- تىزىملاتقان
- 2013-5-12
- ئاخىرقى قېتىم
- 2013-11-21
- ھوقۇقى
- 1
- جۇغلانما
- 2308
- نادىر
- 0
- يازما
- 241
ئۆسۈش
10.27%
|
فېليەتون
گېرمانىيىدە شىركەت،ماشىنا دېگەندەكلەرنى يىللىق تەكشۈرتۈش قىلمايدۇ .
ئۇ گىرمانىيىلىكتىن سورىدىم : ئۇنداقتا ماشىنىسى بۇزۇلۇپ قالسا قانداق قىلىدۇ ؟
ئۆزى رېمونت قىلىدۇ .
ھۆكۈمىتىڭلار نېمىشقا يىللىق تەكشۈرتۈشنى يولغا قويمايدۇ ؟
گېرمانىيىلىك قايتۇرۇپ سورىدى : ھۆكۈمەتكە بۇنداق ھوقۇقنى كىم بېرىپتۇ ؟ ئەگەر ھۆكۈمەت بۇ تۇزۇمنى يولغا قۇيۇشنى ئويلىشىدىكەن ئۇنداقتا بۇنىڭ ھۆكۈمەتكە نەپ ئىلىپ كېلىدىغانلىقى ئېنىق .
..............
ئامېرىكىلىقلارنىڭ نوبېل فىزىكا ،خىمىيە ، ئىقتىساد ، تېببىي ئىلىم مۇكاپاتى قاتارلىقلاردا ئېرىشكەن مۇكاپاتلىرى يىلىغا ئىككىدىن ئاشىدۇ ، ئۇلار تەبىئەت قائىدىلىرىنى يېشىش ئۈچۈن توختىماي ئىزدىنىۋاتىدۇ ، بىز جۇڭگولۇقلارمۇ ئۇلاردىن قىلىشمايمىز ، ئۇلار ئىزدەنسە بىز كەشىپ قىلىمىز ، ماۋزىدۇڭ ئىدىيىسى ، دىڭشىياۋپىڭ نەزەرىيىسى ، ئۈچكە ۋەكىللىك قىلىش ئىدىيىسى ، ئىلمى تەرەققىيات قارىشى ، جۇڭگو ئارزۇسى ...دېگەندەك . تەخمىنەن ئون يىلدا بىر يۈرۈش ئىجاد قىلىمىز .
ئىسلاھات دېگىنى ھەق يىغىش دېگىنى ، تەڭشەش دېگىنى باجنى كۆپەيتىش دېگىنى، ئىسپات ئاڭلاش يىغىنى دېگىنى باھانى ئۆستۈرۈش ، ئۆزىگە خاس ئالاھىدىلىك دېگىنى ۋارىسلىق قىلىش ، غايە دېگىنى چەتئەلدە ئولتۇراقلىشىش ، يەرلىرىمىز بىلەن يېگەن تامىقىمىزنىڭ تەركىبىدە ئانچە كۆپ پەرقى يوق ، ئېلېمېنتلار جەدۋىلىدىكى ماددىلارنىڭ ھەممىسى تېپىلىدۇ . مەسىلە كۆرۈلگەن ئەمەلدارلارنى جازالاش دېگىنى مائاش ئىلىپ دەم ئىلىشتۇر ، چەتئەل بىلەن مۇناسىۋەتنى ياخشىلاش دېگىنى ئۇلارغا پۇل خەجلەپ بېرىش دېگەنلىكتۇر ، يەرلىك مالىيە دېگىنى يەرلەرنى سېتىش دېگەنلىكتۇر ، ئىشلەپچىقىرىش ئومۇمى قىممىتىنى ئاشۇرۇش دېگىنى قايتا-قايتا ئۆرۈپ سېلىش دېگىنى ، مۇقىملىقنى قوغداش دېگىنى قانۇنسىز تۇتۇپ تۇرۇش دېگىنى ، ئاكتىپ ئېنېرگىيە تارقىتىش دېگىنى مايمۇن ئوينىتىش ....
