ئويلىنىپ بېقىڭ؟

nazuk725

ھەر بىرىمىز ئويلىنىشقا تېگىشلىك مەسلىلەر ئىكەن.

boran0998

قىزىققانلىقىڭىز، تېرىككەكلىكىڭىزدىن قارىغاندا، 20-30ياش ئارىلىقىدىكى يىگىت ئىكەنسىز ئىنىم. تورداشلار سىزنىڭ يازمىڭىزدىن ئىملادىن باشقا قۇسۇر تاپماپتۇ، ئەمما سىز تورداشلارنى «ھەممە تېمىدىن قۇسۇر چىقىرىدىغان» تالاشقۇچىلارغا چىقىرىۋېتىپسىز.
سىز ئاز ساندىكى يېزا ئاھالىلىرى ئالىدىغان «تۆۋەن تۇرمۇش كاپالىتى» دەپ ئاتىلىدىغان تارقاتمىنى تىلغا ئاپسىز. ئاندىن يەنە شەھەرلىك «ئاقنانچى»لارنىڭ دېھقانلارچىلىكمۇ جاپا تارتماستىن، يېزىلاردىكى دېھقانلاردىنمۇ كۆپرەك تارقاتمىغا ئېرىشىدىغانلىقىدىن قورسىقىڭىز كۆپكەنلىكىنى ئېنىق بىلدۈرۈپسىز.
خوش، مۇشۇ مەسىلە ئۈستىدە شۇنچىلىك پىكىرلەرنى ئويلاپسىز- يۇ، نىمىشقا ۋاز كېچىشنى ئويلاپ باقمىدىڭىز؟ «يۆلىنىۋېلىش» دېگەن گەپكە بەك قايناپ كېتىپسىز. سىزچە بۇ گەپ شۇنچىلىك قورقۇنچلۇق ئىكەن، شۇنداقمۇ؟ نىمىشقا قورقىسىز؟ نۇرغۇن دېھقانلارنى كاردىن چىقىرىۋاتقان نەرسىنىڭ ئاشۇ تارقاتمىغا ئىشتەي ساقلاپ، شۇنىڭدىن كۆپرەك بەھرىمەن بولۇش ھەلەكچىلىكى ئىكەنلىكىنى نىمىشقا ئېتىراپ قىلمايسىز؟ سىزچە، دېھقانلار ئوقەت قىلىپ تۇرمۇشىنى ياخشىلاشقا دەسمى تاپالمىغۇدەك دەرىجىدە نامراتمۇ؟ ياق! ئۇلارغا نامراتلىقتىن قۇتۇلۇش يولى يوقما؟ ياق!
سىز 85- يىللاردىن كىيىن تۇغۇلۇپ، 90- يىللاردا مائارىپ تەربىيىسى قوبۇل قىلغانسىز. سىزنى ئاتا- ئانىڭىز مەكتەپتە قانچىلىك ئوقۇتتى؟ (ئىقتىسادى قىيىنچىلىق سەۋەبىدىن ئوقۇتالمىغان دىگەن سەۋەبىڭىز ئاقمايدۇ، 90- يىللاردا ئۇيغۇر ئېلىدىكى يۈدە %90دېھقاننىڭ بالىسىنى تولۇق ئوتتۇرىغىچە ئوقۇتقۇدەك ئىقتىسادى يوق دېگەن قۇرۇق گەپ) سىز مەكتەپتە قانداق ئوقۇدىڭىز؟ دەرسلەردە تىرىشچانلىق كۆرسىتەلىدىڭىزمۇ؟مەكتەپ ھاياتىڭىزدىن بىر توپ قۇلاق كەستى ئاغىينىلىرىڭىز بىلەن مۇئەللىم، مۇئەللىمەلەرنى قاقشىتىپ، ھىلى ئۇ باغدا، ھىلى بۇ تاغدا توڭگۈرەكلەپ يۈرگىنىڭىزدىن باشقا نىمىنى ئەسلىيەلەيسىز؟ سىز كىتاب ئوقۇشقا قىزىقامسىز؟ ھازىرغىچە مەكتەپتە ئوقۇغاندىكى دەرسلىك كىتابتىن باشقا، تولۇق ئوقۇپ چىققان تۆت پارچە كىتابنىڭ ئىسمىنى ئېيتىپ بېرەلەمسىز؟
