دۆلىتىمىزنىڭ « ئوقۇتقۇچىلار قانۇنى » ئەمەلدىن قالدىمۇ ؟ !

begir

ئۇ مەكتەپ مۇدىرىنى ئەرز قىلىپ ئاۋارە بولۇپ يۈرگەندىن ، ئىشخانىسىدا يالغۇز قالغان چاغدا ، ‹مۇدىر ، مەن پەقەت جېنىمنى جان ئېتىپ ياشىساملا بولدى ، مېنى تىچ ئامان ياشىغىلى قويسىلا ، قانۇن بويىچە ياشاي ، ئەگەر داۋاملىق مېنى تار يەردە قىستاۋەرسىلە ، سىلىنىمۇ بىر نىمە قىلىۋېتىپ ئاندىن كېيىن ئۆزۈم بارىدىغان يەرگە بارىمەن › دەپ قويسىڭىزلا بولدى .
چۈنكى ئاشۇ مەكتەپ مۇدىرىنىڭ بۇنچىلىك دەرىجىدە قانۇننى كۆزگە ئىلماي كېتىشىدىكى سەۋەپ ، مائارىپ ئىدارىسىدىكى قانۇننى كۆزگە ئىلمىغان ئاكىلىرىنىڭ بولغانلىقىدا . سىز ئەرز قىلسىڭىز ئەلۋەتتە مائارىپ ئىدارىسىگە ئەرز قىلىسىز . ھەرگىزمۇ دەرىجە ئاتلاپ ئەرز قىلالمايسىز .

bulbulgoya

abdugeni601 يوللىغان ۋاقتى  2013-5-8 23:40
توغرا يا بايرامدىن يا سايرامدىن دەپ نىيەت قىلىپ تۇتۇش ...

بۇتىمىا ئەجەپ ئۇزۇنكىنا ،ئوقۇغىلى نەچچە كۇن كەتكىدەك

atiyan

ھازىر جەمىيەتتە قاقشاشلار بەك كۆپىيىپ كىتىۋاتىدۇ，ھەممە كەسىپتىن ھەرخىل قاقشاشلار كۆپ. بۇ بەلكىم چىرىكلىشىنىڭ ئىغىرلىشىپ قانۇننىڭ كۈچى ئاجىزلاشقانلىقنىڭ ئالامەتلىرى بولۇشى مۇمكىن .
لىكىن راس گەپنى قىلسام سىزنىڭ قىلغىنىڭىزمۇ ئازراق ئۆتۈپ كىتىپتۇ .بىرمەكتەپنىڭ بېشى بولغان ئادەم سىزگە گەپ قىلىۋاتسا كۆپچىلىكنىڭ ئالدىدىلا بۇنداق قىلسىڭىز باشقىلارغا قانداق تەسىر بىرەسىز ؟ شۇ مۇدىرنىڭ ئورنىغا ئۆزىڭىزنى قويۇپ ئويلاپ باقتىڭىزمۇ ؟…بەلكىم سىز باشقىلارنىڭ كۆڭلىدە قەھرىمانلىق ئوبرازىنى تىكلىگەنسىز ، گەرچە ئىيىتقانلىرىڭىز ، قىلغانلىرىڭىز ئورۇنلۇق بولغاندەك قىلغان بىلەن شۇ ۋاقىتنىڭ ئۆزىدە ئوبرازىڭىزنى چۈشۈرۈپ بولدىڭىز . بۇ گەپلەرنى باشقىلار تاراپ كەتكەندىن كىين ئاشۇ مۇدىرنى ئىزدەپ دىيىشسىڭىزمۇ كىچىكمەيسىز .بولسا بىرەر پىيالىدىن قىززىق چاينى بىللە ئېچىپ دىيىشسىڭىز تىخىمۇ ياخشى بولىدۇ .
تۇرمۇشتا قىززىققانلىق قىلغاننىڭ پايدىسى يوق ، دىگەنلىرىم خاتا كەتكەن بولسا ئەپۇ سورايمەن .

