قاسىم سىدىق:"تارتىش كۈچى"نىڭ ماھىيىتىنى ئىزدەش

ziya

"تارتىش كۈچى"نىڭ ماھىيىتىنى ئىزدەش

قاسىم سىدىق

     تارتىش كۈچىنىڭ ماھىيىتىنى ئىگەللەشتە ئالدى بىلەن ئېغىرلىق كۈچى بىلەن تارتىش كۈچىنىڭ مۇناسىۋىتىنى توغرا بېكىتىش كىرەك.بۇ بىرىنجى باسقۇچ.نۇۋەتتە تارتىش كۈچى بىلەن ئېغىرلىق كۈچىدە ناھايتى كىچىك پەرىق بار،دىگەن قاراشلارمۇ بار. لىكىن بۇ پەرىقنى رۇشەن ھالدا تېپىپ چىقىشقا مەلۈم جەريان كەتسە كېرەك.يۇقۇردا تىلغا ئېلىنغان ھەر ئىككى كۈچنىڭ بىرلىكىنىڭ كىلوگىرام ئىكەنلىگىنى كۇزدە تۇتۇپ،بۇ تېمىدا ئىككىسى بىر ماھىيەتنىڭ ئىپادىسى دىگەن مەۋقەدە تۇرۇپ پىكىر يۇرگىزىمىز.بۇ ئىككى كۈچنىڭ ھازىرغىچە ئانچە رۇشەن بولمىغان پەرقى ئۆستىدە مەخسۇس تېمىدا مۇلاھېزە ئېلىپ بارساق بولىدۇ.مەن بۇ تېمىدا"تارتىش كۈچى مەۋجۈت"دىگەن ئالدىن بېكىتىۋىلىنغان ئىدىيە نۇقتىسىدا تۇرۇپ پىكىر يۈرگىزىمەن.ئەسكەرتىدىغىنىم ،بۇ پەقەت بىر مۇلاھېزە شەكلى بولۇپ،ھەرگىز تارتىش كۈچى مەۋجۈت دىگەن ئىدىيەنى تاللىغانلىغىمنىڭ ئىسپاتى ئەمەس.

      مۇبادا،  تارتىش كۈچى  بىلەن ئېغىرلىق كۈچىدىن ئىبارەت  بۇ ئىككى ئاتالغۇ ۋە ئۇقۇم بىرلا رىياللىقنىڭ ئىككى خىل ئاتىلىشى دەپ قارالسا ئەمدى قەپقالغىنى ئىنىرىتسىيىلىك كۈچ بىلەن تارتىش كۈچىنىڭ مۇناسىۋىتىنى تەھلىل قىلىش.مىنىڭ قارىشىمچە مانا بۇ تەپەككۆر يولى بىزنى تارتىش كۈچىنىڭ ماھىيىتىگە باشلاپ بارىدۇ.بىز ئۇنىڭغا ئاز قالدۇقمىكىن دەپ ئويلايمەن.مەن بۇ ئىككىسىدە خۇددى 41-تىئورمىدا قەيىت قىلىنغىنىدەك بىر تەتۆر تاناسىپلىق مۇناسىۋەت بار،دىگەن قاراشقا مايىل.يەنى زەررىچە ۋە جىسىملارنىڭ بۇلۇڭلۇق تىزلىكى (مەيلى ئوقىدا ئايلىنىش ياكى ئوربىتا،ئەگرى تىرايىكتۇرىيىدىكى بۇلۇڭلۇق تىزلىكى بولسۇن) ئاشسا ئېغىرلىقى كېمىيىدۇ.بۇلۇڭلۇق تىزلىكى 0گە يېقىنلاشسا ئېغىرلىغى ماس قەدەمدە ئارتىدۇ.

     مىنىڭ تەپەككۆر يۆنىلىشىمچە پىكىر قىلغاندا تارتىش كۈچىنىڭ چامىسى ماسسىغا ئوڭ تاناسىپ ،ئارىلىقنىڭ كىۋادىراتىغا تەتۆر تاناسىپ بولىۋەرمەيدۇ.بەلكى بۇلۇڭلۇق ھەركەت تىزلىكى بىلەن تارتىش كۈچى(ياكى ئېغىرلىق كۈچى)تەتۈر تاناسىپ بولۇپ قالىدۇ.
بۇنىڭدىن كېلىپ چىقىدىغان يومۇرىستىك يەكۆن شۇكى،"ھورۇن"لار ھامان باشقىلارنىڭ قوينىدا ياشاشقا مەجبۇر بولىدۇ.ئالما شاخقا ئېسىلىۋىلىپ جىم تۇرىۋالماي،يىتەرلىك تىزلىكتە "ئوقى"دا ئايلىنىپ تۇرغان بولسا ھەرگىز نىيوتۇننىڭ بېشىغا چۈشۈپ كەتمەيتى.

