گۈلەن: نەزىرىمدىكى تور ۋە دۇنيا

ajiza

چۈنكى بىزنىڭ قورقۇۋاتقىنىمىز ئاللاھ ئەمەس ئاللاھنىڭ دۈشمەنلىرىدۇر. بىزنىڭ مەدەت تىلەۋاتقىنىمىز قەلبىمىزدىكى ئاللاھ ئەمەس ئەتراپىمىزدىكى ئىنسانلاردۇر. بىزنىڭ مەسلەھەت سوراۋاتقىنىمىز ئاللاھقا تەۋەككۈل قىلىشنى ئەمەس ئىھتىياتقا   مۇراجەت  قىلىشنى  تەكىتلەيدىغان  پاسىبانلىرىمىزدۇر .  مەنچە   بىزنى غەلبىگە  ئېرىشتۈرىدىغىنى  كۈچىمىزنىڭ  قانچىلىىك  زورلۇقى  ئەمەس  بەلكى  ھەق  يولدا  قانچىلىك  مۇستەھكەملىكىمىز  ،  نىيىتىمىزدە  قانچىكىلىك   سەمىمىيلىكتۇر .



---------------------------------------------------------------
ماقالىنىڭ  مەركىزى  نۇقتىنەزىرى  مانا  يۇقۇرقى   قۇرلاردا  ناھايىتىمۇ  جانلىق  ، توغرا   ئىسپاتلىنىپتۇ  .  بارلىق  قېرىنداشلىرىمنىڭ  يۇقۇردىكى   توغرا  تەپەككۇرغا  تويۇنغان   جۈملىلەرنى    ئەستايىدىللىق  بىلەن  ھەزىم  قىلىشىنى  تەۋسىيە  قىلىمەن  .
گۈلەن  ،  مېھرىبان  ئاللا  سىزگە  ئىككى  ئالەملىك  شاتلىق  ئاتا  قىلسۇن ،  سىزگە  ئىمانىي  قۇۋۋەتنى ، قەلەم  قۇۋۋەتنى  ،  جىسمانىي  قۇۋۋەتنى  تىخىمۇ  زىيادە   قىلىپ   بەرسۇن .

ataata

گۈلەن ئەپەندىم تىنىڭىز سالامەت ، ئىشلىرىڭىز ئوڭۇشلۇق بولسۇن  ! .......

yalghuz2

    ناھايىتى ياخشى يېزىلغان ئەسەر ئىكەن. كۆپچىلىكمۇ ياخشى پىكىر قىلىپتۇ. مىللىتىمىزنىڭ كەلگۈسى ئىستىقپالى پارلاق. ئىنشا ئاللاھ، ئەگەر بىز مۇشۇنداق تىرىشىدىغانلا بولساق ياخشى كۈنلەر يىراق ئەمەس.

BADBOY

مۇشۇنداق لامزەللىلەرنىڭ نىمىدىن ئەنسىرەپ كەتكىنىنى بىلگىلى بولمايدۇ

ئەلۋەتتە بىلگىلى بۇلىدۇ ... بىزنىڭ قارشىلىغىمىز ئۇنۇمىنى كورسەتكىلى باشلىدى شۇنىڭ بىلەن بىرگە بەزەن لالمىللنىڭ كۇزىگە ئۇيقۇ كەلمىگىلى باشلىدى .... زۇلۇم شۇنداق نەرسىكى زۇلۇم قىلغۇچىلارغىمۇ ھەم زۇلۇمغا ئۇچۇرغۇچىلارغىمۇ ئوخشاشلام ئارامچىلىق ئەپ كەلمەيدۇ .... زۇلۇم قىلغۇچىلار قانداق قىلسام زۇلۇمغا ئۇچۇرغۇچىلارغا يۇرگۇزگەن زۇلۇمۇمنى ئوڭۇشلۇق يۇرگۇزەلەيمەن دەپ ئاۋارە بۇلۇشسا زۇلۇمغا ئۇچۇرغۇچىلار بۇ زۇلۇمدىن قانداق قىلسام قۇتۇلىمەن دەپ ئاۋارە بۇلۇشۇپ   ھەر ئىككىلام تەرەپ ئارام تاپمايدۇ .... زۇلۇم يەنى بۇ ناھەقچىلىق بولغان ئىكەن شۇنىڭغا يارىشا قارشىلىقمۇ مەيدانغا كىلىدۇ ...زالىملارغا نىسبەتەن ئەڭ قورقۇنۇشلۇق بولغۇنى زۇلۇمغا ئۇچۇرغۇچىلارنىڭ زالملارنىڭ يالغان تەشۋىقاتىغا ئالدانماس بوپ قالغانلىقى ۋە ئىتىپاقىشىپ قارشى چىققانلىغىدۇر ..... زۇلمغا ئۇچۇرغۇچىلارغا نىسبەتەن ئەڭ قورقۇنۇشلۇق بولغۇنى زالىملارنىڭ زۇلۇمىغا سۇسلۇق قىلىشى ياكى كۇنۇپ قېلىشىدۇر ...

