NASA يېقىندا بايقالغان ئاستېرويد بىز ئۈچۈن خەتەرلىكمۇ؟

bilimhumar

NASA يېقىندا بايقالغان ئاستېرويد بىز ئۈچۈن خەتەرلىكمۇ؟

بىلىمخۇمار

2013-10-20

    ئالدى بىلەن بارلىق قېرىنداشلارنىڭ قۇربان ھېيتىغا مۇبارەك بولسۇن!  مەن يېقىندا 2 ھەپتىلىك سەپەرگە چىقىپ كەتكەچكە، يازمىلىرىممۇ بىر ئاز توختاپ قالدى. قېرىنداشلارنىڭ توغرا چۈشىنىشىنى سورايمەن.
     تۈنۈگۈن، يەنى 2013-يىلى 19-ئۆكتەبىر كۈنى، ئامېرىكا تېلېۋىزورلىرىدا ئىنگلىزچە «2013 TV135» دەپ نام بېرىلگەن بىر ئاستېرويد (كائىنات ئۇچار تېشى) نىڭ بۇ يىل 16-سىنتەبىر كۈنى يەر شارىغا 6.7 مىليون كىلومېتىر كېلىدىغان يېرىدىن ئۆتكەنلىكى، ھەمدە ئۇنىڭ 2032-يىلى يەر شارىغا يەنە بىر قېتىم يېقىنلىشىدىغانلىقى، شۇ ۋاقىتتا ئۇنىڭ يەر شارىغا تەھدىت سېلىش ئېھتىماللىقى بارلىقى خەۋەر قىلىندى.  مەن ئۇ خەۋەرنى كۆرگەندىن كېيىن، بۇ ئاستېرويدنىڭ بىزگە زادى قانچىلىك تەھدىت بولىدىغانلىقىنى بىلىپ بېقىش ئۈچۈن تورلاردىكى خەۋەرلەرنى كۆرۈپ باقتىم.  نەتىجىدە مۇنداق ئۇچۇرغا ئېرىشتىم:  ناسا رەھبەرلىرىنىڭ ئېيتىشىچە، بۇ ئىشتىن قورقۇپ كېتىشنىڭ ھاجىتى يوق ئىكەن.  گەرچە ئۇ ئاستېرويد يەر شارىغا يېقىنلىشىدىغان بولسىمۇ، ئۇنىڭ يەر شارى بىلەن سوقۇشۇش ئېھتىماللىقى ئىنتايىن كىچىك ئىكەن.  
    بۇ ئاستېرويدنى ئۇكرائىنا مۇتەخەسسىسلىرى 8-ئۆكتەبىر كۈنى بىر يەر يۈزىدىكى تېلېسكوپ ئارقىلىق بايقىغان.  ئۇنىڭ دىيامېتىرى 410 مېتىر كېلىدىغان بولۇپ، ئەگەر ئۇ يەر شارى بىلەن سوقۇشىدىكەن، ھازىرغىچە ياسالغان ئەڭ كۈچلۈك يادرو بومبىسىدىن 50 ھەسسە كۈچلۈك تەسىر پەيدا قىلالايدىكەن.
    ھازىرچە بۇ ئاستېرويد 2032-يىلى 26-ئاۋغۇست كۈنى يەر شارىغا قايتا يېقىنلاشقاندىكى تەپسېلىي ئەھۋاللار ئانچە ئېنىق بولمىسىمۇ،ناسا مەركىزى  JPL  گە جايلاشقان ناسا نىڭ يەر شارىغا يېقىن ئالەم جىسىملىرىنى كۈزىتىش مەركىزىدىكى خادىملارنىڭ دېيىشىچە، بۇ ئاستېرويدنىڭ يەر شارى بىلەن سوقۇشۇش ئېھتىماللىقى 63000 (63 مىڭ) دە بىر، ياكى ئۇنىڭ يەر شارى بىلەن سوقۇشماسلىق ئېھتىماللىقى 99.998 پىرسەنت ئىكەن.

پايدىلىنىش ماتېرىياللىرى:
http://www.space.com/23260-asteroid-2013-tv135-flyby-nasa.html
http://www.telegraph.co.uk/scien ... an-astronomers.html
http://www.csmonitor.com/Science ... n-2032-Probably-not

سىن ھۆججىتى:
http://www.space.com/23257-1300- ... rbit-animation.html

رەسىم (بىر ئارتىس قىياس بىلەن سىزغان):
http://www.csmonitor.com/var/ezf ... n-plan_full_380.jpg

matimatika

بۇ ئاستېرويدنى ئۇكرائىنا مۇتەخەسسىسلىرى 8-ئۆكتەبىر كۈنى بىر يەر يۈزىدىكى تېلېسكوپ ئارقىلىق بايقىغان.  ئۇنىڭ دىيامېتىرى 410 مېتىر كېلىدىغان بولۇپ، ئەگەر ئۇ يەر شارى بىلەن سوقۇشىدىكەن، ھازىرغىچە ياسالغان ئەڭ كۈچلۈك يادرو بومبىسىدىن 50 ھەسسە كۈچلۈك تەسىر پەيدا قىلالايدىكەن.

....................................
ئۇچۇر بەرگىنىڭىزگە تەشەككۇر !

