بىرلىكتە گۈزەل بولغان باغداش سورۇنى ھازىلاپ باقايلى

alnazar

ئەسسالامۇ ئەلەيكۇم باغداش تور مۇنبىرىدىكى بارلىق ئەزىزلەر مەن ئەلنەزەردىن سىلەرگە ئوتلۇق سالاملار بولسۇن .ئىشلىرىڭلارنىڭ ئۇتۇقلۇق ،خىزمىتىڭلارنىڭ ئوڭۇشلۇق ، تۇرمۇشۇڭلارنىڭ كۆڭۈللۈك بولۇشىنى تىلەيمەن . سالامنى مۇشۇنچىلىك قىلاي ،باغداشتىكى ئەزىزلىرىمگە قانچە سالاملار قىلساممۇ تۈگىمەيدۇ . گەپنىڭ پوس كاللىسىغا كېلەي :
باغداش مۇنبىرى قۇرۇلغاندىن تارتىپ تا مۇشۇ كۇنگە كەلگۈچە بېشىدىن نۇرغۇنلىغان ئىسسىق سوغاقلارنى كەچۈرۈپ بۈگۈنكى مۇشۇ ھالىتىگە كېلىشى ئاسان توختىمىدى ئەلۋەتتە . بۇنىڭغا نۇرغۇنلىغان تورداشلىرىمىز ھەم باشقۇرغۇچىلىرىمىز كۈچ چىقاردى .بىلىدىغانلار سۆزلىدى بىلمەيدىغانلار بىلىۋالدى .ئانا تىل يەسلىسى قۇرۇلۇش ئۇلىنى مۇشۇ باغداش مۇنبىرىمىزدىن باشلىدۇق دېسەكمۇ بولىدۇ . مۇشۇنداق بىز پەخىرلەنگۈدەك نەتىجىلەر ئاستىدا يوقلۇقتىن بارلىققا كېلىۋاتقان مۇنبىرىمىز ئۈچۈن ھەممىمىز كۈچ چىقىرىشىمىز كېرەك! كۆرۈنۈپ تۇرۇپتۇ مۇنبەردە يوقتىن يوق ئىشلارنى دەپ جېدەل تېرىيدىغانلار كۆپىيىپ قاپتۇ . بىلىمىز سىزنى، نەدىن كەلگەنلىكىڭىزنىمۇ بىلىمىز .قايسى مۇنبەر ئەمدى باش كۆتۈرۈپ چىقسا شۇ مۇنبەرگە كىرىپ ئالجوقا ئىسىمدىن بىرنى قويۇپلا ئىلەشتۈرىسىز شۇنداق تېتىملىق تېمىدىن بىرىگە كىرىپلا نىجاسەت قىلىپ قويىسىز . شۇنىڭ بىلەن نۇرغۇنلىغان< ئاقكۆڭۈل، مىللەتپەرۋەر> كىشىلىرىمىز تېما نەلەردە قالسۇن سىز بىلەن ھەپىلىشىپ نەچچە بەت ئالدىغا سۈرۈلۈپ ماڭىدۇ . كېيىن كىرگەن تورداشلار نېمىنىڭ ئاق نېمىنىڭ قارا ئىكەنلىكىنى بىلمەي تۇرۇپ بىر بىرى بىلەن تىللىشىپ جەڭ مەيدانى قىلىۋېتىدۇ . ئۇنداق قىلىشمايلى تورداشلار !~بىزنىڭ مۇنبەر دەيدىغانغا يول قويۇپ قويايلى .
يەنە بىر ئىش ئىملاغا ئالاھىدە دىققەت قىلساق . مۇشۇ ئىملانىڭ گېپى چىقسىلا ھەممە تورداشنىڭ بېشى ئاغرىيدىغۇ دەيمەن ؟ <ۋايجان ما ئالجوقا يەنە باشلىدىغۇ >دەپ . مۇشۇ ئارقىلىق يەنە بىر  جېدەل باشلىنىدىكەن . <ئۆزەڭ يازغىنىڭغا قاراپ باقە لالما ،مېنى دەمسەن تېخى؟