像这样嗯

http://www.guokr.com/question/435419/?orderby=date

      يۇقۇرقى قىسقا فىلىمدىن "ھورۇن"لارنىڭ ئاقىۋىتىنىڭ قانداق بولىدىغانلىغىنى كۇرۇپ ئالالايمىز. پورژىن ئۇزىنىڭ "ئەسلى ھالىتى"گە قايىتقىچە ئەسلىگە قايتىش ھەركىتىگە قاتنىشىۋاتقانلىغى ئۈچۈن يەرگە چۈشۈپ كەتمەيدۇ.بۇ جەرياندا پۇرژىننىڭ "ئېغىرلىغى"ئاساسەن 0ھالەتتە بولىدۇۋەقارىماققا تارتىش كۈچىنىڭ تەسىرىگە ئۇچرىمايدۇ.پەقەت ئەسلى ھالىتىگە قايتىپ بولغاندىن كىيىن"جىم"تۇرغاچقىلا ئاندىن تارتىش كۈچىنىڭ ،ئېغىرلىق كۈچىنىڭ تەسىرىگە ئۇچرايدۇ.
لىكىن پۇرژىن ئەسلى ھالىتىگە قايتىش جەريانىدىمۇ تارىتىش كۈچىنىڭ تەسىرىگە ئۇچرايدۇ.يەنى پۇرژىننىڭ يەر يۈزى تەرەپتكى قىسىمى  بۇ جەرياندا جىم تۇرىدۇ.ئۈستۈنكى قىسىمى تۆۋەنگە يىغىلىپ "ئەسلى ھالەت"كە قايتىدۇ.بۇ ئەھۋال پۇرژىننىڭ يەنىلا تارتىش كۈچىنىڭ تەسىرىگە ئۇچراۋاتقانلىغىنى،پۇرژىننىڭ ئەسىلىگە قايتىش جەريانى مۇشۇ كۈچنىڭ يۆنىلىشىدە ئەمەلگە ئېشىۋاتقانلىغىنى كۇرسىتىدۇ.
ئەمدى بىز يۇقۇرقى پورژىننى يىتەرلىك تىزلىكتە ئوقىدا ئايلىنىۋاتقان دەپ پەرەز قىلايلى،بۇ ھالدا پورژىننىڭ ئەسلى ھالىتىگە قايتىش جەريانى بەلگىلىك ئۇزۇنلۇقتىكى بۇ پۇرژىننىڭ قاپ ئوتتۇرىسىغا  قاراپ قوش يۆنىلىشلىك بولىدۇ.بۇ ھالەتتە پۇرژىن ئەسلىگە كېلىپ بولغاندىن كىيىنمۇ يېتەرلىك تىزلىكتە ئايلىنىۋەرسە تارتىش كۈچىنىڭ تەسىرىگە ئۇچرىمايدۇ ۋە يەرگە چۈشۈپ كەتمەيدۇ.

