ئوغلۇم! مېنى كەچۇر!

appaktur

سېسـتىرانىڭ (ئايالىڭىز ئوغۇل تۇغدى،بالىڭىزنى كۆرىۋېلىڭ) دىگەن سۆزىدىن بەكمۇ سۆيۆنۆپ ،سېنى (ئاللاھ قا شۈكرى ) دەپ قولۇمغا ئېلىپ پىشانەڭگە سۆيگەن چېغىمدىن باشلاپ ئاللاھ بالا مېھرىنى قەلبىمگە مۆھۇر قىلىپ پۇتتى.  شۇمىنۇتتىن باشلاپ سېنىڭ ئوماق كۈلۈشلىرڭ، سەبى يىغلاشلىرىڭ مېنى ئاستا_ئاستا يىگىتلىكتىن دادىلىقنى ھىس قىدۇردى.
   ئوغلۇم سەن مېنىڭ قانات ئاستىمدا مانا ئىككى ياشقا كىرىپ قالدىڭ،ئاللاھ قا شۈكرى، سېنىڭ سەبى كۈلكىلىرىڭ، شوخلىقلىرىڭ،كىيىكتەك سەكرەپ ئويناشلىرىڭ، توختىماي (دادا  ! دادا! )دىيىشلىرىڭ.................. ئوغلۇم ،سەن نىمە دىگەن بەخىتلىك ھە!
     بەزىدە سېنىڭ غەمسىز شوخ ئويناشلىرىڭغا قاراپ ئۇزاقتىن_ئۇزاق چوڭقۇر خىياللارغا پېتىپ قالىمەن.شۇخوشال كۈنلىرىڭ ئۈزۈلۈپ قالمىسۇن....
       ئۈچ ياشقا كىرسەڭ ،بالىلار باغچىسى،ناتونۇش تىل ،ناتونۇش چىراي.  ئۆيدىكى شوخلۇق خوشاللىقىڭ تامام! بابا _ماما ، ئايى......تىلىڭ چىقىشقا باشلىسا، ئۆتىنەي ئوغلۇم!ئۇيغۇرچە بىرقېتىم (دادا) دىگىن.......ناتونۇش يىمەكلىك،خالتىلىق سۈت،سۇلياۋغا ئورالغان قېيزا.....  ئەتتىگەندە كېتىسەن،كەچتە قايتىپ كېلىسەن، ئاناڭنىڭ تاما قلىرڭنى سېغىنىپ قالارسەنمۇ؟ جاڭ،ما،ئەمەت،سەمەت......ساۋاقداشلىرىنڭ بىلەن ياخشى تونىشىپ قالىسەن، مۇئەللىملرىڭ كوڭزى، مىڭزى دىگەندەك( ئۇلۇغ ) كىشىلەرنىڭ سۆزلىرىنى يادقا ئالدۇرسا تېخى...سەنغۇ بەك زېرەك يادلىۋالىسەن....يادلىيالمىساڭ مۇئەللىمىڭ مېنى چاقىرىپ سېنى يامان دىسە قانداق چىدارمەن.....بۇسىنىپتا ئۇيغۇر بالىلار ھەممىدىن بەڭباش...سىزنىڭ ئوغلىڭىز باشلامچىسى.....ھەي! ئوينايدىغان ۋاقتىڭ ئىدى،،،ئوغلۇم بىزكىچىك چاغلىرىمىزدا ئالتە ياشتا ئوقۇشقا كىرگەن،ئالتە ياشقىچا قانغىدەك ئوينىايتتۇق...لەگلەكنى ئۆزىمىز ياساپ ئوينىغان،چانىنى ئۆزىمىز ياسىغان،......ئىشقىلىپ ھەممىسىنى ......
    ئوغلۇم !يابولمىسا بالىلار باغچىسىغا بارمايلا قوي!  موماڭنىڭ يېنىدا موماڭغا ھەمراھ بولۇپ يېزىدا داداڭ ئوينىغان ئويۇنلارنى قانغىچە ئوينىۋال! ئۇھ!    لېكىن مەن كىچىك چاغلىرڭمدا ئوينىغان قۇم دۆۋىلىرى نەگە كەتكەندۇ؟ ئيسىمدە قېلىشىچە بوۋام ماڭا ئۆيىمڭزنىىڭ يېنىدىكى ئۆستەڭدىن بېلىق تۇتۇپ بەرگەن،مەن ئۇ بېلىقلارنى بىرنەچچە كۇن باققان تېخى! لېكىن ئۇ ئۆستەڭ ھازىر قۇرۇپ كەتتى،ئەتىراپىدىكى دەل_دەرەخلەرمۇ قۇرۇپ كەتكەنلىكتىن كېسىۋېتىلىپتۇ.  توۋۋا شۇ سۇلار نەگە كەتكەندۇ؟ ئوغلۇم ئازراق ئوينىۋاسا بولاتتىغۇ!  بولدىلا ! سۇ ئوينىمىغانغا نىمە بولاتتى... سالغا ياساپ بېرەي ئوغلۇم! كىچىك شېغىل_تاشلارنى بەتلەپ قۇچقاچلارنى قارغا ئالىسان دە كۈچەپ بىر ئاتساڭ ........ نىمە؟ سالغا قىغۇدەك بىرەرمۇ ئاچا تاپالمىدىمغۇ؟ جۈجەملەر يېڭى شاخ چىقارمىدىمىكىنە؟ ئورماندىكى جىگدىلەرمۇ يوقاپ كېتىپتىغۇ! كىچىك ۋاقتىمدا بەلگە قىلىپ قويغان كۆك دەرەخ،ئاق دەرەخلەرقەيەردىدۇ؟ ۋاي بولدىلا ! مەھەلىدىكى تەڭتۇشلىرىڭ بىلەن ئوينىغىن،......مەھەلە ....بالىلار نەگە كەتكەندۇ؟ مەھەلىنى كېزىپ چقتىم، ئوغلۇم ! سەن تەڭتۇش بىرمۇ بالا يوق،ئاڭلىسام ئۇلارمۇ بالىلار باغچىسىغا كېتىپتۇ.پەقەت بوۋاي_مومايلارلا قاپتۇ، ھەي ! ئەمدى قانداق قىلاي ئوغلۇم! ساڭا ئوينايدىغان بىرەر ئويۇنمۇ ،ئاداشمۇ يوق! مېنى كەچۈرگىن ! سېنى بالىلار باغچىسىدىن قۇتقىزالمىدىم! (داۋامى بار)

