گۈلەن: نەزىرىمدىكى تور ۋە دۇنيا

tvmvr

مەنچە ئىنساننىڭ ھالىتىنى ئۆزگەرتىدىغىنى ئۇنىڭ قولىدىكى قورال ئەمەس مىڭىسىدىكى تەپەككۇر. بىزنى قۇل قىلىۋاتقىنى كۆكسىمىزگە بەتلەنگەن سۈرلۈك ئاپتۇمات ئەمەس خىيالىمىزنى قاپلىغان ۋەھىمىلىك ئاقىۋەت. چۈنكى بىزنىڭ قورقۇۋاتقىنىمىز ئاللاھ ئەمەس ئاللاھنىڭ دۈشمەنلىرىدۇر. بىزنىڭ مەدەت تىلەۋاتقىنىمىز قەلبىمىزدىكى ئاللاھ ئەمەس ئەتراپىمىزدىكى ئىنسانلاردۇر. بىزنىڭ مەسلەھەت سوراۋاتقىنىمىز ئاللاھقا تەۋەككۈل قىلىشنى ئەمەس ئىھتىياتقا مۇراجەت قىلىشنى تەكىتلەيدىغان پاسىبانلىرىمىزدۇر. مەنچە بىزنى غەلىبىگە ئېرىشتۈرىدىغىنى كۈچىمىزنىڭ قانچىلىك زورلۇقى ئەمەس بەلكى ھەق يولىدا قانچىلىك مۇستەھكەملىكىمىز، نىيىتىمىزدە قانچىلىك قەتئىي، قانچىلىك سەمىمىيلىكىمىزدۇر
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
نىمدىگەن ئىسىل قۇرلار.........
گۈلەن ئاكا ،ئاللاھ بىزنى سىز كەبى سەركىلىرىمىزنىڭ  يارقىن پىكىرلىرىدىن  مەھرۇم قىلمىسۇن.

ilhami

بارچە گۈزەل ماختاش ھەمدۇلار ياراتقۇچى قۇدرەت ئىگىسى رەببىمىزئاللاھقا .
ھىكمەتلىرىڭ بىلەن روھى غېرىپلىققا چۆككەن مۇشۇنداق  بىرقوۋىمنى پەزلىمىزگە يارىشا يىتەكلاۋاتىسەن ھەم يىتەكلەيسەن...
شۈكرى ئىگەم ساڭا كۈرمىڭلىغان تەشەككۈرلەر بولسۇن...سەن توغرا يولغا يىتەكلىگەنلەرنىڭ روھلىرى غېرىب ،ئۈمۈتسىز ،سۇنۇق دىللارغا شىپايى داۋا چىقىش بولسۇن،ئىنسانىيەت ھەققانىيىتى ئۈچۈن پۇچىلانغان يۈرەكلەرنىڭ تېخىمۇ مەزمۇد،تېخىمۇ جۇشقۇن سوقىشىغا مەدەت بەرگەيسەن ھەم بىرىپسەن. سىنىڭ نۇر ئىزنالىرىڭدىن جۇلالىغان رەڭدار چەشمىلەرگە تولسۇن ئالەم.گۈزەل تاڭلىرىڭغا يەتكەيمىز ھاڭلاردىن چىققايمىز...
ئاللادىن ئاسايىشلىق -ئامانلىق بولسۇن..

kidirhan

ئسىل تېما ، ئسىل ئېنكاسلاررنى يىزىۋاتقان قىرىنداشلىرىمدىن دىلىم سۆيۇندى

kugulhan

ئېسىل يازمىڭىزدىن ھۇزۇرلاندۇرغىنىڭىزغا رەھمەت ،ئىشلىرىڭىزغا ئاسانلىق تىلەيمەن گۈلەن ئەپەندىم.
بۇ مۇنبەردىمۇ تىمىلىرىڭىزنى كۆرۈپ ئولتۇرۇپتىمەن.

arkyar

ئەسلى مېنىڭ چۈشەنچەمدە ھاياتىمىزدا يۈز بېرىۋاتقان ھادىسىلەرنى رەتلەپ، تۈرگە ئايرىپ مۇناسىۋەتلىك پەنلەردىكى نەزەرىيەلەرنىڭ قېلىپلىرىغا سېلىپ چۈشەندۈرۈش زىيالىلارنىڭ زىممىسىدىكى بۇرچ ئېدى. رەتلەنگەن ۋە تۈرلەرگە ئايرىلغان ھادىسىلەرنى تەھلىل قىلىش ، ئۇلارنىڭ ئارىسىدىكى سەۋەب نەتىجە مۇناسىۋېتىنى ئايدىڭلاشتۇرۇش ۋە خۇلاسە چىقىرىشتا خۇسۇسىي كەچۈرمىشكە، پەرەزگە ۋە ئادەتلەنگەن يۈزەكى قاراشلارغا تايىنىشقا بولمايتتى. مەندەك تىلشۇناسلىق كەسپىدە ئوقۇغان بىر كىشىنىڭ ئىجتىمائىي ھايات ۋە كىشىلىك تۇرمۇش مەسىلىلىرى ۋە مىللەت، مەدەنىيەت، دىنغا تاقىشىدىغان ئىشلار ھەققىدە پىكىر بايان قىلىشى ۋە قەلەم تەۋرىتىشى ئىلمىيلىك سانالمايتتى. ئەمما بۇ مەسىلىلەرگە مۇتەخەسىس ياكى زىيالى سەۋىيىسىدە ئەمەس بىر تەپەككۇرلۇق ئىنسان بولۇش سۈپىتىم بىلەن جاۋاپ بېرىشتە مەسئۇلىيىتىمنىڭ بارلىقى ئېنىق ئېدى. مۇشۇ سەۋەبلەر تۈپەيلىدىن ئىلمىيلىك ئۆلچىمىگە ۋە كەسپىي سەۋىيەگە توشمايدىغان پىشمىغان قاراشلىرىمنى ئەدەبىي شەكىل، ئىلمىي روھ ۋە سەمىمىي مەزمۇن بىلەن يۇغۇرۇپ تورغا يوللاپ كېلىۋاتىمەن.
------------------------------------------------
جاسارىتىڭىزگە ئاپىرىن. بۇ يازمىڭىزدا سەمىمىيەت ئۆزئىپادىسىنى تېپىپتۇ. تېنىڭىزگە سالامەتلىك تىلەيمەن...

itarim

گۈلەن ئاكا تېمىڭىزغا نىسبەتەن ئوخشاش بولمىغان پىكىرنىڭ ئوتتۇرىغا قويلىشى بىلەن ، شۇ پىكىرنى قىلغان ئادەمنىڭ تېل ئاھانەتكە ئۇچۇرىشى ھەقلىقمۇ ؟ نېمە ئۈچۈن شۇ چاغدا سىز ئوتتۇرىغا چىقىپ لىللا ئىككى ئىغىز گەپ قىلمايسىز، ياكى مېنى تىللىمىغاندىكىن   ، مېنىڭ پىكىرىمگە قارشى چىققاندىكىن دەپ سۈكۈت قىلىشىڭىز توغرىمۇ ؟

rana.

بۇ بەكلا ئىسىل تىېمىكەن مەن سۆيۈندىم رەھمەت ئاللاھ ئەجرىڭىزنى بەرگەي.

han1021

ئەسسالامۇ ئەلەيكۇم،گۈلەن ئەپەندىم،ئسل يازمىللىرىڭز ئارقىلىق ماڭا مەنىۋى زوق بىغىشلىغانلىقڭىزغا تەشەككۈر،ھاياجاان ئچىدە ئوقۇپ تۈگەتتىم،ھارماڭ!!!

gulenmen

itarim يوللىغان ۋاقتى  2013-4-26 14:27
گۈلەن ئاكا تېمىڭىزغا نىسبەتەن ئوخشاش بولمىغان پىكىرنى ...

مەن توغرا دېگەندەك قىلمىغان. مېنى دائىم توردا كىم نېمە دەركىن دەپ ماراپ يۈرىدۇ دەپ قالغان بولسىڭىز خاتا بولۇپتۇ. بۇ سۆزىڭىزگە جاۋاپ بېرىشنى بىر دوستۇم ھاۋالە قىغانىدى كىردىم.
خاتا، ھاقارەت قىلىشمۇ، ھاقارەتكە سۈكۈت قىلىشمۇ خاتا. مۇشۇ سۇئالىڭىزغا مېنى توغرا دەپ قارايدۇ دېگەن بولسىڭىز مەن بىكارغا، سىز ھاۋاغا سۆزلىگەب بولىمىز.
لېكىن شۇنداق ھاقارەتلەر بار، بىلەمسىز «ئۇيغۇرچە ئاقمايدۇ، ئۇيغۇر ئالمايمىز، ساقىڭىڭ باركەن تەكشۈرىمىز، ياغلىقىڭ باركەن ئۆزۈڭنىڭ مەھەللىسىگىمۇ كىرىش ھوقۇقۇڭ يوق؟» سىزچە بۇلار ھاقاررەت ئەمەسمۇ...
مەن مۇشۇلارنى ھاقارەت دەپ تونۇيدىكەنمەن، مۇشۇ ھاقارەتلەرگە چىدىماي ئۆرتىنىپ خىيالىم شۇ ئىشلارغا بەنت بولۇپ قاپتۇ. نەتىجىدە مېنى تەنىدلەپ ھاقارەتكە قالغانلار ئۈچۈن لىللا گەپ قىلىشقا چىقىنالماي قالغان ئوخشايمەن.

ajiza

gulenmen يوللىغان ۋاقتى  2013-4-27 02:57
مەن توغرا دېگەندەك قىلمىغان. مېنى دائىم توردا كىم نېم ...

بۇ  ئىنكاسىڭىزدىن  تاكى  قىيامەتكە  قەدەر  كېلىدىغان  پۈتۈن  ئىنسانىيەتنىڭ  نۇرلۇق   ئۇستازنىڭ   سېماسىنى  كۆردۈم  .  سۆيۈملۈك  ئۇستازىمىز  رەسۇلىللا  ساللاللاھۇ   ئەلەيھى  ۋەسسالام   ھىچقاچان  ئۆزى  ئۈچۈن  ئىنتىقام ئالمايتتى ،  پەقەت  ئاللاھنىڭ  ھەققى  ھۆرمىتىگە   دەخلى  تەرۈز قىلىنسىلا  ئاندىن  ئاللا  ئۈچۈن  ئىنتىقام  ئالاتتى  .