سىزچە ھۆكۈمەت خىزمىتىنى قىلىۋاتقانلارنىڭ ھەممىسى ئاقنانچى، پەقەت دېھقانلا ناننى ھالاللاپ يەمدا؟ بىر توپ «ئاقنانچى»لارغا بىكاردىن بىكار مائاش بېرىدىغان ساراڭ ھۆكۈمەت نەدىكەن؟ قارىغاندا، مال باھاسىنىڭ ئۆرلەپ كېتىشىنى ھۆكۈمەت خىزمەتچىلىرىنىڭ مائاشىنىڭ «يوقۇرى» بوپ كەتكەنلىكىدىن كۆرىدىغان ئوخشىمامسىز؟ بىلسىڭىز، مال باھاسىنىڭ ئۆرلەپ كېتىشىنىڭ مەنبەلىرىنىڭ بىرى دەل ئاشۇ «تۆۋەن تۇرمۇش كاپالىتى» دەپ ئاتالغان تارقاتمىدا!
ئۆزىڭىزنى بېسىۋېلىپ تۇرۇپ ئاڭلاڭ: ئاشۇ «تۆۋەن تۇرمۇش كاپالىتى»نى ئالىدىغانلارنىڭ كۆپىنچىسى ئەسلىدە ئازدۇر- كۆپتۇر مەدىكار ئىشلەپ ياكى ئۇششاق ئوقەت قىلىپ دېگەندەك جاھاندارچىلىق قىلىۋاتقانلار ئىدى. قاچاندۇر ئۇلارغا «تۆۋەن تۇرمۇش كاپالىتى» دېگەن تارقاتما نىسىپ بولدى، شۇندىن باشلاپ ئۇلار ئىقتىسادتىن بەك ئەندىشە قىپ كەتمەيدىغان، ئاي، پەسىللەرنىڭ تېزراق توشۇشىنى تىلەيدىغان بوپ قالدى. ئەسلىدە 10-20 سومغا بىرەر كۈن ئىشلەپ بېرىدىغان ئىشلەمچىلەر ئۇنچىلىك پۇلنى كۆزگە ئىلماي 40-50 سوم بەرمىسە ئۇنىمايدىغان بولدى. بىر كۈن ئىشلەپ 40-50 سوم تاپقان ئادەم 4-5 سومنىڭ بەك كۆزىگە قاراپ كەتمەي خەجلەۋېرىدۇ-دە؟! مەھسۇلات ئىششلەپچىقىرىدىغان ئەمگەكچىنىڭ ئىش ھەققى ئاشقاندىكىن، مال باھاسىمۇ ئېنىقلا ئۆسىدۇ. قارىسىڭىز، ھازىر ئەڭ ئاز دېگەندىمۇ 150سوم بەرمىسىڭىز، بىر ئادەم سىزگە بىر كۈن ئىشلىشىپ بەرمەيدۇ. (بۇ دېگىنىم ئۇلارنى ھاكاۋۇر ياكى موتىھەم دېگىنىم ئەمەس. پەقەت شارائىت شۇنداق بولغاچقا دېمەكچى). چۈنكى، بىر ئاي ھىچ ئىش قىلماي، جاپا تارتماي تۈگۈلۈپ ئولتۇرسىمۇ، ئۇلارغا «يوقۇرى»دىن بېرىلىدىغان 200-300سوم بار. ئۇلار بۇ تارقاتمىغا شۇنچىلىك كۆنۈپ كەتكەنكى، كۈنلەردىن بىر كۈنى بۇ پۇلنىڭ مەنبەسى ئۈزۈلۈپ قالسا قانداق ئاقىۋەتكە قالىدىغانلىقىنى ئويلاشتىنمۇ قورقىدۇ. شۇڭا، ئۇلار «قانداق قىلسام، مۇشۇ پۇلنى ئالمايمۇ جېنىمنى جان ئېتەرمەن؟» دەپ ئويلاشنىڭ ئورنىغا، بىر ئاماللار قىلىپ شۇ پۇلنى كۆپەيتىشنىڭ، ھىچكىمگە چوقۇتماي ساق ئېلىۋېلىشنىڭ كويىدا يۈرۈپ نۇرغۇن ۋاقتى، زېھنىنى خوراتماقتا.....
بەك جىق گېپىم بار ئىدى، ۋاقىت مۇناسىۋىتى بىلەن مۇشۇنچىلىك دەپ تۇراي. گېپىم قۇلىقىڭىزغا ياقمىغان بولسا، ئىنكاسىڭىزدا باشقىچە يېڭى پىكىر بولماي قالسا تور يۈزىدە ئىنكاس يېزىپ تورداشلارنىڭ ۋاقتىنى ئالماي دېسىڭىز، بىۋاستە ماڭىلا قىسقا ئۇچۇر يازسىڭىز بولىدۇ، ئازادە پاراڭلىشىمىز.