ئالۋۇن

     بەزىدە سېنىڭ غەمسىز شوخ ئويناشلىرىڭغا قاراپ ئۇزاقتىن_ئۇزاق چوڭقۇر خىياللارغا پېتىپ قالىمەن.شۇخوشال كۈنلىرىڭ ئۈزۈلۈپ قالمىسۇن....

rana910

راس ،توغىرا.....................

samawar

مۇساپىرچىلىقتا ياشاۋاتقان مۇشۇ كۈنلەردە پات -پات ھاجىم ئانام چۈشۈمگە كىردىغان بولۇپ قالدى،ئەزەلدىنمۇ چۈشۈمگە كىرىپ تۇراتتى، بىراق مۇنچە ئىنىق ھەم ئۆزگىچە ئەمەستى...يەنە شۇ پەرىشتىلەردەك مىھرىبان قوللىرى بىلەن پىشانەمنى سىلاپ  قويسا بىشىمنى قۇچىقىغا قويۇپ ئۆزۈمنى ئەڭ بەخىتلىك چاغلايتىم....ئۇ كۈنلەرنىڭ كەلمەسكە كەتكىنىگە ،ئۇ مىھرىبان سىمانى كۆرمىگىنىمگە 3 يىل بولاي دەپ قاپتۇ...مەھەللىمىزدىكى كىچىك ئىرىق ،ئۇنىڭ ئەتراپىدىكى كۆل ۋە ئورمانلىق ،يۇمشاق قۇملار ...دەرەخكى چىقىۋالغان ئوماق بالىلار،پەستىكى قۇملۇقلاردا چىم-چىم ئىتىپ ئويناۋاتقان قىزچاقلار ...راست ،بىغىمىزدىكى ھىلىقى ئۈجمىگە ئىسىپ قويغان چايدانغا قارا قۇچقاچ ئۇۋلايتى ،توۋا شۇنداق باغرى تاش بولغىيتىمىكىن بالىلىرىنى تۇتۇپ ئۆچۈشۈپ كۆندۈرىمەن دەپ نەچىچىسىنى ئۆلتۈرۈپ قويغىنىم،ھاجىم ئانامنىڭ قىساسىغا قالىسەن دەپ ئۇرۇپ كىتىشلىرى ،مەن گۇناھىمنى يىنىكلىتىش ئۈچۈن بىچچارە قۇچقاچ بالىسىنى باغقا ئىچىقىپ كۆمۈپ قويىشىم يەنە تىخى دۇئا قىلىپ يىغلاپ كىتىشلىرىمنى ئويلىسام....كىچىكىمدە بىلىق تۇتىمىز دەپ بالىلار بىلەن كەچكىچە دەريا بويىدىن كەلمەيتۇق،بىلىق تۇتالمىساق كۇمۇتا قۇمچاق تۇتۇپ دىگەندەك...مۇشۇ تەتىلدە يۇرۇتقا قايتىقىنىمدى ئۇكام بىلەن ئۆز قولىمىز بىلەن لەگلەك ياساپ ،قوي باققاچ لەگلەك ئۇچۇرغىنىمنى ئويلىسام ،ئاشۇ لەگلەكنى قوينىغا ئالغان كۆپكۆك ئاسمانغا قاراپ رەببىمدىن ئىچ -ئىچىمندىن سۆيۈنگىنىم...