      پۇرژىن ھەققىدىكى مۇلاھېزە يۇقۇرقىلار بىلەنلا ئاياقلاشمايدۇ.مىنىڭچە قىلىشقا تېگىشلىك بولغان نۇرغۇن مۇلاھېزىلەرنىڭ ئىچىدە ئەڭ موھىمى تۆۋەندىكىسى:
بىز «ھەركەت»نىڭ ئىنىقلىمىسى «ئورۇن يۆتكىلىش»ئىكەنلىگىنى ۋە ئونىڭ مۇتلەق ئىكەنلىگىنى ،ھەركەت قىلمايدىغان جىسىم ياكى زەررىچىنىڭ ئەسلا مەۋجۈت ئەمەسلىكىنى بىلىمىز.شۇنىڭ بىلەن بىرگە ھەركەت مىقدارىنىڭ تۇراقلىق ئىكەنلىگىنىمۇ بىلىمىز.بىز يۇقۇرقى پىرىنسىپال ئىدىيەلەر نۇقتىسىدا تۇرۇپ يۇقۇرقى قويۇپ بىرىلگەن پۇرژىنغا قايتا نازەر سالساق ئۇنىڭ دەسلەپكى ھەركىتىنىڭ ئەسلىگە قايتىش ھەركىتى ئىكەنلىگىنى كۇرۇپ يىتەلەيمىز.بۇ جەرياندا پۇرژىننىڭ ئاستى مۇقىم بىر ئورۇندا جىم تۇرغان بىلەن ئۈستۈنكى قىسمى ھەركەتنىڭ ئىنىقلىمىسىغا مۇناسىپ ھالدا ئورۇن يۆتكەۋاتقانلىغىنى رەت قىلالمايمىز.ئەسلى ھالىتىگە قايتىش جەريانى تاماملانغاندىن كىيىن،ئاندىن پۇرژىن يەرگە چۈشۈشكە باشلايدۇ.ھەركەت مىقدارىنىڭ ساقلىنىش قانونى بۇيىچە پۇرژىن تارتىش كۈچىنىڭ مەۋجۈت بولۇش بولماسلىغىدىن قەتئى نەزەر جەزمەن بىر ھەركەتكە قاتنىشىشى كىرەك ئىدى.دىمەك، پۇرژىننى يەرگە چۈشۈشكە مەجبۇر قىلغان بىردىنبىر سەۋەپ يالغۇز تارتىش كۈچى ئەمەس.تارتىش كۈچىنىڭ بۇ يەردىكى رۇشەن رولى،پەقەت ھەركەت يۆنىلىشىنى بەلگىلەشكە قاتناشقانلىغىدا.
ئىدىيال تەجىربە :
پۇرژىننى توغرىسىغا سوزۇپ ئاندىن قويۇپ بەرسەك ،ئۇنىڭ ئەسلىدىكى ھالەتكە قايتىش جەريانى ئىككى چېتىدىن ئوتتۇرىسىغا قاراپ تاماملىنىدۇ.بۇ جەريان تاماملىنىشتىن ئىلگىرى پورژىن تارتىش كۈچىنىڭ تەسىرىگە ئۇچرىمايدۇ.

      ھەركەت مىقدارىنىڭ ساقلىنىش قانونى بىزگە ھەركەت جەزمەن بىر مۇقىم يۆنىلىشتە ساقلىنىدۇ،دەپ بەرگىنى يوق.بۇ قانوننىڭ مەنىسى ھەركەت مەيلى قانداقلا بولسۇن مۇئەييەن بىر يۆنىلىشتە ،مۇئەييەن بىر ھەركەت شەكلىدەجەزمەن ساقلىنىدۇ ۋە ئىپادىلىنىدۇ،دىگەندىن ئىبارەت.يۇقۇرقى ئىككى تەجىربە بۇ تەشەببۇسنى قوللايدۇ.
بۇ تەشەببۇسنىڭ پۇت تىرەپ تۇرىدىغان ياكى تۇرالمايدىغانلىغىنى ئىسپاتلاشتا تىزلىنىشچان ھەركەتنىڭ سەۋەبى تەھلىل قىلىنىشى كىرەك ئەلۋەتتە.لىكىن بۇ مەسىلىنىمۇ ئايرىم تېمىدا بىر تەرەپ قىلىش كىرەك.تارتىش كۈچى ھەرگىز ھەركەتنىڭ تۈپ سەۋەبى ئەمەس.تارتىش كۈچى مەۋجۈت،دىگەن پەرەز ۋە يۇقۇرقى مۇلاھىزىلەردىن پەقەت بۇ كۈچنىڭ ھەركەتنىڭ يۆنىلىشىگىلا تەسىر كۇرسىتىدىغانلىغىنى بېكىتىشكە بولىدۇ.

      ھەقىقى مەنىدىكى ئىچكى تۆزۈلۈشكە ئىگە بولمىغان،قايتا پارچىلانمايدىغان ئىلىمىنتار زەررىچە مەۋجۈت دىگەن ئىدىيە نۇقتىسىدا تۇرۇپ پىكىر قىلساق بۇنداق دۇنيادا تارتىش كۈچى ئۆزىنىڭ مەۋجۈتلىكىگە ئىسپات كۆرسىتەلمەيدۇ.«ئېن»غا تارتىش كۈچى ،ئېغىرلىق كۈچى قاتارلىقلارنى تەدبىقلىغىلى بولماسلىق دىققەت قىلىشقا تېگىشلىك مۇ ھىم نۇقتا.ئېنلارغا پەقەت  شەكىل نەزەريىسى خارەكتىرلىك كېڭەيتىلگەن ئىنىرىتسىيە قانونى ۋە ئىنىرتسىيىلىك كۈچنى،ئۇز ئارا ئىلاستىك سوقۇلۇشتىنلا ئىبارەت ئۇز ئارا تەسىرنى تەدبىقلىغىلى بولىدۇ. فىزىكىلىق ئالەمنىڭ ئىرسىيەت گېنى ئېنلاردا ساقلانغان ۋە ئىپادىلەنگەن بولىدۇ.مىنڭ كۈچلەرنى كېڭەيتىلگەن ئىنىرىتسىيە قانونى ۋە ئىنىرىتسىيىلىك كۈچ يادرولىغىدا بىرلەشتۈرگىلى بولىدۇ،دېيىشمىدە بىر مۇنچە"پەتىۋا"لىرىم بار.ئەمدى ئويلىشىدىغان نۇقتا،تارتىش كۈچىنى فىزىكىلىق ئالەم تارىخىنىڭ قايسى نۇقتىسىدا ئېلىپ كىرىشكە بولىدۇ؟دىگەن مۇشۇ نۇقتىدىن ئىبارەت.مۇبادا بۇ ئالەمنى تارتىش كۈچىدىن ئىبارەت باش ئاغرىغى تولا بۇ ئۇقۇمسىزمۇ تەسۋىرلىگىلى بولسا،ئەلۋەتتە ئۇنىڭدىن ۋاز كېچىش كېرەك.