ھون

مېنىڭچە بولغاندا، ئۆزىنىڭ غۇرۇرىنى دەپسەندە قىلىپ، تۆۋەن تۇرمۇش كاپالىتىگە ئېرىشىش ئۈچۈن كېچە-كۈندۈز پالاقشىۋاتقان بىر قىسىم كىشىلەر لالما ئىتلارنىڭمۇ ھەر قانداق زامان ۋە ماكاندا بەھوزۇر ياشىيالايدىغانلىقىنى ئويلاپ يېتەلىگەن بولسا، نۇرغۇن ئىشلار ئوڭشىلىپ كەتكەن بولاتتى.

Umut903

tewelgha يوللىغان ۋاقتى  2013-10-12 01:19
بەلكىم مېنىڭ نەزەر دائىرەم سىزنىڭكىچىلىك كەڭ ئەمەستۇ ...

ياخشى يېزىلغان تېما! لېكىن قەلەندەر گە پۇل بېرىش ياىشى ئەمەس، ئامال با قەلەندەرنى مىھتەت قىلىپ جان بېقىشقا ئۇندەش كېرەك! كۇندە پۇل بېرىمەن دەگەنلىك كۇندە تەييار تاپلىققا ئادەم تەربىيەلەۋاتىمەن دىگەنلىك !بەرگەندىن بەرمىگەن ياخشى چۇنكى سىزدىن پەقەت ھەقىقى مۇھتاج ئادەم تىلىمەي كەسپى تىلەمچى تىلەيدۇ !

SOGUK

     ھازىر يەرشارىدا بار بولغان  بارلق نەق پۇل ۋە مال-مۇلۇكنىى 7مىلىيارت نوپۇسقا تەق تەقسىم قىلىپ بەرسەك ،2سائەتقىچە جىم تۇردىكەن ،ئىككى سائەتتىن كېيىن  مىدىرلاشقا باشلاپ 3ئايدا باي-نامرات ئايرىلىپ چىقىدىكەن ،2يىلدا ھازىرقى ھالەتكە كىلىدىكەن .
   مەن بىرنەچچە يىل نامراتلارنى يۇلەش خىزمىتى بىلەن شۇغۇللانغان . شۇڭا مىنىڭ نامراتلارنى توگۇتۇشتە مۇنداق تەكلىۋىم بار . يەنى سىز بىر كوك نامرات بولسىڭىز دەرھال ئويدىن چىقىپ باشقا يۇرتقا بېرىپ مەن مەبلەغ سالغىلى كەلدىم دەپ ،شۇجايدىن نەچچە يۇزمو يەرنى 30يىللق ئىجارە ئېلىپ يەنى شۇيەرنى  رەنە قىلىپ شۇجايدىكى بانكىدىن 10مىلىيۇن قەرز ئېلىڭ ، پۇل يانجۇققا كىرگەندىن كېيىن ئازراق پۇلنىڭ مەرىدىن كېچىپ ئىجارە ئالغان يەرگە  چىلان تېرىڭ ، ھەم پۇلىڭىزنى ئاز-ئازدىن يۇرتىڭىزغا يوتكەڭ ، ئىش توگىگەندىن كېيىن  تۇپراق مەن تېرىغان سورۇتلۇق چىلانغا ماس كەلمىدى دەپ ،ئىجارە ئالغان يەرنى بانكىغا ئوتكۇزۇپ بېرىپ ،يۇرتىڭىزغا قايتىپ  كېتىڭ ئۇچاغدا جىدەل بانكا بىلەن يەرنى سىزگە ئىجارە بەرگۇچىگە نەق پۇل سىز گە قالىدۇدە سىزمۇ يۇرتىڭىزدا خاتىرجەم قەۋەتلىك داچاسېلىپ  تۇرمۇشنىڭ پەيزىنى سۇرەلەيسىز  . بىلىشىڭىز كىرەككى  دۇنيادا قىلغىلى بولمايدىغان ئىش يوق ئەمما ئىش قىلالمايدىغان ئادەم بار ، ئەگەر سىز  ئاشۇ ئىش قىلالمايدىغانلاردىن  بولسىڭز بۇنىڭغا ئامال يوق .

uysun

سىز ئىنتايىن ئەتراپلىق كۇزىتىپ بۇ ماتىريالنى يېزىپ چىقىپسىز رەھمەت .

karkulla

مۇسۇلماندەك ياشايلى . ھەقىقى مۇسۇلمان باشقىلارغا زىيان سالمايدۇ .....

