بۇ يازمىنى ئاخىرىدا istidat تەھرىرلىگەن. ۋاقتى 2013-11-16 20:10
ئەسسلامۇ ئەلەيكۇم كەڭ تور ئەھلى:
مەن ئۇزۇندىن بېرى ئەمەلگە ئاشۇرۇشنى ئويلاپ كېلىۋاتقان بىر پىلان بار ئىدى، يالغۇز قىلىشقا كۆزۈم يەتمىدى. شۇنىڭ بىلەن قېرىنداشلاردىن ياردەم سوراشنى لايىق تاپتىم. ئەگەر مۇمكىن بولسا بىرلىكتە ھەمكارلاشساق دىگەن نىيەتتىمەن.
1.پىلان نامى : ئۇيغۇر تور سۇئال ئامبىرى
2. پىلاننىڭ مەقسىدى :
جەمئىيتىمىزدە بىر قەدەر مۇكەممەل، ئۇنۋېرسال بولغان بىزنىڭ ھەر جەھەتتىكى بىلىم سەۋىيەرىمىزنى ئۆلچەيدىغان ،پايدىلىنىش قىممەتتىگە ئىگە ماتىرىيال يوق دىيەرلىك. ئۇنىڭ ئۈستىگە ئۇيغۇر تور بېكەتلىرىمىزنىڭ كۆپ قىسمى كۆڭۈل ئېچىش خاراكتېرىدە بولۇپ،ھەر قايسى پەنلەردىكى كەسپى بىلىملەرنى ئاساس قىلغان ئۇنۋېرسال تور بېكەت يوق دىيەرلىك شۇنىڭ ئۈچۈن مەن جەمىيئەتتىن ھەرقايسى كەسىپلەردە كەسپى بىلىمگە ئىگە، بىر قەدەر سىستىمىلىق تەربىيە كۆرگەن ئىقتىدارلىق قېرىنداشلارنى يىغىپ ، خەنزۇچە، ئىنگىلىزچە، ئۇيغۇرچە تور بايلىقىدىن، شۇنداقلا كىتاپ-ماتىرىياللاردىن پايدىلىنىپ ھازىرقى جەمىيەتكە ماس كېلىدىغان ئۇنۋېرسال، قاراتمىلىققا ئىگە، تەپەككۇرنى ئاچىدىغان سۇئاللارنى يىغىپ رەتلەپ، ئۆلچەملىك جاۋاپلىرى بىلەن بىللە ئامبارغا توپلاشنى ئويلاپ قالدىم. بىز چىقارغان سۇئاللار ئارقىلىق كىچىك بالىلاردىن تارتىپ چوڭلارغىچە توردىن پايدىلىنالايدىغانلىكى كىشىلەرنىڭ ھەممىسى پايدىنلىپ ئۆزىنىڭ ئۇنۋېرسال ساپاسىنى ئۆلچەيدىغان ، مۇناسىۋەتلىك كەسپى، ئۇنۋېرسال بىلىملەرگە جاۋاپ ئىزدەيدىغان سېستىمىلىق بىر سۇئال ئامبىرىغا ئايلانسا دىگەن ئۈمۈدتىمەن.
دەسلەپكى باسقۇچتا بارلىق ماتىرىياللار ھەقسىز تەمىنلىنىدۇ، شۇنىڭ ئۈچۈن يىغىپ.توپلاش خىزمەتلىرىگىمۇ ھەق بىلەن تەمىنلەشكە ئامالسىزمەن. تۈزگەن پىلانىمنىڭ قىممىتىنى تونۇپ يىتەلەيدىغان، تىرىشچان ياشلارنىڭ مەن بىلەن بىرلىكتە سىناپ كۆرۈشىنى ئۈمۈد قىلىمەن. پىلانىمىزنىڭ تەرەققىياتىغا ئەگىشىپ ھەقىلىق تۈرلەرنى يولغا قويۇش ۋە باشقا قوللاشلارنى قولغا كەلتۈرۈش ئارقىلىق مەن بىلەن بىرلىكتە كۈچ چىقارغان دوستلارغا رەھمىتىمنى بىلدۈرىمەن.
3.پىلاننىڭ تەپسىلاتى:
بىرىنچى، توپلىنىدىغان سۇئالنىڭ مەزمۇنى:
1) ئەدەبىيات ( ئۇيغۇر ئەدەبىياتى، خەنزۇ ئەدەبىياتى،چەتئەل ئەدەبىياتى)
2) تەبىئى پەنلەر : ماتىماتىكا، فىزىكا، خېمىيە،جۇغراپىيە ، بىئولوگىيە ،ئاستىرنومىيە
3) تىبابەت ( ئۇيغۇرتىبابىتى، جۇڭگو تىبابىتى، غەرىب تىبابىتى)
4) ئۇيغۇر ئۆرۈپ- ئادەتلىرى، ئۇيغۇر قول ھۆنەرۋەنچىلىكى، قېرىنداش مىللەتلەر ئۆرپ ئادەتلىرى، دۇنيا مەدەنىيتى
5) تىل : ئۇيغۇرتىلى، خەنزۇتىلى، ئېنگىلىس تىلى،تۈرك تىلى
6) قانۇن :( جۇڭخۇا خەلق جۇمۇرىيىتى ھەر قايسى قانۇنلىرى ۋە خەلقئارا قانۇنلار)
7) ئۇنۋېرسال بىلىملەر: پەلسەپە،پىسخولۇگىيە، تەنتەربىيە، سەنئەت، مائارىپ قاتارلىقلار
8) كومپىيوتېر ئاساسى بىلىملىرى قاتارلىقلارنى ئۆز ئىچىگە ئالىدۇ.
