تۈركىيە، جۇڭگو ۋە «شەرقىي تۈركىستان تىلسىماتى»

ajam97

ياخشى  تېمىكەن         

baxbuh

خەلقىرا  ئىستىراتىگىيەدە  بىر مودا بولغان سوز بار  ‹‹بىزنىڭ مەڭگۇلۇك دوستىمىز ۋە مەڭگۇلۇك دۇشمىنىمىزمۇ يوق ،پەقەت مەڭگۇلۇك مەنپەتىمىزلا بار ›› ،تۇركىيەنى قىرىنداشلىق نوختىسىدىن ياخشى كورىمەن ،قوللايمەن

babuhan1415

kiya

قېرىنداشلار ھامان نەدە، قانچىلىك يىراقتا بولسۇن ھامان قېرىنداش!

tanha_roh

    تورداشلارنىڭ ئەقلىدە شۇ نەرسە بولىشى كېرەككى ھەرقانداق دۆلەت سىياسەت بەلگىلەشتە دۆلەت ۋە مىللەت مەنپەئەتىنى ئاساس قىلسىمۇ ئەمما ئۇلارنىڭ مەنپەئەتىنىڭ دائىرىسنى بەلگىلەش ئۇسۇلى ۋە ئۆز مەنپەئەتىنىڭ چەك چېگراسى ئوخشىمايدۇ .بەلكىم نۇرغۇن تورداشلارنىڭ نەزىرىدە ئۇيغۇرلار تۈركىيەنىڭ دۆلەت مەنپەئەتىنىڭ سىرتىدا ،پەقەت خەنلەر بىلەن بولغان مۇناسىۋەتتە كوزىر دەپ قارىشى مۇمكىن ئەمما بۇ خاتا چۈشەنچە .چۈنكى تۈركىيە جۇمھۇرىيىتى قۇرۇلغاندا مۇنداق بىر ئىدولوگىيە تەڭ دۇنياغا كەلگەن .يەنى تۈركىيە ئىچىدىكىلەرنى ئىچكى تۈركلەر تۈركىيە تېشىدىكىلەرنى بولسا تاشقى تۈركلەر دېيىش ۋە قولىدىن كەلگەنچە تاشقى تۈركلەرگە ئىگە چىقىش.يەنى تۈركىيەنىڭ دۆلەت مەنپەئەتى يالغۇز تۈركىيە ئىچىدىلا ئەمەس بەلكى بالقانلاردىن تارتىپ تاكى سەددىچىن سېپىلىغىچە بولغان كەڭ زېمىندا تۈركىيەنىڭ چېچىلىپ كەتكەن دۆلەت مەنپەئەتى مەۋجۇت .بۇ دېگەنلىك تۈركىيە جۇمھۇرىيىتىنىڭ مەۋجۇت بولۇپ تۇرۇشى پەقەت دۆلەت ئىچى مەنپەئەتى بىلەنلا ئەمەس دۆلەت تېشىدىكى مەنپەئەتى بىلەنلمۇ زىچ باغلىنىشلىق .بەلكىم ھازىرغا نەزەر سالغاندا ئۇيغۇرغا ياردەم قىلسا تۈركىيەگە چوڭ پايدا ئېلىپ كەلمەيدۇ .ئەمما يىراققا نەزەر سالغان ئۇيغۇردىن ئىبارەت بۇ چىگرا يوقالغاندىن كېيىن خەنلەرنىڭ قەدىمى ئوتتۇرا ئاسىياغا بىمالال يېتىپ بارىدۇ ھەتتا ئوتتۇرا شەرىققە تەسىر كۈچى يېتىدۇ .بۇنىڭ بىلەن تۈركىيەنىڭ ئوتتۇرا ئاسىيادا بىر گەۋدىلىشىش پىلانى سۇغا چىلىشىپلا قالماستىن ئوتتۇرا شەرىقتىكى مەنپەئەتلىرىدىنمۇ ئايرىلىپ قېلىشى مۇقەررەر .شۇڭا تۈركىيەمۇ جوڭگۇ بىلەن شاھمات ئوينىغاندا سەزگۈرلىك بىلەن ئوينايدۇ .چۈنكى ھەربىر ئاتقان خاتا قەدىمىنىڭ ئاقىۋىتىنىڭ زىيىتىنى بىلىدۇ .

