كۆڭۈللۈك خىزمەت قىلىڭ
كۈنلەرنىڭ بىرىدە ئوڭۇشسىزلىققا يولۇقسىڭىز ،،بۇرۇقتۇما بولۇپ يۈرىۋەرمەي ،كۆڭلىڭىزدىكى يېقىن دوست-بۇرادەرلىرىڭىزگە ئېيتىڭ ياكى سىرتلارغا چىقىپ ئايلىنىپ كېلىڭ.
* خىزمەت ئورنىڭىزنى ئىمكانقەدەر رەتلىك ،پاكىز تۇتۇڭ ، ھۆججەت ماتېرىياللارنى قالايمىقان تاشلاپ قويماڭ،خۇسۇسي بۇيۇملىرىڭىزنى مۇقىم بىر جايغا قويۇڭ.خىزمەت مۇھىتىڭىز رەتلىك بولسا ، كۆڭلىڭىز ئازادە بولىدۇ.ئەلۋەتتە ،ئۆزىڭىزنىڭ تاشقى قىياپىتىڭىزنىڭ رەتلىك بولۇشىمۇ مۇھىم .
* يېڭى خىزمەتكە كىرىشىشتىن ئاۋۋال ،،بارلىق خىزمەت تەرتىپى بىلەن تونۇشۇپ چىقىڭ،قايسى ئىشنىڭ سىزنىڭ خىزمەت دائىرىڭىزدە ئىكەنلىكى ، قايسى ئىشلارغا ئارلاشمىسىڭىزمۇ بولىدىغانلىقىنى بىلىۋېلىڭ .
* پۇلغا بەك بېرىلىپ كەتمەڭ. قانچە كۆپ پۇلغا ئېرىشىشنى ئارزۇ قىلسىڭىز ،ئېرىشىدىغان خوشاللىغىڭىزمۇ شۇنچە ئاز بولىدۇ.
* ئىمكانقەدەر ئۆزىڭىز قىزىقىدىغان ،پۈتۈن ۋۇجۇدىڭىز بىلەن بېرىلىپ ئىشلەشكە كۆزىڭىز يېتىدىغان خىزمەت بىلەن شۇغۇللىنىڭ.
* ئەگەر خىزمىتىڭىز كۈن بويى ئۈستەلدىن قوزغالماي ئىشلەشنى تەلەپ قىلىدىغان خىزمەت بولسا، ئىشخانا ئىچىدە ئانچە-مۇنچە ھەركەت قىلىپ تۇرۇڭ.ئەگەر بىر ئىش توغرۇلۇق خىزمەتدىشىڭىزدىن مەسلىھەت سورىماقچى بولسىڭىز ، ئۇنىڭ قېشىغا بېرىپ ،مەسلىھەت سوراڭ ، ھەرگىز تېلېفۇن ئارقىلىق ئىش بېجىرمەڭ ؛ ئىشخانىڭىزغا لىفىت بىلەن چىقماي ،پەلەمپەيدىن مېڭىپ چىقىڭ؛ئىشتىن چۈشكەندە خېلى بىر يەرگىچە مېڭىپ ، ئاندىن ئاپتوبۇسقا چىقىڭ.
* شەنبە-يەكشەنبە كۈنلىرى قايناق بازاردىن يىراق تۇرۇڭ، ئامال بار شەھەر سىرتىغا چىقىپ، ساپ ھاۋادىن نەپەسلىنىپ ، كاللىڭىزنى ئارام ئالدۇرۇڭ. ئەگەر ئۆيدە دەم ئالماقچى بولسىڭىز ،ئۇزۇندىن بېرى ئوقۇشقا ۋاقىت چىقىرالمىغان كىتابلىرىڭىزنى كۆرۈڭ، مۇزىكا ئاڭلاڭ ياكى ئائىلىڭىزدىكىلەر بىلەن سىرتقا چىقىپ غىزالىنىڭ،كىنو كۆرۈڭ ياكى كۆرۈشمىگىلى ئۇزۇن بولغان ئەل-ئاغىنىلىرىڭىز بىلەن مۇڭدىشىپ كېلىڭ.
* ئىشتىن چۈشكەندىن كېيىن ئۆزىڭىزنى يولۇق ئارام ئالدۇرۇڭ ،مۇشۇنداق قىلسىڭىزلا جىسمانى كۈچىڭىز ئەسلىگە كېلىپ ، ئەتىسىدىكى خىزمەتلەرنى روھلۇق ئىشلىيەلەيسىز. ئۇخلاشتىن ئاۋۋال كىتاب كۆرۈڭ ياكى لەرزان مۇزىكىلارنى ئاڭلاڭ ، بىر ئىستاكان سۈت ئىچىڭ ، شۇنداق قىلسىڭىز ياخشى ئۇخلايسىز.
* ئۆزىڭىزنىڭ ئىقتىدارىغا ئىشىنىڭ ، سىز قىلالمايدىغان ھېچقانداق ئىش يوق.
* خىزمەتداشلىرىڭىزغا مۇئامىلە قىلغاندا ، ئۈچ پرىنسىپنى ئېسىڭىزدە چىڭ ساقلاڭ: ئۇلارنى ئەيىبلىمەڭ، ئۇلاردىن ئاغرىنماڭ، ئۇلارغا ئاچچىقلانماڭ.
* ئۆزىڭىز بىلمەيدىغان ئىشلار توغرۇلۇق قارىغۇلارچە مۇنازىرە قىلماڭ، سىز دائىم يۈزەكى ئىشلارنى كۆرگەن بولۇشىڭىز مۇمكىن .
* تۇرمۇشتا خوشال-خورام ئۆتۈڭ .
* زەن قويۇپ ئاڭلاشقا ئادەتلىنىڭ، باشقىلارنىڭ سۆزىنى ئاڭلاش جەريانىدا كۆپ پايدىغا ئېرىشىسىز.
* بىلمىگەننى باشقىلاردىن سوراشقا ئادەتلىنىڭ ، چۈنكى سىزنىڭ بىلىدىغانلىرىڭىز چەكلىك بولىدۇ
* مەڭگۈ ئۈمىدۋار بولۇڭ ، ئالدىڭىزدا توسۇق يوق ، بىر ئىشىك ئېتىك بولغىنى بىلەن يەنە بىر ئىشىك داغدام ئېچىلغان بولىدۇ
مەنبە:ئۈندىدار
|