...جاھاننىڭ بىر چىتىدە مانا ئۆزۈم يالغۇز ئىشخانىدا بۇ خىەتلەرنى يىزىپ ئولتۇرۇپتىمەن،ئاشۇ مىھرى ئىسسىق يۇرتۇمنى ،مىھرىبان ئاتا ئانامنى ،سۆيۈملۈك مەھەللەمنى شۇنداق سىغىندىم....
جۇدالىق ،غىرىپلىق ،ھىلىقى بىر كىتابدىكىدەك يۈز يىل غىرىپلىقنىڭ ئاچچىق تەمى...خەيىر ،رەببىم بار ،مىھرىبان ئاللاھىم بولغاچ مەن يەنىلا بەخىتلىكمەن،تەنھا ئەمەسمەن....
كەچۈرۈڭ قىرىندىشىم ،تىمىڭىزنى ئوقۇپ ئۆزۈمنى تۇتىۋالالماي بۇخەتلەرنى يىزىپ ئولتۇرۇپتىمەن،تىمىڭىزدىن شۇنداق سۆيۈندۈم،قولىڭىزغا دەرت تەگمىسۇن..

گۈلۈم

ئوغلۇمنى يەسلىگە بەرمىدىم .چاقچاق قىلىپ ئەتىلا سىنى مەكتەپكە  ئاپىرېۋېتىمەن دەپ قويسام شۇھامان يىغلامسىراپ مىنى باقمامسەن ،مەكتەپكە كەتسەم بالاڭ يوق بۇلۇپ قالىدۇ دەيدۇ ، نەچچە ئاينىڭ   ئالدىدا بىر ھەپتە يەسلىگە چىقىپ ھەر قانچە قىلساممۇ بارغىلى ئۇنىمىغان ،  نىمىدىن شۇنچە قورقۇپ كەتتى بىلەلمىدىم.كىيىن  ئاپام بولدى ،بالىنى قىينمايلى،تىخى 3ياشقا كىردى ، كيىنچە مەكتەپ دىگەندە قانغۈدەك  ئۇقۇۋالىدۇ دەپ قىشىغا  ئېلىپ كەتتى.بالام شۇنداق ئەركىن چوڭ بولدى،يەسلىنىڭ  ئالدىدىن   ئۈتۈپ قالسا   ھويلىدىكى ئۇيۇنچۇقلارنى كۆرۈپ ئاپا، بۇ  باغچىمۇ دەپ سورايدۇ .ئوينايدىغان يەرمىكىن دەپ .ھەئە دەپ  قۇيىمەن ، ئىچىمدە  ئويلايمەن ،كىچىك ۋاقتىمىزدا يەسلى  راسلا ئوينايدىغان يەر  ئىدى ، 6ياشقا كىرگەندە ئاندىن ساۋادىمىزنى چىقىرىشقا ،ئېلىپبەنى ئۆگىنىشكە باشلايتۇق .دوسلىرىم  دەيدۇ بالاڭنى يەسلىگە ۋاقتىدا بەرمىسەڭ كىيىن  مەكتەپنىڭ دەرسلىرىگە يىتىشەلمەيدۇ دەپ . بالام بەك ئەقىللىق ،ۋاقتى كەلگەندە ھەممىسىنىڭ  ئالدىغا ئۈتۈپ كىتىدۇ دەپ چاقچاق قىلىپ قويىمەن.يەسلى ، بالىلار  باغچىسى زادى  نىمە قىلىدىغان  يەر؟