راكىتا

جۇڭگۇ بەك كۇچىيىپ كەتتى ، تۇركىيەدەك ئون تۇركىيەگە بىمالال تېتىيالايدۇ ، تۇركىيەنىڭ جۇڭگۇنىڭ خەرىتىسىنى ياكى ۋەزىيىتىنى ئۆزگەرتىش نىيتىدە بۇلىشى بۇ بىر ئەخمىقانىلىق ، نادانلىق ،تۇرۇك ئەلباشلىرى ، ئاقىللىرى بۇنى ئوبدان بىلىدۇ  تۇركىيە جۇڭگۇ مۇناسىۋىتدە جۇڭگۇ چىگرا سىرتىدىكى بۆلگۇنچىلەرنى چەكلەشتە مەنپەئەتلەنسە تۇركىيە سودا ، تېخنىكا ، جەھەتلەردە مەنپەئەتلىنىدۇ ، جۇڭگۇ ھازىر ھىچقانداق دوۋلەتكە بوزەك بولمايدۇ ، 2000-يىلدىن بۇرۇن بولغان بولسا ئۇ باشقا گەپ ، ھازىر ئوخشىمايدۇ ، ئامىرىكا ئىراق ، لىۋىيە ،ئافغاندەك ئاجىز دوۋلەتلەرگە ھەيۋىسنى كۆرسىتىش بىلەن ئالدىراش بۇلۇپ كىتىپ جۇڭگۇغا ياخشى كۇچلىنىۋېلىش پۇرسىتى يارتىپ بەردى ، ئەمدى ۋاقىت كەتتى ، دۇنيا خوجىسى ئامىرىكىنىڭ ھۇكۇمران دەۋرى ئاساسەن تۇگەپ قالدى ، شۇڭا مەيلى ئامىركا ، مەيلى ياپۇن ، ۋە ياكى تۇرۇك ياكى باشقىلار بىزلەرنىڭ قۇتقازغىۇچىمىز ئەمەس ، بىزنى ھەم قۇتقۇزۇپمۇ بولالمايدۇ ، چۇنكى دوۋلىتىمىز ھازىر دۇنيادىكى 5 كۇچلۇكنىڭ ئىچىدە  بار ، جۇڭگۇ بىزنى 60 نەچچە يىل بۇرۇن  ئازات قىلىپ  ئەركىنلىككە ، دىمۇكراتىيىگە ئېگە قىلىپتىكەن ، مۇشۇ ئەركىنلىكىمىز ، ئازاتلىقىمىز سوتسىيالىزىمنىڭ ئىللىق نۇرى ئاستىدا قىيامەتكىچە داۋاملىشىدىغان ئوخشايدۇ ، چۇنكى بىزنىڭ ھالىمىز بەرىبىر مۇشۇ تۇرسا دوۋلىتىمىزدىن باشقا كىمدىن ئۇمۇت كۇتمەكچى بىز ؟

uyghurmen

tanha_roh يوللىغان ۋاقتى  2013-4-22 00:46
تورداشلارنىڭ ئەقلىدە شۇ نەرسە بولىشى كېرەككى ھەرقان ...

