بىئولوگىيە ساھەسىدىكى يېڭى ئۇيغۇر ئالىم

tursunturgun

      ئۇيغۇرلار ئىچىدىن چىقىۋاتقان ئالىمىلارنى تىلغائالغىنىمىزدا، بىئولوگىيە ساھاسىدە نەتىجىسى زور بولغان ئەسقەر ھىمىت ئاكىمىزنى تىلغا ئالماي تۇرالمايمىز. ئەسقەر ھىمىت 1968-يىلى قۇمۇل ۋىلايىتىنىڭ ئاراتۈرك ناھىيىسىدەتۇغۇلغان. 1985-يىلى قۇمۇل تۇلۇق ئوتتۇرا مەكتىپىنى پۈتتۈرگەن. 1991-يىلى شەرىقى جوڭگۇ پىداگوگىكا ئۇنۋېرسىتىتىنىڭ بىئولىگىيە كەسپىدە باكلاۋۇرلۇق ئۈنۋانى ئالغاندىن كىيىن، جوڭگۇ پەنلەر ئاكادىمىيىسنىڭ شىنجاڭ شۆبىسىدە خىزمەت قىلغان. بىلىمگەئىنتىلىشچان روھى ئۇنى بۇنىڭ بىلەن قانائەت ھاسىل تاپقۇزمىغان،ئۇ 1995-يىلى ئانامەكتىپىنىڭ ماگىستىرلىق ئىمتىھانىدىن يۇقىرى نۇمۇر بىلەن ئۆتۈپ، شۇ يىلى شاڭخەيگەكېلپ ئۇقۇشىنى داۋالماشتۇرغان.1998-يىلى ماگىسىتىرلىق ئۈنۋانى ئالغاندىن كېيىن،ئۈرۈمچىگە قايتىپ كېلىپ خالمۇرات غۇپۇرنىڭ تەتقىقات گورۇپپىسىدا خىزمەت قىلغان. ئۇ بۇ جەرياندا تەتقىقات گوروپپىسىدىكىلەر بىلەن بىللە<غەيرى تەبئىي ساۋدانىڭ مالكۇلا بىئولوگىيە تەتقىقاتى> قاتارلىق دۆلەت تەبئىي پەنلەر فوندى ۋە ئاپتۇنۇم رايۇنلىق تەبئىي پەنلەر فوندى تەتقىقات تېمىللىرىنى ئېلىپ ئىشلىگەن. بۇجەريانىدا ئۇ جوڭگۇنىڭ ھۆجەيرە ۋە مالكولا بىئولوگىيە ساھەسىدىكى نۇپۇزلۇق ژورناللاردا 10 نەچچە پارچە ئىلىمى ماقالىسىنى ئېلان قىلغان. تەتقىقات جەريانىدا ئۇ چەتئەللەر بىلەن بولغان پەرىقىنىڭ زورلىقىنى ھىس قىلغان، ۋە چەتئەلگە چىقىپ ئىلىم تەھسىل قىلىش ئىسىتىكى تۇغۇلغان. ئۆزلىكىسىز تىرىشچانلىقىنىڭ نەتىجىسىدە، 2003-يىلى ئۇ كانادانىڭ (Queen’sUniversity) خانىش ئۇنۋېرسىتىىغا بىر يىللىق زىيارەتچى تەتقىىقاتچى بولۇپ كەلگەن. ئۇنىڭ خىزمەتتىكى ئەستايىدىللىقى يېتەكچى ئۇقۇتقۇچىسىنى قاتتىق تەسىرلەندۈرگەن، شۇنىڭ بىلەن ئۇ 2005-يىلى دوكتۇرلىق ئۈنۋانى ئۈچۈن داۋملىق ئۇقۇش پۇرستىگە ئىرىشكەن. 2011-يىلى دوكتۇرلىق ئۈنۋانى ئالغان. ئۇ بۇنىڭ بىلەن قانائەتلىنىپ توختاپ قالماي شۇ يىلى(University of Toronto) تورونتو ئۇنۋېسىتىغا دوكتۇر ئاشتى تەتىقىقاتىچىسى بولۇپ كىرگەن. تورونتو ئۇنۋېرسىتىتى نەچچە يىللاردىن بۇيان تەتقىقات نەتىجىسىنىڭ زورلىقى بىلەن دۇنيا بۇيىچە ئالدىنقى  20 ئۇنۋېرسىت ئىچىدە سانىلپ كېلنىۋاتقان بولۇپ، ئېلان قىلىنغان ئىلمى ماقالىلارنىڭ سانى شىمالى ئامىركىدا خارۋارد ئۇنۋېرسىتىدىن قالسا ئىككىنجى تۇرىدۇ. ھازىرغىچە 9 نەپەر نوبىل مۇكاپاتىغا ئېرشكۈچى چىققان. دىيابىت كېسىلىنڭ دورىسى-كالا ئىنسولىن (胰岛素) دۇنيادا تۇنجى بولۇپ مۇشۇ تەتقىقات ئورىنىدا ياسالغان. بۇ ئۇنۋېرستىقا كىرىپ دوكتۇر ئاشتى تەتىقىقاتىچىسى سالاھىيىتىگە ئېرىشىشى  ئۇنىڭ ئىلىمى سەۋىيىسنىىڭ بىئولوگىيە ساھەسىدە دونيانىڭ ئالدىنىقى سەۋىيىسگە يەتكەنلىكىنى ئىسپاتلاپ بېرىدۇ. ئۇنىڭ 2012-يىلى DNA ساھاسىدىكى تەتقىقات نەتىجىسى Nature Cell Biology ژورلىنىدا ئېلان قىلىنغان بولۇپ،ئۇ ھازىر شۆھرەت مۇتەللىپتىن كېيىن ئۇيغۇرلاردىن چىققان ئەڭ نۇپۇزلۇق بىئولوگىيە ئالىمى بولۇپ قالدى. Nature Cell Biology تەبىئەت ھۆجەيرە بىئولوگىيەسى ژورنىلى دۇنيادىكى ھۆجەيرە ساھەسى بۇيىچە ئەڭ يۇقىرى ئىمىتىيازغا ئېگە ژورنال بولۇپ، تەسىرچانلىق ئامىلى 19.488. ئۇنىڭ بۇنەتىجىسى ۋە باشقا مۇناسۋەتلىك ئۇچۇرلىرىنى تۆۋەندىكى ئۇلانمىدىن كۆرۈڭ.