duttarqi

بىزنىڭ يۇرتىمىز قومۇلنىڭ مائارىپ سىياسەتلىرى يەنىلا جەنۇبىي شىنجاڭنىكىدىن ياخشىكەن. بىز شۈكرى دىسەك بولغۇدەك جۇمۇ.   بىز  ئەزەلدىن شەنبە-يەكشەنبىدە ئىشلەپ باققىنىمىز يوق.

mustapha

خىزمەتداشلار سەمىگە
ئاپتۇرى: ئالاھىدىن ئابدۇرېشىت

كاتتا زات شوجاڭ دېگەن، ھۆرمەت قىلىڭ ئەڭ ياخشىسى،
باش ئۇرۇپ تازىم بىلەن ئىززەت قىلىڭ ئەڭ ياخشىسى؛
كۈندە مىڭ «خوش-خوش»نى پەرز-سۈننەت قىلىڭ ئەڭ ياخشىسى؛
توغرا ئۆتمەڭ ئالدىدىن، دىققەت قىلىڭ ئەڭ ياخشىسى؛
ئۆزىڭىزنى قۇل بىلىڭ، بەيئەت قىلىڭ ئەڭ ياخشىسى.

ئالمىغان ھوقۇقنى ئۇ ھەرگىز ئاسانلا قولىغا،
تېشىلىپ كەتكەن تاپانلار كۈندە ماڭغان يولىغا،
ئورا كولاپ مىڭ جاپادا باشقىلارنىڭ ھۇلىغا،
سېتىۋالغان تۆگىنى ئۇ تۈگمە ساتقان پۇلىغا،
توشسىمۇ پەيمانىڭىز تاقەت قىلىڭ ئەڭ ياخشىسى.

شۇڭا ئۇ ھوقۇقنى شۇنداق كەلسە-كەلمەس ئىشلىتەر،
كوچىلاردا چاپتۇرۇپ ئات، خالىغانچە كىشنىتەر،
ئىتلىرى كۆپ ئالدىدا، بۇيرۇق بىلەن كىش-كىشلىتەر،
سىز بىلەن مەندەكنى بىر دوكلات بىلەن يەر چىشلىتەر،
مۆرىمەسلىكنى ئېسىل خىسلەت قىلىڭ ئەڭ ياخشىسى.

ئالتە كۈندە سىزگىمۇ «تارقاقلىشىش»نىڭ گېپى بار،
بېشىڭىزدا ئوينىتىشقا باخشىلارنىڭ دېپى بار،
ياخشىلارنى «ئىقتىدارسىز»دەپ چېقىشقا ئېپى بار،
«يا قىزىل، ياكى ئىگىزيەرگە مېڭىڭ»دەپ خېتى بار،
كۈندە بىر شوجاڭ بىلەن سۆھبەت قىلىڭ ئەڭ ياخشىسى.

سىزنى قوغلاپ ئورنىڭىزغا تۇققىنىنى قويىدۇ،
ئىززىتىنى-ھۆرمىتىنى ئۇققىنىنى قويىدۇ،
پايدا-مەنپەت نەدە بولسا يوققىنىنى قويىدۇ،
ھەر كۈنى كۆڭلىنى بىر رەت ئۇتقىنىنى قويىدۇ،
قولىڭىزنى كەڭ ئېچىڭ، ھېممەت قىلىڭ ئەڭ ياخشىسى.

بىرلىرى ۋالىيغا يا شۈجىگە يۇرتداش كېلىدۇ،
بىرلىرى ھاكىمغا تۇغقان، دوست-ساۋاقداش كېلىدۇ،
بىرلىرى شوجاڭ بىلەن سىرداش-پىكىرداش كېلىدۇ،
بۇنى ئېيتساق ئاغزىمىزغا ئاش ئەمەس تاش كېلىدۇ،
سىزمۇ چوڭ باشلىقنى دوست-ئۈلپەت قىلىڭ ئەڭ ياخشىسى.