> دەپ بىر باشلاپ كەتسەك شۇ جېدەلنى ئايرىماقنىڭ تەسلىكى . شۇنىڭ ئۈچۈن ھەممىمىز ئۆزىمىزدىن باشلىساق ئىملا خاتالىقى ئېغىر تورداشلارغا ئۆزىگە ئايرىم خەت يېزىپ< جېنىم قېرىندىشىم ئىملاغا دىققەت قىلغان بولسىڭىز، ئەسلى ئۇ خەتنى كونۇپكا تاختىسىدىكى ماۋۇ ئورۇندىن تاپىمىز >دەپ بىلدۈرۈپ قويساق . سىزمۇ بىراۋغا ئۆگۈتۈپ قويغىنىڭىزغا ، بىراۋمۇ بىر بىلىمگە ئېرىشىۋالغىنىغا خوشال .
گەپنى خاتا قىپ قويغان بولساق< جېنىم قېرىندىشىم ئەپۇ قىلىڭ ،مەن خاتا قىپتىمەن >. باشقىلار سىزدىن كەچۈرۈم سورىغاندا< ھېچقىسى يوق قېرىندىشىم ،ئازماس ئاللاھ دەيدۇ. بۇنچىلىك ئىشلارنى زىغىرلاش كەتمەيدىغۇ> ۋەياكى< خاپىلىقتىن كېيىنكى باللا بىز> دەپ جاقجاقنى چاقچاققا ئايلاندۇرۋەتسەكمۇ بولىدىغۇ . ئەسلى بۇ گەپلەرنى دېيىشنىڭ ئورنى يوق . كىچىگىمىزدىن باشلاپ ئاتا ئانىلىرىمىز ئوقۇتقۇچى ئۇستازلىرىمىز ئادەم بولۇشنىڭ يوللىرىدا ئۆگۈتۈپ بولغان شۇنداققۇ ؟!
           ئەڭ مۇھىم مەسىلە . سىز ئېكران ئالدىدا ئولتۇرىۋېلىپ قالايمىقان جۆيلىمەڭ . بىز ئۇنداق جۆيلىشلىرىڭىزگە خۇشتار ئەمەس . سىياسى گەپلەرنى قوقمايلا يېزىپ قويىدىكەنسىز ، بۇنداق دېسەم مېنى ۋۇي قوقۇنچاق توخو يۈرەك دەپ ئەيىپلىشىڭىز مۇمكىن . ئەيىپلەۋېرىڭ مەيلى سىز نېمە دېسىڭىز بولىۋېرىدۇ . شۇنداق مەن قورقۇنچاق توخو يۈرەك . يۈرەكلىرىم ئېزىلىپ كەتكەن . بىر ئېغىز گەپنى خاتا قىپ قويۇپ ئېرەنباغقا كەتكەنلەر ئاز ئەمەس ، ئاقىبەت سىز كېتىسىز زىيان تاتىدىغىنى بىز ئەمەس . يامىنى كەلسە مۇنبەرنى تاقىۋېتىدۇ . بىز يەنە باشقا مۇنبەر قۇرۇپ نامىمىزنى ئەسلىگە ئەكىلىيالايمىز ئەمما بۇنىڭغا بەك ئۇزۇن مۇساپە ۋە جەريان كېتىدىغانلىقى ھەممىمىزگە ئېنىق . شۇنىڭ ئۈچۈن مۇنبەر ئامانلىقىنى كۆزدە تۇتقان ئاساستا ئىنكاس يازساق دېگەن ئۈمۈدتتە مەن.
    سىز قىلالامسىز ؟ ئەلۋەتتە قىلالايسىز نېمىشقا قىلالمىغۇدەكسىز ھەممىمىز قېرىنداش تۇرساق. نېمش قىلىمىز ئۇنداق چۈجە خورازلاردەك ئۇرۇشۇپ . بۇگۈندىن باشلاپ باقايلى قېرىداشلار . (ئاناڭنى) نىڭ ئورنىغا( جېنىم قېرىندىشىم )چىقالامدۇ يوق ؟ دېيەلمىسىڭىز بىز بىرلىكتە ئۆگۈنەيلى . ھەممىمىز بىرلىكتە گۈزەل بولغان باغداش سورۇنى ھازىلاپ باقايلى !!!!!!!!!!!!!!!

