بۇ يازمىنى ئاخىرىدا taptap تەھرىرلىگەن. ۋاقتى 2013-10-16 14:09
‹‹ئۆي قۇرۇلۇش پۇلى›› توغرىسىدا مۇنازىرە قىلىشىپ باقايلى
ئەسسالامۇ ئەلەيكۇم : بارلىق قېرىنداشلارنىڭ قۇربان ھېيتىنى چىن دىلىمدىن تەبرىكلەيمەن .
ئاۋۋال ئۆزۈمنى قىسقىچە تونۇشتۇرۇپ ئۆتەي :
مەن بولسام ئاددىي بىر سەھرالىق ئوقۇتقۇچى . ئەسكەرتىپ قويىدىغان يەنە بىر تەرىپىم بولسا ، مەن مالىيە ــ ھېساباتقا ئانچە پىششىقمۇ ئەمەس ، تېخىمۇ ھەم ئىنچىكمۇ ئەمەس . بۇ يازمىنى يېزىشىمدىكى ئاساسلىق سەۋەب بولسا ، مۇشۇ <<ئۆي قۇرۇلۇش پۇلى>> ( 住房公积金 ) توغرىسىدا كاللامدىن ئۆتمەي قالغان بەزىبىر نوقتىلار بار . ئىـــــلــــــــــى تەۋەسىدىن باشقا رايۇنلارنىڭ بىزنىڭكىگە ئوخشامدۇ ـ يوق بىلمىدىم . ئەگەر ماڭا ئوخشاش ئوي ــ خىيالى بارلار بولسا مۇشۇ نوقتىلارنى مۇناسىۋەتلىك ئورۇنلارغا يەتكۈزگەن بولساق دېگەن ئۈمىدتىمەن .
بىلىدىغانلاردىن سۈرۈشتۈرسەم ، ئەمەلىيەتتە مۇشۇ توغۇرلۇق تالاش ــ تارتىشلار خېلى كۆپ ئىكەن . شۇ قاتاردا مەنمۇ ئۆز ئويۇمدىكىنى يېزىپ باقاي دېدىمغۇ . نەق گەپكە كېلەيلى . تەكشۈرۈپ باقسام ، ھازىر مېنىڭ ھېساباتىمدىكى <<ئۆي قۇرۇلۇش پۇلى>> 30نەچچەمىڭ سومغا يېتىپتۇ . مەن ۋە ئايالىم بۇ يەرگە سىرتتىن كېلىپ ئورۇنلاشقان(ئىمتىھان بېرىپ ئۆتكەن، بۇ يەردە بىرمۇ تۇغقىنىمىز يوق ) ، بىز بۇيەرگە كەلگەندىن كېيىن ( بەرىبىر 30يىلچە خىزمەت قىلىدىغان ئىش بولغاندىكىن) ئاۋۋال بانكىدىن نەچچە تۈمەن پۇل قەرز ئېلىپ ، جايلىق يەر ئېلىپ ، ئۆي سالدۇردۇق . نېمە دەيمىز ئەمدى ، تۇرمۇش بولغاندىكىن ۋاقت ئۆتكەنسېرى قىزىل رەقەممۇ بارغانسايىن ئېشىپ بارىدىكەن . ئاتاقتا ئىككى مائاشلىق بولغان بىلەن مېنىڭ مائاشىم بانكا قەرزىنى قايتۇرۇش ، بالىنىڭ بېقىلىش راسخوتى ئۈچۈن ، داۋالىنىش ئۈچۈن ( ھازىرقى بالىلارمۇ تولا ئاغرىيدىكەن ) دېگەندەك ئىشلار بىلەن ھېچبىر تايىنى قالماي ، ھەممە ئىش پەقەت ئايالىمنىڭ بىر كىشىلىك مائاشىغىلا قاراشلىق ھالەتتە ئۆتىۋاتىمىز . ھەممىمىزگە ئايان ، بىز ئۇيغۇرلارنىڭ كېلىم ـ كېتىم ، ئېلىم ـ بېرىم مۇناسىۋىتىمىز مۇرەككەپرەك . ھەممىدىن يامان بولغىنى ( باشقا پەتىۋالارنى قويۇپ تۇرايلى ) مېنى ۋە ئايالىمنى 20 نەچچە يىل بېقىپ ، ئوقۇتقان ئاتا ـ ئانىمىزغا قەرەلدە بىرە ـ ئىككى <<قىزىل قەغەز>> تۇتقۇزۇشقا تازا قۇربىمىز يەتمەيۋاتىدۇ، كەينىمىزدىكى قېرىنداشلىرىمىزنى يۆلەش نەدە تۇرۇپتۇ ؟! ئـــــەگــــــــــەر مۇشۇ ھالەتتە ئاشۇ <<ئۆي قۇرۇلۇش پۇلى>> قولۇمغا تېگىدىغان بولسا بانكا قەرزىدىن بىراقلا قۇتۇلۇپ ، ئۆي ـ ھويلامنىڭ چالىسىنى پۈتتۈرۈپ ( ئۆيۈم ئانچە چوڭمۇ ئەمەس ) خاتىرجەم ھالدا ۋەتەن ماڭا تاپشۇرغان خەلقىمنىڭ بالىلىرىنى تەربىيىلەش خىزمىتىنى ئىشلەپ كەتكەن بولاتتىم . لېكىن بۇ پۇل بىز يېزا قىشلاقتىكى ئوقۇتقۇچى ـ كادىرلارغا نىسبەتەن ئانچە پايدىلىق رول ئوينىيالمايدىكەن ، بۇ پۇلنى ئېلىش ئۈچۈن شەھەرـ بازار يېرىدىن بىنا ئۆي ئالساق بولىدىكەن . مەسىلىنىڭ نېگىزى مانا مۇشۇ يەردە . مـــېـــــنـــــــىــــــڭ شەھەردىن بىنا ئۆي ئالغۇم يوق ( مەن بىنا ئۆيگە قىزىقمايمەن ) . شۇنداق بولغانىكەن ئەسلى بۇ پۇلنى مەندىن تۇتۇشنىڭ ھېچبىر ئەھمىيىتى يوق . ئاڭلىسام بۇ پۇلنى مەلۇم يوللار ئارقىلىق ئېلىۋاتقانلارمۇ بار ئىكەن ( ماڭا ئوخشاش بىنا ئۆي ئېلىشنى خالىمايدىغانلار ) . بىراق بۇنىڭ ئۈچۈن شۇ پۇلنىڭ %10نى شۇ پۇلنى چىقىرىپ بېرىدىغانلارغا ئالدىن تاپشۇرىدىكەن . شۇڭا مۇناسىۋەتلىك ئورۇنلارنىڭ مۇشۇ پۇلنىڭ مەسىلىسىنى توغرا بىر تەرەپ قىلىپ بېرىشىنى ئۈمىد قىلىمەن . قېنى باشقىلارنىڭ قانداق پىكىرى باركىن ؟؟؟؟؟؟؟؟؟؟؟
|