خۇلاسە:
"تارتىش كۈچى مەۋجۈت"دىگەن ئالدىن بېكىتىلگەن ئىدىيە مەۋقەسىدە تۇرۇپ ،بۇ كۈچنىڭ پەقەت كۈچ تەسىرىگە ئۇچرىغان جىسىمنىڭ ھەركەت يۆنىلىشىنى بەلگىلەشكىلا قاتنىشىدىغانلىغىنى بېكىتىشكە بولىدۇ.كۈچ تەسىرىگە ئۇچرىغان جىسىمنىڭ ھەركەت مىقدارىنىڭ تارتىش كۈچى سەۋەبىدىن ئاشىدىغانلىغى ياكى كېمىيىدىغانلىغىنى بېكىتىشكە بولمايدۇ.چۈنكى ،بۇنداق قىلىنغىنىدا تارتىش كۈچى تەسىرىگە ئۇچرىدى دىگەن جىسىم ئۇزىنى ھەركەت مىقدارىنىڭ ساقلىنىش قانونىغاخىلاپلىق قىلىدۇ،دىگەن يەكۈن كېلىپ چىقىدۇ.قارىغاندا ئىنىرىتسىيىلىك كۈچ تارتىش كۈچىدىنمۇ موھىم بولغان،ئەڭ ئومۇمى كۈچ!


ئەسكەرتىش:
كىيىنكى تېمىمىزدا «تارتىش كۈچى مەۋجۈت ئەمەس»دىگەن ئىدىيىدىن چىقىپ يۇقۇرقى ھادىسىنى چۈشەندۆرۈشكە ئۇرۇنۇپ كۆرىمىز.

2013.11.5

ziya

پۇرژىننىڭ يەرگە چۈشىشىنىڭ باشلىنىش نۇقتىسىدا ئىنىرىتسىيىلىك كۈچنىڭ،ئىلاستىك سوقۇلۇشنىڭ رولى بارلىغىنىمۇ چەتكە قېقىشقا بولمىغىدەك.بۇ يەردىكى قىيىن نۇقتا زادى تارتىش كۈچى بىلەن ئىنىرىتسىيىلىك كۈچنىڭ مىقدارىنى قانداق ھېساپلاشتا بولسا كېرەك.

تورداشلار،مىنىڭچە بۇ تېمىدامۇھاكىمە قىلىشقا ئەرزىيدىغان مەسىلىلەر بار.دادىل پىكىر قاتناشتۇرايلى!.

ziya

پۇرژىن يەرگە چۈشكەندىن كىيىن يەرگە تەككەن قىسمى يەردىن ئايرىلمايدۇ،لىكىن ناھايتى قىسقا بىر پەيىتتە يۇقۇرى تەرىپى يۇقۇرىغا ئىلاستىك قاڭقىپ ،قايتا ئەسىلىگە كەلگەنلىگىگە دىققەت قىلىڭ.مۇشۇ يەردىكى كىچىككىنە مىقدارنى ئىلاستىك كۈچنىڭ مىقدارى دەپ قاراشقا بولىدۇ.بۇ ئىلاستىك كۈچنى  ئالدىدا ئەركىن تاشلانغان لىكىن  ئۈستى ئەسلى ھالىتىگە قايتىپ ئاستى جىم تۇرۇۋاتقان پۇرژىننى ئەسلى ھالىتىگە قايتىپ بولغاندىن كىيىن تۆۋەنگە چۈشۈرگەن ئومۇمى كۈچنىڭ بىر تەركىۋى قىسمى دەپ قاراشقا بولىدۇ.

