- تىزىملاتقان
- 2012-6-26
- ئاخىرقى قېتىم
- 2013-11-27
- ھوقۇقى
- 1
- جۇغلانما
- 5719
- نادىر
- 0
- يازما
- 409
ئۆسۈش
14.38%
|
بىز قالاقلىقنىڭ ئۇزاق كېچىسىنى ئۆتكۈزۈپ بولالمىدۇق، بۇ بەزى كىشىلەرنى «بىزنىڭ قالاق ھالەتتە قېلىشىمىز ئىسلامغا ئىشەنگەنلىكىمىزدىن بولغانىكەن» دىگەن پىكىرگە ئېلىپ باردى، گەرچە بۇ پىكىر شۇنچىلىك بىمەنە بولسىمۇ. 10 ئەسىردىن كۆپرەك ۋاقىتتىن بىرى، مۇسۇلمانلار ھەر قايسى ساھەلەردە ئىزچىل ئەڭ ئالدىدا مېڭىپ كەلگەن، پۈتۈن دۇنيا ئۇلاردىن ئۆگەنگەن، شۇنداقلا ياۋروپالىقلارنىڭ بۇ ئاساستا تەرەققىي قىلدۇرغان تەجرىبە ئۇسۇللىرىدىمۇ مۇسۇلمانلارنىڭ نەتىجىلىرىدىن ئۈلگە ئېلىنغان ئىدى. بۇ غەربتىكى ھەقچىل ئالىملارنىڭ ئورتاق يەكۈنى.ماركىسىزىم ۋە لېبىرالىزىم تەلىماتىغا زىيادە چوقۇنىدىغان بەزى ئەرەب مۇتەپەككۇرلىرى گەرچە «ئەرەبلەرنىڭ ئەقىل (قۇرۇلمىسىدا) مەيلى پەلسەپىۋىي بىلىملەر بولسۇن، ياكى ئىلىم-پەن بىلىملىرى جەھەتتە بولسۇن ئەسىلىدىنلا غەربلىكلەرنىڭ زىھنىي كۈچىدىن ھالقىغۇدەك ئىقتىدار يوق، ئۇلار يەتكەن يۈكسەكلىككە يەتكۈدەك قابىلىيەت تېخىمۇ يوق» دەپ جۆيلۈشىدۇ.
بۇ پىكىرنى دەۋا قىلغۇچىلار ئىلگىرىكى شەرقشۇناسلارغا بەكمۇ ئوخشىشىدۇ، ئۇلار «ئەرەبلەردە پەلسەپە يوق، مەدەنىيەت يوق، ئۇلار پەقەت قەدىمكى يۇناننىڭ پەلسەپە ۋە ئىلىم-پەن بىلىملىرىنى تەرجىمە قىلىپ (پايدىلانغان)، ئۇلار ئىلغار پەلسەپە ۋە مەدەنىيەت يارىتىشقا ماس كەلمەيدۇ» دىگەنىدى. ئەمەلىيەتتە، بۇ (دارۋىنىزىمچىلارنىڭ) «ئىرقى پەرق» نەزەرىيىسىنىڭ يەنە بىر خىل ۋارىيانتى بولۇپ، ئۇلار بەزى مىللەتلەر ئۈستۈن، بەزى مىللەتلەر پەس؛ ياۋروپالىقلار ئېسىل ئېرققا تەۋە، باشقا ئېرقلار بولسا تۆۋەن ئېرقلاردۇر دەپ قارىشاتتى.بۇ ھىچقانداق ئىلمىي ئاساسى بولمىغان ۋە ساپ ئېتىقاد قوبۇل قىلالمايدىغان باتىل ۋە بىمەنە سۆزدۇر.
==============================
ئۆزىنى ئۆمۈدسىزلىكتىن تارتىپ چىقۇرالىغۇدەك ئەقلى قۇۋۋەتنى ھازىرلىمىغان ئېنسانلارغا سەككىز ماددىلىق مەغلۇب ھېكايىسى يەتمىگەندەك، «بىزنىڭ قالاق ھالەتتە قېلىشىمىز ئىسلامغا ئىشەنگەنلىكىمىزدىن بولغانىكەن»،«ئەرەبلەرنىڭ ئەقىل (قۇرۇلمىسىدا) مەيلى پەلسەپىۋىي بىلىملەر بولسۇن، ياكى ئىلىم-پەن بىلىملىرى جەھەتتە بولسۇن ئەسىلىدىنلا غەربلىكلەرنىڭ زىھنىي كۈچىدىن ھالقىغۇدەك ئىقتىدار يوق، ئۇلار يەتكەن يۈكسەكلىككە يەتكۈدەك قابىلىيەت تېخىمۇ يوق»، «ئەرەبلەردە پەلسەپە يوق، مەدەنىيەت يوق، ئۇلار پەقەت قەدىمكى يۇناننىڭ پەلسەپە ۋە ئىلىم-پەن بىلىملىرىنى تەرجىمە قىلىپ (پايدىلانغان)، ئۇلار ئىلغار پەلسەپە ۋە مەدەنىيەت يارىتىشقا ماس كەلمەيدۇ» ، «ئىرقى پەرق» دېگەندەك « سەپسەتە» لەرنى قانداق قىلىپ سالامەت ھەزىم قىلدۇرماقچىدۇ بۇ دوكتۇرمىش..؟!
بۇ قەردەۋى ئەپەندىمنىڭ ئاچ-زار، ئاغزى بۇرنى قان، مەيۈس -مىسكىن دۇنياغا ئاتىغان مۇشۇنداق مەغلۇب ھېكايىلىرىدىن باشقا، ئازراق بولسىمۇ ئۈمۈد بەخىش ئەتكۈدەك، زەرىچە ياخشىلىقتىن ئۈمۈد ھاسىل قىلالايدىغان ، مۇسۇلمانلارنىڭ ھاياتى كۈچىگە دەلىل بولغۇدەك ، ئۇچقۇندەك بولسىمۇ ئۆمۈدنى ئۇلغايتالايدىغان يازمىلىرى يوقمىكەن تەرجىمە قىلغۇدەك...توۋا قىلدىم، تارىختىن بۇيان قولىمىزنى سۇنساقلا «ئەخلەت» چىقىدۇ دېسە..!! |
|