ئىككىنچى:سۇئاللار ئاساسەن ئېلكىتاپ شەكىلدە يوللىنىدۇ ،شۇنىڭ ئۈچۈن ئېلكىتاپ ،ۋورد تەھىرىرلەش ،ئىملا تەھرىرلەش قاتارلىقلارغا پىششىق قېرىنداشلارنىڭمۇ ياردىمىنى ئايىماسلىقىنى ئۈمىد قىلىمەن
ئۈچىنچى. سۇئال چىقىرىشقا قاتنىشىدىغانلارغا قويۇلىدىغان تەلەپ:
1. مەلۇم بىر پەندە چوقۇم يىتەرلىك بىلىم سەۋىيەسى بولۇشى كېرەك .
2. يۈكسەك مەسۇلىيەتچانلىققا ئىگە بولغان بولۇشى كېرەك. بىر ئىشنى باشلىغان ئىكەن، ئۇنى ئاخىرغىچە داۋاملاشتۇرىدىغان ئىزچىللىق روھى بولۇشى كېرەك.
3. دەسلەپكى باسقۇچتا ئىش ھەققى بىلەن تەمىنلەشكە ئامالىم يوق، شۇنىڭ ئۈچۈن خالىس ياردەمدە بولۇشنى خالىشى كېرەك.
ئۇنىڭدىن باشقا مىللەت ، جىنىس،كەسىپ،ياش چەكلىمىسى قويۇلمايدۇ.( لىكىن چوقۇم قانۇننى ئاڭ يۇقىرى بۇلۇش كېرەك)
ئۈمىدىم:
ئەڭ ئاۋۋال مېنىڭ بۇ پىلانىمنى ئاقماس ئىش دەپ كۆڭلۈمگە ئازار بەرمەسلىگىڭلارنى ئۈمۈد قىلىمەن. مەن بۇ ئىشنى پىلانلىغىلى نۇرغۇن يىل بولدى. ئۆزەم تىرىشىپ باقتىم ،لېكىن يالغۇر ئاتنىڭ چېڭى چىقماس دېگەندەك، مەن بىر ئادەمنىڭ كۈچى بىلەن بۇ خىزمەتنى پات يېقىندا ئىشقا كىرىشتۈرۈشكە ئامال بولمايدىكەن. ئىشىنىمەن، ئارىمىزدا تىرىشچان، مىللەت ئۈچۈن ئەھمىيەتلىك ئىشلارنى قىلىشنى ئويلاپ كېلىۋاتقان ياشلىرىمىز ئاز ئەمەس.بەلكىم ماڭا ئوخشاش خىيالدا بولىۋاتقانلارمۇ چىقىپ قالار. ئىتتىپاقلىق كۈچ دىگەن گەپ بار، شۇنىڭ ئۈچۈن سىلەردىن ياردەم سورىدىم. بىز توپلاپ چىقارغان سۇئاللارنى قېرىنداشلىرىمىز پايدىلىنىپ، مەمورلۇق ئېمتىھانى، ئوقۇتقۇچىلق ئېمتىھانى ھەم ھەرقايسى كەسپى ئېمتىھانلىرىغا پايدىسى دېگىشى ئەجەپ ئەمەس.
ئەگەر پىلانىمغا قىززىقۇچىلار، تەكلىپ پىكىر بەرگۈچىلەر ياكى قوللىغۇچىلار بولسا قىزغىن قارشى ئالىمەن.پىكىرىڭلارنى مۇمكىن بولسا ئىنكاس شەكلىدە قالدۇرۇپ قويساڭلارمۇ ياكى چ چ بىلەن ئالاقە قىلساڭلارمۇ بولىدۇ.
ئاخىرىدا مۇشۇ تېمامىنى ئوقۇپ مېنىڭ مەخسىتىمنى چۈشەنگەن ھەرقايسى قېرىنداشلىرىمغا چىن كۆڭلۈمدىن رەھمەت ئېتىمەن. مېنى قولاپ قۇۋۋەتلىشىڭلارنى ئۈمۈد قىلىمەن.
مېنىڭچە بۇ پىلاننىڭ ئەھمىيتى ناھايتى زور. بەلكىم پىلاننى ئىشلەش داۋامىدا سىز ۋە مەنمۇ نۇرغۇن بىلىم تەجىربىگە ئىگە بولۇپ قېلشىمىز مۇمكىن.
( مەن بۇ پىلانغا " ئسىتېدات پىلانى " دەپ نام قوللاندىم.)
ئاللاقە قىلىش ئۇسۇلى:
چ چ:
383763111
ئىلخەت:
istidat@163.com
مەخسۇس مۇشۇ پىلانىمغا قوشىلىدىغان ، سۇئال چىقىرىشىمغا ياردەم بەرمەكچى بولغانلار ئۈچۈن چ چ توپى قۇرۇپ قويدۇم.
چ چ توپى:
328082006
(تارقاتماقچى بولسىڭىز ئەڭ ئاۋال مەن بىلەن ئالاقىلىشىپ ئاندىن تارقىتىڭ.)
|