- تىزىملاتقان
- 2013-4-22
- ئاخىرقى قېتىم
- 2013-4-30
- ھوقۇقى
- 1
- جۇغلانما
- 247
- نادىر
- 0
- يازما
- 22
ئۆسۈش
23.5%
|
servantman يوللىغان ۋاقتى 2013-4-25 23:54
بىزنىڭ مەشھۇرلىرىمىز ئاغزىدا تور دېگەن ئۇنداق ئەر ...
يازغۇچىلار ئاشۇنداق دەپ قويىدۇ، دېمەك، ئۇلار تورنىڭ رولىنى ئېتىراپ قىلىدۇ، ئېتىراپ قىلمايمۇ تۇرالمايدۇ، ھېچكىم بۇ رېئاللىققا كۆز يۇمالمايدۇ، تەرەققىيات ۋە يېڭى يۈزلىنىشلەردىن ئۆزىنى ئەپقاچالمايدۇ. ئەمما ئۇلار يەنىلا مەتبۇئاتنى چوڭ بىلىدۇ، چۈنكى مەتبۇئات ئۇلارنىڭ تۇنجى ماكانى، يەنە كېلىپ مەتبۇئاتنىڭ ئۆلچىمى تورنىڭ ئۆلچىمىگە باققاندا يۇقىرى، ھېچ بولمىغاندا ئۇنىڭدا تەھرىرلىك ۋە ئىملا ئۆتكىلى بولىدۇ. يەنە كېلىپ مەتبۇئات ئاز بولسىمۇ قەلەم ھەققى بېرىدۇ، ئىشلىگەننىڭ ھۆرمىتىنى قىلىدۇ. تور بېكەتلىرىمىز تېخى تور يازارمەنلىرىگە قەلەم ھەققى بېرەلىگۈدەك ھالدا ئەمەس، شۇڭا ئەسەرلىرىنى مەتبۇئاتقا بەرمەي نەگە بېرىدۇ؟ يەنە كېلىپ، رەسمى ئىلىم سورۇنلىرىدا، ئۇنۋان ئىشلىرىدا مەتبۇئاتتا ئېلان قىلىنغان ئەسەرلەر ئېتىۋارغا ئېلىنىدۇ. مەتبۇئاتتىكى ئەسەرلەرنى رەسمى سورۇنلاردا كىيىدىغان كاستۇم بۇرۇلكىغا ئوخشاتساق، توردىكى يازمىلارنى رېستۇران، دىبالاردا كىيىدىغان پادىچىلار ئىشتىنىغا ئوخشىتىشقا بولىدۇ، بۇ كىيىملەر ئەركىن، قۇۋغەلىتە، تىزلىرى يىرتىق، ئەمما تەبىئىي، جانلىق، نىسبەتەن ئەركىن. ھەر ئىككىسىنىڭ ئۆزىگە يارىشا ئوقۇرمەنلىرى، قىممەت ئېتىۋارى بولىدۇ. بىرىنى دەپ بىرىنى چۆكۈرۈشكە بولمايدۇ، بەلكى ئۇلار بىر-بىرىنى تولۇقلىشى كېرەك. مەتبۇئاتتىكى ئەسەرلەر توردىكى ئەسەرلەردەك ئەركىنرەك، دادىلراق، جەلپ قىلارلىق بولسا، توردىكى ئەسەرلەر تەھرىرلىك ۋە ئىملا جەھەتتىن سۈپەتلىك بولسا... ھەممە ئادەم سۆيۈنىدۇ. ياخشى ئەسەرلەر مەتبۇئات ھەم تورغا يارايدىغان ئەسەرلەردۇر. |
|