بۇ ئەڭ باي بىراق پۇقرالىرى ئەڭ نامرات دۆلەت ؛ئەڭ ئالىي ھوقۇق بېرىلگەن بىراق قانۇننى ئىجرا قىلىش ئۈنۈمى ئەڭ تۆۋەن دۆلەت ؛تاغ-دەريالىرى ئەڭ گۈزەل بىراق مۇھىتى ئەڭ ناچار دۆلەت ؛ مەمۇرى ئىجراچىلار ئەڭ كۆپ بىراق نازارەتچىلىك ئەڭ يىتەرسىز دۆلەت ؛ نېفىت ئەڭ كۆپ بىراق مۇلازىمەت سۈپىتى ئەڭ تۆۋەن دۆلەت ؛ سالامەتلىكنى ئەڭ ئەتراپلىق تەشكۈرتەلەيدىغان بىراق داۋالىشى ئەڭ ناچار دۆلەت ؛ بۇزۇپ-چىقىشتا ئەڭ تىز بىراق يەرنى ئەڭ ئىسراپ قىلىدىغان دۆلەت ؛ ئەڭ ئۇزۇن يۇقىرى سۈرئەتلىك تاش يول ھەم ھەق يىغىش ۋاقتىمۇ شۇ يولدەكلا ئۇزۇن دۆلەت ؛ ئەڭ ھەشەمەتلىك يۇقىرى سۈرئەتلىك تۆمۈر يولى بار بىراق پۇقرالىرى ئەڭ ناچار چۈشلۈك غىزا يەيدىغان دۆلەت ؛ پۇقرالىرىنىڭ ئەخلاق پەزىلىتى يىمىرىلگەن ، ۋىجدانىنى يوقاتقان دۆلەت . بۇلارغا كىم ئەيىبلىك ؟
لاڭشىيەن پىڭنىڭ مۇنداق بىر گېپى بار: جۇڭگودا مۇنداق ئىككى ئىش چېكىدىن ئاشقان ، بىرى پۇقرالارنىڭ خەجلەيدىغانغا پۇلى يوق بىراق ھۆكۈمەت تۇلۇمدەك سەمرىپ كەتكەن ؛ بىر تەرەپتە پۇقرالارنى لېي فىڭ دىن ئۆگىنىشكە چاقىرىق قىلسا يەنە بىرتەرەپتە ئەمەلدارلار چىرىكلەشكەن ؛بىر تەرەپتە پۇقرالار تېجەشلىك كۈن ئۆتكۈزۈشكە مەجبۇر بولسا يەنە بىر تەرەپتە ھۆكۈمەتتىكى ئىسراپخورلۇق كىشىنى چۆچۈتىدۇ ، چەتئەلدە پۇقرالار ئاساسلىق ئىستېمالچىلار ئېقىمى بولىدۇ بىراق دۆلىتىمىزدە ھۆكۈمەت پۇلىنى خەجلەش ئومۇملاشقان بۇنداق غەيرىي تەبىئىي بازار ئۇزاققا بەرداشلىق بېرەلمەيدۇ.
مېيى مېيى ۋە قىزىل كىرىست جەمئىيىتى
ئىگىسى بار ئىتنىڭ قۇيرۇقى دىڭ ، گو مېيى مېيى گوچاڭ جىياڭنىڭ (گومورونىڭ ئوغلى) ئاتاق قىزى ئۇنى بويسۇندۇرۇش بەسى مۈشكۈل ، يائەندە يەر تەۋرىگەندىن كىيىن قىزىل كىرىست جەمئىيىتىنىڭ ئىئانە تاپشۇرۇۋالمىدى ئەكسىچە باشقىلار تىللاپ ئېغزى بۇرنىغىچە تويغۇزىۋەتتى شۇنىڭ بىلەن قىزىل كرېست جەمئىيىتى نومۇستىن ئاچچىقىغا پايلىماي گو مېيى مېيى ۋەقەسىنى باشقىدىن تەكشۈرىدىغانلىقىنى جاكارلىدى ! مېيى مېيى دەرھال "قىزىل كىرىست جەمئىيىتىنىڭ پەردە ئارقىسىدىكى پارىخورلۇق ، چىرىكلىككە چېتىلىدىغان نۇرغۇن قىلمىش-ئەتمىشلىرىنى ، يۇقىرى قاتلامدىكى بىر نەچچە رەھبەرنىڭ مەن بىلەن جىنسى مۇناسىۋەت ئۆتكۈزگەنلىكى توغرۇلۇق سىن لېنتىسىنى ئاللىقاچان ئامېرىكىغا يوللىۋەتتىم قېنى كىم تەكشۈرۈشكە پېتىنالايدىكىن ! "دەپ جاۋاب قايتۇردى .