سىزنىڭ دېگەنلىرىڭىز تۈركىيەدىكى مىللەتچىلەرنىڭ ۋە مۇسۇلمان تۈركلەرنىڭ ھاكىمىيەت سىرتىدىكى قاراشلىرى. تۈركىيەدە بىر پارتىيە ھاكىمىيەت سىرتىدا بولغاندا باشقا گەپنى، ھاكىمىيەتكە چىقىپ قالسا باشقا ئىشنى قىلىدۇ. مەسىلەن مىللەتچى ھەركەت پارتىيىسى ھاكىمىيەتتىكى چاغدا جاڭ زېمىنغا دۆلەت مېدالى ئاستى. ئەگەر بۇنى باشقا بىر پارتىيە ھاكىمىيەتتىكى چاغدا قىلغان بولسا ئىدى، مىللەتچىلەر ئۇنى سۆكۈپ ئاغزى بېسىقمىغان بولاتتى. تۈركىيە خەلقى ھىسىداشلىق قىلىدىغانلىقىدا گەپ يوق. ئەمما تۈركىيە ھاكىمىيىتى ئەزەلدىن ئۇيغۇرلارنىڭ ھەركىتىگە تىلغا ئېلىشقا ئەرزىيىدىغان ياردەم بېرىپ باقمىدى. كوزېر قىلىپ پايدىلىنىشقىمۇ تولۇق جۈرئەت قىلالمىدى. ئەگەر شۇنداق جۈرئەت قىلالىغان بولسا تۈركىيە يولداشلار بىلەن بولغان مۇناسىۋەتتە تېخىمۇ ئۈنۈملۈك مەنپەئەتلەرگە ئېرەشەلىگەن بولاتتى. بۇنداق بولۇشى، تاكى ئاتا تۈرك دەۋرىدىن باشلانغان تۈرك مىللەتچىلىكىگە _ پان تۈركسىزمغا مەدەت بېرىش پوزىتىسىيىسىدىن قاتتىق قورقۇش دۆلەت روھىغا سىڭىپ كەتكەنلىكىدە. چۈنكى ئەينى چاغدىكى ئاجىز تۈركىيە سوۋېت تەھدىدىن قورقۇپ تۇرۇۋاتقاچقا، ئۆزلىرىنىڭ پان تۈركسىزمغا يانتاياق ئەمەسلىكىنى ئىسپاتلاش ئۈچۈن كاۋكازلاردىن، ئوتتۇرا ئاسىيادىن قېچىپ كەلگەن نۇرغۇن تۈركچىلەرنى سوۋېت ھۆكۈمىتىگە ئۆتكۈزۈپ بەرگەن. ھەتتا بەزىلىرى نارىسىدە بالىلىرىنىڭ بولسىمۇ ھايات قېلىشىنى ئىلتىماس قىلىپ، تۈركىيەلىكلەرگە بېرىۋەتمەكچى بولسىمۇ يول قويۇلمىغان بولۇپ، ئۇلارنى ئېلىپ ماڭغان پويېز قوزغالغاندا بالىلارنى دەرىزىدىن تاشلىۋېتىپ كەتكەن ۋەقەلەر بولغان. مانا شۇنداق پان تۈركىسزمدىن قورقۇش دۆلەت روھىدا، دۆلەتنىڭ قىزىل تاشلىق كىتابىدا (رەئىس جۇمھۇر كېيىنكى رەئىس جۇمھۇرغا بىۋاسىتە تاپشۇرۇپ بېرىدىغان، دۆلەتنىڭ ئۆزگەرمەس قىممەتلىرى ۋە پىرىنسىپلىرى يېزىلغان كىتاپتا) يەرلىشىپ كەتكەچكە، بۈگۈنگىچە تۈركىيە دۆلىتى ھىچقانداق ياردەمدە بولۇش پوزىتسىيىسىدە بولمىدى. ئەمما تۈركىيەنى پاراكەندە قىلىش ئۈچۈن خەن ھۆكۈمىتى كۈرت بۆلگۈنچىلەرنى قورال ۋە مۇتىخەسسىلىك جەھەتلەردە تەمىنلىدى. شۇڭا كۈرتلەر بۈگۈنگىچىمۇ ماۋنى ئۆزلىرىنىڭمۇ داھىسى ھىساپلايدۇ. ئەگەر تۈركىيەمۇ خەن ھۆكۈمىتى قىلغاننىڭ يېرىمىچىلىك ئەمەلىي بىرەر ئىش قىلىدىغان بولسا بەلكىم بارلىق تەلەپ ۋە شەرتلىرى ئورۇندالغان بولاتتى.
بالقانلاردىن چىن سەددىگىچە تۈرك دۇنياسى شۇئارى پەقەت مىللەتچىلەرنىڭ تىلىدىكى شېرىن خىيال بولۇپ، بۇنىڭ ھىچقانداق ھەركەتكە ئايلىنىش ئىمكانلىرى يوق. چۈنكى بۇ ئىچىدە يېتەرلىك كۈچ تاپالماسلىقىلا ئەمەس، تېشىدىمۇ ناھايىتى كەڭ بىر كۈچ نۇقتىلىرىنىڭ خالىماسلىقىدۇر. مەسىلەن، بۇنداق بىر بۈيۈك تۈركچىلىك مەپكۈرىسى جۇڭگۇ ھۆكۈمىتىنىلا ئەمەس، پۈتكۈل غەرپنى، ھەتتا ئەرەپلەرنىمۇ ئەندىشىگە سالىدىغان بولغاچقا، شۇئار بولۇشتىن نېرىغا ئۆتۈشكە ئىچكىي تاشقىي شەرتلەر بىردەك پايدىسىز بولۇپ تۇرماقتا. بۇنى تۈرك ھۆكۈمىتى ئويلىماي قالامدۇ؟ بۇنداق كىرزسقا پاتۇرۇدۇغان ئىشقا تۈرك ھۆكۈمىتى ئەڭ ئاز يۈز يىلغىچىمۇ جۈرئەت قىلالمىسا كېرەك.