بۇ يازمىدىن شۇنى بىلىشكە بولىدۇكى، دۇنيادىكى نۇرغۇن تەتقىقات ئورگانلىرىنىڭ مەخسۇس ئاسمان جىسىملىرىنى تەتقىق قىلىدىغان ئورگانلىرى ۋە رەسەتخانىلىرىنىڭ مۇھىم تەتقىقات نەتىجىلىرى باركەن. ئوكرائىنانىڭ بۇ بايقىشىمۇ ئادەمگە ئىلھام بىرىدۇ.دۇنيانىڭ ئىلغار سەۋىيىسىدە كىتىۋاتقانلىقىدىن ئۇچۇر بىرىدۇ.

qux1001kiqa

بۇ تىما قايتا يولاندىمۇ يا مەن بىرنى ئىككى كوردىغان بولۇپ قالغاندىمەنمۇ؟
مۇشۇ كەمدە ئوزەمدىن بەك ئەنسىرەيدىغان بوپ قالدىم . ئوزەمنى ھەركۇنى خەتەر ئىچىدە تۇرغاندەك ، خۇدى بىرسى كىلپ شىلەمدىن تۇتۇپ تازا ئۇردىغاندەك .
تولا گۇمان قىلدىغان بوپ قالدىم . بىر نەرسىنى كورسەم  ماڭا چاپلىشۋالدىغان جىنلارنىڭ قەسىت قىلغان ھىلسىمىكىندەپ  توۋا مۇشۇ ئىنىمۇ بىركۇنلەردە مىنى ئۇرۇپمۇ سالامۇ؟
توقانلىرمغۇ ئەسلا ئىشەنچ يوق . قانداق قىلارمەن دۇختۇرغا كۇرۇنسەم سىز كىسەل ئەمەسكەنسىز دەيدۇ. كىسەل ئەمەستۇرمەن دىسەم ھەمە نەرسە مىنى يوقال دەۋاتقاندەك تۇردۇ. خۇدا ساقلىسۇن بىر كۇنلەردە ساراڭ بولۇپ قاللارمەنمۇ ساراڭ بولۇپ قالسام باشقىلار مىنى جاھان سارىڭى دەرمۇ يا نىمە دەر دەپ ئەندىشدە يۇرۋاتمەن .

kumbah

مەن ئادەتتە ئاسمان جىسىملىرىنىڭ يەرشارىغا سوقلىدىغانلىقى توغرىسىدىكى خەۋەرلەرنى كۆرگىنىمدە، يەرشارىغا بىۋاستە سوقلامدىغاندۇ دەپ ئويلايتتىم؟
ئەمدى مۇنداق ئويلۇدۇم.باشقا ئاسمان جىسىملىرى ياكى مىتۇرۇت تاشلىرى يەرشارى يۈزى بىلەن بىۋاستە سوقۇشماستىن،يەرشارىنىڭ  تارتىش كۈچى دائىرىسى ئىچىدىكى ئۆز-ئارا بىرسى -بىرسىگە تەسىر قىلىشكەن دەپ چۈشەندىم،توغرىمۇ خاتا بىلمەيمەن چۈشەنچەمنى؟

kumbah

qux1001kiqa يوللىغان ۋاقتى  2013-10-21 11:47
بۇ تىما قايتا يولاندىمۇ يا مەن بىرنى ئىككى كوردىغان بو ...

شۇنداق تەكرار يوللۇنۇپ قاپتۇ؟بۇرۇن تاشپولاتكام يوللىغان.

makit

ＮＡＳＡ　يىغىنلىرغا دۆلتمىزدىكى  ۋە چەتئەللەردىكى  جۇڭگۇلۇق  ئاللملارنى   چەكلشدىكى سەۋەب نىمە ؟  

SOGUK

    بىلىم خۇمار ئۇستازنىڭ قۇربان ھىيىتىغا مۇبارەك بولسۇن .
    بىز بۇنداق ۋەھىمىدىن  قىلچە قورۇقمايىمىز  ،چۇنكى بىز ھازىر ۋەھىمىلىك قورقۇ تۇشلارغا  كۇنۇپ قالدۇق . بىزلەرگە  ۋەھىمە ھەرگىزمۇ ئاسمان جىسىملىرىدىن كەلمەيدۇ .
   

tapakkur

SOGUK يوللىغان ۋاقتى  2013-10-21 13:14
بىلىم خۇمار ئۇستازنىڭ قۇربان ھىيىتىغا مۇبارەك بولسۇ ...

ئالامەت!!! دەل توغرىسىنى دەپسىز.

manmubar

ئەركىن ئاكا،سىزنىڭ،ئائىلىڭىزدىكىلەرنىڭ ۋە ۋەتەن سىرتىدا تۇرۇپ مىللىتىمىزنىڭ تەرەققىياتى ئۈچۈن كۈچ چىقىرىۋاتقان بارلىق قېرىنداشلارنىڭ قۇربان ھېيتىغا مۇبارەك بولسۇن!
سىزدىن مۇنداق ئىككى سۇئالىمنىڭ جاۋابىنى بىلىۋالسام:
1.ئاستېرويد بىلەن مېتىرويد بىر ئۇقۇممۇ؟
2.بۇ يىل 2- ئايدا روسىيەگە چۈشكەن ئاسمان جىسىمىدىن،ئاسمان جىسىملىرىنىڭ يەر شارىغا سوقۇلۇش ئېھتىماللىقىنىڭ ھامان مەۋجۇتلۇقىنى كۆرىۋېلىشقا بولامدۇ؟

matimatika

makit يوللىغان ۋاقتى  2013-10-21 12:24
ＮＡＳＡ　يىغىنلىرغا دۆلتمىزدىكى  ۋە چەتئەللەردىكى  جۇڭگۇل ...

6 نەپەر چەتئەلدە تۇرۇشلۇق جۇڭگۇلۇقنىڭ ناسا يىغىنىغا قاتنىشىشىنى چەكلىشىنى مەنمۇ تازا چۇشىنەلمىدىم. ياكى تىخنىكا ئوغۇرلايدۇ- دېمەكچىمىدۇ؟!
پارلامىنتتا قارار قىلغانكەن، ئەسلىگە كەلتۇرمىكى تەس.

بۇندىن كىيىن قانداق بولار.............