىن پەخەس بولۇڭ

hawar

  بۇلتۇر دېكابىردىن بۇيان شەھىرىمىزدەكۆرۈلگەن تېلفۇن ئالدامچىلىقلىرى خىلمۇ-خىللاشقان.يېقىندا ئىناۋەتلىك كارتىدا ئىستىمال قىلغانلىق باھانىسى بىلەن تېلفۇندا ئالدامچىلىق قىلىش ئەھۋاللىرى كۆپ كۆرۈلگەن.بىرئايغا يەتمىگەن ۋاقىتتا تېلفۇن ئالدامچىلىق دېلوسىدىن30نەچچىسى قۇبۇل قىلىنغان بولۇپ،قانۇنسىز ئۇنسۇرلار ئىچكىرى ئۆلكىلەردىكى سوت مەھكىمىسىنىڭ خىزمەتچىسى بولۇۋېلىپ،زىيانغا ئۇچرۇغۇچىلارنىڭ ئىناۋەتلىك كارتىدا ئىستىمال قىلىپ،قەرىز بولۇپ قالغانلىقىنى،پۇلنى دەرھال تاپشۇرمىسا زىيانكەشلىككە ئۇچرۇغۇچىنى تۇتۇپ تۇرىدىغانلىقى توغرىسىدا تەھدىت سالىدىكەن.
  شەھىرىمىزنىڭ سايباغ رايۇنىدا ئولتۇرۇشلۇق ۋاڭ خانىمغا بىركۈنى بىرەيلەندىن تېلفۇن كەلگەن . قارشى تەرەپ ئۆزىنى<<نەنجىڭ شەھەرلىك ئوتتۇرا سوت مەھكىمىسىنىڭ خىزمەتچىسى>>دېگەن. ئۇ ۋاڭ خانىمنىڭ ئىناۋەتلىك كارتىسىدىن 7000يۇەندىن ئارتۇق خەجلىۋەتكەنلىكىنى، ئەگەر بۇپۇلنى قايتۇرمىسا،تۇتۇپ تۇرۇلىدىغانلىقىنى ئېيىتقان. ۋاڭ خانىم ئەزەلدىن نەنجىڭغا بېرىپ باقمىغان ھەم ئىناۋەتلىك كارتىسىمۇ يوق ئىكەن. لېكىن ئۇ<<سوت مەھكىمىسى خىزمەتچسى>>كەسكىن تەلەپپۇزىدا قەرىزنى قايتۇرمىسا تۇتۇپ تۇرىدىغانلىقىنى ئاڭلاپ ، قورىققىنىدىن قارشى تەرەپنىڭ كارتىسىغا بۇ پۇلنى ئىككى قېتىمغا بۆلۈپ سېلىۋەتكەن. كېيىن ئۇ بۇ ئىشنىڭ سەل نورمالسىزلىقىنى بايقاپ، شەھىرىمىزدىكى ج خ ئورگانلىرىغا مەلۇم قىلغان.
  بۇلتۇردىن بۇيان شەھىرىمىز ساقچىلىرى تېلفۇندا ئالدامچىلىق قىلىش دېلوسىدىن1000دىن ئارتۇقىنى تاپشۇرۇۋالغان، بۇ دېلولاردىكى زىيانكەشلىككە ئۇچرۇغۇچىلارنىڭ كۆپ قىسىمى ياشانغان ۋە ئوتتۇرا ياشلىق ئاياللار ئىكەن. <<قوش بايرام >>يېتىپ كېلىش ئالدىدىدا، قانۇنسىز ئۇنسۇرلارنىڭ نەيرەڭلىرىمۇ كۆپ خىللاشقان. شۇڭا ساقچىلار كىشىلەرنىڭ ھوشيارلىقىنى ئۆستۈرۈپ، ھەرخىل ئالدامچىلىقلاردىن پەخەس بولۇشىنى تەۋسىيە قىلغان.ئەگەر مۇشۇنداق ئالدامچىلىقلارغا ئۇچرىغاندا، ھودۇقماستىن ئەھۋالنى ئېنىقلاپ، دەرھال ساقچىغا مەلۇم قىلسا بولىدۇ. 

                 ئۈرۈمچى كەچلىك گېزىتىدىن تور يۈزىگە يوللىغۇچى: باغداش تور بېكىتى

yahya

ئاللا......ئاللا....... بۇشەرەپسىزلەرگە قىلىدىغان ئىش چىقماي ئەمدى مۇشۇنداق ئىشلارنى قىپ يۈرگىنىنى !!!!!
ئىھتىيات قىلايلى جۇما قىرىنداشلار !

nusrat

مەيلى توردا ياكى تېلېفۇندا بولسۇن مۇشۇنداق ئالدامچىلار بەك كۆپىيىپ كەتتى، ئۇستىلىقىنى دېمەي بولدى ئۇلارنىڭ. ئىشقىلىپ، مۇشۇ تەرەپتىكى ھوشيارلىقنى بەكرەك يوقىرى كۆتۈرگەن ياخشى، ھارامدىن قورقمايدىغانلاردىن خۇدايىم ساقلىسۇن.