Dissecting DNA damage response pathways by analysing proteinlocalization and abundance changes during DNA replication stress，Nature Cell Biology 14: 966-976

http://biochemistry.utoronto.ca/brown/people.html

بىز ئالىمىمىز ئەسقەر ھىمىتنىڭ تېخىمۇ زور نەتىجىلەرنى قولغا كەلتۈرۈشىگە تىلەكداشمىز.ئاللا ئىشلىرىنى ئوڭۇشلۇق قىلسۇن!

!

pasiban

ئالىمىمىزنىڭ تېنىنىڭ سالامەت، ئىشلىرىنىڭ تېخىمۇ ئۇتۇقلۇق بولىشىى، ئائىلىسنىڭ خاتىرجەم بەختلىك بولىشنى تىلەيمەن.

onbexi

ئالىمىمىزنىڭ تىنىگە سالامەتلىك، ئائىلىسىگە خاتىرجەمىلىك تىلەيمەن!ھازىر كانادادا ئوخشىمامدۇ؟

iltebir107

ئۇستازىمىزنىڭ تەنلىرى سالامەت ،ئىشلىرى ئۇڭۇشلۇق بولغاي.

mujjalli

سىزدىن پەخىرلىنىمىز ، بىزگىمۇ شۇنداق پۇرسەت كىلەرمۇ . تىرىشچانلىق بولغان بىلەن قوللاش بولمىسا يەنىلا ئارزۇغا يېتىش تەسكەن .

bulbulgoya

ئالىمىمىزنىڭ تېنىنىڭ سالامەت، ئىشلىرىنىڭ تېخىمۇ ئۇتۇقلۇق بولىشىى، ئائىلىسنىڭ خاتىرجەم بەختلىك بولىشنى تىلەيمەن.

uyghurboys

          مۇشۇنداق ئالىمىلىرىمىز كۆپلەپ چىقسا نەقەدەر ياخشى بۇلاتتى ، تۆھپىكارلىرىمىزنىڭ مۈشكۈلى ئاسان بولسۇن ، ئالتۇن بۇيى ئامان بولسۇن ، ئائىلىسى بەختلىك بولسۇن ، ئىلمى ئەمگەكلىرى تېخىمۇ بەرىكەتلىك بولسۇن ، ھەربىر ئىزىدىن خوشپۇراق گۈللەر ئېچىلسۇن ، ئىزباسارلىرى كۆپلەپ يېتىشسۇن !!!!

tapakkur

بارىكاللا،ئالىملىرىمىزنىڭ شەرەپ قۇچقان خەۋىرىدىن روھىمىز قۇۋۋەت ئالماقتا.