تاشپولات: ئالتە قۇيرۇقلۇق ئۇچار تاش بايقالدى

TashpolatRozi

ئالتە قۇيرۇقلۇق ئۇچار تاش بايقالدى

تاشپولات روزى

NASA نىڭ Hubble ئالەم تېلېسكوپى، 6 تە قۇيرۇقى بار خۇددى قۇيرۇقلۇق يۇلتۇزدەك قۇيرۇقى چاچرىغان چاڭ توزاڭ چىقىرىدىغان ھەم پىر-پىر پىرقىرايدىغان ئۇچار تاشنى بىرىنچى قېتىم بايقىدى.

بۇ ئۇچار تاشنىڭ ئىسمى P/2013 P5 بولۇپ، ئۇ باشقا ئۇچار تاشلارغا ئوخشىمايدىكەن. بۇ تاشنىڭ كىچىك بىر نۇر نۇقتىسىلا بولۇپ، ئۇ خۇددى ھويلىلاردا ئىشلىتىدىغان سۇ سەپكۇچكە ئوخشايدىكەن. ھازىرغىچە بۇنداق ئۇچار تاشلارنىڭ نېمە ئۈچۈن باشقا ئۇچار تاشلارغا ئوخشىمايدىغان خۇسۇسىيەتكە ئىگە ئىكەنلىكى ئاسترونومىيە ئالىملىرى ئارىسىدا سىر بولۇپ كېلىۋاتقان ئىدى.

بۇ تاشنى بايقىغان گۇرۇپپا باشلىقى David Jewitt مۇنداق دەيدۇ: "بىز بۇ ئۇچار تاشنى بىرىنچى قېتىم كۆرگىنىمىزدە ھەقىقەتەن ھەيران قالدۇق". "بىزنىڭ تېخىمۇ ھەيران قالغىنىمىز بۇ ئۇچار تاشنىڭ قۇيرۇقى 13 كۈندە   ئاجايىپ ئۆزگەرگەنلىكىدە بولدى". "بۇنداق مەنزىرىنى بايقاپ چىقىشنىڭ ئۆزى  ئاجايىپ ئىش بولسىمۇ، يەنىلا ئۇنۇڭ قۇيرۇقى بۇ ئۇچار تاشنى پەيدا قىلىۋاتقانلىقى ئادەمنىڭ ئىشەنگۈسى كەلمەيدىغان بىر ئىشتۇر".

پروفېسسور Jewitt نى مەركەز قىلغان تەتقىقات گۇرۇپپىسى بۇ ماقالىنى "The Astrophysical Journal Letters" دېگەن ئىلمى ژۇرنىلىدا ئېلان قىلدى.

ئاسترونومى ئالىملىرى بۇ ئۇچار تاش كەم دېگەندە 5 ئايدەك چاڭ توزاڭ چىقىرىۋاتقان بۆلىشى مۇمكىن ياكى ئۇ ئۇچار تاش ناھايىتى يۇقىرى تېزلىكتە ئايلىنىۋاتقانلىقى ئۈچۈن ھالاك بولۇشنى باشلىغان بۆلىشى مۇمكىن دەپ قارىماقتا. يەنە بەزى ئالىملار بۇ تاشنىڭ قۇيرۇقى بىر قېتىملىق سوقۇشۇشتىن كېلىپ چىقمىغان بۆلىشى مۇمكىن دەپ قارىماقتا. ئەگەر ئۇ سەۋەب بولغان بولسا، چاڭ توزاڭ  بىراقلا پۈركۈلۈپ چىقىپ كەتكەن بولاتتى.

پروفېسسور Jewitt نىڭ يەنە مۇنداق دەيدۇ: "بۇ ئۇچار تاش 200 مىليون يىل ئىلگىرى ئۇچار تاشلارنىڭ سوقۇلۇشى ئارقىلىق بارلىققا كەلگەن بۆلىشى مۇمكىن"

تېخىمۇ كوپ ئۇچۇرغا ئېرىشمەكچى بولسىڭىز تۆۋەندىكى ئۇلىنىشنى چېكىڭ.

http://www.sci-news.com/space/sc ... ix-tails-01530.html

borabalisi

قۇيرۇقلۇق يۇلتۇز نىمە سەۋەبتىن شەكىللىنىدۇ ؟ ئۇنىڭ ئەڭ يۇقىرى سۈرئىتى قانچە ؟

ziya

تاشپولات مۇئەللىم، مەن باشقا ئىنگىلىزچە مەنبەدە ئېلان قىلىنغان بۇ خەۋەردە تۆۋەندىكى رەسىمنىمۇ كۇردۇم.ئاۋۇ تۇيۇق ئۆزۈك سىزىقلار  نىمىگە ۋەكىللىك قىلىدىغانلىغىنى ۋە ئاۋۇ ئىنگىلىزچە خەتلەرنىڭ مەنىسىنى بىلەلمىدىم.

