(bilgejan)ئۆپكە راكىنىڭ داۋاسى تىپىلدى!

bilgejan

ئۆپكە راكىنىڭ داۋاسى تىپىلدى!!!

       ئۆپكە راكى ئەڭ كۆپ ئۇچرايدىغان ۋە ئۆلۈش نېسبىتى ئەڭ يۇقىرى بولغان راك كېسەللىرىنىڭ بىرى بولۇپ، بىلىشىمچە شىنجاڭدا بۇ خىل راك بىلەن ئۆلۈپ كېتىدىغانلارنىڭ سانى خىلى يۇقىرى نېسبەتنى ئىگىلەيدۇ. بۇ كېسەلنى داۋالاش توغرىسىدىكى كىشىنى خۇشال قىلىدىغان بىر خەۋەرنى كۆپچىلىككە سۇناي دىدىم.
       11-ئاينىڭ 15-كۈنى ئامېرىكا دۆلەتلىك راك تەتقىقات ئېنىستىتۇتى  ئاخبارات ئېلان قىلىپ ئۆپكە راكىنىڭ ئەڭ قورقۇنچلۇق بىر تىپىنى ساقايتالايدىغان  بىر دورىنىڭ بايقالغانلىقىنى ئاشكارىلىدى. بۇ دورا ئەسلىدە ئامېرىكا دورا ۋە يېمەكلىك بىخەتەرلىك ئىدارىسى (FDA) تەرىپىدىن مەيۈسلىنىش كېسىلىگە قارشى دورا سۈپتىدە تەستىقلىنىپ بازارغا سېلىنغان بولۇپ ئامېرىكا سىتانفورد ئۇنىۋىرىستىتى مىدىتسىنا ئېنىستىتۇتىنىڭ تەتقىقاتچىلىرى بۇ دورىنىڭ ئۆپكە راكىنى داۋالاش رولى بارلىقىنى بايقىغان ۋە جىددىي سىناق قىلىپ 1-باسقۇچلۇق سىناقتا بۇ دورىنىڭ ئۈنۈمىنىڭ ناھايتى يۇقىرى ئىكەنلىكى ئىسپاتلانغان. بۇ دورا ئاللىقاچان FDA تەرىپىدىن تەستىقلانغان بولغاچقا ئىككىنچى باسقۇچتىكى ئىنسانلاردا سىناق قىلىنىشمۇ ئاللىقاچان باشلانغان. بۇ دورا كەلگۈسى 2 يىل ئىچىدە ئۆپكە راكى بىمارلىرىغا ئىشلىتىلىش ئېھتىماللىقى يۇقىرى ئىكەن.

  بۇ تەتقىقات ماقالىسىنى ئېلان قىلغان ئاساسلىق ئالىملاردىن Atul Butte ۋە ئۇنىڭ تەجىرىبخانىسىدىكى دوكتۇر ئاشتى تەتقىقاتچىسى Julien Sage نىڭ سۈرەتلىرى:

بۇ تىما ئاستىغا راك كېسىلى، جۈملىدىن ئۆپكە راكى توغۇرلۇق سۇئاللار بولسا قويساڭلار، مۇنازىرىلەشسەك بولىدۇ.
خەۋەرنىڭ تولۇق مەزمۇنىنى تۆۋەندىكى ئۇلىنىشتىن كۆرەلەيسىز:
http://med.stanford.edu/ism/2013/september/antidepressant.html

borabalisi

ئو ما ئىشنى !  بەلەن ئىش بوپتىغۇ ؟

kitabhumar

دىيارىمىزغا تىزراق كەلسە بولاتتى...ئۆپكە تىبىركىلۇز،ئۆپكە راكى،بۆرەككە تاش چۈشۈش،يۈرەك قان تومور سىستىمىسى كىسەللىكلىرى،سۆڭەك ئۆسۈش كىسەللىكلىرى ،دىيابىت كىسىلى قاتارلىقلار دىيارىمىزدا ئەڭ كۆپ كۆرىلىۋاتقان كىسەللىكلەر

huxruy

بۇ ئىنسانىيەت ئۈچۈن تولىمۇ خۇشاللىنارلىق ئىش بوپتۇ ، پەن - تېخنىكىدا تېخىمۇ كۆپ يېڭىلىقلارنىڭ بارلىققا كېلىشىگە تىلەكداشمەن ! چۈنكى بۇ ئىنسانىيەتنىڭ بەختى .

amanyol

   بۇ بەك ياخشى گەپكەن ،لېكىن بىزنىڭ بۇ يەرگە ئۇ دورا كەپ بولغىچە ساختىسى چىقىپ قالارمىكىن دەيمىنا.