angkud

ياخشى پىكىر قوللايمەن.

kukkaptar

ياخشى پىكىر

qinmudan

كوڭلىمىزدىكىنىمۇ (مۇنبەرنىڭ ئامانلىغى) دەپ قىلالمىسىساق مۇنبەرنىڭ ئەھمىيىتى نىمە؟

ataata

ياخشى تېما يوللاپسىز !       قوللايمەن .

qendelman

ياخشى پىكىر بولۇپتۇ، قوللايمەن،
مەن بۇ ئىشلارغا ئەزەلدىن دىققەت قىلىپ كىلۋاتمەن ، قىنى سىزمۇ شۇنداق قىلادىڭىزمۇ؟
بۇ سوئال بىرەر ئادەمگە قارتىلمىدى،

konqidarya

مېنىڭچە ئىنكاسلار بىر خىل بولغىنىدىن رەڭگە-رەڭ بولغىنى ياخشى، ئەمما ئەخلاققا يات سۆزلەر بۇنىڭ سىرتتىدا. مېنىڭچە ئەخلاققا يات سۆز قىلىدىغانلار ئۈچ خىل كىشىلەر بۇلىشى مۈمكىن. بىرى، ئېرسىيەت تىپىدىكىلەر، مۇشۇ ئۈچ خىل كىشىلەر ئىچىدە بۇلارنىڭ سانى بىرئاز كۆپ بۇلىشى مۈمكىن. بۇلاردىكى بۇ خىل خۇي دادىدىن بالىغا قالغان بۇلۇپ، بۇلارنىڭ ئائىلە مۇھىتى ئەزەلدىن شۇنداق. يەنە بىرى، مۇشۇ خىل ئۇسۇل ئارقىلىق ئۆزىگە خوشاللىق تاپىدىغانلار بۇلۇپ باشقىلارنى ھاقارەتلەپ ئىناقسىزلىق شەكىللەندۈرۈپ تاماششا كۆرىدىغانلار. ئۈچىنچىسى، ئەخلاققا يات سۆزلەر بىلەن كىشىلەرنى ھاقارەتلەپ ئىناقسىزلىق پەيدا قىلىپ پۇل تاپىدىغانلارمىكىن دەيمەن. بۇلار شۇ ئارقىلىق باشقىلاردىن مائاش ئېلىشى مۈمكىن. بۇلارنىڭ سانى ئىتايىن ئاز. شۇڭا بۇلارغا تاقابىل تۇرۇش ئۇسۇلى كارى بولماسلىق، قايتۇرما ئىنكاس يازماسلىق. شۇنداق قىلساق بىرىنچىسى ئاچچىق يۈتۈپ ئۆلىدۇ، ئىككىنچىسى كۆڭلىنى خوش قىلالماي بۇ كەسىپتىن ۋاز كىچىدۇ. ئۈچىنچىسى خىزمەتتىن ھەيدىلىپ مائاشسىز قالىدۇ.  