uqkun13

2012-يىلىدا مەشھۇرلاردىن يالقۇن روزى ئەپەندى ئەلى غوجاخۇننىڭ رەددىيە ماقالىسىگە توردا ’ئەلى غوجاخۇن نېمە دەيدۇ‘ دېگەن ماۋزۇلۇق قايتۇرما رەددىيە يازدى. ئەمما شۇ بىر قايتۇرما رەددىيەنى يېزىپلا بولدى قىلدى بولغاي، ئەلى غوجاخۇننىڭ ۋە باشقا تورداشلارنىڭ سۇئاللىرىنى پۈتۈنلەي جاۋاپسىز قويدى.


يالقۇن روزىنىڭمۇ سىزدەكلە مىجەزى بار ئىكەن -ھە گۈلەن ئەپەندىم،،،سىزمۇ ماتاڭ تىمىسىدىكى گىپىڭىزدە مىنىڭ  سوئاللىرىمغا جاۋاپ بەرمىگەن ئىدىڭىز. ئەكسىچە ئەگەشكۈچىلىرىڭىز مىنى تىللاپ تويغۇزىۋەتكەن، شۇ ئىنكاسلارنى كۆرگەنمۇ سىز؟ شۇ ۋاقىتتا بۇ خىل ئالىيجاناپ پوزىتسىيىڭىز نەگە كەتكەن؟ يالقۇنغۇ تورغا تۈزۈك چىقماس لىكىن سىز تور يازارمىنى ئىدىڭىزغۇ؟