turkan0997

يازما ئىگىسىلا دىھقان دىگەننى خېلى چۈشۈنىدىكەن .
باشقىلار ئىشلەيدىغان ياكى شەھەرلىك ئىكەنسىلەر ،دىھقانلارنى ئانچە چۈشۈنۈپ كەتمەيدىكەنسىلەر ، بۇنداق دىسەم سەكرەپ كەتمەڭلار .
سىز تۇنۇر بېشىدىن 1 سومغا بىر دانە گىردىنى سېتىۋېلىپ ئىستىمال قىلىغىنىڭىزدا ،
شۇ بىر تال گىردىگە دىھقانلارنىڭ قانچىلىك ئەجرىنىڭ سىڭىدىغانلىقىنى ئەسلا ئويلىمايسىز ھەم باللىلىرىڭىزغىمۇ چۈشەنچە بىرەلمەيسىز ، ئەمەلىيەتتىمۇ شۇنداققۇ ، لىكىن سىز « شەھەرلىك » ھەم كۆپ ئوقۇغانلىقىڭىز ئۈچۈن ئىتراپ قىلمايسىز .
بىلسەم - بىلمىسەم ھەتتا بەزىللىرىڭىزنىڭ ئوتتۇرا مەكتەپتە ئوقۇۋاتقان باللىلىرىمۇ ئارا - كەتمەننىڭ نىمە ئىكەنلىگىنى نىمىگە ئىشلىتىدىغانلىقىمۇ بىلمەيدىغۇ دەيمەن .

-بىلمىسە نىمە بۇپتۇ ؟ ئارا - كەتمەن بىلەن ھەپىلەشكەنلەرنىڭ ھالىمۇ تايلىققۇ !
دەۋاتامسىز ؟؟؟

ھاي ھاي . . .
ھەرگىز ئۇنداق خىيالدا بولماڭ .
دىھقان دىگەننى ئاجايىپ كاتتا زاۋۇتكى قىش - ياز جاپالىق ئىشلەپ پۈتۈن ئىنسانىيەتنى باقىدۇ . ئۇلۇغ ئاللاھ ئىگەن ئەنە شۇنداق ئۇرۇنلاشتۇرغان ،
دىھقانلارمۇ ئىش - ئوقەت قىلىپ باي بۇلۇپ شەھەرگە كىرىۋالسا سىلەردەك ئاق ياقىلىقلارنى كىم باقىدۇ .
شەخسەن ئائىلىمىزنى ئېلىپ ئېيىتساممۇ ، دادام بۇرۇندىن ئۇششاق - چۈششەك تىجارەت قىلىدىكەن ، ھال - كۈنىمىز ھەرھالدا يامان ئەمەس ، 30 مۇ نۇرمىلىق يىرىمىز بار ، 10 يىل بولدى بۇغداي تېرىمايمىز ، ئاشنى سېتىۋېلىپ يەيمىز ، شۇنداقلا گەپ .
مال باھاسى شىددەت بىلەن ئۆستى ، ماۋۇ ھۈكۈمىتىكامنىڭ سېلىقىمۇ ماس قەدەمدە ھەسىلەپ ئۆستى ، لىكىن دىھقانلىرىمىزنىڭ يىلدا بىر سېتىپ چىقىرىدىغىنىلا ئۆسمىدى .دىھقانلىرىمىز يىلدىن - يىلغا نامراتلىشىپ كىتىۋاتىدۇ دىسەم قايسىڭلار ئىشىنىسىلەر؟
ھىچقايسىڭلار ئىشەنمەيسىلەرغۇ دەيمەن .
چۈنكى سىلەر ھەر كۈنى گېزىت - ژۇرنال ، رادىئو - تىلۋۇزۇرلاردا ، - بۇ يىل دىھقانلىرىمىزنىڭ كىرىمى مانچە مىڭ يۈەن ئاشتى ، كىلەر يىلى مانچە مىڭ يۈەن ئاشىدۇ . دىگەندەكلەرنى ناھايىتى كۆپ كۆرۈپ كەتكەن .
ھەرقاندىقىڭلار بىلەن باغلىشىمەن ، دىھقانلىرىمىز كۈندىن - كۈنگە نامراتلىشىپ كىتىۋاتىدۇ .( ناھايىتى ئاز بىرقىسمىنى ھىسابقا ئالمىغاندا )
شۇڭا كۆپىنچىڭلار ئىشنىڭ ماھىيىتىنى چۈشەنمەي تۇرۇپ ، دىھقانلار ئۇنۇڭغا تاينىۋالىدۇ ، بۇنۇڭغا تاينىۋالىدۇ ، ھۇرۇنلىشىپ كەتتىيەي دىگەندەك ئاساسى يوق پىس - پاس پاراڭلارنى قىلماڭلار .
يەنە دىسەم يەنە شۇ گەپ دىھقان دىگەننى ئارا - كەتمەن تۇتۇپ قوللىرى قاپارغان ھەقىقى دىھقانلا چۈشۈنىدۇ ، شەھەرلىكلەر پەقەت ئۇيەر - بۇ يەرلەردە كۆرىۋالغان كىتابى چۈشەنچە بۇيىچىلا يۈزەكى چۈشۈنىسىلەر ،%99 كادىر دىگەننىغۇ دىھقان دىگەننى ئەسلا چۈشەنمەيدۇ . كادىرلار پەقەت پارا يىيىش بىلەن تۆۋەندىكىلەرگە ھەيۋە قىلىشنىلا بىلىدۇ .