مەردان ئايۇپ خەتتاتلىق كۆرگەزمىسى ئۆتكۈزىلىدۇ

hawar

     

---

     خەتتات مەردان ئايۇپ 1976-يىلى 10-ئايدا قومۇل شەھىرى شەھەرئىچى يېزىسى توققۇز ئەجدىھا تال مەھەلىسىدە تۇغۇلغان ،1997-يىلى 6-ئايدا شىنجاڭ ئەدىلىيە مەكتىپى ئىقتىسادى قانۇن كەسپىنى پۈتتۈرۈپ ،1998-يىلى 1-ئايدا قومۇل شەھىرى شەھەرئىچى يېزىسىغا تەقسىملەنگەن .2000-يىلى 1-ئايدىن باشلاپ ھازىرغىچە قومۇل شەھىرى شەھەرئىچى يېزا مەدەنىيەت پونكىتىدا ئىشلەۋاتىدۇ . ئۇ كىچىكىدىنلا ئۇيغۇر خەتتاتلىقىغا ئىشتىياق باغلاپ ئىجدىھات بىلەن ئۆگەنگەن ، 1994-يىلى مەملىكەتلىك ياش - ئۆسمۈرلەر خەتتاتلىق -رەسساملىق  كۆرىكىگە قاتنىشىپ بىر پارچە ئەسىرى  مۇنەۋۋەر ئەسەر بولۇپ باھالانغان ،  1999-يىلى ئەكبەر غوجا ئەھمەد ھاجى ئاشقان <تەڭرىتاغ تەربىيلەش مەركىزى>دە ئۇيغۇر خەتتاتلىق ئاساسلىرى بويىچە تەربىيلىنىپ ،خەتتاتلىق سەۋىيسىنى يەنە بىر بالداق يوقىرى كۆتۈرگەن ،  شۇندىن بۇيان ئىزچىل ئۇيغۇر خەتتاتلىق ئىجادىيتى بىلەن شۇغۇللانغان بولۇپ ،ھازىرغىچە 20دىن ئارتۇق ئەسىرى  ئاپتونوم رايون ،ۋىلايەت ،شەھەر ددەرىجىلىك كۆرگەزمىلەرگە تاللاپ قاتناشتۇرۇلغان ۋە مۇكاپاتلانغان ، 100 پارچىدىن ئارتۇق ئەسىرى ئاپتونوم رايون ،ۋىلايەت ،شەھەر دەرىجىلىك گېزىت -ژۇرناللاردا ئېلان قىلىنغان .
    ئۇ ھازىر شىنجاڭ ئۇيغۇر ئاپتونوم رايونلۇق ئەل ئىچى ئەدەبىيات - سەنئەتچىلەر جەمئىيتىنىڭ ئەزاسى ،شىنجاڭ ئۇيغۇر ئاپتونوم رايونلۇق خەتتاتلار جەمئىيتىنىڭ ئەزاسى ، قومۇل ۋىلايەتلىك خەتتاتلار جەمئىيتىنىڭ ئەزاسى .


           كۆرگەزمە ۋاقتى : 2013-يىلى 4-ئاينىڭ 26-كۈنى جۈمە ئەتتگەن ئۈرۈمچى ۋاقتى سائەت 9:00 دە .  كۆرگەزمە 3 كۈن داۋاملىشىدۇ .
          ئورنى : قومۇل مۇزىينىڭ 1-قەۋەت كۆزگەزمە زالىدۇ .

123uy

كۆرگەزمىنىڭ غەلبىلىك ئېچىلىشىنى تىلەيمەن.
ئۇيغۇر خەتتاتلىق ئەسەرلىرى سەنئەت ئەسىرى بۇلۇپلا قالماستىن ئۇ بىر ھىكمەتلەر قامۇسى. ئۇنىڭدىن سەنئەت جەھەتتىن ھۇزۇرلىنىپلا قالماستىن ئەقىلىيە سۆز، رۇبائى، ھىكمەتلىك سۆزلەرنىڭ ئەڭ جەۋھىردىن ھۇزۇرلىنالايسىز. ئىمكانىيىتى بارلارنىڭ چۇقۇم قاتنىشىشنى تەۋسىيە قىلىمەن، ئەگەر ھۆكۈمەتنىڭ قوللىشى بۇلغان بولسا بىزنىڭ ئاقسۇدىمۇ ئۆتكۈزگەن بولسىڭىز چۇقۇم كۈرەتتىم، تولىمۇئەپسۇس.........

kamqa

دوستىمىز مەردان ئايۇپنىڭ ئۇيغۇر خەتتاتلىق ئەسەرلىرى كىشىنىڭ قايىللىقىنى قوزغايدۇ. چىن دىلىمدىن تەبرىكلەيمەن.

ilim

كۆرگەزمىنىڭ مۇۋاپىقىيەتلىك ئۆتكۈزىلىشىنى ئۈمۈد قىلىمەن .بولسا بىزنىڭ خەتتاتلىرىمىزنىڭ ئەسەرلىرىنىمۇ يىغىپ ساقلايدىغان سودىگەرلەرنىڭ كۆپىيىشىنى ئۈمۈد قىلىمەن

uqkun2008

مەن كۆرۈپ باقماپتىكەنمەن.

kusanbay

ئۇتۇغلۇق بولغاي قېرىندىشىم

xerqi

[دىيارىمىزدىكى خەتتاتلىق ئىشلىرىنىڭ يۇكسىلىشىگە كۈچ چىقىرىۋاتقان ياش خەتتات مەردان ئايۇپقا مۇۋاپىقىيەت تىلەيمەن .ئۇنىڭ ئۆزگىچە ئۇسلۇپتىكى خەتلىرى ئۇيغۇر خەتتاتلىقىدىكى يەنە بىر يارقىن نۇقتا.يېڭىچە ئۇسلۇپ ،ياشلارغا خاس تەپەككۈر ئىجادىيەت ئەسەرلىرى ،خەت نۇسخىلىرى جەھەتتىكى ئىزدىنىشلىرى زامانىمىز ياشلىرى ۋە كەڭ قېرىنىنداشلارنىڭ ئۇگۈنىشىگە ئەرزىدۇ! ھەممىمىز ئۇنىڭ كۆرگەزمىسىگە ئۇتۇق تىلەيلى!

izyar

مەردان ئايۇپ شەھىرىمىزدىكى تىرىشچان خەتتاتلىرىمىزنىڭ بىرى. مەرداننىڭ تۇنجى قېتىملىق خەتتاتلىق كۆرگەزمىسىنىڭ مۇۋەپپەقىيەتلىك بولىشىغا تىلەكداشمەن.

taklmakan

ئۇيغۇر خەتتتاتلىقنىڭ بازارلىششقا ۋە خەلىقارالىششقا قاراپ يۇزلىنشنى ئۇمىت قىلمەن. كۆرگەزمنىڭ مۇئاپىقيەتلىك بولۇشنى ئۇمىت قىلمەن.

kamsoz

قۇمۇلدىكى قېرىنداشلار بېرىپ قاتنىشىشنى ئۇنتۇپ قالماڭلار .