jantik

ئۇيغۇر تورلىرىدا گۈللىنىش مەنزىرىسى كۆرۈلمەكتە ، تورغا ئىلغار پىكىرلىك قېرىنداشلىرىمىز يىغىلماقتا ، تور بىزنى ئىشەنچكە ئىگە قىلماقتا ، تۇرغۇنلۇق ، بۇرۇقتۇرمۇلۇق كۈنلەرنىڭ ئاخىرلىشىشىدىن دىرەك بەرمەكتە .
تور تارىخنى ئۆزگەرتمەكتە  ، يېڭى تارىخ يازماقتا .  تور ئېلىپ كەلگەن بۇ ئەۋزەللىكنى قايسى دەۋىردىكى ، ھەر قانداق ئەۋزەللىك بىلەن سىلىشتۇرۇش مومكىن ئەمەس . كەلگۈسىنى مۆلچەرلەش تەس ، بىراق توردىن ئىبارەت بۇ يېڭى شەيئى چوقۇم يېڭى تارىخ يارىتىدۇ ۋە يېڭى ئۆزگۈرۈش ئىلىپ كىلىدۇ ...
ئىلگىرى ئۇيغۇرزادە بىر ئىنكاسىدا ئۇيغۇر زىيالىلىرىنى تورغا كىرىشكە ، توردىن ئىبارەت مۇشۇ ئىمكانىيەتتىن پايدىلىنىپ ، ئۇيغۇر ياشلىرىنى تور ئارقىلىق تەربىيىلەشكە ئەھمىيەت بىرىشكە چاقىرغان . بوزقىر ئۇيغۇرنىڭ تارىخنىڭ تۇرلۈك بوران -چاپقۇنلىرىدا قېقىلىپ-سوقۇلۇپ مۇۋاپىقىيەتلىك ھالدا تور دەۋرىگە ئۇلاشقىنى ئۇيغۇر ئۈچۈن ئالەمچە بەخت، دېگەن مەزمۇندىكى سۆزلىرىنى كۆرگەن ئىدىم . مانا بۈگۈن گۈلەن ئەپەندىنىڭ بۇ يازمىسىنى كۆرۈپ تورغا تېخىمۇ ئىشەنىچ باغلىدىم .
گۈلەن ئەپەندى تور ئارقىلىق مۇۋاپىققىيەت قازاندى ، ئەگەر گۈلەن تورنى تاللىمىغان  ، ئەنئەنىۋى مەتبۇئاتنى تاللىغان بولسا ئەھۋال قانداق بولاتتى؟!! بۇ ھەممىمىزگە ئايان . ھازىرقى رىئال ئەھۋالدا ئەنئەنىۋىي مەتبۇئاتتىن پايدىلىنىپ بىر نەچچە يىل ئىچىدە گۈلەن ئىرىشكەندەك ھۆرمەتكە ۋە ئىتىراپقا ئىرىشىش ئاساسەن مومكىن ئەمەس. ئەھۋال شۇنداق تۇرۇپمۇ بىر قىسىم نەشرىياتچىللىرىمىز ۋە يازارمەن زىيالىلىرىمىز «شوراپ تەمى قويۇلمىغان » ، تۇرغۇنلىق ، بىكىنمىچىلىك پاتقىقىغا پېتىپ قالغان ئەنئەنىۋىي مەتبۇئاتلاردىن ئارتۇق ئۈمىد كۈتمەكتە . يەنە بەزىلەرنىڭ نەزىرىدە يازغانلىرىمىز ئەنئەنۋىي مەتبۇئاتنىڭ قەغەز يۈزگە چۈشمىسە ئانچە قىممىتى بولماسمىش ، ياكى تارىخ بولۇپ ساقلىنىپ قالالماسمىش . شۇنىڭغا ئىشىنىڭكى توردىكى تارقىلىشنىڭ كەڭلىكى ۋە ئاممىۋىيلىقى مۇتلەق ھالدا ساقلىنىش چوڭقۇرلۇقى يارىتالايدۇ .
ئۇيغۇر ئۈچۈن تور ئىنتايىن موھىم ، بۇنى بىلىمخۇمار ، گۈلەن ، بوزقىر ، ئۇيغۇرزادە ، ئاتتىلا ، نەپرەت2009، دولان  ، ئابدۇرېھىم ئابلەتخان ... قاتارلىقلار چۈشىنىپ يىتىپتۇ ، قالغانلارچۇ ؟ ئەلۋەتتە توردا يەنە تېخى ئانچە نامى چىقمىغان يەنە بىر تۈركۈم ئىلغار پىكىرلىك ياشلار مەۋجۇت ، شۇلارغا دەيدىغىنىم : بىز  بىرلىكتە تىرىشايلى ، مىننەتسىز ، تاماسىز تىرىشايلى! بىلىپ تۇرۇپتىمەن ، قەلبىمىزدىكى ئوت بىزنى شۇنداق قىلىشقا ئۈندىمەكتە...