taxna213

ئەسسالامۇ ئەلەيكۇم،  بىر بىمار 2يىل بۇرۇن كۆكرەك ئۇمۇرتقا قىسمى ئاغرىپ  دەسلىپىدى  سۆڭەك ئۆسۈكچىسى دەپ دىئاگىنوز قويۇلۇپ بىر مەزگىل داۋالانغاندىن كىيىن ئاغرىق تىخمۇ كۈچىيپ كىتىپ، كىين كۆكرەك قىسمىنى يادرو ماگىنىتلىق ئەسۋاپتا تەكشۈرپ ئۇمۇرتسىدىكى  كىلش مەنبەسى ئىنىق بولمىغان ئۆسمە دەپ بىكىتلگەن، سول پۇت پاقالچەك سۆڭكنىڭ ئۈستىنكى قىسمىدا گلاسچىلىك چوڭلىقتا قاتتىق توقۇلما بولۇپ، ئۇمۇرتقا ۋە پۇت قىسمىدىكى قاتتىق توقۇلمىدىن ئەۋرىشكە ئىلىپ تەكشۈرۈش ۋە كۆكىرەك قىسمىنى تەپسىلى تەكشۈرۈپ ئۆپكە قىسىمىدا كىسەللىك ئورنىنىڭ كۆپلىكىنى  ئاساسەن ئۆپكە راكى中分化肺鳞状细胞癌 دەپ دىئاگىنوز قويلغان، شۇنىڭ بىلەن 4 باسقۇچ خمىيەلىك داۋالاش ئىلىپ بىرىپ ۋە ھەرقىتىملىق داۋالاشتىن بۇرۇنقى تەكشۈرۈش نەتىجىسىگە ئاساسەن خمىيلىك داۋالاشنىڭ ئۈنىمى بولمىغانلىقىى(داۋالاش جەرياندا، باشقا سۆڭەك، بويۇن ۋە چات ئارلىق لىمفا بەز ، قىزىل ئۆڭگەچ ئەتىراپدىكى لىمفا بەزلەرگە تارقالغان) ۋە قىزىل ئوڭگەچ داۋارىدا ئازىراق قىلىنلاش ئالامەت بارلىقى ۋە قىزىق تاماق يىيش ئادىتى بارلىقىغا ئاساسەن قىزىل ئۆڭگەچ راكى دەپ دىئاگىنوز قويۇپ 5 باسقۇچ خميىلىك داۋالاش قىلغاندىن كىيىن داۋالاشنىڭ  ئۈنىمى بولغان، كىسەلنىڭ تارقىلىشى ئاساسەن كونتىرول قىلىنغان.
سۇئالىم- قىزىل ئۆڭگەچ راكىدا قىزىل ئۆڭگەچ دىۋارىدا ئۆزگۈرش بولماي تۇرۇپ ئۆپكە، سۆڭەك، لىمفا بەزلەرگە تارقىلىپ كىتىدىغان ئەھۋال بولامدۇ؟

uyghur-xy

رەخمەت ،ئاشقازان راكىنىڭ دورىسى بارمىدۇ بۇرادەر؟

uyghurkizi

پاھ ياخشى خەۋەركەنغۇ!
كەلگۈسى ئىككى يىل ئىچىدە بىمارلارغا ئىشلىتىلىدۇ دىگىنى، پەقەت شۇ يەردىلام دىگىنىمۇ ياكى ھەممە دۆلەتلەردە دىگىنىمۇ، بۇ يەرگىمۇ بۇ دورىلار قاچانلاردا كىلەر.
بۇ خەۋەرنى ئا بەسەيلەر كۆرۈۋالمىسا، جىڭ دورا كەپ بولۇشتىن بۇرۇن جاسىنى ئىشلەپ بازاغا سەپ بولىدۇ بۇلار.
لېكىن كۆرۈپمۇ بولدى، ۋاقىتنى چىڭ تۇتۇپ ئىشلەپچىقىرىشقا ئاتلاندى ھەقىچان

urkesh

رەھمەتلىك داداممۇ شۇ ئۆپكە راكى بىلەن كەتكەن. بۇ ئالىملار شۇ رېتسىپنى ئىككى يىل بۇرۇنغا ئۈلگۈرتكەن بولسا  بۇ ئېلىم-پەن، تەتقىقاتچى دېگەنلەردىن تولىمۇ مېننەتدار بولاتتىم. ئەلبەتتە خۇش خەۋەر يەتكۈزگەن بېلگەجانغىمۇ تەشەككۈر ئېيتاتتىم.
بۈگۈن ئاڭلىغىنىمدىن راستىنلار بېئاراملىق ھېس قىلدىم..

edir

ياخشى خەۋەركەن !!!! بەك خۇش بولدۇم .