قەشقەر شەھەرلىك ئاپتوبۇس شىركىتىگە تەكلىپ

1miskal

       يېقىندىن بۇيان، ھاۋانىڭ سۇۋۇشى بىلەن توكسىكىلىت ھەيدەيدىغانلارنىڭ  سانى ئازىيىپ، كوچا ئابتۇبۇسىغا چىقىدىغانلار كۆپەيدى . بۇنىڭ بىلەن بەزى يول لىنيەلىرىدىكى ئاپتۇبۇسلارغا ئادەم پاتماسلىق ھەمدە بالدۇر ئابتۇبۇس توختاپ كېتىش سەۋەپلىك خەلق ئاممىسىغا بەلگىلىك قۇلايسىزلىقلارنى كەلتۈرمەكتە . قەشقەردىكى ئىپادىلىرى مۇنداق:
  1. قەشقەر شەھرىدە 7-يول ۋە 20-يول  ئاپتوبۇسلىرى قاتنايدىغان يول بۆلەكلىرىدىكى ئابتۇبۇسلاردا مۇشۇنداق ئەھۋاللار بەك كۆپ . 2-ئولتۇراق رايۇنى قەشقەر شەھرىدىكى ئەڭ چوڭ بولغان، شۇنداقلا  ئائىلىكلەر ئەڭ كۆپ جايلاشقان ئولتۇراق رايون بولۇپ، بۇ ئولتۇراق رايونغا پەقەت 7 - يول ۋە 20-يول ئاپتوبوسىلا قاتنايدۇ . بولۇپمۇ، چۈشتە ئوقۇغۇچىلار ئۆيىگە قايتىش ئۈچۈن 20-يول ئاپتۇسى ساقلاپ ئاپتۇبۇس كەلسىمۇ، ئاپتۇبۇستىكى ئادەمنىڭ كۆپلىگىدىن ئوقۇغۇچىلار چىقالمايدىغان، كېيىنكى ئاپتوبوسنى ساقلاپ، چۈشتە ئۆيگە ۋاقچە چىقىدىغان ئەھۋاللار مەۋجۇت .
    2. 7-يول ئاپتۇبۇسىنىڭ بېكەتكە كىرىش ۋاقىت پەرقى ئۇزۇن . بېكەتتە ساقلاپ تۇرىدىغان يولۇچىلار بەك كۆپ .  ئالدىنقى كۈنى كەچ سائەت ئالتىدىن ئاشقاندا ھېيىتگاھ بېكەتتە 7-يول ئابتوبوسىنى ساقلاپ تۇردۇم . بۇ يەردە شۇ ۋاقىتتا 7-يول ئاپتوبوسىنى ساقلاۋاتقانلار خېى كۆپ ئىدى . 8-يول، 28- يول، 2-يول، 13-يول ئاپتۇبۇسلىرى نەچچە قېتىم كېلىپ ئۆتۈپ كەتتى . ئەپسۇس، 7-يول ئاپتوبوسىدىن ئەسەر يۇق . ئالتە يېرىم بولغاندا 7-يول ئاپتوبوسى كەلدى . بېكەتكە يىغىلىپ كەتكەن ئادەملەر توپى ئاپتېبېسقا قاراپ ماڭدى . لېكىن شوپۇر   ئەمدى ئىشتىن چۈشىدىغانلىقىنى ئېيتىپ، يولۇچىلارنى ماشىنىغا چىقارمىدى. يۇلۇچىلار خاپا بولۇپ: «باشقا ئاپتوبوسلار ئىشتىن چۈشمەي ماڭىدىكەن . بۇ قانداق ئاپتۇبۇس ئ شۇنچە ئادەم ساقلاپ تۇرسا . بىر يول مېڭىۋەتسە....»  دەپ تەلەپ قىلىشقان بولسىمۇ، ئەمما  شوپۇر ئارتۇق ماڭسىمۇ ئۆزىگە  ھېچقانداق پايدىسى يۇق ئىكەنلىكىنى  دەپلا  كېتىپ قالدى . كىشلەرمۇ خاپا بولۇشقىنىچە غۇدۇراپ قېلىشتى-خالاس!
3. 7-يول ۋە 20-يول ئاپتوبوس لىنيەسى ئوتتۇرا ئاسىيا سودا بازىرى ۋە ئىككىنچى ئولتۇراق رايوننى ئاساس قىلغان يول بۆلىكى بولۇپ،  قەشقەردىكى ئەڭ ئاۋات ، نوپۇس زىچ رايون ھېسابلىندۇ . ھەر كۈنى نۇرغۇن ئادەم ئېقىمى بۇ يەردىن ئۆتىدۇ . شۇڭا تۆۋەندىكى تەكلىپنى سۇنىمىز:

  تەكلپ

1. بۇ يولدا قاتنايدىغان ئاپتوبوسلارنىڭ كەچلىك ۋاقتى مۇۋاپىق ئۇزارتىلسا .
2. بۇ ئىككى لىنيە ئاپتوبوسلىرىنىڭ سانى مۇۋاپىق كۆپەيتىلسە،  بېكەتكە كىرىش ۋاقتى قىسقارتىلسا .
3. ئىككىنچى ئولتۇراق رايونغا قاتنايدىغان يول ئاپتوبۇسلىرى  ھازىر ئاران ئىككىلا . يېڭى يول لىنيەلىرى قوشۇلغان بولسا .
  قەشقەر شەھەرلىك ئاپتوبۇس شىركىتىنىڭ  قەشقەر شەھىرىدىكى ئاۋامنىڭ بۇ ساداسىغا تېزرەك جاۋاب قايتۇرشىنى ئۈمىد قىلىمىز .
    جاۋابىڭلارنى ساقلاپ ئىككىنچى ئولتۇراق رايون ئاھالىلىرىدىن

kitabhumar

قەشقەرنىڭ ئاممىۋى قاتنىشى ئادەمنىڭ ئچىنى سىقىدۇ ،شۇڭا ھەممەيلەن دىگۈدەك سۈۋەرەك ھەيدەيدىغان گەپ ،ئەمەلىيەتتە ئاممىۋى قاتناش قولايلاشسا بۇ سۈۋەرەكلەرمۇ ئازىياتتى.
بەزى يوللاردا ئابتۇبۇسنى شۈنچە ئۇزۇن ۋاقىت ساقلىسىمۇ ئاران تەستە كىلىدۇ.
يەنە كىلىپ سائەت يەتتە بىلەن توختايدۇ بۇ قاتنىشى .
ئۈرۈمچىدىكىدەك بولغان بولسا بەك قالتىس بولاتتى دە

..تەنھا..

بۇ ناھايىت ئورۇنلۇ ق پىكىر بوپتۇ. دىمىسىمۇ  بۇ ئاپتوبوس شىركەتلىرى  پەقەتلام كارى بولمايۋاتىدۇ. كەچلەردە بەك بالدۇرلام ئىشتىن چۈشىۋالىدۇ. پۇخىرالارغا بەك قولايسىزلىق ئىپ كىلۋاتىدۇ.

..تەنھا..

بۇ قانداقمۇ چوڭ شەھەر بولسۇن.  مۇناسىۋەتلىك ئورۇنلارنىڭ بۇ ئىشىنى ۋاختىدا بىرتەرەپ قىلىشىنى سورايمىز.
بۇنداق بولغان قاتناش قىستاڭچىلىقدىن كىلىپ چىقىدىغان جەمئىيەت قالايمىقان بولىشىدىن ساقلانغىلى بولاتتى.

arkzat

  دەرۋەقە، خەلقئارالاشقان بۇ شەھىرىمىزدە قاتناش ۋاستىلىرىنىڭ پەۋقۇلئاددە كۆپلىكىگە باقماي ( ئاساسلىقى «سۈۋەرەك» )، ئاممىۋىي قاتناش قەھەتچىلىكى ئۇياقتا تۇرسۇن، تاكسى توسۇپ، 2-3 كىلومېتىرلىق مۇساپىغا بېرىش ئۈچۈنمۇ شۇ ئورۇنغا پىيادە بېرىپ بولالىغۇدەرەك ۋاقىتنىڭ مېھرىدىن چىداپ تۇرۇپ كەچمىسە بارغىلى بولمايدىغان ئەھۋاللارمۇ يوق ئەمەس. شۇڭا مۇناسىۋەتلىك ئورۇنلار يۇقىرىقى تەكلىپنى ئويلىشىپ كۆرۈپ،  ۋاقتىدا ھەل قىلىنىدىغان تۈرلەر قاتارىغا كىرگۈزمىسە بولمايدىغان يەرگە يەتتى.

pawil

2~3 كىشى تاكسى تۇسسا قەتئى تۇختىمايدىكەن.ئايالىم بىلەن ئىككىمىز ھېيتىكاھ ئالدىدىن ماشىنا بىكەتكە تاكسى تۇسساق قەتئى تۇختىمىدى.كېيىن مەن 50 مىتىر يىراقتا تۇرۇپ تۇسسام تۇختىدى.سەۋەبى مىنى شۇ مەنزىلگە ئاپپىرىش ئۈچۈن كەم دېگەندە باشقا يۇلۇچىلار سىلۋالدىكەن.مۇشۇلارنى باشقۇردىغان ئۇرگان يۇقمىدۇ.بولۇپمۇ قەشقەرنىڭ تاكسىلىرىنى ھەيدەيدىغان شۇپۇرلار ئۆتۇپ كەتكەن كاززاپلار.

polat315

بولسا لىنىيەنى كۆپەيتسە بولاتتى،ھېچ بولمىسا مۇشۇ تېمىدىكى 2-ئولتۇراق رايوندىن يېڭىشەھەرگە چىقىدىغان ئاپتۇبوس لىنىيسىدىن بىرنى ئاچسا بولاتتى.

yaxna

مەن بارشان ۋاقتىمدىممۇ ھەيران قالغانتىم،يولدا ماشىنىدىن توكلۇق ۋېلىسپىت كۆپكەن،چۇشلۇك ئارام،كەچلىك ئىشتىن چۇشىدىغان ۋاقىتلاردا بەكلا قالايمىقان بوپ كىتىدىكەن.ھېلىقى توكلۇق ۋېلىسپىت مىنىدىغان بالىلارنىڭ قاراملىقىنى دىمەيلا قوياي.....