kawimmol

ناھايىتى توغرا دەيسىز دوستۇم ، بۇ مېنىڭ بېشىمدىنمۇ ئۆتكەن، قىزىمنى 10 ئايلىقتا ئانا سۇتىدىن ئايرىپ ئاتا ئانىمىزنىڭ يېنىغا ئاپىرىپ قويدۇق، تېخى تىلى چىقمىغان ئاتا ئانا مېھرىگە قانمىغان بالا بىزدىن ئايرىلىپ ، ئاتا ئانىمىزنىڭ يېنىغا ئاپىرىۋەتتۇق، پويىزدا قايىتقان ۋاقتىمىزدا ئايالىمنىڭ يىغىسى توختىمىغان ، كۆكسىدىكى سۇتى سىرىتقا تامچىپ ئايالىمنى تېخىمۇ يىغلاتقان ، ئۇ سېنىڭ نىسىۋەڭ ئىدى قىزىم دەپ قەلبىمدە يىغلىدىم ، شۇنداق قىلىپ قىزىم 4 ياشقىچە چوڭلارنىڭ يىنىدا تۇردى، گەرچە ئاتا ئانىمىزنىڭ يېنىدا تۇرغاندا خاتىرجەم بولساقمۇ قەلبىمىز يەنىلا ئۇنى سېغىنىش ئوتىدا پۇچىلاندى. ھەر ئايدا بىر قېتىم تاپقان پۇلىمىزنى پويىزنىڭ چاقىغا خەجلەپ ئۆتتۇق، سېنى ئاخىرى يېنىمىزغا ئەكەلدۇق، سەن بالىلار باغچىسىغا كىردىڭ دوستىمىز ئاپپاقتۇر دىگەندەك ئاشۇ ئىشلار يۈز بېرىشكە باشلىدى، سەن ئاپا - دادا، ئوبۇرنىغا كىرىمەن دىگەندىن باشقا تىلنى بىلمەيتتىڭ، قىزىم سەن نىمە دىگەن ئەقىللىك ، بىر ئاي بولمايلا باشقا بىر تىلنى بىلىپ بولدۇڭ، ئۇزۇن ئۇزۇن ناخشىلارنى ياتلايدىغان ، بىز بىلەن خەنزۇ تىلىدا سۆزلىشەلەيدىغان بولدۇڭ، شۇنداق قىلىپ سېنى مەكتەپكە بەردۇق ، مانا مەكتەپتىمۇ شۇنداق ياخشى ئوقۇۋاتىسەن، 40نەچچە بالىنىڭ ئارىسىدا سەنلا بىر ئۇيغۇر، لېكىن سەن بىزنىڭ كۇتكەن يېرىمىزدىن چىقتىڭ، بىرىنجى مەۋسۇمدىلا ئۇچتە ياخشى ئوقۇغۇچى بولۇپ باھالاندىڭ ، سېنىڭ سىزغان رەسىملىرىڭ مەكتەپنىڭ كارىدورىغا جازىغا ئېلىپ ئېسىلدى، سەندىن پەخىرلەندىم (ئىسمىڭنى پەخرىيەئاي قويغانلىغىنىمىزنىڭ خاتا ئەمەسلىكىنى ھېس قىلدۇق) . مانا ئىنىڭ تۇغۇلدى ، ھازىر ئۇمۇ بىر ياشقا كىرىش ئالدىدا، ھېلىمۇ بالا باققۇچى چىقتى ، شۇنداق ياخشى قاراۋاتىدۇ ، ئۇنىڭ قىلىقلىرىغا قاراپ سېنىڭ كىچىك ۋاقلىرىڭ كۆز ئالدىمىزغا كېلىدۇ، سەن ئىنىڭچىلىك ۋاقتىدا موما بۇۋىلىرىڭىنىڭ يېنىدا بىزدىن ئايرىلىپ ياشىغان ، سەن داۋاملىق ئىنىمنى قومۇلغا ئاپىرىۋەتمەيلى، موشۇ يەردە بىز بىلەن تۇرسۇن دىگەن چېغىڭدا سېنىڭ ئاشۇ كىچىككىنە قەلبىڭدىكى ئاشۇ يارىلارنى كۆرگەندەك بولدۇق. قىزىم اللا خالىسا ئىنىڭنى يېنىمىزدا تۇرغۇزىمىز، ئىككىڭلار بىز بىلەن بىللە تۇرىسىلەر، سېنىڭ كىچىك چېغىڭدا بېرىپ بولالمىغان ئاتا ئانا مېھرىنى ساڭا ئەمدى تولۇقلايمىز قىزىم...
تېمىدىن سەن چەكنەپ كەتتىم ، لېكىن بۇ ھازىرقى جەمئىيەتتە بولىۋاتقان رىياللىق. بولسا بالىلىرىمىزنى يېنىمىزدا ئاتا ئانا مېھرىگە قاندۇرۇپ باقايلى، چوڭلار ياشنىپ قالدى ، ئۇلارغا يەنە ئېغىرىمىزنى سالمايلى دوسلار...