arginakun

باغداشتىكى تىمنى ئوقۇمايلاھاياجانغاتايىنىپ ئىنكاس يازىدىغان ئۇيغۇرغائامال يوق. سۆزلىگەن
بىكارتۈركىيەگە قارشى قوپتۇڭ!؟ دىگەن قالپاقنى كىيدۈرۈپلا سىزنى ئانىڭىزدىن تۇغۇلغانغا تۆۋبە قىلدۇرۋىتىدۇ- بۇلدى قىلىڭ

munajjim

كۆز ئالدىمىزدا بۇلۇۋاتقان رىئال ۋەقەلەر دىيىلسىمۇ ئىشەنگۈمىز، رىئاللىقىنى ئىتراپ قىلغۇمىز  كەلمەيدىكەن... لېكىن ئەپسۇس خالايلى خالىمايلى ئەھۋال مۇشۇنداق... تۈركلەر بىلەن بىز ئەلۋەتتە قېرىنداش مىللەت ئەمما بۇيەردىكى مەسىلە مىللەت توغۇرلۇق ئەمەس ھاكىمىيەت توغرىسىدا بولۇۋاتىدۇ. ئەگەر ھاكىمىيەت ئوتتۇرىسىدا مەنپەئەت ئەمەس قېرىنداشلىق مۇھىم بولسا 1933- ۋە 1944-يىللىرى قۇرۇلغان دۆلىتىمىزنى نېمىشقا ئىتراپ قىلمىدى؟ رابىيە قادىر دۇنيادا ھەممە دۆلەتكە بارالايدىكەن نېمىشقا تۈركىيەگە بارالمايدۇ؟