Merter501

گۈلەن ئەپەندى ياشاپ كېتىڭ، سىزنى كۆرەلمىگەنلەر مانا ھازىردىن باشلاپ سىزگە ھۇجۇم باشلاپتۇ. يەنە كېلىپ ئوچۇق ئاشكارا ھالەتتە بىر چىرايلىق تەخەللۇسىىڭىزنى بۇزۇپ، سەت قىلىپ ئۇنى ئۆزىگە تور ئىسمى قىلىپ قويۇپ تۇرۇپ ئاشكارا ھالدا  ئوتتۇرىغا چىقىپتۇ، بۇ دەلتە ئۆتكەندە سىزنى «چاي» ئىچىشكە تەكلىپ قىلىپ ئاتايەن كەينىڭىزدىن قەشقەردىن ئىز بېسىپ كېلىپ، سىزنى «مېھمان» قىلىپ، سىزگە ئۇچۇق «چاي» ئىچىرۈشكە ھالى يەتمەي، بېشى سالپىيىپ چىشى، غۇچۇرلاپ كەتكەن سولتەك «ساھىبخان» لارنىڭ بىرى بوپ قالمىسۇن يانا!؟ ئۆزىڭىزگە دېققەت قىلىڭ، سىز ھازىر ياشاۋاتقان تۇپراق ھەرگىزمۇ پۇقرالار ئەركىنلىكى، كىشىلىك ھوقۇق 100% قوغدىلىدىغان ئامېرىكا ئەمەس، بۇنى سىز مەندىن ياخشى بىلىسىز ئەلۋەتتە، سىزگە «كۆز» تېگىپ كېتىشتىن خۇدا ساقلىغاي. سىزنىڭ ئېتىقادىڭىزنىڭ پۇقتا ۋە مۇستەھكەم ئىكەنلىكىگە ئىشىنىمەن، لېكىن يېقىنقى زامان تارىخىمىزنىڭ قايتا تەكرارلىنىپ قېلىشىنى مەن ئەسلا خالىمايمەن.بەختىمىزگە ئامان بولۇڭ!
-------
ھۆرمەتلىك باغداش مۇنبىرى باشقۇرغۇچىلىرى، مەن بۇ مۇنبەرنىڭ كونا ئەزالىرىدىن بىرى ئىدىم، گەرچە ئىنكاس يېزىپ يۈرمىگەن بولساممۇ. بۈگۈن قايتا تىزىملىتىپ كىردىم، چۈنكى بۇرۇنقى ئەزالىق پارولىنى ئۇنتۇپ قاپتىكەنمەن. ناۋادا پارولىمنى تېپىۋالسام بۇ يېڭى ئەزالىقىمدىن ۋاز كېچىشكە تەييار.

ئالۋۇن

ئانا تېلىنى،مىللىتىنى ئەمەلگە تىگىشىپ يەيدىغان ھايۋانلار ‹ياق›دىيشنى ئۇگەنسە بولاتتى..

biradem

مەن ئىنتېرنېت تورىنىڭ، جۈملىدىن توردىكى پىكىر ئەركىنلىكى، ئىرادە ئەركىنلىكى ۋە تەشكىللىنىش ئىمكانىيىتىنىڭ ھاياتىمىزنى ۋە ھالىتىمىزنى ئۆزگەرتىدىغانلىقىغا ئىشىنىمەن. مەنچە ئىنساننىڭ ھالىتىنى ئۆزگەرتىدىغىنى ئۇنىڭ قولىدىكى قورال ئەمەس مىڭىسىدىكى تەپەككۇر. بىزنى قۇل قىلىۋاتقىنى كۆكسىمىزگە بەتلەنگەن سۈرلۈك ئاپتۇمات ئەمەس خىيالىمىزنى قاپلىغان ۋەھىمىلىك ئاقىۋەت. چۈنكى بىزنىڭ قورقۇۋاتقىنىمىز ئاللاھ ئەمەس ئاللاھنىڭ دۈشمەنلىرىدۇر. بىزنىڭ مەدەت تىلەۋاتقىنىمىز قەلبىمىزدىكى ئاللاھ ئەمەس ئەتراپىمىزدىكى ئىنسانلاردۇر. بىزنىڭ مەسلەھەت سوراۋاتقىنىمىز ئاللاھقا تەۋەككۈل قىلىشنى ئەمەس ئىھتىياتقا مۇراجەت قىلىشنى تەكىتلەيدىغان پاسىبانلىرىمىزدۇر. مەنچە بىزنى غەلىبىگە ئېرىشتۈرىدىغىنى كۈچىمىزنىڭ قانچىلىك زورلۇقى ئەمەس بەلكى ھەق يولىدا قانچىلىك مۇستەھكەملىكىمىز، نىيىتىمىزدە قانچىلىك قەتئىي، قانچىلىك سەمىمىيلىكىمىزدۇر.