komul

ۋاييەي  مۇنۇ ئالدامچىلىقنى   .........   ھەممە ئادەم ھۇشيار بولىشى لازىم  ............

kaptar

مۇشىنىڭغا ئالدىنىپ قالىدىغان لامزەللىلەرنى نىمە دىگۈلۈك !!!!!

arzuyum

بۇ ئىش بىزنىڭ مەكتەپتە ئىشلەيدىغان بىر ئوقۇتقۇچىنىڭ ئائىلىسىگىمۇ كەلگەن. ئۇلارنىڭ قىزى ئۈرۈمچىدە ئوقۇيتتى،  مەن يىتەكچى ئوقۇتقۇچىسى بولىمەن قىزىڭلار بۈگۈن قاتناش ۋەقەسىگەئۇچرىدى دەرھال پۇل سېلىۋېتىڭلار دەپ تېلفۇن كەلگەن ھەم كارتا نومۇرىنى دەپ بەرگەن. بۇ خەۋەرنى ئاڭلىغان بالىنىڭ ئانىسى جىددىلىشىپ دەرھال ئۈرۈمچىدە خىزمەت قىلىدىغان ئاچىسىغا تېلفۇن قىلغان،  ئەمىليەتتە ئۇ قىز شۇ چوڭ ئاپىسىنىڭ ئۆيىدە شەنبە ئۆتكۈزۈش ئۈچۈن كەلگەن بولۇپ ئاپىسى ئۇرغان تېلفۇننى دەل شۇ قىز ئالغان ھەمدە ھېچقانداق قاتناش ۋەقەسى بولمىغانلىقىنى ئېيتقان. ئەگەر شۇ ۋاقىتتا ئۇ خىزمەتدىشىمىز ئاچىسىغا تېلفۇن ئۇرۇپ باقمايلا پۇلنى سېلىۋەتكەن بولسا دەل ئالدامچىنىڭ دامىغا چۈشكەن بولاتتى. موشۇنداق ئىشلارغا يولۇققاندا بۇنى چوقۇم قانون ئورۇنلىرىغا مەلۇم قىلىش كېرەك .

alnur

بۇ مەزمۇن 5قەۋەتتىكى arzuyumدە2011-01-10 22:25يوللىغان يازمىسىغا نەقىل :
  بۇ ئىش بىزنىڭ مەكتەپتە ئىشلەيدىغان بىر ئوقۇتقۇچىنىڭ ئائىلىسىگىمۇ كەلگەن. ئۇلارنىڭ قىزى ئۈرۈمچىدە ئوقۇيتتى،  مەن يىتەكچى ئوقۇتقۇچىسى بولىمەن قىزىڭلار بۈگۈن قاتناش ۋەقەسىگەئۇچرىدى دەرھال پۇل سېلىۋېتىڭلار دەپ تېلفۇن كەلگەن ھەم كارتا نومۇرىنى دەپ بەرگەن. بۇ خەۋەرنى ئاڭلىغان بالىنىڭ ئانىسى جىددىلىشىپ دەرھال ئۈرۈمچىدە خىزمەت قىلىدىغان ئاچىسىغا تېلفۇن قىلغان،  ئەمىليەتتە ئۇ قىز شۇ چوڭ ئاپىسىنىڭ ئۆيىدە شەنبە ئۆتكۈزۈش ئۈچۈن كەلگەن بولۇپ ئاپىسى ئۇرغان تېلفۇننى دەل شۇ قىز ئالغان ھەمدە ھېچقانداق قاتناش ۋەقەسى بولمىغانلىقىنى ئېيتقان. ئەگەر شۇ ۋاقىتتا ئۇ خىزمەتدىشىمىز ئاچىسىغا تېلفۇن ئۇرۇپ باقمايلا پۇلنى سېلىۋەتكەن بولسا دەل ئالدامچىنىڭ دامىغا چۈشكەن بولاتتى. موشۇنداق ئىشلارغا يولۇققاندا بۇنى چوقۇم قانون ئورۇنلىرىغا مەلۇم قىلىش كېرەك .  

بۇنداق ئەھۋالغا مېنىڭ يولدىشىممۇ ئۇچرىغان، ھېلىمۇ ياخشى ئوقۇتقۇچىسىغا تېلفۇن قىلسا دەل دەرس ئۆتۈۋاتقان ۋاقتىكەندۇق، يالغانلىقى بىلىنىپتۇ، بولمىسا 50000 يۈەندىن ئايرىلىپ قالاركەنمىز. ئىشقىلىپ بۇنداق ئەھۋالغا يولۇققاندا ئېغىر بېسىقلىق ھەم ئېھتىياتچانلىق بىلەن مۇئامىلە قىلىپ ، يالغانلىقىنى بىلگەن ھامان قانۇن ئورۇنلىرىغا مەلۇم قىلغان ياخشى.