BADBOY

‹‹ دولىتى يوقنىڭ جىنى يوق›› دەپتىكەن كونىلار ... ھازىرقى ئەكۋالىمىزغا قارايدىغان بولساق بىزنى مىللى قېرىدىشىمىز بولغانلارمۇ دىنى قېرىدىشىمىز بولغانلارمۇ ئۆخشاشلام سېتپ خەجلەۋاتىدۇ ... ئۇيغۇر دىيارى خىتتايغا نىسبەتەن پۇتمەس تۇگىمەس كان بايلىقلىرىغا ئىگە رايۇن ھەم نەچچە يۇزخىل كان بايلىقلىرىدىن سىرىت خىتتاينىڭ ئىچكىرى ئولكىلىرىنى ئەرزان باھالىق ئاشلىق پاختا چارۋا ماللار ھەرخىل مىۋىلەر بىلەن تەمىنلەيدىغان ئاھالىسى ئەرزان باھالىق قۇل ئورنىدا ئىشلىتىلىۋاتقان خىتتايغا پەقەت ساپ كىرىملام ئەكىلىدىغان ئالتۇن ماكان ... ئۇنىڭدىن باشقا ئۇيغۇر دىيارى خىتتاينىڭ  ئوتتىرا ئاسىياغا كىڭىيىدىغان مۇيىم ئوتكىلى شۇنداقلام ئوتتۇرا ئاسىيدىن تۇركىيە ئارقىلىق ياۋرۇپاغا كىڭىيىدىغان مۇيىم بازىسى ...يىقىنقى بىر نەچچە يىلدىن بېرى خىتتايلار ئوتتۇرا ئاسىيادىكى دولەتلەر بىلەن سوكبەتلىشىپ بېيجىڭدىن لوندۇن غىچە تۇمۇر يول لىنيىسىنى تۇتاشتۇرۇش پىلانىنى ئوتتۇرغا قويدى ھەم باشقا دولەتلەرنىڭ قوللىشىنغا ئېرىشىشى ئۇچۇن پۇتۇن كۇچى بىلەن كۇچەۋاتىدۇ .. ئەلۋەتتە بۇ تۇمۇر يول تۇركىيە زىمىنىدىنمۇ ئۇتىدۇ تۇركىيە ئەلباشى خىتتاينىڭ بۇ پىلانىنى قوللايدىغانلىقىنمۇ ئىپادە قىلىۋاتىدۇ ، ھەم ياۋرۇپادىن بېيجىڭغىچە بولغان بۇ تۇمۇر يولنىڭ تارىختىكى يىپەك يۇلىنىڭ رولىنى ئوينىشىنى ئۇمۇت قىلىدىغانلىقىنى بىلدۇردى  بۇ پىلانغا مۇناسىۋەتلىك ھەرقايسى دولەتلەر قۇشۇلىدىغانلام بولسا بۇ پىلاننى  يولغا قۇيۇش ئۇچۇن خىتتاي بارلىق تۇمۇر يوللارنىڭ ياسىلىش خىراجىتىنى ئۇزى ئۇستىگە ئالىدىغانلىقىنى ۋەدە قىلىۋاتىدۇ ... دىمەك بىزنىڭ بۇ ئانا ماكانىمىز خىتتاينىڭ  جانىىجان مەنپەتىگە نىسبەتەن ئىنتايىن مۇيىم رايۇن ھىساپلىنىدۇ  بۇ تۇمۇر يول پۇتسە خىتتايدا ئىشلەپ چىقىرىلغان ماللار مۇشۇ تۇمۇر يول ئارقىلىق ياۋرۇ ئاسىيا چوڭ قۇرۇقلىقىنىڭ ھەممە يىرىگە ئوڭۇشلۇق بارالايدۇ ... دىمەك بۇ تۇمۇر يول خىتتايغا كەلگۇسىدە يىنە غايەت زور مەنپەتلەرنى ئەپكىلىدۇ ..  خىتتاي ئۇيغۇر دىيارىننىڭ بىر كۇنلەردە قولدىن چىقىپ كىتىشىدىن بەك ئەندىشە قىلىدۇ .. شۇڭا خىتتايلار كوپلەپ سىياسى ۋە ئىختىزادى مەبلەخ سېلىپ بۇ زىمىننىڭ قانۇنلۇق مىراسخورى بولغان ئۇيغۇرلارنى ئەڭ قىىسقا ۋاقىت ئىچىدە  تەلتۇكۇس ئاسمىلاتسىيە قىلىپ يۇتىۋېتىپ  بۇ زىمىننىڭ بىردىن بىر ئىگىسى بولغان ئۇيغۇرلارنى تۇلۇق يوق قىلىۋىتىش ئارقىلىق  بۇ زىمىننى خىتتاينىڭ مەڭگۇلۇك زىمىنى قىلىۋېلىش پىلانىنى يۇرگۇزىۋاتىدۇ....