يۇقىرىقى گەپلەر قانچىكى كۆپ ئادەمنىڭ قەلبىدىن ئورۇن ئالسا، قەلبىدىن ئورۇن ئالالمىسىمۇ ۋاقىتلىق بولسىمۇ يۈرىكىنى تىترىتىپ، كاللىسىنى سىلكىپ ئۆتسە بۇ كىشى چوقۇم مەنىۋى ئويغىنىشنىڭ تۇنجى قەدىمىنى ئالغان بولىدۇ. ئەگەر بۇ گۈلەننىڭ پاساھەتلىك گېپى دەپلا ھاياجانلىنىپ ئۆتۈپ كەتسە، ئۇنىڭ ئۈنۈمى مۇشۇ باغداشتىلا قالىدۇ. مىڭ يىلدىن بۇيان ئاتا-بوۋىلار دەپ كېلىۋاتىدۇ، تارىخىي ساۋاقلىرىمىزمۇ روشەن پاكىتلىرى بىلەن بۇلارنى تەكىتلەۋاتىدۇ، ئابدۇخالىق ئۇيغۇرمۇ «ئويغان ئۇيغۇر» دەپ نىدا قىلغان، شىڭ شىسەينىڭ مەشئۇم كۆزلىرىگە مىقتەك تىكىلىپ، ياۋ ئالدىدا مەزمۇت تۇرۇپ« ئاچىل گۈلۈم» دەپ شەھىد بولغان، مەمتىلى تەۋپىق ئەپەندىمۇ «مەرىپەت ئىزدە ئۇيغۇرۇم» دەپ شېئىرلارنى يېزىپ، مىللىتى ئۈچۈن شەھىد بولغان، لۇتپۇللا مۇتەللىپمۇ گومىنداڭ چوشقىلىرىنىڭ ئالدىدا تىز پۈكمەي، ئاسمانغا قاراپ « ئەي قۇياش، سەن جىمى ئالەمنى يورۇتىسەن، ئەجەب بۈگۈن مېنىڭ قەلبىمنى يورۇتالمىدىڭ، مەن بۈگۈن بىر مۇتەللىپ ئۆلگەن بىلەن، ئىزىمدىن سانسىز مۇتەللىپلەر چىقىدۇ؟» دەپ شەھىد بولغان.  بۇ شەھىدلەر پەقەت شېئىرلىرى بىلەنلا خەلق قەلبىدىن ئورۇن ئالغان ئەمەس، بەلكى شېئىردەك گۈزەل ياشىغانلىقى، ئۆز ھاياتىدىن قەھرىمانلىق داستانى پۈتكەنلىكى ئۈچۈن ئۇلۇغ سىماغا ئايلىنالىغان. بۇ قەھرىمانلىرىمىزنىڭ ھەممىسى ئىمان ۋە ۋىجدانى بىلەن ياشايدىغان، ئوت يۈرەك، شىجائەتلىك ئىنسانلار ئىكەندۇق، بىز تولا كۆرگەن «قەيسەر يۈرەك» فىلىمىدىكى ۋىليام بىلەن تەڭ تۇرالىغۇدەك ئەزىمەتلەر ئىكەندۇق. بۇلارنى بۈگۈنكى كۈندە ياد ئېتىپلا قويۇشتىن باشقا ئىش قولىمىزدىن كەلمىدى، ھېچ بولمىسا شۇلارنىڭ روھىدىن بىر زەررە ئىلھام ئېلىشنى ئېغىر كۆردۇق. ئەمما گۈلەن، قەشقەرلىك گۈلەن، بەزىلەر ياسايمىز دەپ چىش بىلەۋاتقان گۈلەن شۇ قەھرىمان ئاكىلىرىنىڭ روھىدىن ئازراق بولسىمۇ ئۆگەندى. گۈلەن شائىر ئەمەس، يازغۇچى ئەمەس، يالقۇن روزى، ئابدۇقادىر جالالالىدىندەك ناتىق ئەمەس، ئەمما گۈلەندە ئۆز قەۋمى ئۈچۈن سوقۇپ تۇرىدىغان بىر يۈرەك بار. مۇشۇ يۈرەك گۈپۈلدەپ سوقۇپلا تۇرسا، باغداشتىكىلەرنىڭ قەلبىمۇ تەڭ ئەگىشىدۇ. گۈلەننى بەك ماختاپ كەتمەڭلار، ئالدىراپ داھىي قىلىۋالماڭلار، ئۇنداق قىلساڭلار ياسايدىغانلارنىڭ كۆزىگە پىلدەك چوڭ كۆرسىتىۋېتىسىلەر، گۈلەننى ئۆز دائىرىسىدە ئەمەلىي ئىش قىلغىلى قويۇڭلار، ئۇ يازسۇن، سۆزلىسۇن، دەرس ئۆتسۇن، شۇنچىلىكلا ياشىسۇن. ئۇنىڭغا ئېغىر شۆھرەت، كۆپۈك نام-ئاتاق تەقدىم قىلماڭلار، بولمىسا ئۇنىڭغا بېسىم بولۇپ قالىدۇ. ئۇ رەھمەتلىك ئاتىسىدەك ئاددىي ئوقۇتقۇچى بولۇپ، بالىلارغا، ئۇنىڭدىن ئېشىنسا باشقىلارغا تەلىم بېرەي دەپ ئامېرىكىدىن قايتىپ كەلدى، ئۇ ئەلدە كۆرگەن-ئاڭلىغانلىرىنى خەلققە يېزىپ تەقدىم قىلدى، ھازىر ئەمدى شۇ ئەركىن روھى بىلەن خەلققە تۇز ھەققىمنى بېرەي، ئانا تىل ئۈچۈن بولسىمۇ بىر ئىش قىلاي دەپ تىرىشىۋاتىدۇ، بۇ ئىشلار ئۇنىڭ ئوقۇغان كەسپىگە ماس كېلىدۇ. ئۇنىڭ مۇشۇ ۋاققىچە قىلىۋاتقان ئىشلىرىنىڭ ھەممىسى قانۇنلۇق، ئەمەلىي ۋە كۆرۈنەرلىك. ئۇنىڭ توردا مەشھۇر بولۇش تامەيى يوق، مىللەت ئۈچۈن چوڭ گەپ قىلىشنى ئەمەس، كىچىك ئىشلاردىن باشلاپ پۇختا ئىش قىلىشنى كۆڭلىگە پۈككەن زىيالىي. ئۇنىڭغا ھەسەت قىلغانلارنىڭ ھەممىسى پۈچەك، ئۇنىڭغا ئۇچى بۇچى دېگەنلەرنىڭ ھەممىسى ئۇنى چۈشەنمەيدۇ. ئۇنىڭ تەسىرىنىڭ زورىيىپ كېتىۋاتقانلىقىنى كۆپۈك نام-شەرەپنىڭ، تور تەشۋىقاتىنىڭ يامانلىقىدىن دەپ بىلگەنلەر ئۆز خەلقىنىڭ ھازىرقى ھالى ۋە كەيپىياتىنى چۈشەنمىگەنلەردۇر. قىسقىسى، گۈلەنگە مۇۋەپپەقىيەت تىلەيمىز.     

nur55

سوتسىيالىستىك تۈزۈمدىكى دۆلەتلەرگە مۇھەببەت بىلەن  قارايدىغان بىر ئەۋلاد مۇئاشلىق زىيالىلارنىڭ ئورنىنى نەپسى بىلەن ۋىجدانى ئارىسىدا سىقىلىۋاتقان، ياكى ئىككىنىڭ بىرىگە مايىل ياشاۋاتقان يېڭى بىر ئەۋلاد كادىرلار ئىگىلىدى. مانا بۇ ئۆزگىرىشتۇر.

بىزنى غەلىبىگە ئېرىشتۈرىدىغىنى كۈچىمىزنىڭ قانچىلىك زورلۇقى ئەمەس بەلكى ھەق يولىدا قانچىلىك مۇستەھكەملىكىمىز، نىيىتىمىزدە قانچىلىك قەتئىي، قانچىلىك سەمىمىيلىكىمىزدۇر.

----------------------------------------------