mayor-520

نەق  گەپنى  قىلىپسىز   .  مەن  مۇشۇ  يېقىندا   چۇشۇۋاتقان  كوپ  ئىنكاسلارنى    كورۋاتىمەن . بەزى دوستلار    ئىنكاستا  بەك دىققەت  قىلغان بولساق .  
2-دىن  ماۋۇ   مۇنبەر   باشقۇرغۇچىلار   بەزى قاملاشمىغان   باش سۇرت    قىلىۋالغان  ، ئىنكاستا   چىرايلىق   گەپ ئورنىغا   ئادەم   تىللايدىغان   ئىنكاسچىلارنى  سىلەر  چەكلىمەمەسىلەر  . مۇنبەرمۇ ئاممىۋى   سورۇن  . بۇ يەرگە    ھەر  ساھەدىن  تورداشلار   كىرىدۇ   ئۇلار  بەزى ئىنكاسلارنى  كورسە   نىمە  دەپ قالىدۇ .
3-دىن  جەمىيەتتىكى  بىر  قىسىم  ناھەق  تەڭسىزلىك   ھەققىدىقى    بىر قىسىم  تېىمىلار غا   بولغان  ئىنكاستا  ھە دىسە  ئىشنى   يامىنىغا   بۇراپ    شۇنداق    مەسىلىنىڭ    تورداشلار  نىڭ  سەمىمى  تەكلىپ   پىكىر   مۇراجەتنامىلىرىنىڭ    ساغلام  ھالدا  يۇقۇرغا  يىتىپ    يۇقۇرى  دەرجىلىك  ئۇرۇنلارنىڭ   دىققىتىنى   قوزغاپ  مەسىلىنى  ھەل قىلىنىشىغا  تۇرتكە   بولىشنى   قولغا  كەلتۇرمەي  ھە  دىسە   ئاغزىمىزغا  كەلگگەنى  جويلىسەك   مەسىلە   ھەل  بولامدۇ  .  مۇناسىۋەتلىك  كىشىلەر بىزنى  بىر توپ  قۇتراتقۇ  ئادەملەر  ئوقشايدۇ   دەپ  پىكرىمىزنى كوزگە  ئىلامدۇ . كىچكىنە  ئىشلارنىمۇ   مىللەت  مەسىلىسىگە  كۇتۇرۇپ     نىمە  قىلىمىز .    مۇنبەر   باشلىقلىرى  مۇشۇنداق  مەسىلىگە   سەل  قارىمىغان بولساڭلار .
4-دىن ھەرقايسى  دوستلارغا   سەمىمى  تەكلىپىم  مۇنبەرگە  كىرىپ  بىز  مەلى ئىنكاس  مەيلى  تېما   يولايلى    IP خاتىرىنىمىز  ساقلىنىپ  قالىدۇ .  كوزا كۇندە سۇنمايدۇ  كۇنىدە     سۇنىدۇ   دەپ  بىكا  ئوزىمىزگە  ئىش تېپىۋالمايلى  .  ھەرقايسىمىز  بولساق ماۋۇ  مۇنبەرمۇ  بولىدۇ  ،  مۇنبەرنىمۇ    ئوزىممىزنىمۇ   ئاسرايلى   . ئارتۇق  سوزلەپ  قويغان   بولسام دوستلارنىڭ  كەچۇرىشىنى  ئۇمۇت  قىلىمەن .

rahip

ئاشۇنداق ئېغىزى پۇرايدىغانلار چۇقۇم تۇغۇلغاندا تەتۈر تۇغۇلغانلار بۇلىشى مۇمكىن، چۈنكى قايسى توربەتنى ئاچسا چىرايلىق مۇنازىرە بىردەمدە غاجاش بىلەن تىللاشقا ئايلىنىپ كەتكەن . توۋا سەپرا مىجەزلىمۇ خېلە باركەن.

tohotur

تورداشلار ئۆز ئارا ئاغزىنى بۇزۇپ تىللاشماي ئەڭ ئۆتكۇر ئەڭ سېسىق ئەڭ لاۋزا گەپلىرىمىزنى ، ماۋۇ جەميتىمىزدىكى  ئشىنىڭ ھۆددىسىدىن چىقالمايدىغان ، ئىسل ماشىنىنىڭ مېىينى كويدۇرۇپ ئۇچۇرغان يەردە ئومۇمنىڭ پۇلىنى سۇدەك خەجلەپ ، سەتەڭ قۇشلاپ ، ئاۋام خەلىقنى كۆزگىمۇ ئىلىپ قويمايدىغان ھۆكۆمەت مەسئوللىرىغا ئېلىپ قويىشمىز كېرەكتە