kokboraa

مىنىڭ بالام 1-يىللىقا چىققاندىن باشلاپ ئۆزگىرىش خىلىلا ئىنىق كۆرەلدى .تەربىيە قىلدىم ،تۈزۈتۈپ باقتىم  لىكىن.....

ئانىسى بىلەن مەسلىھەتلىشىپ ‹بىزگە بالىمىزنىڭ ئىمان -ئىتقادى،ئەدەپ-ئەخلاقى ھەممىدىن بەك موھىمكەن› دەپ  بالىنى ئىلىپ باشقا يۇرتلارغا كەتتۇق، ھازىر بالامنى ئانىسى ئۆيدە ئوقۇتۇدۇ(خىلى يامان ئەمەس ئۈگۈنەلەيدىكەن)             . مەن بالامغا دەيمەنكى ‹بالام ،سەن كەلگۈسىدە ئالى مەلۇماتلىق كادىر بولمىساڭمۇ مەيلى ،كەلگۈسىدە ئەخلەت تىرىپ جىنىڭنى باقساڭمۇ پەقەت ئىمانىڭنى (ئىغىزدا دەپ قويغان ھىساپ ئەمەس) غورۇر،ۋىجدانىڭنى ساقلاپ قالالىساڭلا مەن سەندىن رازىمەن.› دەيمەن.  چۈنكى ماڭا (بالام ئۈچۈنمۇ ھەم) ئەڭ كىرەكلىك نەرسە ئىمان ،غورۇر ،ۋىجدان(نەدىكى بىر نەرسىلەگە قوزغۇلىدىغان ۋىجدان ئەمەس بەلكى پەقەت ئىمان ئۈچۈن (ئاللاھ ئۈچۈن) قوزغۇلىدىغان غورۇر،ۋىجدان كىرەك.

kawimmol

گۈلۈم يوللىغان ۋاقتى  2013-5-16 09:53
ئوغلۇمنى يەسلىگە بەرمىدىم .چاقچاق قىلىپ ئەتىلا سىنى مە ...

ھا ھا ، بالىلار باغچىسى ، يەسلى دىگەن يەرلەر سىنىڭ پۇل قاپچۇقىڭىزنى قۇرىتىدىغان يەر، بالىنى بالدۇر يەسلىگە بېرىشنىڭ ھېچ قانداق پايدىس يوق ئىكەن ، يەسلىدە ئۆگەنگەن نەرسىلەرنى مەكتەپكە كىرگەندە ھەقىقىي تەرتىپ بىلەن ئۆگىتىدىكەن ، بالىلىلار يەسىلدە جىق بىرنەرسىلەرنى ئۆگەنسە مەكتەپكە كىرگەندە زېرىكىش ھېس قىلىدىغان بولۇپ قالىدىكەن .

kamsoz

.مەنمۇ تۇرمۇش ۋە خىزمەت بېسىملىرىنى ئويلىسام بالامنىڭ مەڭگۈ چوڭ بولماسلىقىنى ئۈمىد قىلىمەن

huxruy

ئوغلۇمنى بالا باققۇچى تاپالماي ئامالسىزلىقتىن  كىچىكلا ۋاقتىدا يەسلىگە بەرگەن ئىدۇق ، ئۇ يەسلىدە ئۇچىرىغان بېسىملارنى ئويلىسام يۈرىكىم ئېچىشىدۇ ، خىزمىتىمدىن ۋاقىتلىق ئايرىلىپ تۇرۇپ بولسىمۇ ئۇنىڭغا ئۆزۈم قارىمىغىنىمغا پۇشايمان قىلىمەن .

ئوغلۇم يەسلىدىن قايتىپ كەلگەندىن كېيىن ئۇنىڭ ئەركىن ئازادە پائالىيەت قىلىشىغا يول قوياتتىم ، ئۆيدە ئۇنىڭغا بېسىم قىلمايتتىم