ئۆي ئىجارىسىنى خالىغانچە ئۆستۈرسە ئۆي ئىگىسى تۈرمىگە قامىلىدۇ .
بۇ گېرمانىيىنىڭ سىياسىتى . 1-مايدىن باشلاپ گىرمانىيىنڭ ئۆي ئىجارىگە بېرىش بەلگىلىمىسى رەسمىي يولغا قۇيۇلدى ، بەلگىلىمىدە 3 يىل ئىچىدە ئۆي ئىجارىسىنىڭ ئۆسۈش نىسبىتى 15%دىن ئېشىپ كەتمەسلىكى 20%دىن ئېشىپ كەتسە قانۇنغا خىلاپ بولىدىغانلىقى ، 50%دىن ئېشىپ كەتسە ئۆي ئىگىسى جازانىخورلۇق قىلدى دەپ قارىلىپ 3يىللىق قاماق جازاسى بېرىلىدىغانلىقى تەكىتلەندى ، ئەگەر جۇڭگودىمۇ مۇشۇنى ئۆرنەك قىلسا ئۆي باھاسى 10% ئۆسسە يەرلىك ئەمەلدارنىڭ ھوقۇقىدىن ئېلىۋەتسە ، 20%ئېشىپ كەتسە جازا ھۆكۈم قىلىنسا 50% ئېشىپ كەتسە بىر پاي ئوقتا ئېتىۋەتسە مېنىڭچە ئەڭ ئۈنۈملۈك بولارمىكىن ، ئىشەنمىسە بېيجىڭنى سىناق نۇقتا قىلىپ باقسا بولىدۇ .
مايمۇننىڭ سۇغۇرتىغا قاتنىشىشى
بىر مايمۇن ياز كۈنلىرى كۈندە بەش تال مېۋە تېرىدىكەن بۇنىڭدىن ئۈچنى يېسىلا تۇيىدىكەن بىراق قىشتا بىرەر تال تېرىشىمۇ تەسكە توختايدىكەن ، شۇنىڭ بىلەن سۇغۇرتىغا ئەزا بوپتۇ ، شەرتى يازدا ئېشىپ قالغان ئىككى تال مېۋىنى تاپشۇرىدىكەن . قىش كەلگەندە مايمۇن يەنە ئوخشاشلا ئاران بىر تال مېۋىگە ئېرىشىپتۇ بىراق يازدا مېۋە تاپشۇرمايدىغان ھېلىقى باشقۇرغۇچىلار كۈندە ئۈچ تال مېۋىگە ئېرىشەلەيدىكەن ، ئۇلارنىڭ ئىچىدىن بىرى مايمۇننى ئىلھاملاندۇرۇپ مۇنداق دەپتۇ : بىر نەچچە يىل تىرىشساڭ سەنمۇ باشقۇرغۇچى بولۇپ قېلىشىڭ مۇمكىن .
ياشانغاندا كۈتۈنۈش سۇغۇرتىسىنىڭ قوش ئۆلچەملىك بۇلىشى ئەڭ چوڭ ئادالەتسىزلىك . مەمۇرلار ئېيىغا 6000يۈەن ، دېھقانلار ئاران 55 يۈەن ، ئوخشاش ئادەم تۇرۇپ نېمىشقا بىرى ئەتىۋارلىنىپ بىرى ئۆگەيلەندى . ياشانغاندا كۈتۈنۈش سۇغۇرتىسى ئادەمنىڭ ھاياتىغا بېرىپ تاقىلىدۇ ، ئاز ساندىكى كىشىلەرنىڭ ھاياتى قەدىرلىك شۇڭا دۆلەت ئۆلگۈچە باقىدۇ ، كۆپ قىسىم كىشىلەرنى ھاياتى ھېچنېمىگە ئەرزىمەيدۇ شۇڭا دۆلەت مۇنداقلا قاراپ قويسا بولىدۇ ، ئاشۇ ئاز ساندىكى بىر قىسىم كىشىلەر كۆپ ساندىكى كىشىلەرنىڭ ياشانغاندا خاتىرجەم تۇرمۇش كەچۈرۈش ھوقۇقىنى تارتىۋالغان .