شۇنداق بولغان ئىكەن بۇ زىمىندا ئۇيغۇرلارغا نۇرغۇن ناھەقچىلىكلەرنىڭ بۇلىشى ئېنىق .. بۇنى ئاللىبۇرۇن ھىس قىلىپ يەتكەن خوشنىلىرىمىز پۇرسەتنى چىڭ تۇتۇپ  خىتتايدىن مەنپەت ئېلىش ئۇچۇن بىزنى پۇل تېپىشنىڭ كوزۇرى ئورنىدا كورۇپ پۇرسەت تاپسىلام بىزنى دەستەك قىلىپ تۇرۇپ خىتتايدىن كوپلەپ مەنپەتلەرگە ئېرىشىۋاتىدۇ  .... بىز بۇ قېرىداشلارنىڭ نەزىرىدە ئۇلارغا بايلىق ئاتا قىلىدىغان قۇربانلىق قوي بوپ قىلىشىۋاتىمىز ... خەرىتىگە قارايدىغان بولساق ئۇزىمىزنىڭ قاتمۇ-قات مۇھاسىرە ئىچىدە تۇرىۋاتقانلىغىمىزنى بايقايمىز ئەتىراپىمىزدا بىزنى قوللايدىغان بىزنىڭ ھالىمىزغا يەتكۇدەك بىرمۇ دىنى قېرىداش ۋە مىللى قېرىداشلىرىمىز يوق ھەممىسى بىزنى سېتىش بەدىلىگە مەنپەتكە ئېرىشىپ كىلىۋاتىدۇ .. مۇسۇلمان دىسە بىز ئاغىزىمىزدىن چۇشۇرمەيدىغان ئۇڭىمىزدىمۇ ھەم چۇشىمىزدىمۇ  شۇ ئەرەپ ئسىلام دۇنياسىنى كورۇشنى ئارزۇ قىلپ كىلىۋاتقان ئاشۇ  دىنى قېرىنداشلىرىمىزنىڭمۇ بىزنىڭ ئاھۇ زارىمىز بىلەن كارى يوق  ... ئەكسىچە خەلىقارا سەھنىلەردە  بىزنى تېرورىسلار دەپ ختتاي تەرىپىنى ئېلىىپ ئۇلارغا ياخشىچاق بۇلۇشۇپ بىزنىڭ ئەڭ ئەقەللى ئىنسانى ھەق ھوقوقىمىزغىمۇ كۆز يۇمىۋاتىدۇ  .. تۇركىيەگە كەلسەك تۇركىيە جۇمۇريىتى خەلىقى قېرىنداشلىق يۇزىسىدىن بىزنى قوللاپ كىلىۋاتقان بولسىمۇ ئەممە تۇركىيە ھوكۇمىتى خىتتايدىن كىلىدىغان سودا مەنپەتىنى دەپ بىزنى قوللاش بەدىلىگە ئۇزىنىڭ دولەت مەنپەتىدىن قۇرۇق قېلىشنى خالىمايدۇ ... ئەمدى بىزنى كىم قوللايدۇ .. ؟؟. بىزنىڭ دەدىمىزگە كىم قۇلاق سالىدۇ ... ؟ كىملەر بىزنى ھايۋان كەبى قۇل ئورنىدا كورمەي   بىزنىڭ بۇ دۇنيادا بىر ئىنسانلىق ھەق ھوقوقىمىزنى ئىتىراپ قىلىدۇ  ... كىملەر ھالىمىزغا يىتىدۇ ..  ؟؟ پۇتۇن دۇنيانىڭ بىز بىلەن كارى يوقمۇ ... ؟ .. پەقەت 2 - دۇنيا ئۇرىشىدا غەلبە قىلىپ يىڭىدىن دۇنيا تەرتىۋىنى مەيدانغا كەلتۇرگەن ھەم يىقىندا ئورۇسلارنى پارچىلاپ دۇنيانىڭ ھۆكۇمىرانى ئورنىغا ئوتكەن غەرىپ دولەتلىرىلام بىزنىڭ ئىنسانلىق ھەق ھوقوقىمىزنى ئىتىراپ قىلىشىپ خەلىقارا سەھنىلەردە بىزگە سوزلەش پۇرسىتى يارىتىپ بېرىۋاتىدۇ ..... ئەلۋەتتە ئۇلار قۇتقازغۇچى ئەمەس  .. لىكىن ئۇلار بۇ رىيال دۇنيادا بىردىن بىر بىزنىڭ دەردىمىزگە قۇلاق سېلىۋاتقانلاردۇر ...