بولسىڭىز خانىم ئەگەر، لىپتىكنى سەل جىڭراق قىلىڭ،
مەيدىڭىزنى كۆتۈرۈڭ- ئەمچەكنى سەل دىڭراق قىلىڭ،
ساغرىڭىزنى ئارقىڭىزغا چىقىرىڭ-چىڭراق قىلىڭ،
ئەتە-ئۆگۈن دەپ يەنە يۈرمەڭ، بۇنى تىزراق قىلىڭ،
ئىرىڭىزنى كۆندۈرۈپ نەسىھەت قىلىڭ ئەڭ ياخشىسى.

ئۆيىڭىزگە ئاخشىمى پاقلان سويۇپ باشلاپ تۇرۇڭ،
«شوجىڭىم»دەپ، «باشلىقىم»دەپ كۆڭلىنى ياشلاپ تۇرۇڭ،
دۇمبىسىنى ئۇۋۇلاپ خوشياقتۇرۇپ قاشلاپ تۇرۇڭ،
تال چىۋىقتەك تولغۇشۇپ قاش-كۆزنىمۇ تاشلاپ تۇرۇڭ،
ۋايىغا بىر يەتكۈزۈڭ، غەيرەت قىلىڭ ئەڭ ياخشىسى.

«ئىشلىدىم جان كۆيدۈرۈپ خىزمەتنى مەن» دەپ جۆيلىمەڭ،
يەتمىسە شوجاڭغا نەپ، بۇ بىر قۇرۇق گەپ، جۆيلىمەڭ،
تاغنى تالقان قىلسىڭىزمۇ سىزگە يوق نەپ، جۆيلىمەڭ،
جۆيلىمەيمەن مەنمۇ ئەمدى بولدىلا«خەپ!» جۆيلىمەڭ،
ئولتۇرۇپ ئىشخانىدا غەيۋەت قىلىڭ ئەڭ ياخشىسى.

نېمە ئۇ جان كۆيدۈرۈپ بىز ئىشلىگەن خىزمەت دېگەن؟
نېمە ئۇ ھوقۇق-ئەمەلنىڭ ئالدىدا مېھنەت دېگەن؟
نېمە ئۇ ۋىجدان ، غۇرۇر،بىلىم دېگەن، خىسلەت دېگەن؟
نېمە ئۇ ۋەتەن دېگەن، ئەۋلاد دېگەن، مىللەت دېگەن؟
تىزلىنىپ شوجاڭغىلا خىزمەت قىلىڭ ئەڭ ياخشىسى.

كۈندۈزى ئادەم سىياقتا، كېچىسى شەيتان بۇلۇڭ،
رېستۇرانلاردا، قاۋاقتا ئادىمى ھايۋان بۇلۇڭ،
قىز تېىپىپ، چوكان تېپىپ بىر چەتتە سىز «مېھمان»بۇلۇڭ،
مەيلى خەق«دەللال» دىسە، شوجاڭ ئۈچۈن قۇربان بۇلۇڭ،
ئار-نومۇسنى ساتقىلى جۈرئەت قىلىڭ ئەڭ ياخشىسى.

باغدىكى ئوغرى تىكەننى گۈل قىلار شوجاڭ دېگەن،
شۇ سېسىق ھۆپۈپنىمۇ بۇلبۇل قىلار شوجاڭ دېگەن،
بىر قوتۇر ئېشەكنىمۇ دۇلدۇل قىلار شوجاڭ دېگەن،
بولمىسا بىر يولىڭىز، بىر يول قىلار شوجاڭ دېگەن،
قەلبىڭىزنى گەندىدەك مەينەت قىلىڭ ئەڭ ياخشىسى.

قاغىلارنى «ئاق»دېسە«ئاق» دەپ تۇرۇڭ باش لىڭشىتىپ،
ئوغرىلارنى «ساق»دېسە «ساق»دەپ تۇرۇڭ باش لىڭشىتىپ،
«ئىككى»نى ئۇ «تاق» دېسە،«تاق»دەپ تۇرۇڭ باش لىڭشىتىپ،
«ياق»دېسە ئۇ، سىزمۇ ھەم «ياق!» دەپ تۇرۇڭ باش لىڭشىتىپ.
ئاغزىدىن چىققاندا ھور، ھەرىكەت قىلىڭ ئەڭ ياخشىسى.