Alchvn

ئالدى بىلەن ،ئوچۇق ئايدىڭلاشتۇرۇشقا تىگىشلىك بىر مەسلە بار ،ئۇ بولسىمۇ 'تارتىش كۈچى'.يەنى تەبەئەت دۇنياسىدا تۆت خىل ئاساسى كۈچ با ،ئۇلارنى كۈچلۈكتىن -ئاجىزغا قارىتا تىزساق :كۈچلۈك-كۈچ--ئېلىكتىرو ماگنىت كۈچى--ئاجىزكۈچ--تارتىش كۈچىدۇر.تارتىش كۈچىنىڭ مەۋجۇد بۇلۇش بولماسلىقى جىسىم ۋە شۇ جىسىم تۇرىۋاتقان مەيداننىڭ خۇسۇسىيىتىگە مۇناسىۋەتلىك .ئۇنىڭدىن باشقا تارتىش كۈچۈ بۇ تۆت خىل ئاساى كۈچ ئىچىدىكى ئەڭ ئاجىز كۈچ بولغاچقا ئۇنى يوق دەپ يەكۈن چىقىرىش ناھايىتى قىيىن (جىسىم نىڭ خۇسۇسىيىتى تارتىش كۈچىگە تەسىر قىلىدۇ)،شۇڭا بۇ توغۇرلۇق ئىنچىكە تەجىربە ئېلىپ بېرىشقا توغرا كېلىدۇ .
ئۇنىڭدىن باشقا تارتىش كۈچى بىلەن ئېغىلىق كۈچىنى بىرخىل ئۇقۇم دەپ قاراش خاتا دەپ قارايمەن . مېنىڭچە بولغاندا ئېغىرلى كۈچىنى بىرخىل مەيدان كۈچى دەپ قاراش مۇۋاپىقراقمىكىن دەپ قارايمەن .(خاتا بولۇپ قالسا ئەيىبلىمىگەيسىلەر)

ziya

Alchvn يوللىغان ۋاقتى  2013-11-6 14:18
ئالدى بىلەن ،ئوچۇق ئايدىڭلاشتۇرۇشقا تىگىشلىك بىر مەسل ...

ئۇنىڭدىن باشقا تارتىش كۈچى بىلەن ئېغىلىق كۈچىنى بىرخىل ئۇقۇم دەپ قاراش خاتا دەپ قارايمەن . مېنىڭچە بولغاندا ئېغىرلى كۈچىنى بىرخىل مەيدان كۈچى دەپ قاراش مۇۋاپىقراقمىكىن دەپ قارايمەن .(خاتا بولۇپ قالسا ئەيىبلىمىگەيسىلەر)

____________

بۇ قاراشنىڭ جېنى بار.قوللايمەن.مەنمۇ مۇشۇنداق بىر گۇماندا يۈرگەن ئىدىم.

ziya

ھازىر چەتئەللەردە "غەيرى نۇقتا مەۋجۈت ئەمەس"دىگەن قاراشلارمەيدانغا كەلگەندىن باشقا"تارتىش كۈچى مەۋجۈت ئەمەس"دەپ تەشەببۇس قىلىدىغان ئىدىيە،نەزەريىلەر مەيدانغا كەلمەكتە.ئىنگىلىز تىلى بىلىدىغانلار تۆۋەندىكى رەسىمدىكى مەزمۇنلارنى تەرجىمە قىلىپ يوللاپ قويۇشىنى ئۈمىت قىلىمەن.رەسىم ھالىتىدە بولغاچ ئاپتۇماتىك تەرجىمانغا چاپلىسا خەنزۇچىغا تەرجىمە قىلىپ بېرەلمەيدىكەن.

تارتىش كۈچى مەۋجۈت ئەمەس

The Gravity Does not Exist

تولۇقى بۇ يەردە:
http://softsupplier.com/the-gravity-does-not-exist-108078/

mayorvb

بەلكى بۇلۇڭلۇق ھەركەت تىزلىكى بىلەن تارتىش كۈچى(ياكى ئېغىرلىق كۈچى)تەتۈر تاناسىپ بولۇپ قالىدۇ.
===============================================
يۇقارقى بىر جۈملە خاتا ئېيتىلغان جۈملە!

ziya

mayorvb يوللىغان ۋاقتى  2013-11-6 18:08
بەلكى بۇلۇڭلۇق ھەركەت تىزلىكى بىلەن تارتىش كۈچى(ياكى ئ ...

قانداق بايان قىلسا توغرا بولىدۇ؟.