مەنبە:

http://astrobob.areavoices.com/2 ... thash.6rnuu35Q.dpuf

*

ablimitt

200 مىليون يىل ئىلگىرى ئۇچار تاشلارنىڭ سوقۇلۇشى ئارقىلىق بارلىققا كەلگەن بۆلىشى مۇمكىن"

بۇ ئۇزۇن ۋاقىتنى مۆلچەرلەشتە نىمىگە ئاساسلىنىدىغاندۇ؟
ئەلۋەتتە مەن بۇنداق تىگىگە يىتەلمىگەن ئىشقا ئالىملار ئۆزلېرىگە نىسبەتەن ئىنتايىن ئاساسلارغا تاينىشى مومكىن. ئاساسلىق ئۈسۈپ-يىتىلىش دەۋرىدە شۇ بىلىمنى قۇبۇل قىلىش پۇرسىتىگە ئىگە بۇلۇش، مەن بىلەن شۇ ئالىمنىڭ ئۇتتۇرسىدا ئاسمان-زىمىن پەرىقنى كەلتۈرۈپ چىقىرىدۇ. ‹‹كۆرگەن كۆرگىنىنى قىلۇر، كۆرمىگەن نىمىنى قىلۇر››. بۇ سۆز بىز ئۇيغۇرلارنىڭمۇ بۇرۇندىنلا ‹‹كۆرۈش›› تىن ئىبارەت بۇ پۇرسەتنىڭ ئادەمنى چوڭ پەرىققە ئىگە قىلىدىغانلىقىنى تۇنۇپ يەتكەنلىكىنىڭ ئىپادىسى!...
مۇشۇ نۇقتىدىن ئالغاندا شۇ تەرەققى قىلغان ئەللەردىكى ئاددىراق كەسىپلەردىكى قېرىنداشلېرىمىزنىڭمۇ كەسپى جەھەتتىلا ئەمەس، تەپەككۈر ئۇسولى ۋە ھۈكۈم قاتارلىق جەھەتلەردە بىزگە دەرىس ئۈتكۈچىلىكى بار دەپ ئويلايمەن.

ziya

Dust دىگىنى چاڭ -توزاڭ ئىكەن.

Dust tailدىگىنى چاڭ -توزاڭدىن شەكىللەنگەن قۇيرۇق دىگەن گەپكەن.

nijat0220

     ئالەم بوشلىقىدا ھەقىقەتەن كۆپ سىرلار يۇشۇرۇنغانكەن...

ziya

star trailsدىگىنى يۇلتۇزلارنىڭ تىرايىكتۇريىسى،ماڭغان يولى،دىگەن گەپكەن.

Scheila _ ماۋۇنى ئاپتۇماتىك تەرجىمان تەرجىمە قىلالمايدىكەن.

Alchvn

بەزىدە بىر خىل غالىتە تۇيغادا بولىمەن .يەنى بۇرۇن بىر فانتازىيەلىك ھېكايە ئوقۇغان ئىدىم ،ئۇنىڭدا دىيىلىشىچە يەرشارىدا بۇنىڭدىن بۇرۇن ھازىرقىدىنمۇ يۇقىرى تېخنىكا ۋە مەدەنىيەت بار ئىكەنمىش .

TashpolatRozi

ziya يوللىغان ۋاقتى  2013-11-9 15:25
تاشپولات مۇئەللىم، مەن باشقا ئىنگىلىزچە مەنبەدە ئېلا ...

قاسىمكا، سىز كۆرسەتكەن رەسىم بۇ قېتىم تېپىلغان ئۇچار تاشقا ۋەكىللىك قىلمايدۇ. ئۇ رەسىم بۇرۇن تېپىلغان "ئۇچار تاش 596 scheila" غا قارىتىلغان. بۇ يەردىكى "scheila" بىر ئىسىم بولۇپ مەنىسى قارغۇ دېگەندەك مەنا ئىكەن. يەنى "scheilaا" بولسا "ئۇچار تاش 596" نىڭ ئىسمى. ئاۋۇ ئۈزۈك سىزىقلار چاڭ توزاڭنىڭ دائىرىسىنى بىلدۈرىدۇ.

Dust: چاڭ توزاڭ
Dust Tail: چاڭ توزاڭلىق قۇيرۇق
Star Trails: يۇلتۇز ئىزلىرى

TashpolatRozi

borabalisi يوللىغان ۋاقتى  2013-11-9 15:05
قۇيرۇقلۇق يۇلتۇز نىمە سەۋەبتىن شەكىللىنىدۇ ؟ ئۇنىڭ ئە ...

قۇيرۇقلۇق يۇلتۇزنىڭ نېمە سەۋەبتىن شەكىللەنگەنلىكى ھازىرغىچە بىر سىر. ئۇنۇڭ شەكىللىنىش سەۋەبىنى بىلسە بەلكىم يەر شارىنىڭ شەكىللىنىش سەۋەبىنىمۇ بىلىش مۇمكىن. ھازىرغىچە بايقالغان قۇيرۇقلۇق يۇلتۇزنىڭ ئەڭ چوڭ تېزلىكى بىر سېكۇنتىغا 580 كىلومېتىر ئوخشايدۇ.