يېزىغا قوغلانسىڭىز مىڭبىر جاپانى تارتىسىز،
دۇلىڭىزغا ئىككى تاغنى كۈندە يۈكلەپ ئارتىسىز،
باشقىلار«قوغلاندى» دەر، قايغۇ-ئەلەمگە پاتىسىز،
جۆرىڭىز يوق، بالىڭىز يوق، ئۇخلىماي دۈم ياتىسىز،
تۇتسىمۇ شوجاڭ زەھەر، شەربەت بىلىڭ ئەڭ ياخشىسى.

سىزنى خىزمەتداش بىلىپ، كۆڭلۈمدىكى گەپنى دىدىم،
تېخى تۆت كۈنلا بۇرۇن كەلگەن ئەلەم-دەرتنى دىدىم،
مەيلى ئاڭلاڭ-ئاڭلىماڭ، گەپ بولسىمۇ نەپنى دېدىم،
ئوڭ دېدىم تارتتىم زىيان، ئەمدى شۇڭا چەپنى دېدىم،
ماڭىمۇ دەل ۋاقتىدا تۆھمەت قىلىڭ ئەڭ ياخشىسى!!!

alimjan15

xamxarwaz يوللىغان ۋاقتى  2013-5-8 20:39
سەن نىمە كەسىپ بىلەن شوغۇللىنىسەن؟! ئاۋال كەسپىڭنى ئا ...

مائاللىم دىگەن مانا مۇشۇنداق ئاسان ئاچچىقلىنىدۇ ئەمەسمۇ؟ ھاي ھاي، ئۆزىڭىزگە ھاي بېرىڭ! سوغۇققانلىق بىلەن ئويلاڭ! ھېلىمۇ كۆرىدىغىنىڭىز ئاز سىزنىڭ. شەنبە، يەكشەنبىدە ئىش ئورۇنلاشتۇرسا ئىشلىمەڭ. تېما ئىگىسى دېگەندەك تەنقىد، جازا ئېلىپ بارسا ئاچچىقلانماي، قائىدە سۆزلەڭ، ئاقمىسا يۇقىرى دەرىجىلىك ئورۇنلارنى ئىزدەڭ. ئۇ يەردىمۇ ئاقتۇرالمىسىڭىز ئىش تاشلاڭ. ياكى باشقا ئوقۇتقۇچىلاردەك كېچىچە ئۇخلىماي غەيۋەت قىلىپ ھاراق ئىچىڭ.

توغراق2

aqhunmen يوللىغان ۋاقتى  2013-5-8 16:34
«4-ماي بايرىمى » قانۇندا دەم ئېلىش بەلگىلەنگەن بايرام ئ ...

4-ماي قانۇندا بەلگىلەنگەن دەم ئېلىش كۈنى بولمىغان بىلەن ئۇ كۈنى شەنبىكەن ئەمەسمۇ !!!

توغراق2

ئاشۇ يوغان قورساقلار كېچىكتىڭ دەپ جەرىمانە ئالغان بىلەن ئۆزى ئەرزىمەس تايىنى يوق ئىشلار بىلەن قانچىلىك ئادەمنىڭ قانچىلىك ۋاقتىنى زايە قىلىۋاتقىنىنى ئۆزى بىلسە ئىدى كاشىكى!
    مەن بىر فېليەتوندا مۇنداق بىر جۈملىنى ئوقۇغىنىم ئېسىمدە: كىمنى باشلىق قىلىش مەسىلىسىدە تالاش-تارتىش قىلىپ ئاخىرى مۇنداق قارار قىلىنىپتۇ: بىر نەرسىنى ئوقۇپ چۈشىنەلەيدىغان  لېكىن تەپەككۇر قىلالمايدىغان ئادەمنى باشلىق قىلىش كېرەك . ئۇ بىز چۈشۈرگەن ھۆججەت ، بۇيرۇقلارنى چۈشىنەلىشى كېرەك ، لېكىن نېمە ئۈچۈن مۇشۇنداق قىلىمەن دەپ ئويلىيالماسلىقى ، تەپەككۇر قىلالماسلىقى كېرەك.