بىزنىڭ ئەڭ چوڭ دۈشمىنىمىز ياپونىيە ئەمەس ، ئامېرىكا تېخىمۇ ئەمەس بەلكى كاستۇمنى قاتۇرۇپ كىيىپ ، شېكەر يالىتىلغان زەمبىرەك ئوقىنى ئىلىۋالغان ساختا نىقاب ئاستىدىكى 1مىليون 180 مىڭ مەنسەپدارلار ۋە بىر توپ كاللىسى ئىشلىمەيدىغان ئىت پۇقىلىرى . بۇلار مەنسەپ تۇتقاندا پارىخورلۇق قىلىدىغان پۇرسەت بولسىلا قىلىدۇ ، كوملىغىدەك پول بولسىلا يانچۇقىنى توملايدۇ ، ئىشنىڭ چاتاقلىقىنى سەزگەن ھامان چەتئەلگە قۇيرۇقىنى خادا قىلىدۇ ، ئائىلىسى بۇيىچە چەتئەلدە خۇشال-خۇرام كۈن ئۆتكۈزۈۋېرىدۇ . بىزگە قالغىنى ئۆتمىتۆشۈك بولۇپ كەتكەن يەرلىرىمىز بىلەن ھالىدىن كېتەي دېگەن يۇرتىمىز .
ياڭ پېيچاڭ : يېقىندا بىر گېرمان بىلەن پاراڭلىشىپ قالدىم ، ئۇنىڭدىن پارلامېنتتا چەتئەللىك بارمۇ ؟ دەپ سورىدىم ، ئۇ چەتئەللىك پارلامېنت ئەزاسى بولالمايدۇ دەپ جاۋاب بەردى ، مەن يەنە دۆلىتىڭلاردا بالا-چاقىسىنى چەتئەلگە كۆچمەن قىلىپ ئاپىرىۋېتىپ ئۆزى دۆلەتتە قېلىپ مەنسەپ تۇتىدىغانلار بارمۇ ؟ دەپ سورىسام ئۇ ياق ، ئەگەر بوپ قالسا تاراتقۇلارغا دەيدىغانغا گەپ چىقىدۇ دەپ جاۋاب بەردى ، كەينىدىن مەن چەتئەل بانكىسىغا پۇل قۇيىدىغان مەنسەپدارلار بارمۇ ؟ دەپ سورىسام ئەگەر شۇنداق بولسا شۇ نۆۋەتلىك ھۆكۈمەت تەختتىن چۈشىدۇ ، ئەجەبا شۇنداق دۆلەت بارمىكەن ؟ دەپ قايتۇرۇپ سورىدى مەن جاۋاب بېرىشكە پېتىنالمىدىم .
جۇڭگودا كاتتا بايلارنىڭ يېرىمدىن كۆپرەكى چەتئەل دۆلەت تەۋەلىگىگە ئۆتۈپ كەتكەن ياكى شۇنداق قىلىشنى ئويلايدۇ ، ئۇلار بالا-چاقىلىرىنى چەتئەلگە ئورۇنلاشتۇرۇپ قۇيۇپ دۆلەتكە قايتىپ داۋاملىق پۇل تاپىدۇ ، كۆپىنچىسىنىڭ ھۆكۈمەتتە ئارقا تىرىكى بار ، ئېتىبار سىياسەتلەرگە تايىنىپ بېيىغان .
خۇلاسە : دۇنيادا ئەڭ قايغۇلۇق ئىش "ئۆيىڭىزنى ئوغرى قۇرۇقداپ قويغانلىق "ئەمەس بەلكى ئۆي ئاللىقاچان قۇپقۇرۇق بوپ قالسىمۇ ئوغرىنىڭ چىقىپ كەتمەسلىكى .
مەنزىل
、 : http://bbs.tianya.cn/post-free-3487113-1.shtml
|
|